泰燒遙 (已結業)

菠蘿青檸蜜 $28菠蘿汁味比較重，蓋過青檸味，應該落左幾多蜜糖，所以杯飲品都幾甜。👍 燒遙冬蔭公海中寶 $598海中寶可選熱盤或冷盤，侍應話熱盤是冬蔭公湯，冷食的是綠色果隻生蝦汁。我地揀左熱食，上枱時冬蔭公湯是以壺分開盛載，可隨自己喜愛的辣度倒湯入碟中。碟中有多種海鮮：大過手掌嘅大蝦、蟶子、大元貝、魷魚、螺、青口、蜆。尤以大元貝丁水青口最出色。另外，切半的蛋唔係雞蛋，而係鴨蛋，蛋味更香。海鮮下面仲有金邊粉墊底，金邊粉同時吸收海鮮鮮味同冬蔭公湯的辣。👍 燒原條魚 $320原條鱸魚比預期中大條，魚皮燒得很脆，可以輕易成塊夾起。咁大條魚響燒完後仍然嫩滑，我用左隨魚送來的生菜包住啲魚肉一齊食，個醬汁係少少辣，三樣野加埋都配合的。👍 蟹肉炒飯 $108就咁望落好似唔太多蟹肉，但食落就知真材實料。蛋炒飯，加上蔥花、蟹肉，未食已聞到其香氣。👍 椰青榚 $48/4個通常食泰國菜最後都會點個芒果糯米飯，今晚要轉下新款，揀個椰青榚。原來係把椰青肉切絲，再倒入椰青水，再冷藏至啫喱狀。大部分泰菜都偏濃味，最後食個椰青榚就可以清新味蕾。

還記得去年旅行認識了一些新朋友、搞笑有趣事一大堆、一年沒見今晚終於聚舊。來過諾士佛臺吃過幾次泰菜、卻是第一次來泰逍遙。深木色為主調、裝修簡潔、有不少大圓枱、方便一大班朋友邊食邊傾。鮮蝦柚子沙律 $138 味道清甜好開胃。喜歡它柚子份量夠多燒遙冬蔭功海中寶（熱盤） $588這個不得了。一大盤海鮮熱烘烘地端來、有蟶子王、扇貝、翡翠螺、大蝦等。侍者替我們淋上冬蔭功湯、好像一盤特大海鮮冬蔭功。海鮮底下的金邊粉是亮點、吸引了冬薩功湯的精華、滑溜而惹味得很。雞肉/豬肉串燒 - $15/隻配沙嗲醬甜甜的很美味。馬來盞炒通菜 $80 同樣惹味、唔會太辣。蟹肉炒飯 $108由松葉蟹肉炒飯、可吃到鮮甜的蟹肉和一些椰汁味。椰青糕（4件 ）$48 以特色瓷碗盛載、很美呢！裡面由全椰汁、椰青肉造成、味道微甜、吃完濃味食物後可一清味蕾。朋友經常來說泰逍遙完全沒加味精、所以吃完唔會口渴。濃味的泰菜竟然沒加味精確是難得

細細個係泰國長大，全家人都十分喜愛泰菜。九龍城係不時外出搵食嘅地點，可惜未有地鐵站，對唔同地方返工嘅屋企人亦唔算好就腳。最近屋企人生日，選擇左係尖沙咀慶祝，泰菜亦係我地必然選擇。見到諾士佛臺呢間泰消遙咁多好評，就黎試下。生日一年一度，當然要食好啲，六個人其實都叫左好多野食。餐廳有一個特別位置，遠望以為係沙律吧，原來係擺放出不同即叫即燒吧海鮮、肉類同蔬菜，都幾吸引。餐牌第一頁就已經有兩款「海中寶」，大大碟好誘人。後面亦有兩大頁介紹佢地不同嘅醬汁，幾有心思。先點左鮮椰青($38)，炎炎夏日消暑一下。餐廳飲品價錢當然比出面黎得貴，但好彩都好清甜，解暑一流。先上生蝦刺身($128)，生蝦新鮮彈牙，酸酸地嘅醬汁開胃可口。泰式燒美國牛肉沙律($138)個醬汁都幾辣，但辣得黎好有層次，嗜辣嘅朋友不容錯過。牛肉外脆內嫩，泰式辣汁帶微酸，仲有啲辣粉蘸係面，辣得好過癮。燒美國牛小排($178)，又係無叫錯嘅選擇。雖然價錢唔平，但牛肉比牛肉沙律更加外脆內嫩，表面燒得香脆，入面微生，熟嘅程度剛剛好。更為推介呢碟熱辣辣嘅燒牛肉，記住趁熱食。其他肉類串燒多數係兩隻起($15/隻)，我地點左燒雞翼、燒西班牙豬腩片、

今日朋友突然call我食飯，在我冇心理準備下，唯有睇下OpenRice尖沙咀有乜嘢好食，左揀右揀，卒之揀咗呢間比較近朋友公司嘅餐廳因為我哋去到時已經係七點，而且入門口嘅時應叫我地八點半一定要交枱，所以我哋就冇選擇到呢個任飲！呢個柚子沙律都可以，不過好甜，落得太多糖了，特別係佢有D椰絲係炸香咗呢個蝦膏炒飯一D蝦膏香味都冇，好似食緊個隔夜炒飯咁，唔熱，唔好食呢個燒菇，望到都覺得唔好食，唔係我講睇落好靚，食落條魚D肉好霉話係菜苗，但係其實一啲都唔苗其實我仲有點左一個燒扇貝，嚟到都係有乾又唔新鮮，侍應服務好好，不過食物，同廚師方面真係要再研究下，點樣可以更進步，朋友食完話下次一定唔嚟

朋友聚會唔知食乜，跟住上OpenRice 睇下，發現呢間泰燒遙泰國菜comment唔錯，所以決定揀呢間。因為我哋book嘅時間比較晏，所以有啲想試嘅人氣菜式都食唔到😔；所以決定下次要再嚟！今次叫咗五個菜，推介的有燒牛仔肉（個菜名忘記咗😅），喜歡食牛嘅朋友必試👍🏻！燒豬頸肉都唔錯，醬汁是亮點，一定要點住食！然後大愛鹽燒笋殻魚，用錫紙包住海鹽包住條魚燒熟，拆開後仲保持魚嘅嬾滑同鮮味，juicy得嚟仲伴有淡淡嘅香茅香同鹽香，非常值得推薦👍🏻😋！不過埋單時有個小插曲，發覺條魚收多咗幾拾蚊；不過後來同店員講嘅時候，佢哋都好快計反啱個價錢。

叫椰汁冰，又多冰又淡！ 叫馬拉炒通菜，得個甜字，咩味都無！ 隻珍寶虎哈，$140 一隻同普通燒蝦一樣！ 😞食到有點嘔冬陰湯得椰汁味😞唉！ 勁失望！發誓吾會再黎！！ 送都吾黎😡😡環境一般，食都未食完就趕人走咁！ 食過咁多泰國菜，最難食？ 叫左4樣野，2個人食$717 過份，燒串野係咩味道都無味！我覺得呢間野同我期望既差太遠！ 泰國菜並不是這樣！ 串燒並不是這麼好吃，主打既串燒，我都覺得好差！我想講，有人留言比您，代表緊起碼有人反映意見，有D人食完吾好食，係吾會再黎，亦都唔會反映意見！ 珍惜！ 😡😡😡😡😡😡😡😡😡😡

2017.7.19 一班可愛同事聚舊。今次推介大家來食這間泰菜。其實我之前已經推介好多人。因為論食物質素非常不錯同價錢合理。所以這間泰菜店經常爆滿。🌻🌻🌻🌻🌻🌻🌻🌻🌻🌻🌻🌻🌻🌻今次試了兩款我之前未食過的，都好正。這間泰菜店我咁鍾意。係因為有好多款菜式都係我食過最好食的。1) 蝦膏炒飯$88 ，真係不得了。個飯香到不得了，有蝦米，蝦膏等，飯的濕潤度適中，甜甜地。食完一口接一口。(超推!!)2) 泰式炒金邊粉 $88 。每次必食。你就知幾好啦！3) 小食拼盤 $158 。有4款。豬頸肉。雞牛串燒。炸蝦餅。蝦春卷(每次食都覺得壞壞地。有酸味)。但其餘3款都好好食。特別係串燒。而且配上4款不同醬汁。更野味。4) 生蝦 $128 。生蝦本身好新鮮。好爽口又大隻。最特別都係佢地特別調製既薄荷辣汁。好refresh。好正5) 蒜蓉炒雜菜$78 。超多款雜菜。起碼有5款。好新鮮。汁帶甜甜地。又係炒得好好食6) 泰式炸子雞 。這碟相對較一般。因雞肉炸得較乾。而且沒有特別香。不是太差。但都不吸引。7) 芒果糯米飯 $78。嘩。啲芒果超超甜。仲要係成份都咁甜。超正。超好食。糯米飯有多款口味。每款都好正。8)

快啲入到間餐廳呢個環境你就為焗促啲啦咁就氣氛都唔錯場都好多人 一入都去大門口呢就有個可以揀嘢食嘅串燒包同埋海鮮 最好食咗牛柳串燒 但每日只限20串㗎咋要食就食早輪啦同埋呢個海中寶特別推介

好食泰菜唔一定要到九龍城先食到，喺大家會去飲酒嘅諾士佛臺就有呢間高級又好味泰菜，最岩一班對食有要求嘅朋友。餐廳平日晚市都非常旺場，好彩我哋預先訂咗枱。泰式生蝦刺身每次都要叫生蝦來開胃嘅我，點都諗唔到生蝦可以放上shot杯入面，賣相精美之餘，酸酸辣辣嘅生蝦醬令人胃口大開。燒遙海中寶 (冷盤)之前上網見到唔少人激讚呢個冷盤，結果黎到完全無令人失望！呢份凍海鮮拼盤有大蝦、帶子、蜆、青口等等，最正係碟底嘅粉絲，完全吸收辣汁精華。雖然我唔食得好辣，但係味道越食越惹味，即使要飲返一公升水先解到辣都覺得值得！而成份海中寶嘅份量係我一個女仔捧喺手10秒到會開始手震，你可以想像有幾足料！絕對要一試！牛柳粒串燒有手臀咁長嘅串燒大條得驚人，牛柳粒燒得岩岩好，唔會過熟而變靭，中間配有菠蘿/瓜減低油膩感。泰式爆炸豬手 店員喺切豬手前原隻俾我哋影相！豬皮脆到咬落有爽脆聲，而裡面肉質滑而結實，配上沙嗲同咖喱汁，非常惹味。不過對於怕肥肉嘅我吃得太多有點膩，好彩同行朋友最愛食肥膏位，令豬手好快食晒！泰榴戀 店員推介呢款新甜品嘅時候，極愛榴蓮嘅我已經聽到流晒口水，當中榴蓮心太軟最得我鍾意。雖然流心唔多，但榴槤味極重，同朋

見泰逍遙喺OpenRice好評如潮。便與朋友來此聚餐。一行八人，叫了以下食物：菠蘿黃咖喱蝦＄128，只係得三隻細size嘅蝦，幾片菠蘿，份量極少，真係有被騙嘅感覺。串燒豬+牛+雞，但是豬是酸的，肉質不新鮮。牛同雞非常一般。叫了泰式軟殼蟹沙律，點知嚟咗軟殼蟹青咖喱。青咖喱味道係ok嘅...叫咗大嘅冬陰公，$158 ，但份量極少。後來知道點解，因為佢實在實在太酸喇，其實飲三份一碗已經足夠...d蝦就ok新鮮嘅泰式燒魚都唔錯。泰式椰菜苗為最好食嘅一味餸。珍多冰龍眼冰味道ok店內推介嘅爆炸豬手味道ok,但其實冇乜特別...但佢啲侍應嘅態度都唔錯，係欠缺一啲經驗落錯單，送錯餸同埋唔添水。不過真係好懷疑佢嘅好評係打手定係真係咁好食呢呢⋯⋯？總結：其實好多泰國菜嘅質素都好過佢，味道真係非常一般，份量過少，唔會再試。

泰式鮮雜果沙律疏果新鮮，柚子清甜而無苦味，帶畫龍點睛之效。鮮辣泰式香茅蝦大蝦鮮甜而彈牙，帶點微辣泰式香料。用匙羹盈載，方便入口。牛柳粒串燒 牛柳粒都幾大舊，但又烤得熟，肉質鮮嫩juicy唔乾。燒遙海中寶（冷盤）大量冷盤海鮮，由於凍所以鮮味更突出。泰式酸辣醬有D辣，怕辣嘅注意吓。泰式爆炸豬手外層超脆，肥而不膩，識食一定要肉連肥肉食。飛天炒椰菜苗好惹味，微辣微甜好引人胃口。燒遙特色炒飯好多配料。但個飯唔夠乾身，多返D鑊氣更佳。芒果椰汁糯米飯三種唔同味道，任君選擇。糯米飯微甜，如果覺得唔夠甜，可加煉奶。

朋友聚會的地方選揀好多，平時黎諾士佛台都係去食西餐或飲酒傾計，今次朋友揀左黎呢間泰國野，平時行開不會留意到，比較偏僻！今次有朋友唔可以食辣，盡量揀左岩佢食既，但泰式生蝦真係冇得讓步，必食！一見到九公格裝飾的生蝦已經好吸引，一杯一隻生蝦，入面有晒泰式醬料，落幾多，落唔落，任君選擇！想另外加生蒜辣椒就放左喺最中間果格！生蝦好大隻爽脆，唔會太凍，我鐘意多醬，加埋醬好好食！本想叫多盤，但免得唔食得既朋友眼酸，下次再食！泰式豬頸肉幾乎係大部份泰國菜鋪頭最安全的一道菜！呢間亦好安全，香脆不過肥不油膩，醬汁偏咸偏辣，如果醬汁改良下應該好好食！大蝦柚子沙律，酸酸甜甜，夠晒開胃，大蝦都算新鮮！招牌豬手都幾肥膩，但卥得咸度適中，好香，皮就交俾男士食啦呢個雙拼甜品，我不太懂得欣賞....賣相好好既芒果糯米飯，樣靚但口感唔好，仲有d 生米....最愛得椰子汁，可以飲多兩個！

泰燒遙最近，發現自己突然很喜歡吃泰國菜，可能因為自己比較重口味，對於泰國菜那種又酸又辣又惹味的味道深深吸引着，這次，心癮再起，便相約友人到尖沙咀這間人氣泰國菜館吃晚飯。進入餐廳後，發現這間餐廳的裝潢及設計都非常有泰國風味，座位寬敞舒適，彷彿置身在泰國世界裏。燒遙海中寶海中寶的食材超豐富，大大的一盤實在極有霸氣，裡面有大蝦、蟶子、帶子、蜆、青口、魷魚、鴨蛋及粉絲，陣容非常鼎盛，一上枱大家都哇哇聲，海鮮上面佈滿青綠色的泰式醬汁，味道酸酸辣辣的非常惹味刺激，每一口都在刺激味蕾，而且海鮮都非常新鮮，大蝦鮮甜爽彈，帶子肥美鮮味，魷魚軟腍柔軟，底下的粉絲更吸收盡所有食材的精華，味濃極致，大家一定要試試。牛柳粒串燒串燒牛柳粒超大串，每人吃一串其實已經半飽，而且每粒牛柳都很大件，大胃人士必點呀！牛柳粒肉質軟腍，鮮嫩多汁，牛味香濃，醬汁又係勁惹味，調味剛剛好，果然是招牌菜，絕對不能錯過。泰式爆炸豬手炸豬手整隻上枱，霸氣十足，以刀叉切開，咬落皮脆肉嫩，味濃多汁，豬手香脆可口，一脆一嫩確是不錯，醬汁是沙嗲汁及咖哩汁煮成，非常惹味，不過吃多了有點膩，一定要與他人分享！泰榴戀泰榴戀總共有三款甜品，分別是榴蓮心太

好多時食泰國野都係去九龍城 今次就揀左就腳嘅尖沙咀開餐~泰逍遙係諾士佛台好方便入到去 就見到有個海鮮吧 放哂啲扇貝 蝦 蟶子等 樣樣都好大隻叫左好多野食 發覺呢間野比平時啲泰國菜辣好多 如果唔食得辣人士可能會怕怕1)泰式鮮雜果沙律 - $88超大份 有菠蘿 車厘茄 柚子 青蘋果 沙律菜 有一碟辣沙律汁另上 建議大家唔好落 拎個沙律嚟解辣~2)泰式生蝦刺身 - $128擺碟非常靚 好似九宮格甘 生蝦肉質好爽脆 個汁夠哂辣 正丫3)燒遙海中寶（冷盤）- $588海鮮凍食無揀燒嘅 一樣甘正 個底嘅辣汁同生蝦嘅一樣 有粉絲墊底 吸哂啲辣汁同海鮮汁 👍個冷盤有蝦 蟶子 蜆 扇貝 青口 螺 半熟蛋4)泰式爆炸豬手 - $268呢個係比較少見 豬手即炸 所以個皮非常脆口 伴個三文魚汁 好食5)飛天炒椰菜苗 - $85呢個一般般 偏鹹6)泰式炒金邊粉 - $88個金邊粉上面嘅辣椒粉 係好辣!唔食得辣記住唔好撈甘多!7)泰榴戀- $88呢個新出嘅榴蓮甜品一流 三款分別係糯米飯 椰汁糕 心太軟 最濃味係心太軟 建議留翻最後先食 呢餐泰菜好有驚喜 一嚟無特別遷就港人口味 夠哂辣度 而且價格好合理

天氣炎熱之下, 去食泰國嘢, 係個不錯嘅選擇, 尤其是同一大班朋友食, 一齊吹吹水, 食好西叫咗一個菠蘿青檸蜜, 一大片菠蘿係個杯上面, 有得飲又有得食, 菠蘿配青檸再配蜜糠, 都算係一個perfect match, 飲落去酸酸甜甜, 非常之開胃, 又夠清新, 又夠解渴泰式鮮雜果沙律, 有菠蘿, 有青蘋果, 柚子, 再加rosemary,車厘茄一齊食, 個醬汁 微酸, 蔬果好鮮甜, 又夠爽脆, 極之開胃之選!逍遙海中寶, 這是一個冷盤, 海鮮非常豐富 , 有大蝦, 有扇貝, 有青口, 才加半熟蛋, 大蝦非常之惹味, 肉質結實彈牙, 青口同扇貝 非常新鮮, 扇貝真係啖啖肉, 青口一啲都鞋口, 半熟卵夠香滑, 食到咁上下, 發現原來有粉絲係底, 粉絲吸收曬所有海鮮精華, 非常之好食!