泰麵膳 (已結業)

烈日炎炎，午餐時間好想飲一杯泰式檸茶解渴。經過此處，發現裝修新穎，不似傳統泰式餐廳般逼仄，便坐下一試。午餐由$48起，已包括飯或麵，小食一份以及凍或熱飲一杯，非常公道了。是日選擇了家鄉滷鴨胸金邊粉，串燒雞以及凍泰式檸檬茶。檸茶來先，淡淡的泰式紅茶配上青檸，非常清爽。串燒雞是雞瘦肉配上沙爹汁，夠香口又不會油膩。最後上船麵，湯頭屬於比較淡的，合我口味，喜歡濃味的朋友，可以用檯面的調料自己調味。船麵內有三塊厚切滷鴨胸，兩塊豬紅，少量菜譜及通菜。最失望的是鴨胸，完全不入味，只能嚐到一陣雪櫃味，有點失望。但以$48一個午餐lunch來講，也許不能要求太高了吧。

同好多香港人一樣鍾意食泰國菜，而呢間專食泰國麵，就唔使次次都係魚蛋粉牛腩麵木瓜沙律：醬汁調得好，夠辣，夠酸，我點左咁多樣嘢，呢個最好食安格斯牛肉船麵：我揀咗蛋麵，有牛腩，牛丸，牛肉...份量足蛋麵唔會太軟身，推介！湯底濃郁，但又唔會太鹹牛肉牛丸都好食，牛肉好滑，入口即溶。牛丸係泰國口味，唔會超彈牙，比較𣺉身，牛腩有d可惜，好硬..海南雞飯：好一般！雞瘦，油飯應該係海南雞飯精髓，不過油飯唔夠香。湯比較鹹，個人比較喜歡清湯，有d失望椰菜苗 - 烚，冇要炒差！菜未洗乾淨，有泥，有好多菜蟲，衛生唔合格水準有d漂忽，冇以前咁好食。今次有d失望😞服務一般，店員唔太responsive (我去嘅時候係非繁忙時間，不過店員都唔係太理我）上菜速度：5/10 每人平均消費：110

I heard a lot of good comments about this restaurant so I went there to try it out. I was very disappointed with the board noodles as the noodles texture was horrible. There weren’t many ingredients and the soup was a bit mild in term of flavour.

有好一段時間沒有到訪，今天午餐時段到來，一如以往點了豬肉船麵，船麵一到便覺湯的色水淺了很，豬肉的用料也覺不同，一試湯的味道，淡了很多，跟之前完全兩回事，金邊粉的質地也怪怪的，之前都是因爲船麵而來的，這次是切底的失望，懷疑是否已易手。跟餐還有杯熱奶茶，一入口是室溫奶茶，舉手問職員：我叫的是熱奶茶，但這杯完全不熱。他竟說：是暖的。我說：但這不是暖，是室溫。這時另一女職員介入：不夠熱嗎？我叮番熱俾你。我來不及拒絕她這樣有禮的服務，她已二話不說的拿走奶茶去翻叮! 乜料呀？翻叮奶茶？接受不了，算了，反正船麵已經不再，就以後都不用再來。

話說朋友打電話黎約食飯，我二話不說就應承左。朋友問我想食乜嘢時，我個腦海就諗起好想食船麵，於是就同朋友提議去旺角食啦...約埋朋友19:00後就同朋友講先到先攞位。18:30準時收工後就坐的士落去旺角，去到嘅時候啱啱好19:00，朋友未到嘅時候，我就入去攞位先，入到去覺得有少少奇怪，因為對上一次我同Honey嚟嘅時候排隊起碼等咗15分鐘，今次竟然唔使排隊之餘，店內入邊嘅座位可以隨意選擇，因為加加埋埋嘅食客都唔夠10個人。咁都唔理啦，因為一心都係想食船麵先黎泰麵膳，咁我就睇定餐牌揀定野食等埋朋友黎啦！睇咗幾樣野食後，朋友就剛剛好黎到，咁最後我地就決定要一碗安格斯牛肉船麵、炸雲吞、串燒&蒜蓉包。先講個船麵，完全無哂之前食嗰種味道，個湯失色咗，而個河粉完全奇奇怪怪咁！因為上一次黎食嘅時候，Honey都係點呢一個安格斯牛肉船麵，佢都係要河粉，我都有食到，上一次食嘅河粉係同我地喺泰國食嘅一樣，但今次食嘅河粉，完全係只可以用難食黎形容！個口感就好似粉果外面嗰層皮用黎整湯河，試想像一下個粉果浸湯之後再拎黎食，簡直好似食糊仔咁！而蒜蓉包嗰方面，一心諗住會有蒜蓉味，但識落只係得牛油味道！炸雲吞，應該改名

雨毛毛咁，無胃口，搵野食都難D... 行過一間專賣船麵嘅泰國舖，午餐餐牌都幾吸引，主食加小食加飲品，$60 有找~ 試下先!午市套餐，揀左海南雞跟油飯，串燒豬2串，凍泰式奶茶(凍飲唔使加錢, 特飲加$5-$8)海南雞份量好足，已經起哂骨，皮厚(減肥都要食皮，唔好鬧我~~)，肉滑，驚喜地覺得，都拍得住海南雞飯專門店~油飯香口而不油膩，一大碗，男孩子都夠飽，我可以分2餐食(哈哈哈)串燒豬就正常地OK 喇，午餐多個小食食下，開心囉~杯奶茶都OK，茶記奶茶咁囉，係OK 好飲嘅~

約左朋友食lunch，佢話好耐無食Thai food，我之前食過一次都唔錯，再黎一次先。牛肉丸船麵 - 水準同上一次食差不多，今次好似辣左少少，牛肉丸彈牙，粉絲吸哂船麵既湯底，勁入味。份量就一般，唔會食得太飽。午餐仲有一款小食，點左泰式酸辣無骨鳳爪，唔辣但酸微微，令人好開胃！另外包一杯飲品，叫左一杯熱既泰式奶茶，茶底唔錯，好香濃，但杯奶茶係加左糖先上，比較甜，我prefer 自己加糖。食物整體都ok,但有一位服務員既態度就一般，明明我已圈左要粉絲，佢自己睇唔到，走黎問我時，好似審販咁🙄！

泰國出名重口味，#泰國船麵 的湯底極為濃郁，一定可以滿足到 #重口味 的人😂.是次選擇了 #安格斯牛肉船麵，牛肉超級滑，而且牛肉味重，連同 #濃郁 湯底，每一啖都是 #震撼味蕾 的重口味享受😂金邊粉拖湯力強，每條麵都沾上湯🤤

平日晚上8點半到達，有一半滿。安格斯牛肉船麵（金邊粉）去過泰國但無食過船麵。見湯頭很深色，但飲落不算濃味。配料有3粒肉丸（味道很淡分不到是牛還是豬），3片牛肉（好細塊，味道正常）和一舊牛肋條（正常）。金邊粉索了湯汁還可以。泰色豬頸肉乾撈（黃麵）像雲吞麵店一樣，撈麵會跟碗湯。豬頸肉味道正常，黃麵不會過淋。但整碗麵沒有甚麼泰特色。海底椰大樹菠蘿椰汁冰偏細杯，同一隻杯在某些餐廳是熱飲用的。連埋冰都裝唔滿。糖漿自己落。有啲黃色一條條應該係大樹菠蘿絲，但整杯都沒有大樹菠蘿味。Overall 味道一般，份量偏少，可能預你要叫啲小食先飽。

落單落錯哂！話說本身選擇牛丸船河，交比職員，佢發現我無簡粉的種類，就問完我，幫我加落張單。。。點知佢畫左落去安格斯船河果格。。。收銀個小朋友，真係小朋友的（似童工），又無發現有問題，就直接落單，又吾幫我加底。。。完全無認真對過張單紙。。。安格斯船河有骨。。。肥牛點會比啲骨人食（相片一有標示）食食下發現有兩片。。。粉煮得太耐。。。如果多啲湯會好啲之前試過尖沙咀果間，幾好吾錯。點知旺角就。。。以後吾會黎

豬肉船麵，整體味道始終不及當地的好味。最令人失望嘅係泰國調味四寶竟然無糖又無辣椒粉不在話下，酸辣椒水又無味，魚露辣椒水都算啦無辣味，重要無啦啦有撈檬汁同辣椒油，其實我食緊啲咩呀！成碗粉唔落調味四寶真係唔覺有咩味。泰國豬肉丸係好食，但無啦啦為左個‘豬肉’船麵放棄用豬肉而用豬腩片咁港式做咩呢，咁不如做港式特色粉麵啦！報稱泰廚係度煮都無用啦，連最基本嘅泰國調味四寶都是但求其，重要收得碗嘢又唔平真係想再食都好難。雖然嘢食麻麻，但服務都算係咁，都會俾個籃放住個袋。

上次係尖沙咀食過船麵之後就愛上了…… 今日行經旺角見到一間裝修好似幾特別，又係食船麵嘅，所以就走咗去幫襯！初時睇menu都覺得唔錯……仲有安格斯牛肉船麵我覺得有D貴架……$68 無飲品，但見張圖又幾吸引，好啦食啦……但講明湯底係辣嘅……對唔食得辣嘅我就有少少擔心，但侍應講唔係超辣，咁好啦……點知嚟到我真係O嘴 ，佢碗粉同佢嗰張圖完全貨不對版我一直擔心嘅辣， 根本感受完全感受唔到囉，啲粉一嚿嚿黐埋晒味道……唉！我唔識欣賞啦

未食過黑蚊蚊嘅船麵，今次行過見到一間，馬上試一試先。 兩個人,叫兩個粉仔一個小食試試佢啦。泰式炒金邊粉: 泰式炒金邊粉份量極少，好似大概有用筷子夾上去 有五注，而金邊粉裏面的肉少於有少，味道還算可以。安格斯牛肉船麵: 跟住落嚟呢個船麵，其實全面係乜我都唔知，但係見到佢湯底係黑蚊蚊的，安格斯肉食落去不像安格斯，沒有什麼量牛肉味，已黑蚊蚊的湯亦都冇什麼特別。燒豬頸肉: 最後一道菜就是燒豬頸肉，這道菜應該係每一間鋪頭都做到好難唔好食的東西，而他們都把水準發揮得一般一般， 應該沒有下次的餐廳。

有網友話船麵份量唔多夠，其實係泰國艇仔買果d差唔多，湯底覺得唔錯下，飲完都唔係太口乾，我叫左黃麵太稔咯，d餸有陣腥味，就算係豬肉都唔係咁，我最愛豬潤好似紙皮咁，又乾又硬男友話整咩係安格斯牛，比返靚少少肥牛好過小食算係低食30幾蚊一款，普普通通不過不失，鳳爪得酸無辣同埋唔太入味，青木瓜沙律入面有芽菜同生豆角都幾清新下，但個汁少左d有樣野要讚下，個辣椒油超香，唔會死辣，有興趣可以係收銀度買返樽熱龍蜜都幾好味，一杯有6粒龍眼都算係咁，男友杯大樹菠蘿椰汁冰，我覺得陣味唔夾，男友話淨係飲到椰汁味

週日落旺角購物、掃街（街頭小吃），路過”泰麵膳”有印象幫襯過尖沙嘴分店嘅出品唔錯，午飯時間見𥚃面人小小，一於坐底試試午市套餐醫吓個肚。～ 海南雞配油飯+豬肉沙爹串燒2 串+凍檸水雞肉嫩滑黃油皮，肥瘦均勻，唔錯，配上泰式酸辣汁送飯唔錯，油飯普普通通不過不失，合格。豬肉沙爹串燒咬落有肉汁唔會話柴皮咁，合格～ 牛肉丸船麵（金邊粉）+ 鷄肉沙爹串燒 +7喜先喝一口靈魂嘅湯，豬血底湯頭夠濃厚，香料味有層次，熱辣辣配上大量嘅芽菜同甕菜、正！要挑剔的話泰式來貨急凍牛肉丸非個人喜好。雞肉沙爹合格。～ 紅咖哩牛肋條飯 + 泰式酸辣無骨鳳爪 + 鮮青寧梳打紅咖哩醬汁放入大量茴香籽、香菜籽、泰國青檸葉、香茅、南薑、紅乾蔥頭、大蒜、蝦醬等等香料炆煮，入口味道豐富有層次，送白飯一流，牛肋條火喉夠，入口軟滑，份量適中。泰式酸辣無骨鳳爪辣度過高（係超辣果種），如果可以減翻小小辣度會更好。