泰濃麵 (樂道)

營業中

休息中

無去旅行咁耐，真係好掛住唔同地方既美食🥲以前幾個月就去一次曼谷，今日突然好掛住泰國既野食，特別係船麵，於是係尖沙咀搵左依間「泰濃麵」。雖然係兩點幾，但係可能係weekend既關係，都要等一陣先有位。船麵配料同平時係泰國食到既都有少少分別，最特別既有「芫茜山」、「卜卜蜆」、「龍蝦」同埋「飛驒和牛」。自己就揀左「卜卜蜆」配黃麵。黎到當然第一時間要飲一啖個湯先，湯夠熱夠濃，碗麵本身有既炸豬皮吸左啲湯好好食🥲魚蛋自己覺得可以再彈牙少少，而主角卜卜蜆就夠鮮甜，又唔會有沙，配船麵湯都幾夾。小食方面就叫左又係去泰國必食既炸蝦餅，新鮮炸起既關係，食落都幾熱，蝦餅都算彈牙唔會太多粉。野飲自己就推介「泰式香茅斑蘭梳打特飲」，香茅味都幾重下，但係咁熱既天氣飲都幾refreshing。

為人熟悉菜式繁多充斥著五花八門的種類絕對係泰菜既風格，傳統中混合創新地道主理滿足亦有驚喜 ! 因此不愛吃辣的朋友們都會喜歡嗜，簡單濃郁的香料搭配酸辣汁與香氣並存刺激又開胃外，拼配米飯、麵食食落恰好「冬陰公湯煙鴨胸薯粉」油面煙燻中的精華鎖住鴨胸外層維持肉質軟嫩而多汁，索盡五味俱全「酸辣甜鮮」冬陰公湯頭味道吸引非常「船湯雞脾肉金邊粉」份量正常唔馬虎整碗骨啖啖肉爽嫩滑身雞脾肉融合在一起「泰式炸腩仔」水準食不停口，炸腩仔肥肉質肥瘦相間咸香滋味，效果脆卜卜就係重要既關鍵，皮層口感香口又鬆化充滿驚喜

好抵食既泰式船河，大大碗又足料又好味～❤️雞脾肉船湯薯粉 雞脾肉份量非常多，而且肉質結實彈牙，配料仲非常多，有彈牙魚丸+炸脆卜卜+秋葵+超甜蘿蔔等等～薯粉彈牙又有咬口!!🧡美國頂級美肥牛船湯粉 同樣有好多肥牛同配料，船湯底又香又濃郁，河粉又夠滑，大大碗好抵食💛烚唐生菜 配秘制腐乳醬 個腐乳又香又濃，點唐生菜食好香💚泰式香茅斑蘭梳打特飲 香茅味好清新，仲有少少斑蘭味，唔會太甜，好泰國既味道💙泰式青檸梳打特飲 酸酸甜甜，青檸味好香，梳打好夠氣

👅泰國菜就食得多，但泰式好味既船麵真係唔多，終於，今天係尖沙咀樂道，被我搵到一間「主打泰國船面」的餐廳，高度還原泰式風味，而且只要試過一次，就會馬上被圈粉！🐷黑豚肉船湯油麵（$69）講起船麵，又點少得濃湯豬船麵呢！湯底充滿左豬骨嘅精華，再加上新鮮豚肉、彈牙大魚蛋、索湯嘅炸豬皮、蘿蔔，湯底濃郁醇厚，還有絲絲嘅鮮甜味，真係越食越好味呀！🐮頂級肥牛冬陰功河粉（$69）微酸微辣微甜嘅口感，加上肥牛、青口、蟹棒同大蝦，配料好豐富，河粉吸收左所有湯汁的酸辣和海鮮的鮮甜，一啖足以令你穿越泰國！💥泰式炸腩仔（$69）即叫即炸起嘅腩仔，外皮酥香可口，肥而不膩，搭配獨門嘅醬汁，開胃酸甜又惹味！🥢泰式鳳爪（$49）鳳爪Q彈爽脆，味蕾瞬間被酸辣味激發，香芹、蕃茄、洋蔥更是入味十分，一啖一個好滿足呀！🍹泰式龍眼冰特飲（$28）享受完泰式風味後，一定要試埋呢杯龍眼冰，清甜又潤喉，啖啖龍眼肉，真係超爽！

泰式船麵唔係度度好食，今次食完呢個泰濃麵就真係唔錯，兩個人一人叫咗個船麵，再加多個小食同埋時菜雞絲泰式船麵（配蛋麵）：配料好豐富，除咗有雞絲之外，仲有白魚蛋、炸豬油渣、白蘿蔔同埋芽菜。個湯底見色水都知道好濃味，偏甜，好地道嘅泰式風味豚肉冬陰公湯金邊粉：除咗豚肉之外，仲有好多海鮮配料，有蝦、青口、蟹柳同埋好多菇，湯底唔算好濃，但夠味，可惜金邊粉有啲偏硬身，個人偏好淋一啲炸豬腩仔：豬腩肉嘅皮炸到好香脆，皮香肉爽

趁今日DayOff,難得出去尖沙咀睇‘侏羅紀公園’😉😉睇完有D餓，去咗泰濃麵食啲嘢先😉地方係有D細，但整齊乾淨👍👍嚟到一定要試船麵，佢嘅湯底真係不得了!又夠熱!👍👍飲品推薦：泰式龍眼冰🥤🥤正到不得了👍

呢晚同男友去尖沙咀睇戲前，快快手揀左間餐廳醫肚，估唔到佢地既船麵湯底幾出色，甜品都好好味😋>卜卜蜆冬陰功湯薯粉：冬陰功湯味道濃郁，辣度啱啱好，配料有六粒卜卜蜆，仲有青口、蟹棒、同埋蝦，材料好豐富，鮮味十足，薯粉吸哂湯底嘅精華，好惹味。>頂級安格斯牛肉船湯金邊粉：安格斯牛肉油脂分布平均，牛味濃，配上大大粒彈牙魚蛋，湯底深色渾濁，飲落好鹹香，同我響泰國食嘅差唔多味。>泰式特色糕點拼盤：有椰汁糕同埋班蘭糕，賣相別緻，味道唔太甜，班蘭糕用入面有西米露同粟米，層次豐富，又幾有咬口。>泰式碟豆花特飲：呢款碟豆花沖到好濃，顏色呈現深紫色，飲落都唔錯！>龍眼冰：有好多粒龍眼，即使我嗌左走冰，份量都冇減少到，味道甜甜地。

今日同女朋友黎到尖沙咀行街行到攰經過見到呢間泰式船麵店就諗起泰國既船麵味道就入左去試下餐牌有好多選擇，主打係船麵有多款配料提供，亦有唔同既湯底同麵條另外都都好多美味小食小食拼盤分別都炸蝦餅，芝士雲吞同雞翼全部都即叫即炸，好新鮮熱辣辣蝦餅好都鮮味，爽口彈牙用料有誠意芝士雲吞好邪惡雞翼皮脆肉嫩，令我胃口大開安格斯牛肉冬蔭公黃麵一上到黎就聞到香味冬蔭公好香濃，辣度剛好牛肉好高質，好嫩滑肥瘦均勻，充滿油香配上黃麵吸引哂湯底好惹味泰式炸腩仔最後仲有一道特色菜估唔到香港都有得食店家還原左泰國風味推薦！泰式龍眼冰特飲 青檸梳打呢2杯非常解渴解膩好適合點選配搭用餐

卜卜蜆冬蔭公金邊粉冬蔭公湯底酸甜酸甜　有香料在湯底內金邊粉很吸湯汁　很開胃海鮮也吸引了湯的酸甜蜆　蝦和其他海鮮的份量也豐富蜆也很乾淨　沒有沙粒蝦的尺寸也不小　小食拼盤（蝦餅　芝士餃子　雞翼）小食拼盤的份量並不小蝦餅呈現可愛的圈圈形狀肉質很實在　有蝦肉在內不會太油膩　沾上泰式酸辣醬芝士餃子有驚喜的內餡　芝士內餡鹹鹹的　膩感會減低脆脆的餃子皮　和外面餃子有不同雞翼是普通的　但卻不簡單雞肉的肉汁會慢慢流出來脆皮的雞皮　真的就這樣吃已經很夠了炸魚餅魚餅內呈現橘色　會看到有魚肉　蔥去搭配扁形的形狀　肉質會偏實在熱薑蜜有很多薑粒在杯內　暖暖的薑蜜很適合下雨天的天氣　下次想試下店裡的原個椰青在炎熱的夏天喝上個　透心涼‵

成日經過樂道見到呢間餐廳，尋晚行完海港城即刻稔起去呢度，餐牌簡而精，主打🍲泰式湯粉麵，先揀想要嘅主菜🔸豬、牛、雞、鴨、蜆、蠔、海鮮等🔸再配揀湯底 ～ 船湯、冬陰功湯、清湯； 最後揀麵底 ～ 河粉、金邊粉、薯粉、黃麵，如果想食飯嘅朋友可以揀湯飯或者食海南雞飯。⭐️ 我揀咗店主推薦嘅卜卜蜆船湯湯河 $89卜卜蜆煮得剛好唔會過熟好鮮甜，船湯湯底鮮濃，河粉軟熟柔韌，配菜有蘿蔔、索湯嘅炸豬皮、彈牙嘅魚蛋同大大條秋葵，湯河份量都非常闊綽絕對唔係泰式船河份量。⭐️黑豚肉船湯湯河 $69朋友揀咗黑豚肉，黑豚肉油脂分布平均，肉質有彈性冇羶味，一樣跟足配菜份量都係大大碗$69一碗嚟講性價比相當高。⭐️泰式小食拼盤 $69拼盤有炸蝦餅、炸雞翼、芝士雲吞每樣各兩件，即叫即炸熱辣辣，蝦餅爽彈酥香，炸雞翼醃得好惹味，炸芝士雲吞外脆內軟，每一款水準都好高，必點！🍹泰式青檸梳打特飲 $28青檸汁+成枝梳打水上大大杯好抵飲，味道亦都非常清新。💁🏻‍♀️呢間餐廳快靚正性價比又高，午餐仲可以以優惠價加配飲品，絕對值得一試！

泰國嘅美食就食得多，食過泰國嘅船麵未啊？咁就要試吓啦，佢下午茶嘅時間真係好抵食㗎🤩🤩下午茶嘅價錢lunch嘅份量。加上優惠價仲可以配埋特色小食添🍴🍴黑豚肉泰式河粉用料十足，除咗有黑豚肉之外，仲有海鮮：蝦同青口，鮮味濃郁。黑豚肉泰式冬陰功金邊粉配合冬陰功湯底泰式味道濃厚，河粉轉做金邊粉滑溜得來口感夠煙韌。泰式鳳爪爽口彈牙，夠入味。青木瓜沙律清甜爽口，極度開胃前菜。炸雞翼熱辣辣非常爽脆，配埋佢嘅泰汁，非常滋味。炸芝士雲吞酥炸爽口雲吞皮包著柔軟嘅芝士，非常之有特色。特飲泰式蝶豆花夢幻深紫藍色特色飲品，非常清新嘅青草味。龍眼冰清甜龍眼味道濃郁，係咁炎熱嘅天氣裏邊飲一杯冰涼嘅龍眼冰簡直大快人心。@siam.noodles

香港近年好興食船面，反而喺泰國都未食過正宗嘅口味！🤣 不過香港就越來越多唔同形式嘅船面專門店，類似港式既車仔麵，速食既好選擇！先揀主要餡料，再揀埋湯底同麵類就可以啦👍🏻餡料有五至六款揀，例如黑豚肉/雞髀肉/肥牛/卜卜蜆等等，價錢$69-$89～湯底可以揀船湯 / 冬陰公 同清湯 ，而麵都有五種，例如河粉 金邊粉 同薯粉🍜雞髀船湯麵 ($69)揀船湯底仲有炸豬皮/ 魚蛋等配料，大大碗好豐富👍🏻湯底味道香濃，唔算好咸好重味精！河粉厚薄均勻，屬於幼河粉，而雞髀肉就不過不失冇乜特別啦～肥牛冬陰公湯薯粉 ($69)另一碗揀左冬蔭公湯，配料有大蝦，蜆肉，青口等，十足飲緊冬蔭公湯！😆 湯底少辣可接受，味道唔會好酸，係我哋鐘意既味道😋比較特別既薯粉，係晶瑩剔透好幼嗰種，好煙韌！泰式拼盤 ($69)一份有炸雞翼炸蝦餅同炸芝士雲呑，一份滿足你三個願望！炸雲呑好脆口，入面有拉絲芝士，配泰式辣醬更惹味😋龍眼梳打冰味道唔會太甜，仲有好多龍眼肉，如果下午茶時段餐飲就會抵啲！

經過尖沙咀 見到間泰國船麵 真係好掛住泰國旅行🇹🇭 咁冇得去就食碗船麵解下癮呢間餐廳有十款餸比你揀 配搭落3種湯底同5樣粉麵飯供客人自由選擇 我同朋友就叫左其中兩款覺得都好好食 下次再黎食埋其他款睇下係唔係都咁出色☺️🥢卜卜蜆船湯金邊粉🍜 $89船湯湯底超級濃郁好有咸鮮味 上面有炸豬皮、白魚蛋同蘿蔔 蘿蔔完全冇筋又清甜 佢既卜卜蜆d蜆真係幾大隻🤩🤩 一碗加埋有7隻 蜆肉都鮮甜🥢雞髀肉清湯薯粉🍜 $69雞髀肉都幾嫩滑 食落去唔會好柴 配料一樣有白魚蛋同蘿蔔 清湯湯頭好清帶微甜 薯粉好滑身而且超級掛湯 如果配番船湯應該正好多😋🥢烚唐生菜配秘制腐乳醬🥬 $29佢呢個腐乳醬係自家制既 同出面唔同 呢個醬冇出面個d咁辣同冇咁刺鼻 不過個醬就略略偏咸🍹泰式青檸梳打特飲 +$18佢既梳打係用原樽比個客自己斟落去 相比起出面既梳打更多氣 因為出面好多都係水吧到斟唔晒 會留番下杯梳打用🍹泰式香茅班蘭梳打特飲 +$18香茅味道唔會好強 味道微甜 好適合食完船湯之後飲 清一清個口腔

一間充滿泰國味道的船麵餐廳💁🏻‍♀️之前都有食過佢嘅糖食覺得好好味😋而且佢現場環境嘅氣氛都好有泰國嘅味道👍🏻好似係去咗泰國嘅餐廳食咁🐟今日就叫咗外賣做lunch，呢間嘢喺iSquare對面嘅，因為其實好多時外賣都會降低咗個質素因為唔係即場食。估唔到佢嘅外賣都keep到水準🤭🤭⭐️肥牛冬陰功金邊粉⭐️今次叫咗個肥牛冬陰功金邊粉，佢嘅湯底真係好濃郁好夠味道🤗而且外賣嘅肥牛都話好硬，呢個湯底真係好推介俾大家食🤓🤓🫶🏻🫶🏻

有時喺尖沙咀經過都會好想試呢一間泰國船麵今日下晝經過呢度終於有機會試吓 入到去見到啲俾船麵更加吸引嘅就係泰式燒腩仔 一直以來都好想試吓泰式炸腩仔 肥瘦均勻 佢唔似廣東嘅燒腩仔 由於渣嘅關係佢會比較硬身少少 開埋泰式醬食落去好好食 順帶一提佢個份量出奇地多好似食極都仲有咁烚唐生菜配秘製腐乳醬 估唔到呢個腐乳醬出奇地咁好食就算個菜係滾水烚 我都全部食哂原個泰國椰青水 呢個椰青成個頭咁大我食晒成餐飯都仲有好多 不過依家天氣開始熱真係好適合