泰COOL (翩匯坊) (已結業)

之前係泰cool 食左好多次lunch, 一直都覺得唔錯。今晚有空再試埋佢個晚飯菜單⋯今晚叫左小食（𧐢仔餅），主菜（泰式雞煲）及菜（馬拉盞炒椰菜）。店內座位空間闊落，另有大電視（今晚播MV, 應該有足球賽事會播波🤔）馬拉盞炒椰菜比較重口味，但辣味輕微，食落細味先有陣辣味。𧐢仔餅則有別於我地打冷食既𧐢餅，佢用鐵板上菜，蛋餅都幾厚，𧐢仔都幾大粒，但因為鐵板關係，部分蛋於上菜時已偏燶。另外配有辣醬，整體唔錯。👍🏻泰式雞煲⋯⋯離遠已聞到一陣味道。上到枱雞煲散發出一陣強烈，如辣椒粉嗆鼻般，不但令我、甚至鄰座既食客都咳嗽。雞煲內醬汁熱到翻滾，過左一陣回歸平靜， 才開始享用雞煲。雞如其名般有泰式香草味，亦是與平日食麻辣/ 香辣雞煲有所不同之處。