泰麵膳 (已結業)

Angus Beef Boat Noodles 安格斯牛肉船麵 (HK$68 lunch set incl a snack and a drink)Ranking: 4/5 ⭐️泰式船麵係泰國幾出名嘅食物，但有啲出奇喺香港其實都幾難搵到。呢間店好authentic 而且亦都好整潔👍個安格斯牛夠腍，同啲牛肉味喺個咁濃嘅湯底下都好出。不過要注意呢度個船麵嘅份量同喺泰國一樣都係好細份。Thai boat noodles are surprisingly something rare in Hong Kong and this place is authentic and clean 👍the angus beef was of good quality, the beef was tender and flavours stand out easily even in such strong flavoured broth. Yet, please note the portion is quite small, just like the boat noodles in Thailand.

仲記得第一次食呢個果陣當時點咗個安格斯肥牛船麵外加一隻燒雞對果一啖鮮甜味美嘅湯頭外脆內嫩的燒雞我是感到滿滿嘅驚異有好一段時期甚至每星期都會光顧一至兩次外加四周圍向別人推薦它然後尋日突然想起這個於是又再專程過去“一親芳澤”結果當我呷上第一啖湯之後卻不禁眉頭一皺........尋晚我地點嘅係滷鴨脾麵，豬肉船麵，炸雲吞以及蟹肉炒蛋先唔講作為主角嘅船麵炸雲吞不過不失反正都係買現成嘅返來炸完上碟餡料沒有很足同响粥鋪食到果啲差唔多而且醬汁嘅調味也做得非常一般比粥鋪果啲更差以泰菜而言這些醬汁是靈魂吧然後蟹肉炒蛋變蟹肉“煎”蛋整個東西過火了失卻了蛋香又一點感覺不到蟹肉嘅存在附上嘅醬汁也是一團糟最後回到船麵那個湯頭嘅顏色倒是調得不錯但願我對呢碗麵嘅體驗可以停留响呢一刻不過當我呷上第一口之後我眉頭不禁一皺曾經鮮美嘅湯頭變得平淡還是那些香料不過感覺卻缺少了些甚麼的樣子麵身感覺也很廉價鴨脾嘛........................簡是老的掉渣我諗我大概唔會再去呢家店如果各位真想嘗試我奉勸各位一句留意下飲品價格才確定是不是在這家店要飲料我之前試過無睇價錢牌點咗嘢飲到埋單果陣先嚇一嚇那個飲品的價格同主食竟

今日喺旺角搵餐廳食lunch，食來食去果幾間都悶悶地，所以決定試新野！見呢間泰麵膳都開咗一排，又好耐冇食過泰國嘢，所以決定一試。今日叫咗泰式酸辣湯粉,配料有魚蛋、豬肉丸、豬膶同埋豬肉片。樣樣都有三四粒，好足料。酸辣湯底好惹味。酸辣湯粉叫咗金邊粉，金邊粉略嫌煮得淋啲。午餐中包括一款小食同飲品。小食叫咗灰燒豬頸肉，豬頸肉外脆內軟👍🏻👍🏻👍🏻。飲品叫咗泰式凍奶茶，凍飲仲唔洗加錢。泰式凍奶茶味道同喺泰國飲嘅一樣！肯肯定唔係三合一!仲有一個抵讚位，餐廳鼓勵大家用少d飲管

今日lunch 無idea食乜好，同同事行左一陣，路過泰麵善，睇睇個餐牌，被船麵吸引住。入到店內，第一時間就聞到好濃味既泰式湯味！午餐套餐（包小食和飲品）都好多選擇喎！諗左一陣食船麵定泰式酸辣湯粉好，但香港比較少地方有船麵食。最後，揀左牛肉丸船麵，配泰式酸辣無骨鳳爪，凍泰式奶茶。泰式奶茶 - 好正宗既味道，茶味勁濃，唔太重奶味，糖水自己調配到啱自己口味！我十分喜歡呢杯奶茶牛肉丸船麵 - 呢個湯底同泰國食個d係勁似，叫左粉絲吸哂d湯底，肉丸都好彈牙，加埋佢地既泰式辣汁，好好味吖！泰式酸辣無骨鳳爪 - 鳯爪爽口，而我更喜歡食洋蔥，爽口又辣辣地！今日個lunch 好滿足，下次一定會同同事再黎食lunch!

黃金時段旺角爆人，去左間有位的，食個泰麵。叫左皇牌，$68 的一個安格斯牛肉船麵。有兩三片牛，同埋肉丸，不過味道冇乜特別。湯底看似極濃，其實唔算，只係D顔色比較嚇人。通菜同豆芽，加埋個粉絲，勁索湯都幾滋味，有泰國floating market 的味道 👍叫左泰式鳳瓜 $36 share ，唔夠入味。飛天芥蘭$68唔夠香，但尚算大碟，可以接受。泰式奶茶$25， 偏淡。糖水自己加，但沒有令味道提昇。明明响泰國飲果D好好味架整體味道冇乜特別，不過唔算貴，可以一試。

唔知有冇人同我一樣都好鍾意食泰國嘅船麵，尤其係湯底絕對係整個麵既靈魂！今日嚟到旺角唔知食咩好，見到呢度有主打船麵既餐廳，第一時間黎幫襯！呢度嘅船麵款式配搭都幾豐富，因為我鍾意食牛肉，就揀咗安格斯牛肉船麵作為今日嘅午餐。呢度嘅午市套餐係包小食同飲品，定價適中，唔會太貴👍🏻等左10分鐘就有得食！湯底濃稠，牛肉係半生熟狀態，呈粉紅色。先講湯底，湯底味道偏鹹，比較單一，冇乜層次感，食到最後會有啲膩。而我唔推薦揀金邊粉，金邊粉唔夠分明，痴埋一舊，口感比較差。而牛肉係非常唔錯，肉味都夠香濃。雞肉串燒都幾正，配埋醬汁幾滋味。呢個價錢黎講真係一啲都唔貴，外面食一碗船麵動輒都$7-8x。不過湯底唔算好好食，而粉麵嘅口感有好大進步空間，希望我個金邊份只係個別問題啦🤣

去開旺角又想吃些重口味食物東南亞菜必定是首選平日吃泰菜，我一定會點炒金邊粉，但聽聞這裡的船麵十分出色，好！我決定放棄我最愛的金邊粉，會一會你的船麵。所謂湯底為一碗湯麵既精髓所在，讓我率先試一口湯，wow, 真係好濃郁！再試下麵底及其他配料則略為有點普通，但很喜歡裡面的胖嘟嘟芽菜。另外還點了豬手，起初還擔心很硬很多肥油，點知香濃軟滑，每一片豬手都充分入味可是份量有點少，如果可以再多幾塊就好了還有吃了燒雞與生蝦，但感覺燒雞不夠滑嫩，生蝦也沒有特別鮮甜就不post照片了

話說，本人係泰國fans，每年都去兩三次泰國，其中一樣最鍾意食嘅就係船麵，之前去泰國都突登買船麵個湯底同泰式金邊粉返黎😀入返正題，呢排無去泰國，好懷念泰國嘅粉麵，上openrice搵到呢間泰麵膳，練完泰拳就去試下嘞，泰足一日！入到去，岩岩開店人唔太多，間店播住泰文歌，好有親切感去到我order左個豬肉船麵，泰式凍奶茶！由於是日係星期日無左set lunch，所以無散叫。btw講返杯奶茶正呀喂，好細心，糖水自己另外加，唔駛驚太甜啦講返杯奶茶，掂，同泰國一樣。戲肉黎喇，碗麵，一見到泰國果啲鐵匙已經好有親切感，仲有好多配菜：切粒通菜乜乜乜，個樣都贏晒食一啖，係煙煙unun嘅金邊粉呀yeah個粉好掛湯，個湯好好味好濃，一流，唯一覺得啲送，由其是豬潤太乾太薄，但整體我會俾9分，我都成日去食野

又貴，又細，海南雞得四件雞，無湯無配菜，成八十幾蚊。叫個豬頸肉撈麵，個湯咸到崩潰，好似啲鹽唔駛錢咁，服務態度又差，問佢拎杯水，叫幾次先拎到黎，真係以後唔使旨意再黎。

小編第一次食泰國船麵，叫咗個安格斯牛肉船邊河粉底試吓。午餐包個小食同埋杯嘢飲，小編就叫咗酸辣鳳爪同埋泰式凍咖啡。等左都成十幾分鐘，小編個船麵先到。船麵有牛丸肥牛同埋牛腩，d牛肉幾新鮮，個湯底味道ok，係豬骨湯加泰國香料，不過可以再濃d。河粉幾入味，但係唔夠彈牙。個麵嘅份量真係比較少，唔夠飽。泰式鳯爪好辣（鳯爪約有3隻），d沙律好清新。泰式咖啡味道有啲苦澀，如果唔習慣呢隻味道嘅話，小編建議你叫番檸檬茶。以$68來食一碗船麵，似乎不太物超所值。

四處逛尋食，近來多了吃泰國船麵的食肆，旺角這裡有間不在中心旺區，且時間尚早不用等位，下雨天不多考慮，進去試試吧！太花巧的不選，來個基本豬肉船麵，原來沒有加錢加飲品😪這回事，唯有單叫多杯飲品。麵來了，碗大大的，金邊粉煙煙靭靭不錯，但份量頗少，湯輕辣、少少酸味也很好，三粒豬肉丸、幾片豬肉(少少「鞋」)、幾片(overcooked)豬閠，放入很多金不換，湯味本身食量不高，但吃完整碗粉加龍眼水，胃仍覺空蕩蕩啊，像沒什麼到肚一般咁就八十幾蚊，仲要去補個下午茶

嚟到尖沙咀試船麵，呢邊嘅船麵店比較港式，總係覺得無九龍城咁地道。但係呢間嘅船麵舖頭係包裝得幾靚嘅，岩曬港女心用左d粉紅粉藍碗，完全滿足少女心佢嘅湯底都係夠料嘅，但就比我試過嘅要辣dd ，蓋左其他甜味酸味。餸嘅份量都夠一個女仔食，成碗份量同其他船麵差唔多，但位於尖沙咀區，價錢就貴返一截喇仲有杯咸檸七解解辣但係侍應工作態度就好一般，寫餐飲足足來回行左六七次先寫岩，仲要得一秒記憶，轉頭又唔記得，好似睇緊麥兜個侍應咁，真係估唔到現實會發生咁嘅情況呀明明當時只係下午茶時段，人唔多唔太忙

旺角實在有太多小小食店，今日經過泰麵膳，外牆係Tiffany blue加大玻璃窗，好清新！同一般泰國小店的感覺好唔同！入到去，仍然覺得似文青cafe多過泰國菜！不過真係好乾淨！坐位以細枱為主，人多就要併枱啦！午市套餐有飯餐同面餐選擇！價錢都係$48或$58，已包一泰式小食一熱飲，好抵喎！我們諗好食咩就自己落單啦！小食-泰式燒豬頸肉！爽口！夠香！個泰式醬好惹味！小食-泰式酸辣肉碎煎蛋沙律！好特色的小食，堆介！小食-泰式酸辣無骨鳯爪！切到半隻半隻上碟，方便入口，都幾辣的！主食試左大熱安格斯牛肉船面！ 湯頭係用豬骨湯加泰式香料煮的！顏色比較深，但味道唔會太濃，係調教過接近香港人口味！另一個係豬肉船面，更似泰國吃船面的配料！我加左一匙店家的turbo 醬，湯的味道立即提升！吃得辣的一定要試下！泰式奶茶，少少澀，有左泰式香料味，不過無論涷熱都係加糖漿，就有少少怪啦！

7.5/10係我見識小，定係香港好小餐廳主打泰式船粉？今日係我嘅第一次食船粉。味度好有泰國taste， very good! 唔洗淨係食冬蔭公啦！位於旺角繁忙嘅豉油街，門面同室內比起其他同街嘅餐廳都比較大，重點係lunch time 繁忙時間都可以坐得舒適。今日試左*安格斯牛肉船麵*其實同生牛肉越南河嘅味度差唔多，但係湯低濃好多同好重泰式香料味。牛肉都幾柔軟。唯一就係份量小左d 食完冇耐就開始肚餓啦😂。lunch 係跟一個小食，豬頸肉都ok👍🏻餐包埋野飲，下次都係試下佢地泰式奶茶嘅功夫點先！

同朋友聚舊本來想去食附近一間餐廳，結果去到好多人排隊，結果行去第條街就發現呢間泰國菜，外面睇完menu 覺得價錢唔貴就入左去食。星期三晚唔洗排隊就有位坐，仲要兩個人坐4人台，環境坐得幾舒服唔錯，仲有個籃比你放低個袋幾貼心。兩個人叫左兩款主食同1個小食，湯面我地揀左滷水脾河粉。結果啲河粉好驚喜！又彈又滑，同平時食既河粉唔同，值得一試！滷水脾啲肉都入味又鬆軟，加分！配菜仲有豬紅兩件同鴨肉～豬肉炒泰國金邊粉，個味我幾鍾意，唔錯！鳳爪，我覺得味道還好，可能自己食唔慣太多香料定洋蔥，所以覺得還好啦～兩個人埋單每人85左右，我覺得係旺角黎講都可以，尤其環境係幾舒服，有機會會再幫襯～