泰濃麵 (樂道)

營業中

休息中

地道泰國船麵～近年帶到嚟香港街舖，唔去泰國都享受到～👍🏻泰濃麵舖面裝修帶點香港懷舊氣息，佈局簡單企理。😋頂級美國肥牛船麵 $68湯麵除咗可配一般嘅河粉、金邊粉、仲有黃麵、薯粉同飯！我揀咗黃麵，感覺似車仔麵嘅油麵。船湯湯底濃郁，原來有魚蛋、秋葵、蘿蔔等配料～仲有一堆炸豬皮，好香口，浸耐啲口感又唔同，有咬口～食物上枱夠熱，湯嘅熱力令肥牛煮得啱啱好，唔會over cook而影響口感。魚蛋估唔到又幾好食，彈牙～😋黑豚肉清湯飯 $68雖然係清湯，但一啲都唔寡，仲幾好飲添～朋友無飯不歡，佢揀咗湯飯。黑豚肉薄片，軟腍好食～一樣有魚蛋、秋葵、蘿蔔等配料，仲有啲通菜段，下次叫多菜先，因為爽口好食，唔夠喉呢！😋炸蝦餅 $38有三件，外面炸得香脆，咬落去好彈牙～😋龍眼冰 $28清甜～好多龍眼肉～我覺得食物口味更適合時下香港人，健康又好味～

船麵都食過好幾間，各有特式。今日閒晃就遇上呢間泰濃麵，主打泰式湯麵，又試下先～船麵選擇簡單嚟講分三項：首先揀餸：黑豚 / 雞脾肉 / 美國肥牛 / 安格斯牛肉 / 飛驒和牛 / 波士頓龍蝦 / 鮑魚跟著揀湯底：船湯 / 冬陰功湯 / 清湯最後揀麵底：河粉 / 金邊粉 / 薯粉 / 黃麵 / 湯飯仲有小食、甜品及飲品我男人覺得可以再辣多啲，而家唔夠刺激🔥但好合我胃口，香濃酸辣～最重要係個辣度啱我呢啲又想食又怕辣嘅～正！所以我比五分麵底多，冬陰公湯有海鮮配料，蝦、青口、蟹棒，都幾豐富～雞脾肉唔嚡口，有雞味😆好似好廢話，但我真係食過啲無雞味嘅，好攞命架！船湯湯底濃郁，配料有炸豬皮、魚蛋、秋葵、白蘿蔔。麵底一樣唔小～安格斯牛肉一入口，濃郁牛味即時散發，厚身有咬口之餘又嫩！啲炸豬皮另上會更好，食唔切浸淋晒咯⋯⋯炸腩仔～好食嘅嘢都邪惡嘅，不過成年先食幾次，都無所謂啦！金黃色嘅外皮～入口香脆～有肉汁，肉味濃郁～炸芝士雲吞呢個配搭我第一次食，唔錯唔錯炸得幾好，唔會食到成口油，芝士味濃郁，其實都唔洗點醬～炸豬皮/蝦片/甜點都可以外賣哦～總結：看似簡單，其實很豐富的一餐～飽飽～

今日好熱，唔想食飯，見到有間泰式船麵，決定試下頂級安格斯牛肉麵跟黃麵，頂級安格斯牛肉麵跟金邊粉（湯底濃郁.......嘩！好味到呀！食之回味！配料炸豬皮香口又脆，可以有一樽樽賣）泰式蝦餅，都幾好味，跟泰式酸辣汁炸雞翼普通啦，皮脆肉滑，都係跟泰式酸辣汁青檸梳打用泰國品牌玻璃樽裝梳打水，青檸汁另上

推薦指數：🤩🤩🤩去泰國就算幾熱都鐘意係夜市食番碗船麵! 番到黎香港都終於有間唔錯的泰式船麵啦而且地理位置好方便就係尖沙咀樂道近I-SQUARE 黑豚肉船湯HK$68船湯味道濃郁，除左船湯之外，亦有冬陰公或清湯可以選擇。黑豚肉肉質較嫩滑，配料仲有魚旦、蘿蔔、炸豬皮，重點唔少得個船粉！配埋少少地道泰式香料，都幾惹味。😋青木瓜沙律HK$48😙份量真係幾少下，但味道相當唔錯！有好地道泰式風味，酸酸辣辣，爽的木瓜絲，絕對係一道開胃菜呀！😍😍😍泰濃麵整體味道唔錯，但份量相對地少。不過如果太掛住泰國的地道船麵同船湯底，黎呢到過下口癮都唔錯😬😬😬

原隻波士頓龍蝦海鮮船湯金邊粉🦞$188我又冇諗過響泰國餐廳食到波士頓龍蝦😛原隻上好震撼😆而且隻龍蝦都幾大隻🤩仲要係勁多膏🤤真係啖啖肉，爽呀😚除左龍蝦之外😏仲有炸豬皮丶秋葵丶魚蛋同蘿蔔😋船麵湯底飲落好濃郁☺️味道較重，啱曬我，好好飲😝結果我一滴不留，全部飲哂😜泰式炸蝦餅🦐$38炸蝦餅夠厚夠實，而且蝦味夠👍食落又夠哂彈牙😋泰式龍眼冰特飲🍹$18 (跟餐)飲落清清甜甜😏消暑解渴😝仲要好多龍眼肉😎泰濃麵 (尖沙咀)尖沙咀樂道7號嘉樂大廈地下A舖

終於到了Happy Friday，我跟朋友到尖沙咀一間泰國餐廳吃晚飯。看到餐牌上有很多款式，如船麵，令我想起很久沒去泰國旅行了，應該是時候又要去旅行了，哈哈。在餐牌上更有創意的船麵款式，例如鮑魚，甚至是飛驒牛，很厲害呀。這碗是安格斯牛肉船湯配薯粉，湯汁超好喝，薯粉吸收湯汁精華，吃起來每啖都是滋味。這個泰式小食拼盤真的是滿足你三個願望呀，有蝦餅，雞翼，芝士雲吞，尤其是想試不同款式，而單點又會覺得昂貴，這個時候這拼盤就非常適合了。飲品方面，我就點了香茅斑蘭及青檸梳打，看到這樽泰國牌子的梳打水，就覺得很棒，天氣熱的時候喝這個沒有錯的。整體上，這間店跟普通賣船麵的餐廳不同的地方，就在這間提供多種不同國家的食材可供選擇，值得下次再來。

好少食泰國野既我，經朋友介紹下先黎到呢間泰國餐廳食飯。食泰國菜冬蔭公湯就見唔少，今次朋友極力推介，就試下船麵先。湯底非常之香濃，令人忍唔住一口接一口。配料有豬皮、墨魚丸、蘿蔔等等，份量適中。而當中有我最鍾意就係炸豬皮，非常之香口，而且脆卜卜。金邊粉吸收晒成個湯嘅精華，每一啖都令人回味無窮。而且錦岩聽到旁邊既客人談話，聽到佢地係特登黎香港食返呢間餐廳，可見回頭率都幾高。更令到我對泰國嘢只有辣字改觀。😎😎😎

泰式小食拼盤唔使講野，整返個小食拼盤食下先呢！睇個賣相已經相當想食。泰式炸蝦餅（2件）蝦味濃，鮮甜，爽口，真材實料！炸雞翼（2件）雞翼腌得好入味，炸得剛剛好，裡面肉汁豐富。炸芝士雲吞（2件）非常香口，芝士味濃。外脆內軟，雙層口感。配埋泰式醬一起食，一流。頂級安格斯牛肉船湯想講講個湯底，湯底鮮味濃鬱，聽講湯底混入豬血牛血，怪不得咁惹味。裡面有蘿蔔，蘿蔔好鮮甜。有魚蛋，魚蛋好彈牙，味道鮮美。主角梗係安格斯牛肉，牛肉半熟，質感鮮嫩，牛味濃，真係好正！面係河粉，質感不過不失，正常，吸收左湯底，真係食到唔停得口。椰汁糕看樣子已經好清涼，食落清甜可口，椰子味豐富，作為飯後甜品確實不錯！

頂級安格斯牛肉冬陰功金邊粉 $88真係揀得好岩，安格斯牛肉真係好正，牛肉好滑，真係無諗過湯麵既牛肉都可以咁滑！👍🏻冬陰功湯都好味，少少辣又有d甜！之後聽老闆講原來每碗麵既湯都獨立煮，以確保湯底唔會煮得太濃。雞脾肉清湯黃麵 $68雞脾肉就好鞋好似食緊雞胸肉咁，個清湯清得來有少少蘿蔔甜味都幾好，黃麵食落就似油麵😂青檸梳打 $28青檸汁加糖水另外跟一支梳打水自己倒，味道普通、正常！不過咁熱既天時就係要飲D凍嘢消下暑！

好鍾意食泰菜嗰個friend，話發現咗間隱世泰菜小店，想我同佢一齊去食吓😆見佢咁有誠意就陪佢嚟啦。原來呢度係主要食湯麵㗎喎，喺香港食船麵嘅鋪頭唔算多，而呢度都有唔少選擇，但我最後係比佢個冬陰功湯底吸引咗哈哈！我自己就叫個頂級安格斯牛肉冬陰功金邊粉，一嚟到就緊係飲啖湯先啦，酸酸辣辣，好濃郁，仲有青口、蝦、蟹棒、秋葵伴碟，好足料啊。如果想食清少少可以好似我朋友咁揀個雞脾肉清湯黃麵，偷咗佢一舊雞脾肉食食落好嫩滑。哈哈食泰菜飲青檸梳打食泰式炸蝦餅是常識吧！蝦餅爽口彈牙，推介。

由於今個星期1-5去左公幹，所以今個weekend 要好勤力地返左公司OT😢，為咗慰勞下做得咁辛苦既自己，決定同寶寶食餐好嘅 lunch!Openrice 左一陣之後，見到公司附近有間我未食過嘅泰式餐廳好似幾吸引咁🤩，今日就嚟呢度試吓啦☺️！門口既透明玻璃可以清楚見到店入面既泰式擺設同埋飲品櫃，仲有可以即刻買走既炸豬皮（$18）同炸蝦片（$18），好吸引咁呀😍！店內設計簡單，環境乾淨整潔，仲播住輕快既泰文音樂，感覺幾得意😆。今日我哋兩個叫左兩碗粉+一個泰式拼盤+一杯飲品～1004 頂級安格斯牛肉船湯金邊粉 $88除左主打既安格斯牛肉，配料仲有炸豬皮、白蘿蔔、2粒好彈牙嘅魚蛋、秋葵。湯底好香好濃味，啱晒今日乏味嘅我😆。炸豬皮好脆，好似食緊薯片咁，但一浸落湯又可以變返做豬皮😝，唔想食咁熱氣可以浸浸佢，不過當然建議脆住食啦！呢個安格斯牛肉真係同美國肥牛唔同，牛肉嘅口感咬落去完全唔一樣，安格斯牛比較軟身，就算浸左落湯熟曬，都一啲都唔韌，浸到食晒成碗粉都一樣咁好味口感咁好，絕對係有分別嘅！👍🏻2003 頂級美國肥牛冬陰公湯薯粉 $68配料有肥牛🥓、蝦🦐、蟹柳、青口、秋葵、菇，真係估唔到冇「海鮮」兩

收工去尖沙咀行街，之前已經有見到個呢一間餐廳，經過見到冇乜遊客排隊就入去試吓 價錢其實好公道，想食好啲可以要飛驒和牛同原隻波士頓龍蝦，普通啲就可以揀黑豚肉雞脾肉同埋安格斯牛肉，比較吸引到我嘅係船湯，好少喺泰國餐廳度見到，而且好好嘅係可以揀自己想要嘅麵頂級安格斯牛肉船湯船湯會包魚蛋，炸豬皮，蘿蔔同豆，入口個湯唔算好濃味，又有少少甜甜地，係肉類嗰種甜，都幾特別頂級安格斯牛肉冬陰公湯由於我哋比佢個安格斯牛肉吸引左，所以兩碗都叫咗安格斯牛肉。冬陰公湯入邊會有蝦同青口，入口有少少酸辣，唔覺特別辣，啱啲平時覺得冬陰公太辣嘅朋友。泰式香茅斑蘭梳打覺得味道好正宗，好重斑蘭同香茅嘅味道，佢直情有原條香茅插左落杯嘢飲度但飲到尾啲梳打就會蓋過左佢哋嘅甜味，建議可以叫小冰總括來講，佢啲湯其實都有肉類淆咗好耐嗰種香甜味，好令人上癮，下次會再過嚟試吓原隻波士頓龍蝦

#泰濃麵係泰國最鐘意食粉仔。今年未有機會去泰國咁唯有係香港食住先。Search OpenRice 見到呢間「泰濃麵」專賣粉仔，所以黎解解饞。泰粉最出名同有特色既湯底係船麵既黑色湯底同冬陰公。所以同朋友叫左各一，可以試哂兩款。#頂級安格斯牛肉船麵 $88湯底撞入豬血牛血，所以會呈深啡色，但唔好覺得核突，湯底鮮甜而不腥。揀左金邊粉，比河粉幼身但同樣吸味。本身平價既食物，加左頂級安格斯牛肉後身價倍增。牛肉沒有弄到全熟，味濃面且腍滑。除此外仲有彈牙泰式白魚蛋、腍又多汁既蘿白、脆口炸豬皮同埋通菜。雖然賣$88係貴左少少，但料靚份量多，大碗到男仔都覺得多。整體味道同泰國有七八成似。#黑豚肉冬陰公湯麵 $68揀咗泰式河粉。湯底酸酸地辣辣地好醒胃，椰奶同香茅味好香，辣度只有譚仔三小辣，相信唔太食得辣嘅人都會覺得好惹味。本身湯底仲會有原隻蝦同草菇等等材料。豚肉比起豬肉爽口。好食！#炸豬皮 $18因為炸豬皮好好食嘅關係所以特登帶多咗兜，炸得通透鬆化，冇油膩感。

今日約咗外地朋友去尖沙咀行街，到晚飯時間見到呢間特色湯河店朋友話想試一試。湯河湯底分兩大類：船湯，冬陰公湯，清湯。面類可選：河粉，金邊粉，薯粉，黃面（蛋麵），湯飯。我選了《雞髀肉船湯，配薯粉》。船湯是特色泰國河粉湯底，配上大量香料，炸蒜，䓤，芫荽，炸豬皮，另有蘿蔔，和墨魚丸兩粒。湯底味道濃郁，有點牛骨湯的味道，雞髀肉是手撕雞。薯粉煙煙 un un 口感十足，掛上湯底另味道感上添花！朋友選了《黑豚肉清湯，配河粉》此湯底適合喜歡清淡湯底的朋友。同樣有墨魚丸兩粒和蘿蔔，和炸蒜等香料。黑豚肉份量頗多，肉質爽口。河粉滑滑的幾好味。我地另外叫左個《小食拼盤：炸蝦餅，炸雞翼，炸春卷，各兩件》。雞翼炸得香脆的。蝦餅肉質彈牙不錯吃。春卷裡面有蝦挺不錯的👍。飲品叫左個《香茅斑斕蘇打》味道清新解喝可以解解油膩！我地見到d椰青都幾大個，下次試試先！

尖沙咀多了好幾間專食船麵的鋪，而呢間食過好幾次，完全保持水準，推～我點的是頂級安格斯牛肉船麵（金邊粉），烤豬皮係脆嘅～牛肉一嚟即刻篤入湯底（怕生可浸耐少少），好嫩呀！蘿蔔亦煮得好稔，秋葵冇潺可放心食，湯底顏色雖然深色但唔會好咸，唯一不足就係魚丸，可能係香港人口味鐘意爽口啲。朋友點了雞脾肉船麵（金邊粉），亦有炸豬皮、魚蛋、蘿蔔、秋葵，配搭不錯，我見朋友食晒！炸腩仔脂肪分佈極均勻，切得剛好，一啖一嚿，炸得亦唔燶，配上醬汁（”酸MAYMAY”）完全不覺得膩！讚！