泰燒遙 (已結業)

泰國菜食幾多次都唔會厭，呢間泰燒遙朋友食過話好食，帶我地成班人去試一試佢，位於尖沙咀好就腳。前菜：泰式生蝦刺身，鮮蝦柚子沙律，青芒果軟殼蟹沙律。前菜點少得生蝦刺身，蝦身好爽口，酸酸辣辣好開胃。而另外2款沙律，個人覺得有點偏酸。泰式豬手，雞肉＆火雞腎串燒。豬手爽口唔油膩，個味道似滷水汁，唔會過咸，雞肉串肉質唔柴，但個火雞腎就硬左啲。海南雞。雞肉好嫩滑，肥瘦適中，配埋個無敵泰式醬，正！華欣咖喱蟹球配法包。店員推介既新菜式，外型好有趣，有成支香矛插係中間食落質地似蟹膠，不過個汁就有點咸，配包/飯去食就岩岩好。泰皇咖喱蟹。個咖哩有好多香料味，味道偏甜，咖哩汁仲有蟹既鮮味，配法包真係一流！泰式蟹粉炒飯。另外一道新菜式，米飯粒粒分明，配上蟹粉味道適中，泰菜多數都係重味道，呢個飯反而可以中和番咁濃烈既味道。芒果椰汁糯米飯。甜品食埋個糯米飯就完整喇，店員話糯米飯每晚都會有唔同既味道，今晚好好彩係3種唔同既味。不過因為太飽淨係食左個原味，糯米好煙韌，配上椰汁，甜而不膩。

同幾個好朋友食生日飯！食物不差！坐位寬闊！招呼幾好！生蝦正！咖哩也可以！仲有燒魚、大蝦！好多選擇！餐廳位置超方便，食完飯仲可以落樓下飮反杯繼續吹水！下次的約會還會簡呢度！因朋友中意食

香港既泰國野分幾種，有主打海鮮既、食熟食主菜為主既、同埋主打甜品既，今次朋友介紹呢間就係所有group埋一齊都有供應，究竟個廚房要幾大？前菜沙律是必須的。呢到既串燒好特別，你揀完佢有專人燒比你，啱晒我呢啲懶人～我地嗌左幾串，整體比較硬，可能燒得太奈？重點來了～泰式咖哩炒蟹！嗱個蟹呢就肉蟹，啖啖肉既，但對於我黎講個精髓就當然係個咖哩汁到！因為可以點我最愛的蒜蓉包食～咖哩要好食，蟹一定要新鮮成碟野先成事，蟹的精華就入晒啲咖哩汁到～加埋呢個新鮮熱辣的蒜蓉包，姐我一個人可以食晒4塊～泰式蟹粉炒飯好好食呀！唔會太濃味而且如果撈埋炒蟹啲咖哩汁實在無敵！仲有一個好令人驚喜既菜式叫華欣咖喱蟹球配法包，見到個名就想叫，個外貌都好可愛～成碌香茅插係中間，切開係滿滿的蝦膠，好滿足喔～係心形既泰式芒果糯米飯呀！仲要係紫米果隻，真係好吸引呀媽咪～糯米質感剛剛，椰漿又唔會好甜～不呢餐主菜我已經食得太飽，甜品只能淺嚐有海鮮當然有啤酒～不過待應強推佢地既香檳，可能我地成班女掛，叫左呢支威斯莉亞古堡莫斯卡托白低起泡酒2015，味道比較甜，真係好啱女仔，不過本人就真係唔得甜酒，所以叫左最愛泰式奶茶飲，正！睇黎尖沙咀區選擇

位於尖沙咀諾士佛台嘅泰燒遙每次經過喺樓下酒吧飲野都好想試吓難得今次有機會約咗舊同學敘會成十個人仲可以叫好多嘢食添！裝修好有現代嘅泰國風情，小飾品都好特別泰式生蝦刺身有別於平時碟上，佢反而係將啲蝦擺係隻shot 杯度上枱，一口一隻充滿着泰式汁，酸酸辣辣好開胃！燒鮮冬菇串燒因為冬菇狂迷去到邊都要食菇燒菇燒到外面有少少脆得黎又夠juicy 青芒果軟殼蟹沙律最鍾意這但頭盤！青芒夠酸夠開胃泰皇咖喱蟹最期待嘅蟹終於來到，咖喱汁配法包啖啖咖喱加蒜蓉香味蟹肉都無俾咖喱味搶過去華欣咖喱蟹球配法包中開插住條大香矛好搶眼！我自己就無配上法包，就咁食蟹球都好彈牙泰式豬手有少少似滷水豬手，不過泰國版骨膠原的象徵！芒果椰汁糯米飯芒果配上椰汁甜味yummy !

同班中同好耐無見，難得夾到時間，於是出嚟食餐飯聚聚舊~~今次揀咗呢間係諾士佛臺嘅泰燒遙開餐，估唔到呢度嘅泰菜都做得唔錯。先嚟個頭盤開開胃先~~呢度嘅泰式生蝦刺身擺盤都幾特別，一杯一隻生蝦，每隻生蝦都沾滿泰式甜酸汁，又夠凍夠爽口，食兩隻當堂胃口大開~~食泰菜少不免會點串燒，平時多數都喺點下豬牛雞，今次朋友就點埋燒火雞腎，估唔到有驚喜喎! 呢度嘅火雞腎燒得好爽脆，好入味，推介另外，點咗一份泰式蟹粉炒飯。個飯炒得幾乾身，食落一啲都唔覺油膩，而且真係食到粒粒蟹膏~臨尾梗喺要叫返個最愛嘅芒果椰汁糯米飯作結喇

是日聚餐朋友想食泰國菜，介紹我地黎尖沙咀諾士佛臺的泰燒遙。呢間都幾岀名，所以我地都一早book定枱先～入面裝修好有東南亞異國風情呢～而且店員服務態度好好好熱情咁介紹我們餐廳啲新菜式～前菜點左青芒果軟殼蟹沙律，甜中帶酸的清爽又開胃。軟殼蟹也很大隻🦀 非常酥香，咬下去啖啖肉這裡的串燒很讚燒鮮冬菇好香菇味，質感細嫩又juicy，推薦！半份海南雞雞肉非常嫩滑順口，而且很有雞的鮮味店員介紹的新菜式華欣咖喱蟹球配法包造型非常趣緻，成個波咁！口感有點像蟹滑，非常彈牙～咖喱汁香濃惹味，用脆卜卜的法包沾來吃一流另一推薦是泰式蟹粉炒飯，愛蟹之人必點！ ！炒飯還附了兩大隻燒得香口的大蝦，肉質爽甜重點的蟹粉炒飯真的啖啖都有蟹粉炒飯底不錯，米飯粒粒分明，拌濃郁甘香的蟹粉吃下去層次很豐富~ 有嚼勁！超滿足的一餐當然不少飲番啲酒盡興一下由於第二日要番工叫左支酒精濃度較低的微汽泡甜酒 Moscato D'Asti口感輕盈，非常易入口，帶有香濃的甜美果香，好refreshing吃泰國菜必點的芒果椰汁糯米飯，有驚喜！想不到外表咁精緻（心心眼）芒果、椰漿、糯米飯配搭剛剛好，甜而不膩。三色糯米飯分別是原味，芒果味和黑糯米，非

好友相聚飲返杯，嗌咗兩支 Moscato D'asti一支 $198，出街飲嚟講價錢都幾貼地啦～好多人會 label 呢啲酒係比女仔飲不過甜甜哋做餐前酒我就覺得男女皆宜喇 😛呢隻 peach flavoured moscato 好順口，推介！【泰式生蝦刺身】$128白酒就梗係要配海鮮啦呢堆生蝦刺身用一個個 shot 杯上，好壯觀每杯都已經配好哂醬汁，一杯一大隻蝦超正多謝朋友愛錫，我食咗三隻 😆【鮮蝦柚子沙律】$138隻蝦好彈牙，柚子酸酸甜甜夠哂多汁而且怕辣嘅朋友都食得～【泰式豬手】$128喺曼谷水門食過泰式豬手之後就愛上咗豬肉好嫩，連埋啲皮就係食梗骨膠原咁 😂【火雞腎串燒】$15@左邊嗰兩串係火雞腎串燒！食落比雞腎更爽嫩【泰皇咖喱蟹】$380蟹肉好新鮮，就算用咖喱煮都食到蟹本身嘅鮮甜【華欣咖喱蟹球配法包】$238大大支香茅插喺蟹球度，賣相好有趣 😂個蟹球係用蟹肉打成膠，懶人唔駛煩拆蟹殼～兩個咖喱都係超惹味，一定要再叫法包同薄餅嚟點！法包本身都好香脆，好好食！【海底椰大樹菠蘿椰汁冰】$28最後嗌返杯泰式飲品作結真係好多片海底椰同大樹波蘿喎 😋唔係太甜，唔錯～呢度仲有好多海鮮串燒，都幾花款

第一次食lee間餐廳。之後係網上見倒有介紹，見屋企放假就帶左佢地去試試泰國菜。間餐廳晚市1800開，我地1755就開始等，門外都幾多人等。首先上係個湯，甜酸辣齊哂個湯入面，好奇怪。係飲落口第一個感覺就係辣，然係甜就酸。真心有d伏🤦🏼‍♀️然後來個爆炸茅豆腐，初初以為都係伏。點知食完之後想嗌多碟😍一咬入面係滑滑既山水豆腐，岀面個皮炸到好脆好香辣👊🏻下次去一定要嗌多碟😍之後來了泰式小食拼盤，係好扺食之選😍有齊豬頸肉，蝦肉春卷，炸蝦球，牛，雞肉串燒。個豬頸肉咸道剛好，吾會好似其他餐廳整到頸咸，蝦球大大個有原隻蝦在入面😍之後到個泰式蟹肉炒飯，的確有蟹肉夾在飯入面，仲好多蟹肉添。但炒得吾算太好食。蟹既味道入吾倒個飯入面。最後個泰式豬手吾記得幫佢拍照添！個豬手蚊得好lum好入味，下面有梅菜係底😂值得一試。仲有個椰汁特飲$28好扺飲😍

呢度D服務態度好差。我上次去呢間食，唔小心跌咗張紙巾，點知個侍應好串又大聲咁話唔要張紙巾都唔使掉落地。我只係跌咗張紙巾，而且我又唔知，你提醒我咪得囉，搞到我好尷尬。

平時每次去諾士佛臺飲酒都見到泰燒遙別個招牌，但就每次都冇機會試。於是今次一心Book定枱同班朋友食完嘢直落飲嘢！平時食生蝦都係一碟咁圍住，點都諗唔到依喥嘅生蝦竟然會放喺一個shot杯入面，令人眼前一亮！味道酸酸甜甜，最啱叫嚟開胃依個牛柳粒串燒唔好睇張相以為係平時街邊一串魚蛋嘅size。其實佢足足有一隻手臂咁長！啲牛粒柳食落一啲都唔韌，中間夾住嘅菠蘿同蕃茄燒咗之後，入面嘅甜味更加突出，冇咁油膩！豬手一咬落去好脆，啲肉質好滑唔會話太硬，再加埋沙嗲同咖哩汁，食落有兩種風味!依個燒遙海中寶真係不得了，一望落去勁大份! 一開始睇依間餐廳好多人都激讚依個，果然名不虛傳！裹面有新鮮的大蝦、帶子、青口、蜆、蛋，唔好以為淨係得咁少～個底仲有好多粉絲，加埋啲醬汁食落真係想食過番尋味!!!一開始問店員有咩甜品推介，佢講咗幾樣，當佢一講到依個「泰榴戀」，本身鍾意食榴蓮嘅我，絕對忍唔住叫依個甜品!榴蓮味好重，聽講係用D24榴蓮整~ 真係好好味!!!

泰燒遙，聽個名就知係食泰式燒烤啦~ 一行四人，大部分點嘅菜都不是燒烤， 以泰菜來說 ， 小菜質素未見突出 ～ 先嚟 ( 公車撚爆 <- 泰文譯音嚟嘅 😌，即係-> ) 泰式生蝦， 賣相精美，放在 shooter 杯入面， 雖然蝦肉 新鮮爽脆， 但醬汁偏鹹 😂炒金邊粉， 因為畀小朋友食，所以走辣， 結果好甜 😅軟殼蟹青咖哩配法包， 這道比較好😋， 有青咖哩嘅香及椰香味， 軟殼蟹香脆， 但就只有兩塊法包 😅。金柚蝦沙律， 碌柚清甜， 混入烤過的椰子碎， 非常清新， 酸酸甜甜很開胃 😄火車頭雞肉炒飯， 雞肉串入味， 炒飯 不會太乾， 味道討好。遲到的 小食拼盤， 有豬頸肉，串燒， 蝦春捲，蝦餅 及四種醬料。 呢個配搭好穩陣， 豬頸肉肥美，點煮都唔會難食。😄飢point : 6/10#hungermarch #非飢詩 #飢詩

諾士佛臺食肆雖多，但泰菜館的選擇相對較少，泰燒遙是其中一間。有別於一般泰菜館，泰燒遙的主打佳餚落在一眾海鮮身上，並提供富泰式風味的煮法。另外，燒烤美食亦是餐廳另一主打項目，各式海鮮、肉類及菜蔬勻整齊排式於凍枱上任君選擇。 飯餐先以兩道冷盤作始。鮮蝦柚子沙律一向是筆者喜愛的沙律之一，食感水潤甜美，酸中帶辣，又泛著點點蔥蒜滋味。泰式生蝦刺身則是友人喜愛的冷盤，蝦肉新鮮爽口，醬汁清新搶香，辣勁令人又愛又恨。 吃過冷盤，是晚首道大盤直送眼前。燒遙冬蔭功海中寶屬餐廳的精選推介，海中寶有冷熱兩款選擇，熱食配冬蔭功湯更富風味。大大碟的海中寶，內含青口、帶子、蟶子、大蜆、翡翠螺、大蝦及魷魚七款海鮮，當中推介肥美的青口及甜彈的翡翠螺。除了海鮮，鍋中引入了鴨蛋及金邊粉。相比雞蛋，鴨蛋的蛋香當然更勝一籌。金邊粉在冬蔭功的浸潤下，味道亦比預期佳。 追求海中寶貝，怎能缺少美味的鮮魚。這道燒原條魚，以大條肉厚的鱸魚入饌，揭開燒脆了的魚皮，縷縷輕煙一湧而出，白滑的魚肉漸現眼前。鱸魚魚肉軟嫩，本味佳。以生菜葉包裹魚肉、瓜菜條及其他花生青檸等佐料同吃，口感層次豐富，挺特別。 一連三款肉食串燒

好耐冇食泰國菜啦，今晚就和幾個好友揀選咗呢間位於諾士佛臺的泰燒遙。值得推介係燒遙冬蔭功海中寶 ＄598。配料有手掌咁大隻的兩隻大蝦，蟶子，青口，螺，魷魚，帶子，鴨蛋，金邊粉，再加上冬蔭功湯，很大盤，份量好多，足夠我地6人品嚐。濃濃的冬蔭功湯和海鮮配合得好夾，金邊粉吸收了冬蔭功湯和海鮮的精華，很入味。我地叫了這道海中寶，實在冇走寶，很明智的選擇，好好味呀。除了海中寶，我地叫的燒原條魚都係另一推介，原條驢魚來燒，好大條，呢道菜的食法係用生菜包住魚肉，配泰式辣醬，挺特別，魚肉配生菜，很清新。呢餐好滿足呀，品嘗咗呢兩道高水準的主菜。

香港其實真係好多人鐘意食泰國菜，泰國其實就有四大菜系，分別為泰北菜、泰東北菜、泰中菜、與泰南菜，反映泰國四方不同的地理和文化，而各地使用的食材往往跟鄰近國家的一樣。但我就好鐘意食佢地嘅泰式海鮮，因為真係非常有風味。今次就同朋友去到尖沙咀諾士佛臺嘅泰燒遙。餐牌內有多款泰國海鮮菜式。泰式生蝦刺身生蝦刺身非常新鮮而且亦比平時食嘅更加大隻，用Shooter杯盛載，青檸、天椒、芫茜醬汁等等，食落去除左啖啖肉亦非常爽口。燒原隻鮮魷 鮮魷都幾肥美，而且燒得剛剛好，咬落爽口彈牙，非常鮮味。燒青尖椒食左咁多肉，就叫左青尖椒嚟食，尖椒非常爽口帶丁點辣味。燒美國牛小排牛小排最怕燒到過咗火，而呢到真係燒得好有水準，外香內嫩滑加埋佢個醬更加冇得輸。燒遙冬蔭功海中寶(熱盤)海中寶上枱時大家都相機食先，海中寶有多款海鮮大蝦、聖子、魷魚、扇貝等等非常新鮮特別鍾意佢個聖子大大隻，爽口彈牙非常新鮮。海鮮底仲有大量金邊粉，吸哂海鮮精華相當惹味。基本上呢個菜式真係非常抵食，叫一個足夠６個人份量。椰青糕椰青加入大菜，味道清甜，好小地方有得食。最後仲叫左佢個泰國果酒，好易入口，岩哂女仔飲。

聽朋友講呢間餐廳係無味精的泰國菜，所以就來試一試。我地7點左右到餐廳，不是好多人，但一到8點，就坐滿人，餐廳氣氛感覺良好。先黎一個泰式生蝦刺身生蝦好新鮮，辣辣地，好醒胃燒豬頸肉＄108一片片簿簿的豬頸肉配上泰式辣醬，十分惹味燒牛仔骨＄128一份有3大舊牛仔骨，好厚身，食落很嫰，很美味呀馬拉盞炒通菜＄80嫰嫰的通菜炒得有鑊氣，很入味食泰菜當然少不了要品嚐飯後甜品芒果糯米飯＄78芒果配上軟軟的糯米飯令我好有滿足感