泰濃麵 (樂道)

營業中

休息中

呢間之前小編介紹過，上一回係食船湯味道獲得小編既好評，今冷小編黎到係想試下佢其他湯底！😋😋【 冬陰公肥牛薯粉】$69冬陰公湯有少少辣，無果種小編最怕既強烈香草味，不錯唷！個人偏好會鍾意個香濃船湯多d! 佢完全係中左小編喜歡既味道！論服務，今次位叔叔好似跟姐姐們一樣都無咩野好正常，今次既experience 不錯哦！🧡🥰分數：（10分滿分）味道：8.5價錢：7環境服務：7（以上評分只是小編個人口味而已）

呢幾年疫情我諗好多人都好掛住泰國 今日搵到一間可以暫時止一止旅行癮嘅餐廳 喺尖沙咀iSquare附近 非常之方便 坐得好舒服 我哋叫咗兩個船麵同埋泰式小食拼盤🍜豚肉船麵配金邊粉 湯底同埋麵底有幾款選擇 豚肉淋稔好食 吸收咗船湯嘅精華非常好食🍲卜卜蜆船麵 蜆係非常之有肉飽滿 超級好食 湯底仲有墨魚丸豬皮秋葵做配料 非常之豐富🥘泰式小食拼盤 分別有芝士雲吞 雞翼同埋蝦餅 最欣賞係佢嘅蝦餅 一啲都唔揸流灘 好厚肉炸得乾身 食得好滿足

剛巧經過尖沙咀樂道的泰濃麵， 於是就入去試試他們的船麵， 雖然已是下午二時，但店舖仍坐滿了客人。 船麵除了主食有雞髀肉，鴨胸,肥牛,卜卜蜆， 廣島蠔等 ，湯底有三種味道可選擇，有船湯， 冬蔭功湯及清湯 ，另有5種粉麵可選擇 :河粉，金邊粉，薯粉，黃麵和湯飯。頂級美國肥牛冬蔭功湯薯粉鮮嫰的肥牛與Q彈的薯粉， 仲有爽甜的鮮蝦， 青口， 蟹柳 ，秋葵，十分豐富，再加上酸辣味恰好的冬蔭功湯，超正。卜卜蜆船湯金邊粉卜卜蜆鲜甜，材料同樣十足，有炸豬皮，蘿蔔，魚蛋，秋葵，芽菜等， 金邊粉索曬香味濃郁的船湯，好好味。

成日見呢間麵鋪都排長龍，咁岩係尖沙咀，又到晚飯時間，就入去試下先我地當日未到7點左右，唔洗等位，不過食食下，條人龍又出現，好彩我地早左小小，唔洗等🤭餐廳好似主打食泰國既麵，有船麵、冬陰公湯底，我地一人叫一碗，再叫左份小食。見炸芝士雲吞好似幾得意。平時又比較小食，就揀左呢個，可能expect多左，覺得一般般，期望係會拉芝咁，但就冇，只係炸左既雲吞皮，入面有啖唔濃既芝士😅其中一碗係卜卜蜆冬蔭公薯粉，正宗冬陰公湯味，蜆既數量麵算係咁，薯粉又同個湯幾夾至於另一碗係船麵，湯濃，都真係有泰國既風味

而家泰國好危險，想去都無得去啦，唯有留港食住泰菜止渴先啦... 泰濃麵嘅船麵係我一直幾鍾意嘅，見朋友仔唔知食乜好，就推介佢一齊食船麵啦～🎈頂級安格斯牛肉 船湯 金邊粉 $89🎈頂級安格斯牛肉 船湯 薯粉 $89呢度嘅船麵，配安格斯牛肉，係我嘅最愛之一，牛肉鮮嫩粉紅，唔肥膩，吸滿鮮香唔腥嘅船湯汁，好好食呀！而且我每次都係配金邊粉，夠掛湯😋🎈泰式小食拼盤 $69呢個小食拼盤即炸架，堅好食！炸蝦餅大大件，又彈牙，炸雞翼好入味，炸芝士雲吞好脆口呀！

泰濃麵 (樂道) (尖沙咀)📍尖沙咀樂道7號嘉樂大廈地下A舖落咗幾日雨 終於可以出街玩下朋友帶咗我嚟食呢間佢極力推薦嘅泰式麵店🐖泰式炸腩仔$69第一次食炸腩仔 每一塊都肥瘦分明炸得幾香口 配埋用魚露整成嘅醬汁係一道幾出色嘅餐前小食🍘泰式小食拼盤$69分別有炸芝士雲吞 雞翼 炸蝦餅雞翼似係生炸 咬開嘅時候好Juicy 好有驚喜芝士雲吞都係第一次食 估唔到芝士嘅鹹香同呢款泰式炸雲吞又幾夾炸蝦餅 好彈牙 點埋泰式甜酸醬一齊食 好滿足🍜卜卜蜆船湯薯粉$89比起坊間更加特別 竟然有卜卜蜆蜆嘅份量一啲都唔小重本之作 而且蜆味鮮甜船湯有濃郁嘅牛肉香味薯粉吸晒船湯嘅味成個組合真係好好味🥤香茅斑蘭梳打$28熱熱地 叫埋杯特色泰式飲品用上泰國梳打水 仲有香茅同斑蘭糖漿夏天飲十分解渴

今日又要去食泰國嘢啦話說早幾日我好想去食泰國嘢，點知去左間好難食既，又貴到爆既餐廳，到今日我都仲好唔憤氣，我決定都要去食泰國野🤑咁今次就揀左呢間平，靚，正既泰國野🇹🇭主食頂級美國肥牛 河粉$69湯底我揀咗船湯，係佢地推薦既，我自己都第一次試船湯既👍🏻👍🏻👍🏻除咗船湯佢仲可以揀冬蔭功湯同埋清湯架。粉麵可以揀河粉，金邊粉，薯粉，黃麵，湯飯黎到都唔細碗呀，肥牛都幾多下嫁，唔錯，湯底好特別，值得一試👍🏻小食泰式小食拼盤 $69小食拼盤有炸蝦餅，炸雞翼，炸芝士雲吞各2件，2個人食就岩岩好啦，唔會太多，又可以食多幾款👍🏻👍🏻👍🏻泰式鳳爪 $49泰式鳳爪整到好淋，好入味，酸酸辣辣好開胃👍🏻飲品泰式蝶豆花特飲 $28紫色好現既一杯飲品 飲落酸酸甜甜幾開胃幾好飲👍🏻我既評分（5⭐️為滿分）環境：⭐️⭐️⭐️⭐️食物：⭐️⭐️⭐️⭐️⭐️服務態度：⭐️⭐️⭐️⭐️⭐️推薦：⭐️⭐️⭐️⭐️⭐️泰濃麵 (樂道) (尖沙咀)📍尖沙咀樂道7號嘉樂大廈地下A舖

好耐冇食船麵，上網搵到泰濃麵都唔錯咁，就入去食番碗🥰🐔雞髀肉冬陰功湯和麵 $69鍾意食冬陰功湯嘅一定要叫呢度嘅冬陰功湯底，味道好正宗🥰最後連個湯底都飲晒咁滯🤣冬陰功湯底就配有蝦，青口😚，雞髀肉都嫩滑，蛋麵住得唔會過淋，食落有口感。🐮肥牛船湯紅薯粉 $69船湯呈深啡色，味道濃郁，有香料同鮮味，肥牛份量都算多，紅薯粉質感煙韌，炸豬皮脆卜卜，索晒個湯底都唔錯☺️🍤炸蝦餅 $49炸蝦餅即叫即炸，脹卜卜，外層香脆，蝦餅彈牙，唔會一夾即散，有蝦味，蘸上甜辣醬，好醒胃。仲有有啲似媽咪麵味嘅炸蝦片😚，好脆呀👍🏼👍🏼，童年回憶返哂嚟🥰🐷泰式炸腩仔$69有點點南乳味，肥瘦均匀，外脆內嫩，配埋自家製嘅微酸醬汁，愈食愈滋味😚

今日去尖沙咀行街, 然後就去 bookmarked 咗好耐嘅 ❥⧽泰濃麵 ❥⧽ 食飯喇。餐廳環境充滿懷舊嘅情懷, 有好經典嘅格仔地磚, 牆上掛滿泰式船麵嘅相。𓊈卜卜蜆 ✧ 冬陰公湯 ✧ 黃麵 $𝟠𝟡𓊉卜卜蜆都幾厚肉, 隻隻都脹卜卜, 好鮮甜。冬陰公湯底同平時飲嘅冬陰公係一樣㗎, 唔會淡味, 亦唔算太辣, 裡面仲有蝦, 青口, 蟹柳, 秀珍菇同秋葵, 而隻蝦係新鮮蝦所以好爽口。黃麵有口感, 同車仔麵嘅油麵差唔多。𓊈頂級安格斯牛肉 ✧ 冬陰公湯 ✧ 河粉 $𝟠𝟡𓊉安格斯牛肉好粉嫩呀, 牛肉味香濃, 肉質軟腍。河粉軟熟, 連埋個湯一齊食, 真係會忍唔住飲曬 d 湯。𓊈泰式炸腩仔 $𝟞𝟡𓊉個豬腩仔炸得好靚, 外層脆脆地, 一半係比較肥嘅脂肪, 另一半係豬肉, 蘸埋個泰式醬一齊食, 唔會覺得油膩, 仲好惹味。𓊈泰式青檸梳打特飲 $𝟚𝟠𓊉青檸汁底加支裝梳打水, 味道唔會太甜, 少少酸酸地可以解一解辣。✧✧ 整體嘅食物, 飲品都好好, 職員好 nice, 餐廳位置都好方便, 如果想食泰國麵絕對可以選擇呢間餐廳呀。

行完isquare，一出商場，熱浪撲面，真係唔想食飯，見對面一間餐廳主打正宗泰北風味船麵及冬陰湯麵，濕濕地即刻開胃。餐廳的裝修和餐牌都很簡潔，一眼望曬無煩惱。1️⃣先選湯底：船湯/冬陰功湯/清湯。2️⃣次選食材：豬/牛/雞/鴨/海鮮等（$69-$189）。3️⃣三選主食：河粉/金邊粉/薯粉/黃麵/湯飯。4️⃣最後選飲品：罐裝+$5/特飲+$18我們叫了兩碗粉和一個小食。湯底真是不錯。🔆煙鴨胸冬陰功湯河粉（$69）冬陰功湯本身有蝦、青口、蟹柳、秀珍菇和秋葵，雖然每樣都只是一件，但鴨胸片的數量卻不少，很抵食。冬陰功湯真材實料，酸辣適中，是夏天開胃之選。 🔆卜卜蜆船湯薯粉（$89）相比鴨胸，卜卜蜆雖然新鮮但份量不是很多，船湯本身有白魚蛋、白蘿蔔、炸豬皮和秋葵。黑色的船湯濃郁鮮甜，可以喝到碗底朝天。炸豬皮原來好好食，臨走時還買了一瓶回家。🔆泰式炸腩仔（$69）腩肉肥瘦適中，炸完仍保持肉汁，蘸特製醬汁好味道。不過豬皮就比較韌了。🔆泰式蝶豆花特飲（+$18）蝶豆花的夢幻色彩來自水溶性花青素，做成飲料後酸甜清涼。

黎左尖沙咀isquare對面食船麵，呢度牆身印有特式食物畫，座位有圓椅同卡位，食物款式選擇都幾多，我地叫左一碗安格斯牛肉船麵湯底，牛肉好juicy,入面仲有彈牙白魚蛋，蘿蔔等配料，湯底香濃，麵條幼細，仲叫左一碗冬蔭公湯底既黑豚肉金邊粉，冬蔭公酸辣適中仲有海鮮蝦爽口同埋青口，脆炸燒腩仔層次分明，肥瘦適中，香脆可口，份量都幾大碟同抵食，小篇推介，仲有蝶豆花梳打，顏色好靚既紫色，食物價錢合理，麵可以選擇河粉，金邊粉等等。

夏天天氣熱到唔想食飯，想食啲濕濕地嘅開胃嘢食，呢間食泰國麵幾啱我心水。卜卜蜆冬陰功湯麵 $89冬陰功湯底酸辣酸辣，夠晒開胃😋，除咗新鮮卜卜蜆之外，仲有一隻大蝦、兩隻青口同埋蟹柳，加上一啲菇菌，都幾豐富👍🏻。我哋揀咗黃麵，口感幾好，唔會浸到淋晒。頂級美國肥牛船湯金邊粉 $69呢個船湯都幾香濃，音樂唔係味精湯，應該真材實料熬成😍金邊粉給湯汁就最好食。配料方面除咗主角肥牛之外😋，仲有入味嘅蘿蔔、同埋兩粒滑魚丸。泰式炸腩仔$69小食方面，我哋試咗呢個炸腩仔，肉質幾鬆軟，帶少少肥肉甘香😋，沾上配有嘅特製醬汁，好惹味。

呢間其實小編食過好幾次，論食物味道，分數我會畀好高，因為真係幾好食！😳【 船湯肥牛薯粉】$69個船湯真係好香濃，係小編喜歡既味道！魚蛋亦好鬆軟彈牙，不過上菜時湯入面既薯粉係痴住左一餅野，即使加左熱湯後都好難整散，建議麵餅先剪一半食客食時會易d處理。但整理上係會為呢碗麵encore! 論服務，姐姐們都無咩野好正常，但有位大叔會捧食物亦會收銀應該一係就老闆一係就男經理既員工就成為左成餐飯扣分位！送上麵時講野一舊舊唔明佢想講咩就下一句回應係有髀氣在內⋯😅畀錢亦係一粒聲都唔出好力畀返張receipt 你😅 拖低左環境服務分數⋯好想理解本著什麼心態收10%服務費⋯😅😅😅但對事唔對人，食物真係正既，小編為左美食會encore，姐姐們好好好正常，個男人唔好involve 就perfect池🤣🤣分數：（10分滿分）味道：8.5價錢：7環境服務：6 （以上評分只是小編個人口味而已）

🇹🇭 尖沙咀大大碗人氣泰國船麵 曾在尖沙咀樂道嚐過泰國船麵，一直對那香濃的船湯底念念不忘，這次特意回訪。美國頂級美肥牛船湯粉 同樣有好多肥牛同配料，船湯底又香又濃郁，河粉又夠滑，大大碗好抵食泰式船河，大大碗又足料又好味炸雞翼熱辣辣非常爽脆，配埋佢嘅泰汁，非常滋味。🐮 頂級美國肥牛船湯薯粉 $69船湯底相當濃郁，牛味十足，單喝湯已十分滋味。船麵附大量肥牛，另外還有炸豬皮、白魚蛋和秋葵，份量十足，比一般吃到的船麵大碗，屬抵食之選。炸豬皮香脆可口。幼身的薯粉又滑又彈牙，最喜歡當中的炸豬皮，吸收了牛湯精華後仍帶微脆口感，喜歡的朋友可單點當小吃，大愛。🐔 炸雞翼 $39雞翼即點即炸，炸得金黃惹味，蘸上附有的甜辣醬同吃，十分滋味。🍹 泰國樽裝梳打水 $15梳打水無甜又解渴，是無負擔飲品。🔸小總結：餐廳食物質素及性價比高，佈置舒適好坐，誠意十足，值得回訪。👅 味道：4.7/5💰CP值：4.8/5🕴🏻服務：5/5🔰餐廳環境：4.8/5👀回頭率：4.8/5🍽 餐廳： 泰濃麵 （尖沙咀）🌐地址: 尖沙咀樂道7號嘉樂大廈地下A舖🐮 #cowing吃在尖沙咀 #泰濃麵 #船麵 #ThaiNoodle #尖沙咀

無去旅行咁耐，真係好掛住唔同地方既美食🥲以前幾個月就去一次曼谷，今日突然好掛住泰國既野食，特別係船麵，於是係尖沙咀搵左依間「泰濃麵」。雖然係兩點幾，但係可能係weekend既關係，都要等一陣先有位。船麵配料同平時係泰國食到既都有少少分別，最特別既有「芫茜山」、「卜卜蜆」、「龍蝦」同埋「飛驒和牛」。自己就揀左「卜卜蜆」配黃麵。黎到當然第一時間要飲一啖個湯先，湯夠熱夠濃，碗麵本身有既炸豬皮吸左啲湯好好食🥲魚蛋自己覺得可以再彈牙少少，而主角卜卜蜆就夠鮮甜，又唔會有沙，配船麵湯都幾夾。小食方面就叫左又係去泰國必食既炸蝦餅，新鮮炸起既關係，食落都幾熱，蝦餅都算彈牙唔會太多粉。野飲自己就推介「泰式香茅斑蘭梳打特飲」，香茅味都幾重下，但係咁熱既天氣飲都幾refreshing。