泰燒遙 (已結業)

本來想去另一間既泰菜，但一聽到有個半鐘頭時間限制，就即刻要改地方！因為有一個朋友一定無可能準時到。於是揾左呢間。用左openrice 訂座，餐廳都有打電話黎confirm booking. 呢度好抵讚我唔洗擔心係咪真係訂到位。向左佢地有無時間限制時。佢地都有提到兩小時！同時講到如果無其他客人，我地可以繼續坐。睇到食評講到個海鮮拼盤好正。所以我地都叫左一個。呢個係3-4 人既。但得呢個size. 而呢個拼盤係海鮮價既。會視乎當日來貨價定！今日就係$698。有四隻蟶子、四隻帶子、四隻青口、螺、蜆，尤魚、兩隻大蝦，同埋糖心蛋。上餐既時候侍應會加冬蔭公湯入去！我忍唔住都飲左兩碗。一入口係酸既，之後辣味先至出黎。生蝦刺身就用雞尾酒形式出現！個個一放入口就話好酸，而辣椒只係中間一杯既一支偏小。香茅炸豆腐，嫩滑！馬拉盞炒棷菜苗，小辣！拼盤有炸蝦餅、春卷、串燒同豬頸肉。豬手！發覺呢間餐廳都幾鍾意加溏心蛋響D 餸菜度。軟殼蟹木瓜沙律，沙律都幾辣，仲有花生好香口。豬頸肉沙律。最後係芒果糯米飯加上好多唔同味既飯！但好搞笑地淺紫色既根本就食唔出乜味。芒果就幾甜。呢間餐廳既特色係有一個海鮮吧，你可以時價選你想要

尖沙咀，餐廳選擇多的是，打邊爐扒房中菜西餐日本菜甜品拉麵，你說得出都有，如果要說尖沙咀晚飯最難找的選擇，你會選那一種。 我會選的答案是泰國菜，要說深刻好食又個個都會讚不絕口的，無乜幾多選擇，於是朋友找餐廳說要在尖沙咀吃泰國菜，無乜幾多好答案可以給到功課。 泰燒遙絕對是一個非常不錯的黑馬選擇，吃過兩次的我立刻想起這個名字，因為得體的泰國菜，不多。 先來一份青芒果軟殼蟹沙律，軟殼蟹和全盛時期的元氣一樣咁好食，加上新鮮的青芒果和沙律，好清新又滿足。 小吃般的牛柳粒雜蔬串燒，燒得靚靚，牛柳粒剛燒得正好，無話會掌握到不好而轉壞料，加上雜蔬更是解膩。 小食拼盤有的都是最常見的選擇，春卷，豬頸肉，雞肉串燒，蝦餅，最好係大家各有所好，我自己覺得就最好係豬頸肉，燒過後邊脆又好，又唔會太肥。 海中寶熱盤點會幾個人食得哂，好多海鮮如手掌咁大隻嘅蝦，長長的蟶子，青口，等等，我唔覺擔添加人令件事。 朋友J介紹呢個咖喱蟹球配法包，說是必食，咖哩入味，蟹球在塗上咖哩汁後叫人醉心，最重要係蟹球好大粒，全部都係爆爆爆。 女士不能錯過的一定是這個泰式豬手，骨膠原勁強，那個泰式汁和豬手都不是天做地設的人，只要配

在去旅行前的一個朋友飯局，來到了吃過幾次的泰逍遙，每次都感覺良好，今晚也不例外。環境依舊尚佳，一班坐得舒適，價錢不貴，難怪是尖沙咀其中一間最受歡迎泰國菜。先上場的青芒果軟殼蟹沙律，清新可人，有點微醉的我反而沒有吃沙律，吃大大份的軟殼蟹食飽等自己唔會醉。朋友說吃過這串燒，牛柳粒雜蔬串燒，菜和肉各樣一半，不會太多肉，幾好。小食拼盤是泰式餐廳必吃，就如過年的全盒，什麼春卷蝦餅，樣樣好味。海中寶熱盤絕對是高檔貨色，蟶子和蝦吃過番尋味。華欣咖喱蟹球樣子普通，但吃得令人滿意，送飯最一流。你可以喜歡配法包，只不過配熱辣辣的飯，更加正，咖哩和飯。另外又是必點的泰式豬手，不會太鹹，點會不喜歡食，那個秘製汁是剛剛好的。泰王咖喱蟹，和剛剛的咖哩一樣好，雖然有點重疊了，但蟹大大隻，蟹肉不得不吃，特別是那蟹鉗，肉甜又香，是泰式一直的作風。

聖誕新年假期雖然已經過去，但是朋友聚會的興致依然不減，今晚有人發局，相約黃昏後，於諾士佛台泰燒遙相會，我樂意奉陪。 好一陣子沒有往泰國旅遊，講起都有些懷念泰國美食，尤其是沙嗲、蝦餅、咖喱及冬陰公，今晚正好滿足我這個為食的慾望，唯一美中不足的是獨欠榴槤而已，哈哈！ 環境沒有怎樣，最矚目的是堂前展示的海鮮，這兒即點即燒，新鮮熱辣，沒有可能出錯。濃郁及多層香辛味道本來就是泰菜的特色，今晚我最喜愛的三道菜，非常符合，他們就是泰皇咖哩蟹、泰式豬手、及華欣咖喱蟹球配法包。 青芒果軟殼蟹沙律  我對泰式沙律的印象向來一般，因為材料都是基本的是生菜或青芒果，特色在不同香辛辣度的醬汁，我覺得不夠精緻。這一道青芒果軟殼蟹沙律，請芒果夠爽，軟殻蟹炸至酥香不膩，入口外脆內軟綿綿，對板的。 泰式豬手  我向來不喜歡皮包骨的豬手，有些只有爽及韌，今晚要改觀了，這個泰式豬手炆得非常腍嫩，味道亦極之豐富，濃郁芬芳，理論上應該用上類似我們的滷水汁，但沒有那種老抽豉油味，泰式香辛材料亦缺，完全不辣，調味就是濃郁，豬手完全入味，除了皮骨之外，有肉有好嚼的筋，喜出望外的佳餚，心水推薦！配菜是只溫泉鴨蛋，一開為二，蛋

朋友耐唔耐就要見下，既然難得一見，去食好西是常識吧當晚朋友揀左位於尖沙咀諾士佛臺的泰燒遙食泰國菜！小弟本身係零辣人，少少辣都食唔到，所以本身都有D擔心會唔會無野好食，不過後來就知擔心是多餘的 XD首先來到的是青芒果軟殼蟹沙律呢個小弟無食到的，因為聞到個辣味已經唔敢食，不過同行友人就大讚辣得過癮，鍾意食辣既朋友可以試試。接著黎就係小食拼盤同牛柳粒雜蔬串燒小食拼盤內有：炸蝦餅、蝦春卷、沙爹（牛、豬）及燒豬頸肉，這個拼盤接近完全唔辣，唯一係豬頸肉有少許辣粉調味，不過都可以接受的牛柳粒雜蔬串，牛柳鬆軟，燒翠玉瓜、車厘茄、菠蘿都好惹味仲有泰式豬手豬手軟稔入味，唔食辣既我當然有食多幾舊啦跟住就係當晚重頭戲：海中寶熱盤、泰皇咖哩蟹、華欣咖哩蟹球配法包海中寶熱盤有：大蝦、蟶子、青口、魷魚、蜆、帶子，再配熱辣辣的冬陰湯泰皇咖哩蟹，咖哩香而不辣，配上薄餅，多多都唔夠喉華欣咖哩蟹球配法包，懶得拆蟹的朋友絕對要試呢個，蟹肉鮮甜，啖啖蟹肉加上香口咖哩汁，一個字 － 好食！最後點少得甜品芒果糯米飯糯米飯有5種味道，包括黑糯米、班蘭、藍蝶花、芒果、椰汁

因著暑假期間的泰劇熱，我對於泰國菜本就不低的好感度可謂再直線飆升 一向追求新鮮感，但除發掘新店之外，現在亦間中回訪曾經一嚐的餐廳 例如是尖沙咀的Thai on 5 泰燒遙，名副其實位處諾士佛臺1號五樓 往昔未跟主流選擇下午茶三層架，倒投向腍香入味泰式豬手飯，確是明智之舉 闊別兩三年，以聚會之名行飽餐之實，由前菜小食、豐盛主菜到飯後甜點一道不漏 泰式小食拼盤集合蝦春卷、蝦餅、沙嗲串燒、豬頸肉，滿是香口惹味之物 蝦春卷皮薄不滲油，而蝦餅麵包糠不會太厚，脆口，彈牙，調味不會甜得過火 肉食以豬頸肉最得我心，不韌柴同時不油膩，並帶少許焦香，沾醬與否也無大礙 即叫即烤串燒是泰燒遙主打得意之作，一份牛柳粒雜蔬串燒實在來得合時 牛柳粒肉厚又少肥脂，甜甜香香味不膻，夾著車厘茄、翠玉瓜等特別減膩 冬蔭功海中寶熱盤無疑是海鮮迷的天堂，一大盤豐盛時令海鮮實在色香味俱全 既為熱盤，食時要注入酸辣惹味的冬蔭功湯，當中的檸檬葉香尤其清新醒胃 中心兩件大蝦竟有手掌大小！不過太懶剝殼，還是大家起筷好了 魷魚厚肉軟彈，扇貝微甜而肉又不粉不散，青口較易吸湯而不至韌 吃著發現內有乾坤，底層原來是煙韌金邊粉，與水煮菜

洛士佛臺除咗係酒吧街，仲係美食街，中、西、意、法、日、泰、韓，講得出講唔出嘅都有，我始終熱愛泰菜，去親泰菜館都當渡假～走入餐廳，尤如置身泰國海鮮排檔之中，一排海鮮在眼前，任選擇，好有風味～手工啤又係近期大熱，見到就要飲，各有特色，Rose風味至啱美女... 如我... Cheers～🍻青芒果軟殼蟹沙律，味道酸爽非常惹味，提神醒胃～😙冬陰公湯微酸辣，啲蝦大大隻，超彈牙～🍤泰式蟹粉炒飯，伴啲芥蘭粒炒，好有唔同層次質感，好入味～華欣咖喱蟹球，蟹球超彈牙，用法包點埋啲咖哩汁，清碟～冬陰公海中寶，海鮮什錦，大蝦、聖子、魷魚、樣樣鮮～🤩三色芒果糯米飯，我最愛黑糯米～公雞碗盛載住美味椰青膏，又特別滋味喎～

尖沙咀吃不花巧的泰國菜其實選擇不多泰燒遙是穏陣的選擇又腍又入味的泰式豬手是必點菜式鹵水非常甘香佐飯一流另外幾道新菜亦有看頭牛柳粒雜蔬串燒份量非常大難得牛柳粒質素上乘粒粒烤至五成熟非常討好海中寶熱盤用上不少甲殼海鮮配冬陰公湯湯底熬得夠濃海鮮亦算新鮮錯不了最後兩道都是咖哩菜式這𥚃令人最回味的絶對是咖哩華欣咖哩蟹球拳頭大的炸蟹肉丸配香濃咖哩汁啖啖肉吃得過癮另外泰王咖哩蟹非常新鮮不過重點仍是咖哩我們共點了三客薄餅來清碟！最後其貌不揚的蟹肉炒飯吃下竟有淡淡棷香非常驚喜尚有蔬菜甜品每人晚飯約三百元點得海鮮多價格算公道

久違的泰國菜，好耐無食啦，今次甘岩約到腳去食perfect！我地揀左尖沙咀既泰燒遙，貪佢尖沙咀算係幾就腳嘛！之後都食過2次，印象不錯的！首先點左冬蔭功湯暖一暖胃先，一盅甘上，份量都夠4人食有突啊！湯底十分濃郁，酸同辣都好夠味！入面仲有大蝦，爽口彈牙！食泰國野都必叫海鮮，特別惹味，今次嗌左燒遙冬蔭功海中寶，好似係佢地既招牌來的，上枱後倒上暖暖既湯底，同冬蔭公湯差吾多，但就相對溫和一丁點，各樣海鮮都幾新鮮，加上size份量相當大！中間既大蝦簡直係珍寶size，對切一半仲會見到有膏添，酷似細版既龍蝦既樣子，質感亦是份外爽彈。入面既粉係泰式粉，又吾會太淋，不過我私心喜歡冷盤既q彈粉絲呢！第2樣主菜就係華欣咖喱蟹球配法包，蟹球份量十足，有蝦餅既口感，而咖哩汁幾濃稠仲有好多蟹肉係其中，配上法包就完美配搭啦！甜品必叫當然係芒果椰汁糯米飯，糯米飯有不同口味，其中斑蘭味好出幾香濃，芒果好甜呢椰青糕好清甜，質感幾似大菜糕，帶啲椰青肉增加口感

泰菜係我一年四季都會成日想食的菜式，夏天食酸微微又夠開胃，冬天食香辣又特別暖身今日同幾個朋友嚟食，就是想食佢個海中寶喔冬天時分就叫杯香矛茶暖暖身子，好重香矛味之餘仲有少少姜味帶甜青芒果軟殼蟹沙律 $118好開胃的一款菜，青芒果好新鮮，食落酸酸地又帶少少辣，仲有好大隻軟殼蟹好夠哂惹味冬蔭功湯 $158天氣凍最愛熱湯，冬蔭功湯啱哂，好足料又濃香，仲有好多隻大蝦夠爽口食燒遙冬蔭功海中寶 $598到最期待嘅海中寶上檯了，聽侍應講夏天會冷盤食，冬天會換上冬蔭功做湯倒入海鮮中做成熱盤入面會有扇貝、聖子皇、青口、大蝦、魷魚...等其本上海鮮都好新鮮，最愛大蝦勁爽彈，仲有聖子鮮甜華欣咖喱蟹球配法包 $238呢個真係無得輸，蟹球啖啖肉，用上華欣咖喱做法好惹味帶香料香氣啲汁緊係唔好浪費配上法包去食椰青糕 $48/4件甜品係椰青味十足嘅糕點，用上椰青水去做成，入面仲有好多椰肉

午市套餐豬頸肉飯,個飯微暖, 豬頸肉完全係凍嘅! 垃圾到暈! 跟餐叫柑桔蜜 問左侍應係咸嗰種定普通嗰種 佢話唔咸我先叫 黎到又係咸嘅....叫a la carte menu又唔係樣樣肯整 無下次!

泰國菜非常正宗，味道係我食過最接近一間泰國餐廳，佢個冬陰公湯唔會太辣，而且好足料，生菜包都好豐富，另外佢個菠蘿炒飯都好有泰國風味，雖然價錢有啲貴，但係食完都會諗起泰國嘅嘢食。

星期六就約左朋友去泰燒遙食飯，地理位置好好，如果食完飯仲想繼續傾計，樓下就係諾士佛臺，可以去飲杯野繼續傾 😊預先係open rice book左位，上到去都未坐滿，位置係香港黎講算寬敞，d櫈算好坐。Confirm booking個陣個員工話限時1.5小時，但個日夠1.5小時個陣都無趕我地走，可能因為無人等緊位。講番食物，點左：泰式鳳爪沙律、小食拼盤(多款式少份量，同幾個朋友share啱啱好)、青咖哩(好食)、咖哩牛腩(汁好食，但牛腩略乾)、海南雞(好嫩口好食) 、同金邊粉。可惜食得太飽無叫到甜品，我見隔離枱點左芒果糯米，好似幾好食。

平時我都好鐘意食泰國菜 所以我都揀左泰茶菜黎食 咁我就叫左個泰式少炒金邊粉 金邊粉份量都多 頭不過一個人食都可以食得晒既 仲有我叫左個串燒 雜錦串燒有雞羊豬牛 都幾多配搭 味道都唔錯

卡机坏了又不一早说，订座吃饭时一直没说，点餐时也不说。到最后结账才说。游客可以不用来了，完全差评，只收现金下次请早说我是游客就没现金，好彩朋友有，可怜朋友还要行老远去银行拿钱😡😡😡