泰道 (已結業)

朋友介紹之下專登揸車入黎食, 以為有免費泊車點知只係泊車優惠平$20。一開始點左兩杯野飲每杯$68再先叫個春卷$108睇圖係幾靚黎到又係另一個樣又燒焦又唔脆😑 本來有好多野想食但係見到唔對路再叫多個豬頸肉沙律$138試下水溫。個沙律等左半個鐘先黎，一黎到個賣相已經麻麻搞到相都唔想影，豬頸肉唔新鮮沙律又難食得個辣字。見到d野食唔對路決定腰斬走人。女朋友食到黑曬面勁失望唯有同佢再搵野食🤦🏻‍♂️唯一可取嘅係可以帶小動物同埋環境唔錯對住海邊😂 同杯奇異果沙冰都算好飲。已blacklist同unfriend個朋友！