泰道 (已結業)

朋友介紹之下專登揸車入黎食, 以為有免費泊車點知只係泊車優惠平$20。一開始點左兩杯野飲每杯$68再先叫個春卷$108睇圖係幾靚黎到又係另一個樣又燒焦又唔脆😑 本來有好多野想食但係見到唔對路再叫多個豬頸肉沙律$138試下水溫。個沙律等左半個鐘先黎，一黎到個賣相已經麻麻搞到相都唔想影，豬頸肉唔新鮮沙律又難食得個辣字。見到d野食唔對路決定腰斬走人。女朋友食到黑曬面勁失望唯有同佢再搵野食🤦🏻‍♂️唯一可取嘅係可以帶小動物同埋環境唔錯對住海邊😂 同杯奇異果沙冰都算好飲。已blacklist同unfriend個朋友！

男友接收工，想食泰菜但又吾想成日都係去九龍城，於是search 來呢間，一落車環境好靚好舒服，侍應都係泰國人多，由於係平日去，所以人不多，好有泰國布吉海邊餐廳的氣氛。兩個人叫左炒金邊粉、串燒、小食拼盤同咖哩牛腩 加龍眼冰，價錢中上，份量不少 ，每一樣味道都不俗，炒金邊粉用料十足，串燒選左牛同雞燒得恰到好處加埋個有花生粗粒的沙嗲醬好惹味，咖哩牛腩香濃入味，遇岩時間有埋個黃昏美景，很好的用餐體驗，一定會再來。

👭泰道 (西貢)👭1⃣小食拼盤 (細) $148拼盤分別有香葉雞中翼、素春卷、蝦餅同魚餅。每種小食都有4件，好適合小家庭叫黎食😛雞翼剪成單骨，食落好方便👍🏻外層炸粉薄所以好酥脆🥰肉質一d都唔柴🤩春卷香脆可口，沾上泰式辣醬好好味。蝦餅肉質彈牙，仲會見到完整蝦肉係入面🥳魚餅辣辣地好重香料味，但係又唔會話食完好口渴。2⃣大頭蝦冬蔭功湯 (細 4-5位用) $158冬蔭功湯既份量大約可以分到4小碗，材料有大頭蝦、秀珍菇、小蕃茄等等。滿滿既酸味同辣味令到好開胃😋大頭蝦肉質彈牙，蝦頭既膏好鮮味😍😍38忍唔住食左好多隻蝦頭3⃣泰式蝦肉炒金邊粉 $12838睇圖片顏色以為係辣辣地，點知係酸酸甜甜既😝係泰國餐廳搵到唔辣既菜式都真係幾難得🤣金邊粉口感好煙韌👍🏻炒過既芽菜同蔥仲保持到爽脆既口感。成碟粉總共有4-5隻蝦，雖然細隻過冬蔭功湯既大頭蝦，但肉質都keep到彈牙😋旁邊擺放小量花生粉，撈埋一齊食幾惹味😁38推薦如果同行有人唔食辣，必定要試金邊粉！！！4⃣馬莎文咖喱牛坑腩配薄餅 $178呢一餐泰國菜最滿意就係呢碟咖哩😍😍佢係屬於唔太辣既黃咖哩，唔食辣既朋友都會食到。牛坑腩好鬆軟，一咬即爛👍🏻另外牛筋炆到好腍，放入

境觀好得，黃昏到達，下著大雨漏哂水都浪漫洗手間要多清潔首先價錢不評論，貴不貴要加埋個 view的（本人覺得）生蝦……推薦的，有蝦鮮夠大隻，厚肉到一個點，要食2碟薄餅……細細塊好易入口，又兩個，唔知入面加左咩，食到停唔到燒魚……失哂色，魚應該不新鮮，所以啲肉好霉，味道無香味，淨係得鹹，肉裡不夠 juicy,浪費浪費串燒……店員推薦雞，但我們得兩個，食唔到，唯有點雞肉串，我們叫了牛及雞，無咩特別，比較肥同油軟殼蟹……老公直頭停唔到口，拍哂手，炸得好乾身，好脆口，野味飲品……就多冰無味囉，無咩話好同唔好，一般梳打水未後記：泰菜都係多味精係特色的一環，回到家要灌水同全個口邊紅左（味精太濃）

入到西貢搵到間有得泊車又有露天對住沙灘令景即刻就試試佢，不過建議大家訂定位原來依間係主打泰菜，基本$100-$180個餸，正常價錢。因為我們得2個人其實主要想坐下飲杯野所以叫左唔多野，同埋依間餸份量都係偏細，小編都建議約一班人食會好啲。首先基本蒜蓉包，蒜蓉份量正常香脆第二叫左半隻海南雞，雞既size 較細，但係真係雞肉好嫩滑，皮同肉比例岩岩好芒果沙冰超級冰凉，味道唔算太甜，但比較稀身。最後一定要食芒果糯米飯飯米即熱勁新鮮，椰汁勁濃配埋芒果真係一個人都可以食一份

啱啱買咗架新車🚗，同老婆入去西貢游車河，今日天朗氣清，藍天白雲，好適宜去有戸外嘅餐廳，就選擇咗有海景嘅泰國菜，泰道，其實已經食過幾次，個海景180度，超級休閒，好似去咗旅行咁，我哋還入去前10分鐘，已經叫佢燒定半隻泰式燒雞，因為上次等左半個鐘頭，侍應推介呢個真係不得了，好食到痴線！有炭燒味道，雞肉完全滑，好的食呀！泰式生蝦，蝦都好大隻，食得出唔係生蝦，可能係急凍死蝦，但係個汁做得好好，可以彌補不足，咖喱海鮮，味道中中庸庸，我還叫咗蒜蓉包，用來點加喱一流，老婆仲忍唔住叫咗杯生啤酒🍻好可惜我揸車唔可以飲酒，我就叫咗杯芒果沙冰，都唔錯！超級大杯，優休閒閒一個下午，價錢唔會太平，兩個人食咗七百幾，但我覺得今時今日，又有靚景，又可以免費泊車，好過市區食飯啦

琴晚同男朋友興致勃勃入去西貢行吓，西貢呢個地方真係好舒服，有山有水，空氣清新，又有好多好可愛嘅狗仔，果然係香港後花園！😻-沿着大路一直入，會見到一間好大嘅燒烤場，隔離就係呢間泰國餐廳喇！餐廳有outdoor位，個海咁靚我地緊係要求坐出面啦，最近海嘅位置好搶手，一早已經俾人訂左，我哋walk in嘅就唯有坐靠牆邊位置，不過景色一樣係好靚！（出賣一下男朋友嘻嘻）✨✨🐟明爐魚（烏頭）✨侍應會即場喺我哋面前淋上湯，睇住佢熱睇住佢滾✨呢條魚好多肉，肉質好滑👍🏾✨粉絲都係重點，索晒汁嘅粉絲好正‼️🐽豬肉生菜包✨留意到佢有鴨肉生菜包，好似好特別下次可以試吓，今次都係食個保守啲嘅豬肉✨肉碎份量好足夠，我哋最後食剩左少少✨惹味多汁，必叫‼️👍🏾🥥千層椰汁糕（$48）✨一份有四舊，仲會比一個好靚嘅甜品俾我哋✨非常煙韌彈牙，不過兩個人食有啲濟🌱班蘭味雪糕（$28）✨呢個雪糕係必叫！超級好味！✨班蘭+椰汁味一流啊！👍🏾👍🏾👍🏾👍🏾-即使我哋最後食咗每人三百幾蚊，我哋一定會再翻炒呢間餐廳，下次想帶埋屋企人嚟！👀個景好靚，環境非常舒服，就算坐戶外都唔會覺得熱，有海風吹下好正！食物又OK，絕對適合週末入西貢行吓，然後食

喺西貢一般都係食海鮮，不過呢食海鮮價錢都真係有啲貴，平時唔會點隨便去食海鮮，所以今日揀咗泰國菜嚟食。一入到去都幾驚喜原來個環境好靚，可以聽住海風食飯，仲有啲草地添，裏面室內嘅裝修都唔錯，主要係用藍色做主題，有啲宮廷嘅感覺。嘢食方面我哋就叫咗一個烏頭魚，份量都幾大，魚肉紮實唔會妹妹地唔新鮮咁，酸酸甜甜咁都好下飯。另外都叫咗燒雞，呢個質素就普普通通正正常常。甜品方面就叫咗個三色椰汁糕，前菜就叫咗個酸辣鳳爪。

I 平時好少過嚟西貢呢邊食飯，不過咁啱女朋友話想來西貢行吓，就上網搵咗間好有feel嘅餐廳食下飯拍下拖。一入到去完全同市區嘅餐廳好唔同，係有一大塊綠色嘅草地然之後可以喺外邊聽住海聲吹住海風食飯。室內嘅環境都唔錯，主要係用藍色做主題。不過嗰日天氣比較凍所以我哋揀咗係室內食嘢。嘢食方面叫咗一個煎豪餅，份量超大份，平時出去食嘅話啲蠔嘅份量會比較少，估唔到呢度都有好多隻蠔。都唔會煎得過老同埋太油。都叫咗一個烏頭魚，酸酸甜甜咁好開胃。食泰國菜一定就要叫番個椰青，椰青好甜又清涼。

2019-5-12 SUNDAY ☀️ 晚餐慶祝母親節 家人渣車到西貢《泰道》經清水灣道 和 西貢公路到餐廳大約 20分鐘車程停車處每小時 $30 店內可享泊車優惠海景、燈飾 令整個用餐環境很放鬆餐廳容許食客攜帶愛犬共餐🐶家人作為狗奴 無帶汪汪覺得好可惜侍應親切有禮 很熱心為家人拍照特別稱讚泰藉員工take order 妥當 給母親送上小花🌹又主動關心食物質素串燒羊肉 $38 兩串；串燒牛舌 $38 兩串串燒配搭花生沙嗲醬 很好味🤤Curry Seafood $158海鮮包括 蝦仁🍤 青口 尤魚等咖啡汁稀 蔥 洋蔥 紅椒等調味料 量多烤薄餅 $3X 薄餅烤很脆 搭配咖哩系列比單點更好味🤤泰式生蝦 $118 八隻生蝦新鮮 配搭青綠色醬汁很好味🤤 泰式蝦肉炒金邊粉 $128一般香港餐廳炒金邊粉 很重茄汁味而《泰道》的 Phad Thai 很正宗🤤花生 蝦仁 雞蛋花 很新鮮 麵也不油芒果糯米飯 $68五月份的芒果很甜 糯米飯熱騰騰 口感很軟🤤飲品方面家人點 椰青$58；龍眼冰$42很滿意這次用餐

#泰道 西貢特色泰國菜，有無敵海景，加上全泰式設計 ，好似置身泰國一樣🌇🌇推薦戶外座位，一格格帳篷佈置再加有海景、海浪聲、微微海風. 、燈光效果，超好chill 又浪漫，拍拖好地方👫👬👭❣️當然有美景再加上美食就非常棒棒啊❤️❤️🔹咖哩南瓜盅海鮮 $188 海鮮滿瀉，造型都很吸引，南瓜就硬了一點，但咖哩配海鮮相當惹味，記得要加薄餅與沾咖哩汁吃啊，超正😋😋😋😋🔹酸辣青檸明爐魚 $198 份量很大，有素式肉醉加粉絲，配青檸香帶清新，辣汁是微香辣，魚上桌前已煮熟，唯要加熱湯浸泡粉絲👍👍🔹串燒沙嗲豬 $38/2串 我覺得幾爽口，唔錯🐖🐖🔹鹽燒牛舌 $38/2 串 燒得剛剛好，夠咸味😉😉🔹泰式香燒雞 $168/半隻 ，雖然點了半隻，但份量也很大，應該可以三至四人吃。老闆心水推薦，但要等約30分鐘，所以先回這個吧！味道也不錯，雞偏厚肉😊😊🔹芒果沙冰 $68 又係重量級份量😁😁😁泰道地址: 西貢大網仔路沙下村9號電話: 27926189

一間係西貢既世外桃源餐廳，但好可惜當日夜晚突然落大雨，冇得坐出面望住咁靚既風景食咁好食既美食。已經唔係第一次黎，呢個位比較偏，住開呢到附近既人一定識，最好味既泰國菜。平時黎都好好彩冇落雨可以坐出面，今次第一次坐室內，原來地方都好大，坐位仲好特別，好舒服，就連洗手間個洗手盤都會裝飾到同出面一樣。首先會叫一碟泰式蝦肉炒金邊粉，睇落紅紅橙橙以為好辣，點知原來一D都唔辣，炒得好均勻，條條都好有甜甜地既味道，仲有D芽菜配搭特別好味。每次黎到一定要叫既泰式香燒雞，因為要等20分鐘，所以一早就要叫定，即叫即燒，外脆內嫩，肉質非常滑，又夠味唔會太咸。我超超超鐘意食青咖哩，好多地方都會有，但唔係個個地方都可以好似佢咁，煮到咁奶，青咖哩唔太辣，甜甜地配飯一流，不過今天我冇叫白飯，叫左個豬頸肉炒飯，炒得非常好，粒粒乾身，仲有一粒一粒正方形既豬頸肉，爽口多肉汁，夾到絕呀。在叫多個小食併盤，入面有香葉雞中翼，魚餅，蝦餅，素春卷，每樣有6件，即叫即炸，全部出煙，中間仲有個泰式辣醬，令到件食物更加好味。最後叫我最愛既重頭食物，鐡板蠔仔蛋，蛋勁滑，邊邊岩岩好卜卜脆，入面既蠔仔粒粒都好大粒，份量又多，仲包住好多芽菜又爽

最近天氣開始熱，難得有時間可以跟男朋友出去，所以去了西貢，好久沒有來的地方，一個我覺得好浪漫，好舒服的地方，在海邊看一些船家賣海鮮，浪漫的在附近散步，一直走到最裡面，有一個地方好多人在玩，有沙灘，有BBQ，還有一間就是我今天要介紹的餐廳。超級超級漂亮的地方，又浪漫，又好看，一直吹海風一直食一直啖情，好舒服，地方好大，位置超級多，還有室內可以選擇，當然我們要浪漫，所以坐海邊。我最喜歡它們的餐牌，有圖片方便我了解是什麼食物，還有可以選擇大小。來到泰國餐廳，一定要先食一個大頭蝦冬蔭功湯，好特別的上菜，放一個爐，用酒精石點火一直燒住加熱，等你多久喝都可以食到熱的，裡面料很多，各種海鮮樣樣齊，湯底一點點酸，一點點辣，很濃味但不會過份。菠蘿海鮮炒飯，直接用菠蘿上，跟圖片一樣，飯多到爆出來，每一粒飯都會有菠蘿的味道，食完飯還可以食裡面的菠蘿，鮮甜多汁，好味道。小食併盤，我沒有看清楚叫了大的，原來份量是每一樣6件，但因為好好食，所以好快已經食光光了，全部都是新鮮炸的，脆皮的。最後來的是招牌菜，泰式香春雞，是老闆親自過來介紹的，外皮好脆，燒得好均勻，裡面的肉超級嫩，老闆震店之寶果然捧！

假日同屋企人入西貢Relax下🚗👨‍👩‍👧☀️上網見到呢間泰菜幾吸引就黎咗食😚❤️吹住海風🌊飲住椰青望住無敵大海景🥥享受泰菜🤤chill到爆🥴呢到有揸車黎會較方便🧚🏻‍♀️因為離西貢市中心仲有10分鐘路 要落斜 近海灣🌊用餐途中侍應、老闆等都會主動同你傾計 部分泰國店員仲會用泰文同你打招呼😆感覺好Nice好親切，會關心食物質素如何👍🏻🇹🇭泰式蝦肉炒金邊粉 $128 係我暫時食過最好味既Phad Thai♥️酸甜拿捏適中 每啖都食到雞蛋、花生等配料蝦仁更係爽口彈牙新鮮🦐豆芽爽脆✨金邊粉煙煙韌韌炒得又唔油膩 好惹味🥰🌈小食拼盤 $148 成盤小食雖然係炸但食落完全無油膩感🤙🏻我最最最鍾意就係蝦餅同雞翼😚蝦餅口感彈牙 鮮蝦味出 單骨雞翼酥脆肉嫩 點埋泰式辣醬 甜甜酸酸 滿分滋味🥰魚餅味道正宗 好重香料味🐟素春卷香脆✨🍢串燒拼盤 $38/2串 串燒兩串起計 有雞、牛、豬、羊✨我地簡咗雞肉同牛肉😚燒得啱啱好 雞肉嫩滑沙嗲醬濃郁 混入花生粒十分惹味😚🦀️炸軟殼蟹柚子沙律 $148呢個沙律本身係用辣既汁整成🌶️但我地3個都食唔到辣😂所以轉返唔辣既汁😝軟殼蟹香脆厚肉大大件 配埋清甜多汁既柚子肉💚味道十分清新 中和

今晚見大家都早收工，肥爸就揸車車咗一家大細去咗西貢嗰邊食飯。小食拼盤$148呢一個小食拼盤係有唔同種類，有香茅炸雞翼，炸蝦餅，炸魚餅同炸春捲，真係一次過可以滿足曬唔同嘅願望。總括嚟講佢嘅小食係炸得非常香脆可口，肥妹仔嘅至愛就係炸蝦餅同炸春捲。炸蝦餅啖啖都係肉，而佢嘅炸春捲入面有芋絲，蘿蔔等等，點埋酸酸甜甜嘅泰式辣醬，超級美味。汁燒安格斯牛小扒$188佢嘅汁燒安格斯牛小排我哋叫咗五成熟， 食落去好濃嘅牛味，而且唔會有個份嘅調味，食得出牛本身嘅鮮味。大頭蝦冬陰功湯$158呢個大頭蝦冬陰功湯真係要食得辣嘅朋友先至好叫，因為肥妹仔唔係好食得辣，飲咗幾啖已經叫曬救命。不過肥妹仔好欣賞佢個湯好足料，好多海鮮，而且夠酸，好啱鐘意食酸辣嘅朋友去試。咸魚炒芥蘭$118超級有鑊氣，芥蘭菜好新鮮。泰式濕炒河$128肥家姐叫嘅泰式濕炒，河豬肉做配料，佢嘅濕炒河好好食，河粉雖然係比較多汁掛住，但係又唔會好油膩，而且都係好有鑊氣，條條河粉好爽口彈牙，個汁亦都調得好好。泰式蝦醬炒飯$128呢一個蝦醬炒飯係肥妹仔叫嘅，佢嘅蝦醬味好香，炒飯炒到粒粒分明，而且個配料都有好多，食落去係又飽肚又滿足嘅。汁燒魷魚筒$148肥媽