泰道 (已結業)

I 平時好少過嚟西貢呢邊食飯，不過咁啱女朋友話想來西貢行吓，就上網搵咗間好有feel嘅餐廳食下飯拍下拖。一入到去完全同市區嘅餐廳好唔同，係有一大塊綠色嘅草地然之後可以喺外邊聽住海聲吹住海風食飯。室內嘅環境都唔錯，主要係用藍色做主題。不過嗰日天氣比較凍所以我哋揀咗係室內食嘢。嘢食方面叫咗一個煎豪餅，份量超大份，平時出去食嘅話啲蠔嘅份量會比較少，估唔到呢度都有好多隻蠔。都唔會煎得過老同埋太油。都叫咗一個烏頭魚，酸酸甜甜咁好開胃。食泰國菜一定就要叫番個椰青，椰青好甜又清涼。