泰濃麵 (樂道)

營業中

休息中

#yumyum尖沙咀😋 頂級安格斯牛肉船麵（$88）船湯湯底係深啡色，十分香甜濃郁，而且香料味十足！💯安格斯牛肉肉質鮮嫩軟腍，食落好重牛味，船麵配料十分豐富，有豬皮、蘿蔔、秋葵、魚蛋等！豬皮炸得好香口，魚蛋都好彈牙🤤黑豚肉冬陰功湯麵（$88）冬陰功湯底又辣又酸十分開胃，而且配料都好豐富，有蝦、青口同埋蟹柳😋 味道唔錯！豚肉食落唔會鞋口，麵底揀左薯粉，好煙韌彈牙！而且索埋啲湯一齊食好正🤤泰式炸蝦餅（$38）蝦餅有三件，炸得好香脆，食落肉質彈牙，仲食到蝦嘅鮮味🦐炸蝦餅旁邊仲有幾塊炸蝦片，食落脆卜卜😚椰青（$48）大大個椰青，椰子肉好清甜！-泰濃麵 (尖沙咀)📍尖沙咀樂道7號嘉樂大廈地下A舖抵食指數：😚😚😚😚😚/5 ⁣舔舔脷程度：😋😋😋😋😋/5

lunchtime 食飯 係尖沙咀一向選擇少價錢高 突然經過漢口道發現食泰國店 簡直就如獲至寶 諗都唔諗即刻食啦入到去望下個menu 好多選擇 仲有得簡湯底同麵底 正頂級安格斯牛肉船麵-我哋分別叫咗金邊粉同埋河粉 好夠份量 配料足足有五大塊安格斯牛肉 岩岩好 好淋好有牛肉味 一食就知係高質既 配料仲有蘿蔔 非常淋 忟得好入味 魚蛋好好食 個粉唔洗講 索哂湯準 就咁食個麵都已經夠好味 泰式炸腩仔-入口爽脆 即叫即整 仲熱到出煙 肥瘦啱啱好加埋個酸辣汁真係一流龍眼冰特飲-大熱天時食泰國嘢一定係飲呢個 非常好飲清甜解渴碟豆花特飲-賣相好靚 唔會太甜 幾好飲下次要帶多d 朋友尼食埋其他食物！

同朋友係附近行完街就黎呢度輕食🤤🤤係門口已經聞到濃濃嘅牛湯味道😍頂級安格斯牛肉船麵❤️湯底果然無令我失望，非常濃烈，牛味香濃⋯正宗程度由如置身泰國🙈牛肉嫩身，入口即溶👍卜卜蜆冬陰公湯金邊粉❤️冬陰公湯酸辣惹味，creamy 有椰香！卜卜蜆新鮮無沙，仲提升左整體鮮味😋😋泰式鳳爪❤️辣味同酸味都十足！！鳳爪無骨，每一口都有味覺刺激，好入味！龍眼冰❤️解渴解辣之選😋😋👍整體唔會太甜，仲有大量龍眼肉😍

之前試過黃面麻麻地，於是今次決定食冬蔭湯加飯，不出所料味道不錯👍但有一樣食物不太討好，那就是芝士炸雲吞皮，感覺咬起來感覺怪怪的，但另一邊廂，炸蝦餅反而有驚喜好味

今日突然想食泰式午餐，去到尖沙咀一間叫泰濃面的餐店試下。雖然只得我們兩個人，但店員都可以安排卡位給我們，很好呀👍🏻炸芝士雲吞 - 這個超級邪惡，炸得金黃之餘，食下來啖啖芝士，比起一般炸雲吞來說，較特別。船面可配船湯，冬陰公湯，清湯底。另外可配湯飯，河粉，金邊粉，薯粉，黃麵。雞脾肉船湯船麵 - 手撕雞肉方便進食，配料有泰國豬皮，魚蛋，蘿蔔，湯底不錯呀。飛驒和牛船麵 - 飛驒牛肉非常嫩滑，配以冬陰公湯底，辣味香濃，喜歡辣的朋友可以一試。

一連幾個星期吃了日本菜後決定和好友轉一轉，吃泰國菜，試一試新口味。泰濃麵位於尖沙咀樂道，iSquare出發不用5分鐘便到達，地點十分方便就腳。近來新冠肺炎嚴重，我們也從本來的堂食轉為外賣。下了單後大約十分鐘便有得取，十分方便快捷。餐廳也十分細心，將麵和湯分開兩個外賣盒，確保食物質素跟堂食一樣。泰式小食拼盤(⭐⭐⭐⭐💢)這個小食拼盤兩人分享最適合不過，包括了炸蝦餅，雞翼和芝士雲吞三款各兩件。蝦餅厚身而且肉質彈牙，配合甜酸醬十分惹味。芝士雲吞吃起來感覺新穎，外脆內軟，啖啖芝士香味。黑豚肉船麵 - 油麵(⭐⭐⭐⭐⭐)黑豚肉一共有五至六塊，頗為厚身，吃起來嫩口。船麵湯底十分香濃，一喝便知道是由花椒，八角等等不同香料製而成。湯底微微黑色，相信是加了豬血而製的。而且還有白魚蛋，豬皮，蘿蔔等等不同配料。當中最欣賞白蘿蔔，煮得腍身，而且冇渣，吸進了湯底精華，令人停不了口。頂級安格斯牛肉冬陰功 - 金邊粉(⭐⭐⭐⭐⭐)朋友叫的這個也十分不錯。安格斯牛肥美，而且脂肪分佈平均，入口即溶，牛味濃沃。冬陰功湯底酸辣適中，夏天吃就最適合不過，絕對能引起食慾。相對於油麵，金邊粉掛湯力更高。總括而言，這間餐廳不算太貴

平時系附近返開工之前一直都想去試咁岩今日同事介紹就去咗試吓矩個下午茶$48大大碗 湯底味道夠濃我覺得金邊粉好味  肥牛一般以呢個價錢黎講系抵食既夠飽肚不過由於疫情關係所以人流都唔多枱同枱之間都加上左隔板大家可以放心甘食系值得再去既一間鋪頭 下次去試埋其他小食先

抗疫期間無得出國旅行，實在難忍去食泰國野當去左轉泰國算尼間泰濃麵，一入門口播住泰文歌已經充滿泰國情懷。主食方面自由配搭：可以揀船湯，冬陰公或者清湯配湯飯、河粉、金邊粉、薯粉或者黃麵我揀左安格斯牛肉船湯金邊粉（$88）同卜卜蜆冬陰公湯飯（$88）船湯入口濃郁，牛肉片牛味好香！金邊粉麵底亦都非常多！唔會唔夠飽！冬陰公湯底唔算太辣，酸酸地另一忍唔住一口接一口，卜卜蜆份量唔少而且都算大隻，無沙啖啖肉！我地另外要加左個泰式小食拼盤（$68）有炸芝士雲吞、炸蝦餅同炸雞翼各兩件。芝士雲吞睇落平平無奇，點知咬落有驚喜，大大舊芝士釀係入面，好濃好好味！炸蝦餅外面酥脆，裡面足料彈牙！炸雞翼相對平凡少少，但都唔錯！最後加埋杯青檸梳打（$28），消暑解渴，真係有種去左泰國既感覺，埋單時仲有搓手液派，非常貼心。

呢間野之前已經食過好多次，自從疫情開始少左出街食，難得今日出街食就遇上今日呢個情況，首先一入到去食食吓個麵分別有兩個店員擤鼻涕同埋咳🦠🦠仲要唔覺佢有洗手🌝🌝宜家呢個咁嘅情況衛生意識要非常之警覺，我個麵食到一半都唔敢再食🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️同埋店員都出名態度惡劣，加上衛生意識極差、真係要小心，就算幾好食呢段時間都唔好去住😢😢😢😢😢😢講返個面麵，以前其實真心唔錯、但依家個湯底越來越重味精，食完之後喉嚨勁乾，勁頸渴。同埋今日個雞髀肉一啲味都冇好似白烚咁☹️☹️☹️同埋個胡椒味好勁勁到有少少頂唔順，以前好明顯食得出湯底好鮮甜，雖然都係濃味但唔覺味精咁勁。

個晚剪完頭髮去搵野食，因為時間都唔早啦，搵間方便的試下，位置係isquare旁邊，我今次叫左個卜卜蜆船麵，我朋友叫左豬肉冬蔭公，我個個蜆肉大大粒，新鮮彈牙配埋船麵，我覺得幾好味呀！我另配左香茅班蘭梳打特飲，班蘭味道唔夠濃。

泰濃麵係一間新派泰式船麵店，之前已經食過一次， 佢地嘅配料唔係淨係得傳統嘅炸豬皮同豬肉丸，仲會有黑豚肉、美國肥牛、龍蝦、和牛......選擇非常多，不過我最鍾意都係佢地嘅湯底非常濃郁惹味，但食完又唔會口渴，今日去開重慶唱錢，就順便再黎幫趁。麵店格局似靚板粉麵店，除左圓枱都有卡位，環境乾淨企理。對比起上次黎，湯料選擇又多左，好似卜卜蜆、鮑魚、鴨胸，連之前大熱嘅芫荽都有。卜卜蜆冬陰功湯金邊粉($88) - 哩個卜卜蜆金邊粉唔單止有五大隻卜卜蜆，仲有蝦、蟹柳同青口，都幾足料。卜卜蜆幾大隻厚肉，湯底酸酸辣辣好開胃惹味，金邊粉唔會太腍，麵量可以接受唔係兩啖食完貨仔。黑豚肉船麵($68) - 船麵除左黑豚肉，本身仲有炸豬皮、魚蛋同白蘿蔔，麵底我揀左薯粉。船麵湯底好濃郁，薯粉煙煙韌韌。蘿蔔好腍冇渣，吸收左湯底嘅味道好好食。炸豬皮建議要盡快食，否則就會浸腍左。泰式小食拼盤($68) - 拼盤有炸蝦餅、炸雞翼同炸芝士雲吞各兩件，三樣都唔錯，可以一次過試齊三款小食。總結，麵食比小食出色，麵店喺泰式湯麵嘅基礎上加入左唔同嘅湯料，特別得黎出黎效果亦唔錯。

🥺想念泰國卻不能去 唯有啪個泰麵街上的33度高溫 彷如置如泰國（笑）·第二次來到這家店 特別愛好這兒湯底尤其是船湯 湯頭濃郁 搭配上河粉確是一流💕加上嫩紅的安格斯 滿足😋夏日焗熱 冬陰公湯底酸酸辣辣特別開胃 會忍不住吃多了🤭比起河粉 貝兒更愛黃麵的爽彈口感☺️·介紹下 開胃冬陰公湯的功效！是 真 的 會 吃 多 了 🙂炸蝦餅 熱脆爽口😍炸芝士雲吞 外脆內軟 啖啖芝香🤤當然少不了 貝兒最愛最愛最愛的飲品🤤原 個 椰 青 呀 呀 呀 ～～清甜無添加！又可勺椰肉吃不枉我夏日熱辣辣 也要回訪❤️🍜頂級安格斯牛肉船湯河粉🍜黑豚肉冬蔭公黃麵🍤泰式炸蝦餅·炸芝士雲吞🥥原個泰國椰青·青檸梳打

位於尖沙咀樂道嘅一間泰國菜，店舖不大，但防疫措施做得好好，每張枱都會有一支細細嘅搓手液，門口亦放有一次性搓手液供客人走時使用，另外又會放低一杯熱水比你洗餐具，非常貼心。🔝安格斯牛肉質素還可以，上枱時仲係半生熟。炸豬皮做得比較出色，口感酥脆。 而船湯味道濃郁惹味，配料多。🔝木瓜絲比較幼細，但依然口感爽脆，酸辣度適中。🔝炸雞翼一啲油膩感都無，亦唔會乾身咬落多汁。

鋪頭樓面四正，乾淨衛生，一入座即有哥仔送上熱水浸住餐具，招呼不錯，落單快捷。點了安格斯牛肉船湯金邊粉 牛肉：上枱時處於生牛狀態，埋在熱湯中慢慢變熟；肉質偏稔，但無牛肉味。金邊粉：爽口，不錯不錯！船湯：第一啖甚覺味濃，正！再飲多幾啖，發覺越來越口渴，甚至覺得「確喉」⋯唔知師傅今晚係咪重手咗？由於無叫飲品，只好快快食完，再到附近超市買咗支椰子水解味精解鈉- 唔係講笑，我真係飲番500ml 嘅椰子水先無咁口渴同「確喉」⋯

泰濃麵船湯黑豚肉金邊粉船湯湯底配料有炸豬皮同魚蛋,味道好濃郁又唔太咸剛剛好👍再配上幼幼的金邊粉吸哂湯的味道的確惹味可口😋,再講講豚肉的口感,豚肉絕對唔會太硬同"鞋"口,因為煮豬肉溫度要控制得好好,如果煮太久口感會好"鞋"口影響成碟食物的質素冬陰公湯頂級美國肥牛金邊粉冬陰公湯的配料有好多海鮮包括有: 蝦,蟹柳和青口 未食先飲一啖湯底覺得唔會太辣,香茅味好濃,好適合唔太食到辣的朋友仔去試,湯底好惹味會不自覺飲多幾啖,邊飲邊食金邊粉口感更佳😋 講完湯底而加講講另一主角肥牛,肥牛脂肪分佈都幾平均,有入口即溶的感覺,加上都好足料食完好滿足😋泰式炸腩仔見到餐牌第一眼已覺得佢好特別,於是諗都唔諗記叫左黎試味道有D似豬頸肉,但本人覺得有點乾身,如果唔沾醬汁味道偏淡沒有什麼味道,建議可沾少少蜜糖上面可能味道會更好