泰濃麵 (樂道)

營業中

休息中

黑豚肉船湯金邊粉 ($68)除左有豚肉仲有魚蛋、秋葵、脆卜卜豬皮、蘿蔔，好多料，而且湯底香濃，配金邊粉好滿足，泰味濃haha。卜卜蜆冬陰公湯薯粉 ($88)有6隻大大隻蜆，蜆肉鮮甜，仲有隻蝦同秋葵。轉配薯粉，啲份量好足，成舊薯粉喺湯入面，打番散啲粉有一大碗滿。湯底唔會好辣，同行朋友怕食辣都試到少少。泰式炸蝦餅 ($38)外皮好鬆脆，內裡熱辣辣，仲有好脆的炸蝦片。青檸梳打 ($28)係泰國梳打，夠晒風味。

喺仲未有得通關嘅時候，想一解思泰之愁，唯有搵啲正宗啲嘅泰國嘢食下啦。而喺泰國其中一樣特別好食嘅就係船麵，而呢間餐廳就專系食船麵嘅。我自己揀咗個黑豚肉船河，除咗黑臀肉之外個湯底跟咗兩粒魚蛋同埋一啲炸豬皮同埋仲有一大舊白蘿蔔。不過佢啲魚蛋唔係泰國嘅魚蛋，所以唔係好彈牙。但係炸豬皮就炸到脆卜卜，絕對係泰國嘅味道。而佢個湯底，本身都好夠味，但係再加埋魚露，酸辣汁同辣椒片，真係不得了。男朋友就嗌左個雞肉冬陰功金邊粉。佢個冬陰功湯底本身會有蝦蟹柳同埋青口各一隻，隻蝦超新鮮彈牙，個湯底都幾好味，因為佢係做湯底所以比起普通嘅冬陰功湯會淡少少。另外我哋仲加咗個泰式鳳爪，佢個鳳爪個汁真係好好食， 辣得過癮，最重要係啲鳳爪超入味。另外仲有個小食拼盤，佢有炸蝦餅，炸芝士雲吞同埋雞翼。佢個炸蝦餅雖然唔係話十分彈牙，但係佢唔係剩係得粉，而係感覺用咗好多蝦肉去做，食落都好鮮味。而佢個雞翼都好滑好入味，我覺得好好食。

睇食評話呢間餐廳d麵好食，夠正宗，當然吸引到於我呢個泰國死忠黎試下。餐廳位置易搵，就係iSQUARE隔離，下午2點半到，冇乜人，搵左個卡位坐，餐廳播緊泰國的歌，感覺好地道侍應直接幫我將筷子放入滾水，感謝好貼心心諗冇黎錯！點知一睇個餐牌，即時覺得中伏。主食配料完全都唔係泰國食開果d(是新派泰國菜？)，唯一似樣的卜卜蜆海鮮冬陰公竟然賣晒冇貨，非常可惜。冇泰國feel的主食唔想食，結果只好試小食。鳳爪：醬汁夠酸辣，但仍食得出鳳瓜的雪藏味。小食拼盤：蝦餅好食，炸雲吞正常，雞翼偏咸。香茅班蘭梳打：味濃，好飲。食具洗得唔乾淨(我自己清潔前後的分別)，作為食市，希望餐廳方面要注意。另外，唔明點解餐廳道門要長期開住，夏天天氣熱，攪到外面的熱風，不停吹入黎，加上對住馬路，不停有塵吹入黎。或者佢d湯麵好食，但我係為左食泰菜而黎，呢度比唔到泰國菜的感覺我，所以我就給個中評，公道d。但如果淨計環境，食熱風/食塵/碗唔乾淨，是旦一項都足夠給差評。最後，餐廳冇加一，可以比個讚。

今日同朋友黎到尖沙咀搵野食，黎到尖沙咀，朋友已經好有目標帶我行，一路行已經不停介紹呢間好特別既泰國菜館！！呢間餐廳好細心，除左有探熱，消毒等等，門口已經有一包包可以拎走既消毒包，入到去坐低已經有杯熱水可以洗餐具。餐廳地方唔算大，不過裝修最特別，仲有我地細細個屋企會用既綠色格，好有回憶！好啦，係時候睇下有咩咁特別。經朋友介紹就叫左呢個－頂級美國肥牛船麵配薯粉－好特別，叫船麵～聽朋友講呢個係以前Ｄ船家係船上工作個時整出黎既野食，但唔知係唔係太普通，所以冇咩人會做。船麵係個湯底加一Ｄ配料，有D白魚蛋，一條炸左既唔知咩，好好味，本身既頂級美國肥牛，份量夠曬多，牛香大片！薯粉唔係粗條，不過都好特別，爽口！仲叫多左支梳打水，清一清口味。另外朋友就叫左呢碗－黑豚肉冬陰功湯麵配金邊粉－黑豚肉既肉質非常嫩，真正食出黑豚味道，冬陰功湯唔會太辣／太酸，同黎配食金邊粉岩岩好！－炸雞翼，泰式炸蝦餅－炸物全部岩岩新鮮炸出黎，炸到金黃色，非常吸引！因為岩岩炸出黎既關係，所以超級香口，鬆脆。蝦餅外表香酥脆口，內里嚼勁十足，重點是你睇唔到蝦，但咬落去滿口都是鮮美蝦味簡直食到停唔到口！！

Another amazing found in the buzzy area of Tsim Sha Tsui, just behind isquare - the hidden gem is located here. I have never tried any kind of boat noodles in Hong Kong. I brought a friend here today to have dinner with me since she likes Thai food as well. Boat noodles can be classified as a cheaper option. We picked one noodle (angus beef!), a veggie and a snack platter to be shared between the two of us as you can see from the menu, they have a lot of options to choose from!!!! Pad Thai was t

🔎泰濃麵 (尖沙咀)📍尖沙咀樂道7號嘉樂大廈地下A舖-好耐之前食過一次 有d掛住泰國想食泰國嘢 諗起呢間就約朋友黎食啦😋🔹頂級安格斯牛肉 $88揀左跟船湯及黃麵船湯好濃味 湯底用料十分足料 仲有好多配料 有芽菜、蔥、魚蛋、蘿白、炸豬皮同埋秋葵而安格斯牛肉雖然未至於入口即溶 但都嫩嘅 牛味都重 唔係平價牛🔹卜卜蜆 $88揀左冬陰功湯及黃麵卜卜蜆夠哂大隻 配料仲有蝦、蘑菇、蟹柳、秋葵、蔥、芫茜等冬陰功湯就酸酸地唔太辣 應該普通人都接受到店員見我著白色衫都有比件圍裙我💕🔹炸芝士雲吞 $28唔係拉絲嘅芝士 但芝士味都重 即炸熱辣辣雲吞皮夠脆 要襯熱食🔹炸雞翼 $38次次黎都會嗌 醬都唔會同你慳 唔知點解但就覺得好好味🤣

很想念泰國菜，今天和朋友來試試這間出名船麵的泰國餐廳。餐牌點了頂級安格斯牛肉（$88）冬陰功湯金邊粉和卜卜蜆（$88）船湯金邊粉。兩款都非常足料！卜卜蜆船湯金邊粉特別要讚卜卜蜆，很鮮甜，不是一般雪藏貨色。試了一點湯底，香濃鮮甜，終於明白店名叫泰濃味的原因。其他配料例如炸豬皮也不錯，值得一試。安格斯牛肉（$88）冬陰功湯金邊粉牛肉不會很多油脂或雪花，牛味香濃，最喜歡是湯底，不會過辣，酸辣適中，很開胃。另外加了一份小食——-炸蝦餅（$38）。炸蝦餅配搭泰式酸辣醬香口又惹味，而且蝦餅用材充足，吃到香濃又彈牙的蝦肉，不會只有炸粉味。

今日去尖沙咀食晚飯🥣揀咗呢間食泰國船麵嘅餐廳今天入面坐滿人，要等一陣先至有位一入到餐廳就聽到播住啲泰國嘅歌，好得意😊佢呢啲度嘅船麵有三款湯底可以揀分別係清湯，船湯同冬陰功湯而個粉麵就有四款可以揀：河粉，金邊粉，薯粉，黃麵，最特別嘅係佢可以有得揀湯飯我揀咗個冬陰功湯底，雞脾肉，河粉佢個冬陰功湯底好足料，有好多海鮮：大蝦，青口，蜆肉......仲有佢個冬陰功辣度同酸度同好夾，雞脾肉都幾嫩滑我朋友揀咗船湯，卜卜蜆，金邊粉就船湯味道好香濃，仲有五大隻蜆，食落好鮮味仲加多左個蝦餅同埋青檸梳打蝦餅好香口，蝦肉好扎實真係勁有泰國風味既一餐

When it comes to Thai cuisine, I’m a huge fan of boat noodles, it’s simple, but oh-so-delicious and comforting.Siam Noodles stands out for the Boat Noodle, basically there were three kinds of soup base, four kinds of noodle and various toppings. Here is one place you should check out to get your boat noodle fix.US Premium Angus Beef Boat Noodle (HK$88)👍👍👍👍👍The intense dark broth packed a good depth of flavour, a balanced and aromatic flavour infused with classic Thai ingredients. The rice nood

船麵同冬陰公一直都係泰國菜中嘅最愛，而船麵近幾年係香港都開始受歡迎。今日禁岩同朋友係尖沙咀行街，見到一間泰式餐廳排曬隊，就決定試下有幾好食。佢地嘅麵可以選擇唔同嘅湯底同麵底，我地當然係揀左船湯同冬陰公湯，真係如店名一樣好濃好香，唔會太咸，兩款湯底都會配上唔同配料，安格斯牛肉上台時半生熟，牛味香濃又淋。另外仲叫左個小食拼盤，有芝士雲吞、炸蝦餅同炸雞翼，蝦餅入面有粒粒蝦肉，有鮮味，但芝士雲吞就可能凍左先食，無得拉絲。

雖然我唔鍾意食車仔麵，但係我好鍾意食船麵，原因係湯底，行到入餐廳，發覺原來之前食過銅鑼灣分店安格斯牛肉船麵($88)點左金邊粉，除咗安格斯牛肉之外，仲有魚蛋，白蘿蔔，秋葵，炸豬皮。 湯底真材實料，味道濃郁，金邊粉滑同彈牙，牛肉算OK，如果嫩滑啲就更好，蘿蔔甜，可惜煮得唔夠淋，而魚蛋一般，太artificial嘅感覺，整體來講，配料多，感覺唔單調，但係份量唔算多，價錢偏貴，分數 7/青檸梳打($18)好好飲，有1/3杯青檸汁，夠酸，樽裝梳打水好夠氣

無得外遊嘅日子特別掛住係泰國嘅日子，特別掛住當地嘅一碗碗船麵，細細一碗但嗦麵嗦起來十分過癮！但其實香港都愈來愈多船麵或泰麵嘅特色小店，今次就嚟到泰濃麵試試，位於尖沙咀區確係方便。麵嘅種類有幾款，我地當然要食地道嘅金邊粉同河粉啦。湯底方面都會揀返船湯同冬陰公湯，船湯就走濃郁路線而冬陰公就酸辣過癮為主。餸就豐儉由人，由肥牛到飛驒和牛都可以揀，仲有海鮮等等，不過我地今日就揀咗黑豚肉同雞髀肉試下。雖然佢地定價唔平但佢地配料都幾多嘅，好似冬陰公湯有蝦、青口等等。黑豚肉片同金邊粉量都幾多，所以一碗都好飽啊！黑豚肉片偏結實口感所以有啲難嚼，我更愛雞髀肉，肉質腍嫩啲。除咗船麵之外，佢地仲有各款小食，蝦餅、芝士雲吞、雞翼等等，我地就即管點咗個小食拼盤試下。好想念嘅蝦餅係船麵小店都能夠食到，新鮮炸起超熱燙，食落又好彈牙，最緊要蘸埋泰式甜辣醬，絕配啊！芝士雲吞好香口，入面都係芝士，甜及咸味交錯。雞翼大大隻，不過不失！食泰菜梗係唔少得青檸梳打，清爽嘅飲品配搭咁先最爽！

來到泰濃麵晚餐，叫了兩個主菜，兩個小食。黑豚肉船麵：黑豚肉爽口，湯底濃郁鮮味。並有不同配料如魚蛋，秋葵。麵選了金邊粉，軟硬適中，不會煮得太腍。頂級安格斯牛肉冬陰功湯麵： 冬陰功湯充滿椰汁味，微辣，風味十足。牛肉頗腍，蝦肉爽口。麵選擇了紅薯粉，口感煙韌，與冬陰功湯底頗夾。泰式小食拼盤：有三款小食，分別是芝士雲吞、雞翼和炸蝦餅。即叫即炸，熱辣辣。泰式鳳爪：好味，酸酸辣辣，份量足。泰濃麵的招牌菜當然是船麵，想不到冬陰功湯底亦不錯，喜歡泰式湯粉的朋友不妨一試。

想食泰國菜🇹🇭唔一定去泰國啊呢問泰船麵味道正宗 係因為泰國廚師主理平是放lunch食得多 今次收工都想再食啊餐廳主要食泰式湯粉麵 唔係泰式小炒粉麵可以揀檬粉、薯粉、河粉、全蛋麵同飯配料可以揀牛肉、豚肉、雞肉、蜆肉、龍蝦等湯底就2有款主打 船麵湯底同冬陰公湯底🍜我叫左雞肉檬粉 船麵湯底🍜船麵湯底配料有炸豬皮、魚蛋、芫萎等其他配料船麵湯底超濃郁 味道同泰國食到差唔多😜男朋友叫左芫萎薯粉 冬陰功湯冬陰功湯底夠濃郁 而且配菜好豐富😻配菜有鮮蝦、青口、蟹柳、秋葵、秀珍菇等等泰式香料味道幾香 唔算太辣 好開胃另外叫咗烚生菜 配腐乳醬腐乳醬好好味啊 如果有得買就好啦！最後叫咗甜品係椰汁糕同椰子糕😋清甜得嚟唔會有死甜味 好好味！！

泰國並不遙遠，近在咫尺，食返碗地道船河先。上次黎泰濃麵食過唔錯，今晚試下其他口味。店家有幫客人量體温，也提供消毒搓手液。揀好主菜，再自由配搭湯底和麵底。卜卜蜆 冬陰功湯 泡飯($88)蜆肉大大隻，仲有蝦、蟹柳、秋葵、青口、菇，配料豐富，令到冬蔭公湯鮮味十足，加上椰奶份量剛好，辣度適中，可以當湯飲，唔會太酸，做湯飯都幾惹味。烚唐生菜配秘制腐乳醬($28)菜夠爽脆，腐乳醬幾香，又唔會太鹹，本身唔太好腐乳都ok。泰式炸蝦餅($38)新鮮炸，小心熱，蝦餅蝦味濃郁，口感彈牙，伴蝦片食幾特別，蝦片脆卜卜。芫荽山 船湯 金邊粉($68)平時芫荽配船河都只是配菜，今次做主角十分獨特，海量的芫荽好新鮮，跟船湯好夾，蘿蔔清甜，炸豬皮脆而不油，配料仲有白魚蛋、秋葵、芽菜，有不少蔬菜，健康之選。