泰濃麵 (樂道)

營業中

休息中

約左位好耐無見既好姊妹食飯，佢帶左我黎尖沙咀呢間泰國餐廳食，果然名不虛傳，粉麵係真係好好食，湯底濃郁！先黎個「飛驒和牛船湯」$178我地選擇了配薯粉，薯粉啵收了湯汁及和牛的精華超入味，薯粉又滑又彈牙和牛份量都唔少架，肉質嫩滑入口即溶既口感配上香脆可口的自家炸豬皮真的超惹味！「雞脾肉冬陰功湯麵」配金邊粉 $68湯底濃郁惹味酸酸辣辣好開胃金邊粉爽口又入味，雞肉切粗絲方便食又唔鞋口！「泰式小食拼盤」$68雞翼香脆嫩滑肉質多汁香口炸蝦餅蝦肉足料又彈牙炸雲吞更超意外，雲吞內是年糕餡，真是好有創意，沒有諗過原來年糕餡既雲吞係咁夾咁好食，真係好想再點黎食！

同老公喺尖沙咀行街，夜晚又係諗食咩嘅時候。本來想去食米線，但行過見到呢間新開就一於試吓，船麵好似幾得意，未食過我叫咗個黑豚肉船河，湯底好香濃，用咗黑胡椒，豬骨熬制而成，有類似豬油渣嘅配料，通菜、魚蛋、秋葵，都好豐富另外叫左個炸蝦餅，正常水準，唔錯

誰說泰國菜式，一定是咖哩、串燒、冬蔭公這些？其實想淺嚐泰滋味的話，也可以選擇吃麵類，不但比較清淡，而且也不算Heavy，當然，炸物還是不可少的（笑）黑豚肉清湯裡面有我超愛的秋葵，加分！還有2顆魚丸、蘿蔔等配料，湯底清清的很好喝，黑豚肉夠林身，黃麵應該是蛋黃麵，不硬但有咬口，很喜歡這種麵條的口感！到男友特意揀選的頂級安格斯牛肉清湯，湯頭的味道比豚肉的更好喝！安格斯牛肉的牛味很濃郁～泰色小食拼盤的炸芝士雲吞超邪惡！但也非常好味～脆皮內的芝士是拉絲芝士，惹味非常！！雞翼和蝦餅也外脆內軟，沾泰式甜辣醬吃很美味！另外也推薦泰式蝶豆花特飲！如果你從沒喝過蝶豆花的話，真的要試試看，有一種很特別的甜味！

今日出尖沙咀買蛋捲，買完行去樂道果邊睇下有咩野食，行行下睇到間泰濃麵價錢又大眾化，又有船麵又有其他小食。餐廳環境舒適，牆上掛上餐牌好吸引。頂級美國肥牛船麵，有肥牛，豬油渣，魚蛋，蘿蔔和秋葵等。肥牛牛味濃肉質嫩，魚蛋又爽彈，金邊粉又索晒湯底的精華，湯底濃厚又香濃。泰式鳳爪酸酸辣辣又幾入味，鳳爪又爽口又好好味。泰式炸蝦餅，蝦餅炸到金黃色，蝦餅又彈牙蝦味濃，炸蝦片又香噴噴。炸雞翼炸到皮脆肉嫩又香口，沾上甜辣醬更加香口。泰式糕點拼盆，椰肉大菜糕，啖啖椰肉又爽口又不會太甜。椰汁糕有西米，芋頭粒和粟米粒好好味。

5月頭去完曼谷，食過一碗船麵，令我念念不忘。返到香港 好想揾返泰國既感覺 。今日 係尖沙咀行過 見到泰濃麵 抱住試下心態。麵 一到 聞下 😍 正喎 有香味 😍飲啖湯 😎我發自內心笑左 「就係呢個味」 真心好正 我全個河粉KO 左 湯都飲哂 🤤仲食埋個芝士雲吞 好特別 好好味😍👍🏻👍🏻👍🏻👍🏻👍🏻最後一杯龍眼冰 雖然偏甜 但正宗泰國野飲 就係甜嫁啦😎如果你地想食地道泰國味 呢度一定有100分驚喜

同朋友係尖沙咀行街，想食泰國野就入黎呢間泰濃麵試下，環境幾乾淨光猛，職員個個都幾有禮貌，我地叫左2個粉麵，黑豚肉船湯薯粉同埋雞脾肉冬蔭公湯河粉，仲有一杯泰式龍眼冰特飲，同埋一份泰式小食拼盤包括炸蝦餅、炸雞翼、炸芝士雲吞各2件，湯麵既湯底味道非常濃郁，而且配料同香料都非常足，黑豚肉有炸豬頸肉加普通瘦肉，而且仲有彈牙魚蛋！驚喜！薯粉為幼身，有口感，冬蔭公味道好正宗，酸辣味道balance, 肉份量都好多，河粉連湯一齊食，正！小食拼盤即叫即炸好香脆，炸雞翼特別出色，至於龍眼特飲比較特別，平時出面好少見就叫黎試下，好重龍眼味，好清甜同多龍眼肉，一路飲一路食龍眼肉，夠曬潤！中意食泰式麵既朋友不妨黎試下！

話說又到星期六，放假節奏周圍逛街點少得食好西環節，今日就去左呢間泰濃麵食，名字好特別哈哈，入到去，好有泰國特色既裝修，古色古香，之後員工熱情款待，仲特別為我們介紹店內最具特色既船麵，我就揀左肥牛船湯金邊粉，呢到可以隨你自己喜好配撘不同湯底同麵類，自由度好高之後上菜啦，哇，第一淡就即試船湯先，好濃郁，帶有胡椒味道，好足料，之後仲配以炸豬皮，哇天呀，好好味，好夾丫所有材料之後就叫左個小食拼盤，入面有蝦餅，雞翼仲有個好正既炸芝士，如果仲二食芝士既你，呢個一定要試哈哈，一d都五漏既感覺又成功一次找到好西食

下午八時許，難得間野有位咪入囉(試過你就知點解)，純粹諗住食個快。成兩舊水一個人，要杯水，未能提供，要俾錢買水，重好串咁話可以兩個人一支。坐果張枱有個櫃桶放餐具(茶記果隻)，原來係佢地個迷你倉，一餐飯走過嚟開左十次八次攞餐具俾其他客，並無誇大。全場伙計旁若無人高談闊論，對客就鞋口鞋面，已經攞緊錢找數都要急不及待係咁收你枱d野，但係重有一半座位吉既，送客效率奇高。燒鵝既價錢，蔗渣既服務(以性價比而言)，重要學人收加一服務費，說好的服務呢？

依間船麵小編唔好麵食都覺得係推介首先佢有下午茶，食個麵都係$48仲可以半價叫小食頂級美國肥牛船湯金邊粉，超多配料，有蘿蔔魚蛋秋葵炸豬皮，豬皮超香口配埋個船湯真係不得了，船湯超濃，飲完都唔覺頸渴，另外肥牛佢上碟唔係全熟，係靠湯熱浸熟所以非常嫩口雞翼新鮮炸起唔油，超熱半價好抵食$19

湯的味道就一般般。。。。問題是面，都糊在一起的，也沒有吸進去湯的味道。。。。。。食材也非常一般般。。。加上一條很不搭的秋葵。。雞翼沒醃過，裡面的肉也不熟。。。。絕對名過其實。。。。。。。。。。。

—餐牌好簡單 湯底有3款 再睇下想食咩肉類 想食豪d仲有龍蝦 鮑魚雞脾肉船湯河粉($68)早幾日飲咗冬蔭功 轉下口味嗌咗船湯湯底濃郁 飲完唔太口渴食得太慢 個粉嗦哂d湯店員見狀 主動提出洗唔洗添湯安枱斯牛肉冬蔭功金邊粉($88)雖然用嚟做粉麵湯底但味道唔會比單嗌冬蔭功湯遜色泰式鳳爪($48)份量慷慨 酸辣醒胃泰式香茅班蘭梳打(+$18 跟餐)淡淡香茅味 解渴又清新———————————————泰濃麵 Siam Noodles尖沙咀樂道7號嘉樂大廈地下A舖

今日本身約咗個客去iSquare，點知要遲三個鐘唯有自己同同事附近搵食！本身諗住行去後邊食車仔麵，咁行過就見到呢間泰國粉麵人幾多也很吸引，所以就入咗嚟！他們主要都係食泰國粉麵湯飯，有幾款湯底餸菜選擇配小食。價錢在尖沙咀來說都可以接受，但係當然都係要睇吓好唔好味啦！中午時間來到全場坐滿，一台食完一台就入嚟，少部份是遊客大部份都係附近做嘢嘅人！頂級美國肥牛冬陰公湯配薯粉 $68牛肉有牛味，脂肪比例均勻，牛肉的確不錯，冬陰公湯底，比起我哋平時小菜飲嘅冬陰公湯會略淡一點，佩面食就一流唔會太濃烈！但係仍然保持冬陰公的美味！黑豚肉冬陰公湯面$68豚肉有驚喜，豬味香濃，夠爽！同冬陰公湯底亦都很夾！兩個麵套餐就配汽水！我哋仲叫咗一份拼盤，$68，有雞翼蝦餅泰式雲吞每樣兩件！即叫即炸熱辣辣！

今日相約屋企人去尖沙咀行街～又唔想食大商場既連鎖餐廳-估唔到isquare地面一對開就係一間泰國餐廳咁就黎食碗泰國粉~餐廳成幅牆都係食物相真係愈睇愈肚餓！！😂😂-頂級安格斯牛肉船湯 $88見到安格斯緊係衝呀！！真係好香牛味😛唔係hea我貨真價實既靚牛黎🙈個船湯仲配上脆脆豬皮！好香口！第一次咁樣食湯底好香濃仲有唔少香料香草既泰式味道🙈超級推介船湯金邊粉😛😛😛-小食拼盤 $68 分別有炸蝦餅、芝士雲吞同雞翼雞翼炸得香脆可口，裡面肉質唔會覺得乾蝦餅點上甜酸醬好開胃，口感好彈牙，唔會食到成口粉感👍🏻👍🏻-不得不提既係大熱天時點可以少得消暑解渴既飲品👅餐廳既飲品好特別，都係自家製既龍眼冰好清甜飲完有種滋潤喉嚨既感覺，龍眼都好多粒！而呢杯好紫藍色既就係蝶豆花特飲，味道好清新，好少見餐廳會有呢種味道既飲品緊係要試下😍😍

好想食泰嘢。 行經見呢間，地方寬闊又唔洗排隊，於是入嚟食下～好誇張，有龍蝦麵, 又有鮑魚麵～ 隔離枱嘅外國人真係食緊龍蝦，食得津津有味 😆 但當然唔敢影佢相我都係平平地食返平常嘢～揀完湯底揀麵底。最後揀左黑豚肉冬陰公湯金邊粉。 真係估佢唔到，居然仲有隻大蝦同青口～ 冬蔭公湯香辣好惹味😋金邊粉量十足又爽滑～另外仲有食雞脾肉船河。湯底鮮甜濃郁，配滑嘟嘟河粉，同樣好食～ 配粉仲有魚蛋、秋葵同豬油炸～開心食仲叫左小食拼盆，有脆炸芝士雲吞、炸彈牙蝦餠、同嫩肉炸雞翼～最後食埋甜品～ 椰子糕超驚喜👀 椰味香濃不得了，超好食～ 以後行經，都會想外賣買幾件 😋😋😋

<跟女朋友吃飯系列•三十七>今日聽到政府公佈薪酬趨勢調查，大有驚喜，便立刻相約女朋友出來一起慶祝。坐落完i-square旁邊的泰濃麵，就吸引了我女朋友的眼球。地點方面十分容易找，坐落於i-square旁，不吃也要進去看一看。餐廳內外十分闊落，也有卡位，沒有多大泰國特色，但客人一定會坐得舒適。餐牌方面中英並重，且重點推介菜式及圖文並茂，令人很容易選到好吃的菜式。食物方面點了1）頂級安格斯牛肉船麵；2）雞脾肉冬陰功湯麵；3）泰式炸腩仔；4）炸雞翼。1）先來了頂級安格斯牛肉船麵，湯底很甜，也有豬油渣，很正宗的泰國菜，略嫌安格斯牛肉不是太多，如果你吃湯底，，如果吃安格斯牛肉就，看看你的標準如何。2）雞脾肉冬陰功湯麵這個很好，冬陰功味道很濃味，配上雞脾肉，很滑，再加上少量海鮮，大滿足。3）泰式炸楠仔，不知道泰式在哪，但豬楠肉是好吃的，炸得剛剛好，也很值得叫。3）女朋友覺得不夠，於是點了炸雞翼。這個反而炸得有點過火，但配上麥記的甜酸醬，蓋上了它的燶味，不過不失。帳單如下：