泰濃麵 (樂道)

營業中

休息中

行過尖沙咀樂道見到依間泰濃麵，晏都未食既我，已經忍唔住狂奔入去除左日本拉麵之外，泰國船麵係另一種我最愛食既麵自從第一次係泰國食過，發現原來係甘好食既不過可惜係香港船面既選擇唔多，食過好多都食唔番泰國既味道，更加唔会好似喺泰國甘，每碗都細細碗，俾你一次過試哂甘多種麵入到黎已經係下午茶時段我揀左個頂級美國肥牛船麵個名聽落好吸引調味料比較少，不過我自已好少落，對我黎講唔太大影響我揀左黃麵，啲頂级美國牛肉淥到好老，好韌除左牛肉仲有墨魚丸同炸豬皮個豬皮好香口，加埋啲湯幾好食個湯底都做得幾香，麵都好好食下午茶53蚊有少少貴，不過來唔來食下又無防既

見好多人話呢間平靚正，就黎試試啦叫咗兩個餐，加錢跟咗兩杯特飲，呢杯係泰式碟豆花特飲，味道算幾特別。泰式青檸梳打特飲，咁樣上幾特別，好似港式凍檸樂咁！但其實佢杯裝嘅唔止係冰同埋檸，仲有啲鹹鹹地嘅嘢，撞埋佢俾嘅梳打真係超級爽！多氣之餘鹹甜感勁夾稍後食嘅麵，亦透心涼！ 頂級安格斯牛肉，船湯薯粉。聽好多話船湯勁正又足料，果然無講錯，望幅圖都知，有埋啲脆脆，蘿蔔,魚蛋等等，勁豐富。啲湯其實幾好味，所以一路食都飲咗唔少！托一托底，其實都幾大份咖！牛肉堅好味，肉味濃，而且唔韌！薯粉都勁有咬口，勁正！黑豚肉船湯黃麵，黑豚肉都幾正，唔算好薄但係唔韌！加埋呢個小食拼盤，雞翼正常水準，炸蝦餅比想像中好，食得出有蝦，唔似好多時其他地方似食粉咁！泰式芝士雲吞相當特別，鐘意芝士獨特味道嘅人真係值得一試。埋單三百，再次認識泰式菜嘅味美

泰濃面呢間泰國船面都開咗一段時間,終於有機會一試😁揀咗黑豚肉船麵配金邊粉. 黑豚肉船麵配金邊粉嘩，佢個湯底真係好濃郁好香呀！忍唔住飲多幾啖 哈～配料都勁豐富除左豚肉之外仲配有超彈牙魚蛋、白蘿蔔、秋葵同埋炸豬皮個炸豬皮好正，脆卜卜，好香口，好鐘意佢個口感～On top 仲有好多炸蒜同埋葱配上金邊粉食真係幾正 而且份量都唔小！下次會再encore 要試下個冬陰公湯底，聽講都好正架～～

朋友忽然心血來潮，話想食船麵，結果搵到尖沙咀呢間人氣泰麵館。由於我本身唔太好船湯，所以點左冬陰公湯底。雞髀肉薯粉冬陰公湯底 $68冬陰公湯夠酸又夠辣，雖然係鹹左少少，但幾乎成碗比我飲哂!! 唔好睇佢碗細細，原來個麵底都唔少，不過薯粉煮耐左少少，唔夠彈牙；配料亦幾豐富，除左雞髀肉之外，仲有一隻大蝦、青口、蟹柳同埋一D秀珍菇；雞髀肉比較鞋，大蝦彈牙，整體唔錯。頂級美國肥牛黃麵船湯底 $68配料雖然唔及冬陰公既多，除左肥牛外，只有2粒白魚蛋、白蘿蔔同一D脆豬皮，不過勝在湯底濃郁又夠杰身；肥牛唔算好肥，而且幾有牛味，加上食果陣只係半熟，一D都唔韌，食得過。泰式炸蝦餅 $38朋友中意食蝦餅，所以特登點左個比佢解解癮。由於蝦餅新鮮炸出，職員細心提醒小心辣口；蝦餅厚身、彈牙、有蝦味，可以一試。係店內短短半小時，聽到之後入黎既食客都係點冬陰公湯底為主，我同朋友都一致認為，呢度既冬陰公湯底較為出色。

<好味泰野 炸腩仔必食🐷>呢間泰濃麵 食泰式特色麵 仲有好多特色小食同野飲 播住泰國歌 有卡位有細圓枱 燈火通明 而且味道都十分唔錯 👍🏻🍴頂級安格斯牛肉金邊粉 要船湯 88 蚊🐂材料豐富既泰式麵 船湯 味道特別 甜甜地又帶 d微辣 有 d香蒜葱花調味🌿 感覺仲有 d香草同蝦味 材料豐富 有彈牙魚味濃既魚蛋 秋葵十分新鮮爽口 泰式豬皮 本身爽口 浸左湯半硬半淋口感幾得意 😍 煮得好軟林入味既白蘿蔔 當然仲有主角安格斯牛 佢切得厚度適中🐂 牛味香 牛肉味濃 好食 金邊粉係比較幼身 口感好爽 米味偏香 吸哂湯汁 正🍜🍴泰式炸腩仔48 蚊🐷外表幾靚 切得每舊大細一樣 見到豬腩仔分幾層 外層炸得好香脆。入面既肥膏唔會膩 口感爽彈 加埋煙靭既豬肉 肉味香濃 幾層口感 正😍🍴泰式小食拼盤68 蚊泰式炸蝦餅🦐 炸雞翼🐥炸芝士雲吞🧀各2炸雞翼 整得香脆 外表 帶 d香茅香 蝦餅 個茨粉適中 出面層香脆 入面蝦膠多 蝦味香 😍而芝士雲吞 除左出面夠薄脆外 入面既芝士味好夠香 口感軟滑🧀 都好好味🍴泰式龍眼冰特飲28 蚊🐲 落足料好多龍眼 而且好夠香甜 龍眼汁當然都甜 加埋凍冰冰 夏

🔺泰濃麵喺香港食泰菜就食得多但係專食泰國粉麵嘅餐廳都係第一次試😀.黑豚肉船湯金邊粉🍜小編第一次飲船湯 濃濃嘅黑色湯底 係因為加左豬/牛血 但係咁落一啲腥味都冇👍🏻👍🏻而且碗麵都幾多料😌除咗黑豚肉仲有魚蛋、炸豬皮、白蘿蔔同秋葵🌱食完真係好飽好飽～～.同行友人試左冬陰公湯底 友人大讚唔會太辣 酸酸辣辣好開胃🔥

同事生日想食泰國野，地點又想方便D，唔想去九龍城，甘唯有去openrice搵下喇，一search，見尖沙咀有一間okay多好評，地點又就腳，就抱住一試無防ga心態去試下喇，結果竟然又有驚喜wow🙈👆🏻雞肶肉船河湯金邊粉船河湯底味道非常濃郁，啖啖都充滿牛骨香味，令e碗本身平平無奇ga金邊粉變得異常吸引‼️👆🏻飛驒和牛冬陰公金邊粉起初點e款金邊粉ga時候，係對佢D和牛好有期望，但結果不過不失喇，但個冬陰公湯底，真係喜出望外，酸酸辣辣，非常開胃，令成個金邊粉味道立即昇華🤤👆🏻燒腩仔個樣似豬頸肉，但食落就似燒肉多D👆🏻炸芝士雲吞即叫即炸，成粒都係芝士，岩哂鍾意食芝士ga朋友總括黎講，湯粉湯底非常出色👍🏻👍🏻，餐廳地點就腳，價錢合理，值得推介‼️

今日經過尖沙咀，見到呢間泰式麵店，好似幾抵食，於是就入去。環境裝修新淨、乾淨。我哋選擇左：1. 頂級安格斯牛肉船麵我最喜歡食牛，見到呢個咁頂級的牛，當然要試試啦。個湯麵嚟到，湯底真係好濃郁。啲牛一咬落去軟琳琳，質素係高，伴住其他肉丸、豬紅、蝦米等等，成個湯麵好好味，好濃泰式味道。2. 黑豚冬陰公湯麵我朋友叫了呢個，賣相己好靚。他話吾算太辣，味道岩岩好，酸酸美味咁，喜歡濃味的朋友一定要試。3. 泰式小食拼盤好特別的，有炸芝士雲吞。其餘就是雞翼及蝦餅，好鬆脆，好正！

記得上次黎，係因為本來想食隔離間台灣野～ 不過因趕時間最後無排到，就黎左呢間食，點知都有驚喜喔！今晚時間尚早～未到6點就黎到， 超早食飯感覺好健康！裝修有點懷舊feel,, bg 係啲聽唔明嘅泰文歌～呢個飛驒牛其實都好吸引 🤤🤤但今晚想食啲酸味味野～ 最後揀左船湯河 同 冬陰公河～ 兩份都係安格斯牛～ 再加杯 青檸Soda 冬陰公永遠都無得輸呀 ，好開胃！ 🤤😭😭酸辣嘅湯底一諗起就口水分泌出黎喇☺️☺️配料亦好豐富安格斯牛好嫩滑， 有大蝦，蝦好鮮香肥美！另外仲有秀珍菇、秋葵等等～ 河粉幼滑！最後都想再讚多次個冬陰冬湯不論酸度同辣度，都調較得洽到好處！老公食嘅船湯都好正， 有別於街外的普通湯底， 一定要試！配料有爽彈魚蛋，蘿蔔，炸豬皮等～ 雖然價格上是有點小貴， 但店主用嘅都係靚料， 所以都係物有所值，值得再來呢！

喺iSquare隔離有間食泰國麵新開既，今晚去紅館睇演唱會之前，就去咗呢間餐廳食晚飯，星期六嘅夜晚人流都幾多，餐廳大部份都係男侍應，都好nice。我哋叫咗一個小食、兩碗面、一杯飲品。泰式炸蝦餅$38，有炸蝦餅同炸蝦片，炸蝦餅配雞醬最夾，好好味，冇腥味，炸得好脆。黑豚肉船湯黃麵 $68，船湯配料有白蘿蔔、炸豬皮、魚蛋，同黑豚肉，魚蛋好彈牙，個湯甜甜地，黃麵好似油麵咁，幾好。頂級安格斯牛肉冬陰公金邊粉 $88，有蝦、蟹柳、青口、秋葵，冬陰公湯唔算超辣都易入口，隻蝦好大隻實肉既，蝦好配冬陰公湯，安格斯牛肉果然係頂級，食落好有牛味，有好多油脂好香。泰式龍眼冰特飲 $28，龍眼冰夠凍，甜度剛剛好，有好多龍眼肉，冬陰公少少辣，配凍飲最適合。

好想食船麵，然後同事就帶我黎呢度食，話呢度個湯底好濃郁Lunchtime 12:45去到，唔洗等就即刻有位我order左黑豚肉船湯(金邊粉)，同事就order左雞脾肉船湯落單等左5-10分鐘就有得食一黎就試下佢個湯底先，個湯的確相當濃郁，飲落有好重嘅香料味道(特別係胡椒)，所以越飲越辣…想話碗麵有好多配料: 魚蛋、蘿蔔、芽菜、秋葵、炸豬皮，好豐富；加埋炸蒜粒、蔥花，非常香口。另外黑豚肉又唔會太肥，軟嫩有肉味；麵底配了金邊粉，麵量都幾多。賣相同味道都對得住價錢，出開尖沙咀可以試下

天氣熱辣辣，冇咩胃口，都唔知食咩好，係尖沙咀經過泰濃麵，食麵都好喎！好，坐底睇下有咩好食先。雞俾肉冬陰公湯河，麵底有幾款可以揀，河粉好爽好滑，冬陰公湯做到又酸又辣，即時胃口大開，有好多雞脾肉，仲有青口同蝦，正！頂級安格斯牛肉船河，我叫左金邊粉，幼身既金邊粉，食落口感細緻一些，牛肉好重牛味，食落腍身唔痴牙，仲有拌料炸豬皮，脆脆地，好好味。龍眼冰，唔太甜，有龍眼香，仲有龍眼肉。食住麵，飲埋椰青，真係超爽！

在尖沙咀返左3年工近排聽聞樂道有間泰濃麵係必試之選既然屋企成日都不煮飯就不如今日食埋先返屋企我就揀左個中等價錢既頂級安格斯牛肉冬陰功湯當中仲可以揀河粉、金邊粉、薯粉、黃麵、湯飯薯粉都幾索湯底個味~~蟹柳、蝦、青口、菇等等，完全係泰國冬陰功材料、香料同味道真係飲到不停口，辣辣地少少酸，好開胃仲要頂級牛肉係半生熟，係用左湯底既熱力浸到全熟所以好正、好嫩滑個薯粉索曬個湯底既味，好濃湯底加曬分泰式小食拼盤 $68泰式炸蝦餅、炸雞翼、炸芝士雲吞雞翼非常香脆，裡面係仲好JUICE最正既係個炸芝士雲吞個芝士好軟綿綿，但個外層係脆卜卜的雲吞皮仲正過普通的炸雲吞，芝士個種質感好食過肉類炸蝦餅好似水泡圈咁啖啖都有蝦肉，明顯地見到一粒粒的蝦肉

今日放假到尖沙咀shopping，天氣非常熱，行到攰攰哋，我們便到泰濃麵吃碗船粉。平日下午二時都坐了不少客人，看來這裏很受歡迎。餐牌上主要有船湯、冬陰功湯和清湯三種湯底，可以選擇後自行配搭河粉、金邊粉、薯粉和黃麵等。我們叫了餐牌上推介的頂級安格斯牛肉船金邊粉$88，安格斯牛肉，重牛味又不會太肥膩，旁邊還有炸得香脆的豬皮，魚蛋、蘿蔔和秋葵。一吃之後配上濃郁的湯，相當美味可口，果然有一定的水準。手撕雞髀肉清湯金邊粉$68，湯底清甜味美，味道好吸引，但也不會太重味精， 吃完也不會口渴，配上手撕雞、蘿蔔、秋葵和魚蛋，有口感又夠美味，真是一個不錯的選擇。泰式炸蝦餅$38，新鮮熱辣炸好，金黃香脆，軟身彈牙兼大大件，好好味，還有幾片美味的蝦片伴碟，真是越吃越喜歡，既好味又抵吃。炸雞翼$38，一碟有四隻，大size的雞翼炸得肥美超靚，外皮夠脆又不會過火， 雞肉仍然保持嫩滑，點上泰國甜酸汁一起吃，正!跟餐叫了一杯泰式青檸梳打特飲，只是加$18。梳打加青檸，點只係解渴咁簡單，在酷熱天氣下飲用，簡直透心涼。這裏的食物真是很好味道，加上價錢大眾化，地點又很就腳，所以唔怪得泰濃麵這麼多人捧場。

記得同朋友去泰國食過船麵，回來後好懷念因爲湯底好味，令人想翻尋味。而家唔使去九龍城，都食到正宗的船麵，尖沙咀呢間泰麵濃位置十分方便，呢晚睇完戲就去樂道呢間泰濃麵。頂級安格斯牛肉船麵$88這裡湯底有船湯，冬蔭公和清湯選擇。當然我選了最懷念的船湯底。另外想不到泰國船麵會有安格斯牛肉咁高質食材。片片牛肉厚薄剛好，來的時候還是半熟粉嫩的。這安格斯牛肉只需輕輕放在熱湯中幾十秒便可吃，味道濃郁，肉嫩無比，滲了船麵濃而不過咸的湯底，真是天衣無縫。配菜還有爽彈的魚蛋，清甜白蘿蔔，以及炸豬皮，非常脆口，口感豐富。麵底這裡也有幾款選擇，粉麵飯也有。個人喜愛金邊粉，滲了船麵湯更添滋味。黑豚肉船麵$68朋友點的豚肉船麵 ，黑豚味道不會蘇，肉質軟嫩及肥瘦適中。不吃牛的 選豚肉就沒錯了！泰式小食拼盤$68（各2件）有炸蝦餅：基本上唔會輸，蝦膠肉很爽彈，最好是炸得不會過火，味道不咸，配酸甜醬一流。炸雞翼：亦無得輸 ，但稍為欠泰式味道。炸芝士雲吞：頗特別，炸雲吞皮包著淡淡芝士，蘸上酸甜醬，增添美味！龍眼冰 $28去食泰國野都會必點龍眼冰，龍眼冰滿滿大大粒龍眼肉，味道清甜又好解渴！有炸豬皮賣，送麵來吃不錯啊！