泰濃麵 (樂道)

營業中

休息中

去尖沙咀行街～梗係嚟試吓正宗嘅泰國船麵啦～一至五有下午茶餐抵食D～星期六日正價不過都係親民價錢自助泰式調味料黑豚肉冬陰公金邊粉湯底夠濃夠辣～有新鮮辣椒粒、芫荽、秋葵、蟹柳、青口、大蝦、黑豚肉、菇～薄片黑豚肉食落唔會乾～湯底夠正宗絕對係用材料慢煮出嚟～唔係速成湯包～越食越辣好過癮煙鴨胸船湯金邊粉湯底略鹹～有炸豬皮、魚蛋、秋葵、煙鴨胸、蘿蔔、芽菜、蔥花～湯底夠濃餸都好入味船麵比起冬陰公粉冇咁豐富賣相冇咁吸引～但都係別有風味

琴晚去左泰濃麵食dinner見到頂級安格斯牛肉金邊粉$89唔算貴所以入左去入到去叫左碗頂級安格斯牛肉金邊粉 碗麵黎到 有2粒魚蛋 有一條秋葵 一舊白蘿蔔同大量唔知豬皮定豬油渣咁既野再找一找 碗麵好似得3塊牛肉 仲要係肉碎黎份量如圖中所示 唔好以為係d牛沉左起湯下面其實份量就真係你見到咁細條 咁短同咁幼仲短過隻手指 同芝士腸差唔多size真係o左咀 以為其他牛比d麵條同配料遮住左點知原來係真係得3塊牛 再加一塊極細塊既牛（拇指指甲咁細塊）食到最底 見到真係得呢4塊問店員其實正常一碗麵有幾多塊牛佢話4-5塊我話我碗麵得肉碎咋wo佢唔好意思都冇句 就話比多少少牛我入左去廚房到拎等左一陣 佢拎左兩碗野 一碗係好細既碗 佢起餐廳中間行 伸長隻手將隻細碗擺起我枱面 即係好似送緊餐但順路拎碗野比我咁 一粒聲冇出過即刻走左已經覺得佢唔多禮貌望下碗野入面有咩先湯入面有3塊牛 係大塊左既 終於唔係一條芝士腸咁幼但都係好細塊 食食下 我真係忍唔住問店員店員話已經比多3塊你 已經有7塊 之後即刻衝左入廚房以為佢想問下廚房 點知佢係完全唔理我佢講到好似比左7塊牛已經係恩賜咁我想講全部係肉碎黎我比成舊水買碗肉碎麵

第一次去試，食物質素可以但係啲待應態度真係非常之普通（茶餐廳或者大快活嘅待應仲好過佢），可以分4次走嚟收嘢（你一食完就3秒之內就嚟收，當然店內有3張咭枱和沒有人等位，總之要攪到你唔想再留響度！最後去收銀比錢，嗰比較後生嘅女人語氣十分之唔客氣同埋好似你令到佢多咗野做咁嘅款！我只係求有一個比較普通嘅態度就可以但唔係咁囉

外賣自取無船麵揀 我落完單打去講話要船麵但無根本轉到$88 安格斯牛 得五塊仲要好碎嗰種我落單叫冬陰功湯變葯材味嘅湯（可能係船湯）咁嘅價錢 咁嘅服務質素 好彩自取有優惠（變咗$78）否則$88狗也不吃

好多好多芫茜啊湯底夠濃郁 跟黃面很配冬陰公湯 算不錯還可以加小食 份糧也不少 很豐富喔泰式鳳爪一定會點 辣度比一般辣少少 還可以仲架左木爪沙律 🥗 這個對我來說 太甜了 最後放棄了 味道不似預期

一直都好鍾意食泰國嘅船 香港食泰國嘢幾乎好少地方有得食 係朋友推介之下嚟咗尖沙咀食呢一個泰國船面冬陰公湯美國肥牛湯麵($68)唔少女士們既至愛 -冬陰公湯，呢到有好多款唔同嘅餸可以選擇，而我個朋友就選擇左美國肥牛，牛味非常突出。冬陰功湯旁邊有大蝦，湯底酸酸辣辣，非常適合我朋友個胃口雞脾肉泰國船麵($68)我亦都嗌咗一份雞脾肉嘅船麵,有招牌嘅船麵濃湯，炸豬皮 魚蛋 湯底非常濃郁，充滿着泰式風味。雞俾肉啖啖滿足，滿滿嘅蛋白質！泰式燒腩仔($68)泰式燒腩仔同我地平時食開既燒腩仔好唔同，係將成個外層沾上炸粉炸一次 同時保持到入面既水份 但又唔會有燒肉果陣脆卜卜既豬皮 好特別朋友就揀黑豚肉船麵配金邊粉($68)，原來黑豚肉浸過船湯之後味道變得非常豐富，再加埋金邊粉彈牙煙韌嘅感覺，配搭充滿驚喜。

近排因第五波疫情就黎爆發，要趁著午餐時間去揾食，而因為呢個原因，近排去咗好多間咖啡店，開始有少少厭咗，而又諗起好耐無食過泰國菜，於是就去到呢間bookmark 咗好耐嘅船麵店。 泰濃麵位於尖沙咀樂道，喺呢個乜人都冇嘅I Square附近，位置方便。店主之前專程去到泰國拜師，將地道正宗船麵帶返黎香港。至今兩間分店都廣受歡迎。 店舖招牌好容易認，一粒紅星再加不知名嘅符號，絕對唔會走漏眼。內裏裝修傳統，但又唔好核突。牆上貼滿美食嘅照片，引起食慾。坐到圓枱好大機率要搭枱，當日同枱嘅人講電話講得好激動，成餐飯都有佢嘅聲音做拌菜。 食物選擇離唔開船湯冬蔭公湯呢幾樣野，湯底可自由搭配麵條肉類，價錢親民，下午茶餐一律$48。如果你唔係單身狗呢，可以叫埋小食拼盤，評價都唔錯嘅 頂級美國肥牛船湯河粉$69 望落幾大碗，配菜有魚蛋，豬皮秋葵。價錢好合理，咁本身泰國美食係非常之平嘅。 湯底望落冇平常咁深色，但有好明顯嘅浮末，係豬血/腐乳製造出黎嘅。飲落口感偏厚， 豬骨/牛骨味濃厚而鮮甜，仲有多款香葉帶來些微嘅辛口同清新感。但有少少油膩，唔會全碗飲哂。 牛肉放到落湯仲半生熟，欣賞湯頭唔太熱，唔會一野整熟個牛肉令

行完isquare喺附近搵嘢食，見到呢間專食泰國船麵嘅舖頭都幾光鮮，一入門口店員都好有禮貌邀請我哋隨便坐，仲順手幫我哋將啲餐具放入熱水度浸😂😂佢哋嘅麵湯底、麵款同埋配料都可以自由配搭今次我哋揀咗：船湯肥牛湯飯🥓🥓🥓船湯卜卜蜆薯粉🦪🦪🦪蜆大大隻都有五六隻咁多，加埋薯粉好索汁好好味😋湯飯就直情可以連埋啲湯一齊飲，一樣咁出色😋😋佢個腐乳醬係自家製，辣辣地都幾惹味，不過略嫌鹹咗少少🥗🥗

又到介紹綠色野既時候🍀今次介紹既係芫荽山泰國船麵😍先介紹佢個船湯湯底, 由20幾種材料熬煮八小時而成, 相當濃郁!! 仲有少少甜甜地, 好有泰國風味😋絕對岩曬中意重口味既你!!😝主菜我就揀左芫荽山~ 有成300g 咁多😍 岩曬芫荽控呀!!🥰佢仲有其他主菜都好好味既, 例如安格斯牛肉, 肉質腍滑, 肉味又濃~不過今次係介紹健康野, 我就唔講咁多啦😝雖然湯底係重口味, 但完全唔油膩, 減緊肥既你都可以食😋再配埋而個芫荽山, 絕對可以當減肥餐咁食!!

周圍貢…周圍食捐窿捐罅搵嘢食午餐泰濃麵好食尖沙咀區原來有間又平又好食的泰菜經常早午晚餐都一齊食的我，什麼時間吃都是我的早午晚餐，想食就食，最重要係食得開心，所以開心簡單🥳—————————🔴黑豚肉船湯：豐富配料…豚肉、魚蛋、炸豬皮、白蘿蔔、豚肉嫩口，魚蛋夠爽口炸豬皮夠脆，白蘿蔔又甜，入味夠腍⋯⋯足料夠大碗黑豚肉船湯都有咁多料👍—————————-🟢泰式炸腩仔：愛吃豬腩肉的我，泰式炸腩當然又要試吓，炸得香脆，咬落有口感而肉質夠嫩，點埋配上的酸酸甜甜醬汁更是令人吃得醒胃醒神，泰式炸腩，泰式的好味道👍—————————🟤泰式龍眼冰特飲：清涼冰凍又解渴、龍眼肉天然的甜絲絲，好味道⋯⋯—————————午餐食個泰濃麵…晚上約朋友見面😂😂其實開心🥳簡單就在你身邊..。食….拍…寫..已經成為我生活中的一部份鍾意食..鍾意拍…鍾意寫..留下美食回憶🥰———————-

今天我哋出動嚟到尖沙咀🚋，試試呢間人氣船麵店「泰濃麵」🍜，睇下有無回到泰國既感覺😌冬蔭公湯卜卜蜆金邊粉 $89 🦐有冬蔭公味，但唔會太辣👌🏻配料有（蜆、青口、菇🍄、蟹柳、蝦🦐）主角嘅蜆有5隻，而且非常大隻肥美，亦無咩沙👍🏻蝦亦新鮮彈牙，其餘配料都正正常常。海鮮配冬蔭公基本上都無得輸，但金邊粉耐咗會冧無咁爽口，要留意啊👀船湯頂級美國肥牛薯粉 $69 🥓湯底濃郁，鮮鮮甜甜的😋 配料有（白魚蛋、蘿白、炸豬皮、秋葵、肥牛🐮、菇）主角肥牛👌🏻，魚蛋彈牙，炸豬皮夠脆，蘿白可以再入味啲🤪船麵用幼薯粉非常少見，但又幾有驚喜，放耐咗都仲爽口，推薦大家試試啊🙋🏻‍♂️泰式小食拼盤(炸蝦餅、炸雞翼、炸芝士雲吞) $69 🍱炸嘢最緊要咩阿！？就係熱辣辣同脆卜卜🤩！所以個拼盤係合格嘅👍🏻蝦餅多蝦肉亦夠彈牙😬炸芝士雲吞🧀都較少見，外皮脆而個餡亦好濃芝士味（非流心），整體幾好味👍🏻泰式香茅班蘭梳打特飲 (午市加$18) 🥤飲落好爽口，而且有淡淡香茅味，值得一試！梳打水另上，差不多夠倒兩杯👍🏻Overall ：整體所有嘢食都好唔錯，大大隻卜卜蜆令人驚喜，價錢亦唔算貴，大家有興趣真係可以試試啊👍🏻P.S. 6p.m.後需

🥢黑豚肉船湯薯粉 $69🥢雞脾肉船湯金邊粉$69🥢泰式鳳爪 $49🧉泰式蝶豆花特飲 +$18🧉泰式青檸梳打特飲 +$18可自由配搭湯底、主菜同粉麵湯底-冬陰功/清湯/船湯粉麵-金邊粉/薯粉/河粉/黃麵/湯飯我哋見Menu寫住推薦船湯，所以我哋就揀咗船湯呢個湯底，船湯湯底非常濃郁，配金邊粉或者薯粉都一樣好入味，薯粉幼身爽彈，掛滿湯汁，黑豚肉肉質鮮美，幾有咬口，入面仲有唔少配料：秋葵、白蘿蔔、墨魚丸、魚蛋同豬油渣等等，而雞脾肉口感軟腍，泰式鳳爪好入味，酸酸辣辣勁醒胃蝶豆花隻色好靚，深紫色💜味道酸酸甜甜另外青檸同梳打分開上，醒師梳打水原枝上，勁多氣，飲完好爽😄

好掛住泰國d船麵，經過尖沙咀見到有就入去食下，佢地嘅配搭好多好自由，湯底有船湯、冬陰功湯同清湯。麵就有金邊粉、河粉、黃麵、薯粉。餸都好多款，我就選擇左卜卜蜆冬陰功湯配金邊粉，佢地嘅蜆好大粒又多，仲有蝦同菇份量都多，湯底係冬陰功一d都唔辣我連餸連湯成碗食晒😂另一碗叫左廣島蠔船湯配黃麵，蠔有好幾隻又有魚蛋仲有小小炸豬皮，湯底好濃好正。飲品有泰式香茅斑斕梳打🥤好重香茅味清新好飲，近排愛上飲梳打😍鋪頭仲有外賣小食炸豬皮同炸蝦片🤗

喺尖沙咀整完指甲已經好夜，第二日要返工急急忙忙就食碗麵就算啦，行過見到呢間全面裝修非常企理就入去試吓🛶卜卜蜆船麵平時食嘅多數只係用沙白就叫自己係卜卜蜆見到呢碗粒粒蜆肉大大粒就知好味道船麵湯底น้ำตก 十分濃郁， 融合不同香料嘅味道，河粉吸收湯汁精華，每一啖都非常精彩🛶頂級美國肥牛船麵肥牛相當唔錯！呢碗揀左最傳統嘅金邊粉，冬蔭功味道唔會太濃，又沒有好稠，食都成碗都唔膩🌟🐖曾經有一次去西貢食炸腩仔，不過呢一種食法都幾好食，比起成日食嘅豬頸肉，更加有風味！豬皮渣滓脆卜卜，肉質外脆內軟有少少煙韌嘅口感，蘸上特色醬汁更有風味！平時嘅船麵細細碗，呢度嘅份量頗多絕對食得飽～其實呢晚最想食係海南雞，可惜已經賣晒，相信應該幾好食，下次一定會試食雞！🐓

近聖誕節時期尖沙咀好多人嘅，行過漢口道見到呢間泰濃麵都好多人，但係有位入去食泰國嘢我最鍾意㗎啦😍呢度嘅麵湯底同埋麵款係任揀㗎👍我梗係揀冬陰功湯底啦😋仲有好多配料可選擇㗎❤我就揀咗卜卜蜆😋配咩麵好嘅🤔Yeah 老闆推介嘅金邊粉佢話好味呀😋😋濃郁嘅冬陰公湯底，woo好多大大隻好肥美肉厚蜆仲好鮮味添😋😋仲有好大隻蝦😋😋好足料喎呀！冬陰公湯好好飲呀😋好好味呀👍嘩好似去咗泰國甘呀 🤩泰式小食拼盤， 有炸蝦餅、炸芝士雲吞、炸雞翼三樣都係炸嘢😋我嘅至愛呀💯我好鍾意嘅泰國蝦餅配埋嗰啲酸甜醬perfect👍炸芝士雲吞咬落去好脆卜卜😋裏面真係好多芝士好正💯雞翼好有泰國feel yummy😋😋泰式鳳爪 ， 泰國鳳爪係冇骨嘅酸酸甜甜真係好正呀❤好耐冇食過喇😅Super惹味😋😋原個泰國椰青， 食泰國嘢點少得泰國椰青呀，裏面啲肉都食得幾正呀👍仲好甜呀好飲呀❤又有得食又有得飲🤩好似飯後甜品咁發達啦💯泰濃麵尖沙咀樂道7號嘉樂大廈地下A舖