泰COOL (鴻圖道) (已結業)

觀塘工業區蘊藏唔少好嘢食，響觀塘返工放工後大把選擇，上星期食咗一間泰國菜叫“泰cool”， 位於鴻圖道新榮大廈1樓，其實佢嘅位置唔算顯眼，如果唔係我響嗰邊返工都有點難發現。餐廳裝修簡潔，座位寬鬆，仲有幾部大電視， 坐得舒服，食得開心，佢哋泰國菜嘅質素有番咁上下。首先點泰式豬手飯，豬手炆得非常淋，淋唔得嚟有咬口，豬手肥瘦適中，炆到非常入味， 配埋醋汁，減少肥膩感。另外點咗一個香葉肉碎炒金邊粉，金邊粉帶點輕微辣，十分惹味，加埋肉碎豆角等等，令到金邊粉有咬口。最後食埋肉碎生菜包，肉碎份量非常多，新鮮嘅生菜包住滿滿嘅肉碎，口感非常好。整體嚟講泰cool價錢適中,味道好味,觀塘返工嘅一個好選擇。

尼到泰cool, menu上除左啲最common嘅串燒個啲之外，都有唔少選擇本身諗住叫芒果蟹肉炒飯架～但係腦細話因爲啲芒果唔當造，所以就無叫到，但正因為咁，我地食左個超級超超超級好味嘅焗飯！每一啖飯都係非常香，而且佢入邊啲椰子肉都已經焗到非常軟滑，所以就算咩餸冇左，都係非常好味，完全係喜出望外！另外，叫咗一個泰王咖喱軟殻蟹，份量非常足夠，而且咖喱入邊有紅椒、青椒、洋蔥都係非常之入味嘅，有啲遺憾：因為我哋得兩個人食飯，所以呢就冇帶到蒜蓉包，有點浪費左佢嘅咖喱汁，如果點包或者其實就咁係食白飯，都應該可以食幾碗！估唔到佢有咁多軟殼蟹，亦都炸得非常香脆！仲叫咗一杯碟豆花特飲，唔係好多餐廳有，篤咗一啲檸檬酸酸甜甜好好味！

泰cool嘅位置唔係最近地鐵站個堆工廈，要行遠少少，但可以因爲我搭巴士去，落車都係行兩分鐘，唔算遠上到去，地方好大，每張枱都好闊落，坐得好舒服椰子加芒果，其實真心好heavy但係又好正，唔算好甜單骨雞翼，岩哂我尼啲懶人，唔使啄骨，炸得好靚，熱住咁上，至於個汁，少少酸，偏向辣多啲，唔食得辣嘅人記住唔好點呀～叫左一個椰皇焗飯，第一，佢嘅海鮮好足夠，唔係得最上面個一層，下面都有好多蝦或者魷魚🦑，然後第二個椰青亦去到好深，$138真係超級抵食，食極都仲有，而且一食，真係超級香，所以幾飽都想繼續食落去呀！雖然餐廳外在唔係好靚，或者超級打卡位，但係入面嘅野食，都係好有水準，價錢亦都係好適，住附近嘅朋友可以尼下呀

我成日經過呢個位我以為佢係茶餐廳跟住嗰日我收工同事話一齊食呢間我仲埋收咗工食茶餐廳啊上到去先知原來係食泰國菜上面裝修都幾靚而且好多位又有卡位食泰國菜一定要叫嘅生蝦刺身都算幾大隻叫左個香葉肉碎炒金邊粉有鑊氣～份量都算多另外仲叫咗個馬拉盞炒椰菜苗超級之香噴噴中試左泰王咖喱雙拼雙拼係指軟殼蟹同埋海蝦由於個咖喱太香太好味要加單即刻叫返個蒜蓉包食埋佢啲汁嘢飲方面呢就叫咗青檸梳打呢度晚市唔算多人坐得幾舒服仲有電視睇

今日星期日食下午茶餐，見這間泰式餐廳下午茶好抵食！環境舒適寬敞，以簡約設計的風格又整齊乾淨的環境，這邊有2部大電視播放節目；服務有禮友善，勤快的服務！樓下餐牌有好抵食下午茶，更有不同款式，選擇多又幾抵食！下午茶餐：泰式豬手飯豬手膠質很重又香口，豬手皮香又軟軟口感，入味豬手豬皮；豬手肉好香軟好滑又易咬；青瓜大片又清爽清熱多汁；白飯份量好多，配上豬手醬汁及另配上的酸辣醬汁！春卷加$6有春卷小食，外脆內餡是肉類，唔乾身的！雞絲扎肉湯河湯河幾大碗，湯底不會太咸，河粉軟滑幼身，雞絲多塊但硬了點、扎肉香口彈牙美味，更配有入味甜美蘿蔔、芽菜、炸蒜片等凍檸茶冰凍大杯的檸茶，有3片新鮮檸檬！

又比我搵到間泰菜啦🙈就係位於觀塘嘅「泰COOL」.餐廳嘅裝修行OLD SCHOOL風格木質長枱配上黑色梳發椅，感覺不錯👍地方寬敞，吾會有一絲壓迫感🙆‍♀️.岩好係TEA TIME我地緊係嗌TEA SET啦🤣共有十一款，價錢都只係$48-$58之間每SET都包左一杯飲品仲可以以優惠價追加小食添👍.份量都幾足，有成8塊雞翼炸得恰到好處，吾會過濃✨食落好香脆呢～而鳳爪已經拆骨，容易入口味道酸酸甜甜，好開胃💕.海南雞肉質嫩滑，吾會鞋配上香茅油飯，啖啖油香，吾錯👍有兩款醬汁，分別係泰式辣醬同蒜蓉泰式辣醬酸酸辣辣，好醒胃🙆‍♀️.用左法包做底，外圍香脆而中間鬆軟牛油香同蒜蓉香仲好濃郁添！大讚👍.女仔最岩飲蝶豆花，大量花青素，好養顏😍其實係蝶豆花百香果汁🙈甜度岩岩好，吾會好甜呢😘.跟餐嗌平$16架🙈.仲追加左兩款小食添🙆‍♀️春卷$6而生菜包$10生菜包食落幾爽脆，但有肥肉比較多呢～

最近係觀塘實習，所以樂於探索觀塘美食。今次登現左呢間新開嘅泰式餐廳，食物選擇多，環境都唔錯，一於就試下啦！原隻大蝦菠蘿海鮮炒飯 $128Pineapple Fried Rice with Whole Prawn好耐冇食用開邊菠蘿裝嘅菠蘿炒飯喇，用料豐富，除左面頭嗰隻大蝦，仲有其他海鮮同肉鬆，菠蘿嘅酸酸甜甜令到炒飯更開胃大蝦炒金邊粉 $88Pad Thai with Prawn好好食嘅pad thai!! 用料好豐富，而調味又恰到好處。炭燒豬頸肉 $78Grilled Pork Jowl豬頸肉切成薄片，燒得好香，肉質幾惗，又唔會太肥太咸。總括而言都幾有驚喜，每款食物份量都大大碟，味道幾有泰式原風味，坐得幾舒服，下次再試埋lunch set先

最近日日天氣好熱,個人又好熱,總係好想食啲野下火!!所以就去左觀塘搵番間食泰國菜的@@呢間餐廳位置臨近海旁,地方都好大,非常搶眼,餐廳內部位置十足,而且座位之間空間十足,坐下來傾計食野,絕對是不二之選今天剛到的時候,人流不算十分多,所以我們都可以佔左卡位去坐,不過7,8PM之後,人流愈來愈多,所以想坐得舒服,可能都要預早少少去到枱面乾淨,而且食具都相當新潮有風格, 有一種去了泰國渡假的感覺既然係食泰菜,就當然要點番個泰式炒通菜啦,食炒通菜當然最重要的就是夠鑊氣;夠香;夠辣呢一盤通菜就絕對合格,而且辣椒仲略為多,小心太辣,不過愈辣愈香,結果愈食愈多跟著我地仲點多左一個碎肉生菜包,味道亦都偏辣,碎肉份量絕對夠多我地食完都飽左7,8成,非常抵食最後,就當然要點一條明爐煮烏頭啦,呢個菜應該都是餐廳的招牌,好多枱既食客都有點個魚湯酸酸甜甜,飲落鮮味好足,而且魚肉鮮甜&嫩滑, 肉質一流食到成條魚連骨都想吞埋入肚,非常好!!當然亦都要點番杯特色飲品: 香芒椰子奶&龍眼冰味道尚可,不算太差,亦不見甚麼搶眼之處

今晚同朋友到這間新開的泰菜館飯聚，地方很大，綠色的牆身加門口的一棵樹，很有田園的感覺。餐牌選擇多，價錢合理。兩位女士胃口不大，只簡單點了個炒飯，炒菜及小食。冬蔭鮮蝦炒飯，賣相精美，用上冬蔭功醬炒飯，味道酸辣，食得出香茅，南薑的味道，飯粒中找到鮮蝦，鮮菇及車里茄，飯面有一隻炸過的爽彈鮮蝦。泰式炒椰菜苗，平時比較少食，椰菜苗炒得脆綠，加入蝦米同炒，味道咸香。炸春卷，$48 大大份，不是用春卷皮，而是用網紙，炸起來比春卷皮更香脆，沾上甜酸醬咁惹味。

下畫3點幾先食飯, 見到間泰國野所以試下.叫左個下午茶餐, 海南雞飯, $58, 無湯, 飲品要加$6,我加左杯芒果沙冰, 加$16, 即係一個下午茶要$74, 係廠區,  一個下午茶黎講, 個價錢完全唔合理.雞飯做得幾好, 個油飯做得好香, 有味, 夠乾身, D飯分明, 唔會痴埋一舊. 雞夠厚肉, 但肉有點老.兩個汁做得好, 中上水準, 不過無黑醬油.芒果沙冰好可以用失敗黎形容, 好似食緊芒果糖咁, 陣味好假, 無新鮮芒果味.

星期六晚係觀塘整野咁就順便係觀塘食晚飯！點知就出事😤7點半入座叫野食，叫左：1. 海鮮粉絲沙律 2.青咖哩牛腩+蒜蓉包 3. 馬拉盞炒芥蘭 4. 香葉花甲湯 5. 泰式春卷！ 結果，坐左一個鐘黎左碟春卷（凍既），再隔15分鐘黎左碟炒通菜（凍既）...同佢講黎錯，又再等...跟住上岩芥蘭，但變左鹹魚炒....之後黎左蒜蓉包，但青咖哩未到...一直等呀等，等呀等...如是者...又一個鐘，問親都無人答，最後有個阿叔話：唔要咪埋單囉，唔好要😤個下火都黎！叫佢埋單囉，又等！結果放低錢係枱面走人！未見過D咁既食店！咁既態度真係唔值幫趁！

同朋友見依間新野，特登去食。不嬲最愛係食秦國野，但依間就不過不失。生菜包、紅咖喱做得唔錯，值得再叫。但好奇怪係馬拉盞炒通菜好甜，好奇怪。燒雞翼最失望，唔夠熱又干。我杯三色冰太甜，朋友話佢杯龍眼冰唔錯。

今日放工同女友就打算隨便搵間餐廳食。見到依間新開就黎試下。順帶一提openrice個地址話觀塘a1出口行1分鐘 係錯的 佢係觀塘郵局附近Btw原來我係第一個寫食評的人。新開唔算好多人。一半滿。依家食夠400蚊仲有100蚊現金優惠。幾抵食