泰海鮮 (已結業)

生日將至, 朋友為我提前慶祝生日, 這麼多不同菜色之中, 我最愛吃海鮮了,  屯門的三聖, 出名食海鮮既新鮮又便宜, 我們找了一間風評不錯的餐廳, 來吃我的生日海鮮大餐。油鹽水煮蝴蝶蚌新鮮的海鮮, 本身已是主角, 簡單的油鹽水煮, 吃其鮮味, 已很足夠, 蝴蝶蚌既嫩且鮮甜, 有一些比較開口, 未打開的其實已有縫, 用手輕輕一開, 也都可以吃的。油鹽焗奄仔蟹之前也在此吃過油鹽焗奄仔蟹, 一試難忘, 又來到奄仔蟹的季節, 把握這個機會, 再次品嚐它迷人的蟹膏, 和鮮甜的蟹肉, 鹽焗後整體蟹香更濃。海鮮湯很喜歡海品的我, 看中這個海鮮湯, 果然沒令我失望, 它用上瀨尿蝦、蜆、魚、蕃茄薯仔等, 煮成層次豐富的海鮮湯, 很濃郁很甜, 一定要趁熱飲, 而煮過湯的瀨尿蝦, 不要浪費我們都吃掉, 很想在家也試試煮這湯。泰式香茅瀨尿蝦看它的香料、辣椒等, 就看出來製作認真, 果然是泰海鮮, 這道菜盡顯功架。泰式香茅製法, 與別不同, 巨大的瀨尿蝦, 大隻大過我的手掌, 拆開來啖啖肉, 一吃就吃出它確是超新鮮, 滲著少許泰風味, 簡直是人間美味。黃金焗帶子說是焗其實是炸吧, 香脆的炸漿層內, 包著又是KI

難得好天，屋企人又話想食海鮮，咁就近近地揸車嚟屯門三聖食海鮮啦。因為之前都嚟過幾次，今次就試吓新嘢。入到去，店員招呼我哋坐低之後，我就嗱嗱聲叫佢哋煮幾味招牌菜…油鹽水煮蝴蝶蚌雖然整體味道冇乜大驚喜，但所有嘅食材卻值得一讚，隻隻蝴蝶蚌都新鮮飽滿，簡簡單單用油鹽水煮都已經唔錯。黑椒薑蔥鮑魚煲店員捧著行近時，已聞到薑蔥香味，結果亦沒有令我失望。鮑魚軟硬度恰到好處，加咗少少黑椒更加野味。如果蔥嘅份量可加以倍，咁就更加完美喇！泰式香茅瀨尿蝦少少辣都唔食得嘅我，之前食避風塘炒瀨尿蝦都覺得條脷痺痺地，今次食泰式香茅覺得啱啱好，野味之餘又唔覺得辣，而且今次瀨尿蝦新鮮之餘，Size都唔細，4個人食2隻都夠喉。白酒忌廉煮花甲烏冬底白酒忌廉汁味道都算唔錯，花甲都幾鮮甜，如果烏冬可以upgrade用手打烏冬咁就更加無得彈喇。食完後覺得有驚喜的海鮮餐廳，下次可以再黎！

我姊在屯門上班，今次帶我們來三埾村吃海鮮，先到海鮮檔買海鮮，她推薦上記海鮮，我們買了５種海鮮：蟶子皇、瀨尿蝦、大紅蟹、蝴蝶蚌、美國桶蠔然後是找家餐廳加工，她推薦泰海鮮，５種海鮮有不同烹調方法：#豉椒炒蟶子，19兩，加工費85.5元#椒鹽瀨尿蝦，19兩，加工費85.5元#清蒸大紅蟹，22兩，加工費99元#油鹽水浸蝴蝶蚌，24兩，加工費108元#酥炸生蠔，加工費62元海鮮以外，再點了：#上湯油麥菜#泰式菠蘿雞肉炒飯#支裝可樂味道很好！服務不錯！

百年難得一到西北大陸，坐輕鐵居然落車先發現忘記得嘟八達通，搭免費車十分抱歉。食飽飽海鮮大餐勁滿足 ﹗飯後活動就是帶著定春及女皇係清沙灣海濱跑跑跳跳放放電兼放放水，吹吹海風悠然自得。餐具全部都油淋淋笠黐黐，耐心地用滾茶淥一淥消毒，再續吋續吋捽乾淨！最後才安心使用乍，我直頭想要洗潔精呢！早到係我習慣，坐底靜候半粒鐘等女皇駕到﹗麒麟啤，樽裝似乎比生啤清甜可口，甘澀味少，酒味清爽。較早前到忠仔記揀選大量靚挸生猛海鮮，老鼠斑 $430 蚊、象拔蚌仔 $90 蚊、大花竹蝦 $200 蚊，加工費連小菜 $720 蚊，合理經濟實惠，最緊要高優好味道。酸蘿蔔，爽爽酸咪咪，每次都被我全部消滅。冬蔭功湯花蛤象拔蚌仔，鮮甜味爆錶的象拔蚌仔，爽爽激彈配以酸酸微辣冬蔭功湯，散發強烈泰式風味，醒腦提神﹗呷幾口湯汁，充滿貝類的鮮甜味道。白灼大花竹蝦，堅巨形無得頂，起碼四吋走唔甩 ﹗生猛紮紮跳運動量高，蝦肉特別結實爽彈，蝦汁四射，蝦膏兇湧甘甜，拍爛手掌﹗清蒸游水老鼠斑，永遠站在最高峰必食之選 ﹗不用巨形大大條，斤零左右最嫩最滑最鮮 ﹗純天然的深海魚甜味，滑嘟嘟嬌嫩幼細的肉質，啖啖魚汁全條都係寶﹗魚頭魚鰭魚骨都損得乾乾淨

以往三聖吃海鮮總是興記，今晚老公生日試下呢間泰海鮮，起初以為唔使自己買海鮮去加工，即點即吃，完來都要去買海鮮，我一家3個人，買左龍躉、聖子、肉蟹及花甲，攞到去舖頭等左15分鐘，才有員工幫手寫單，叫左個芝士炸蝦丸，超鬆超彈爆芝士，不油膩值得推介；花甲以冬蔭功湯浸，湯味濃郁，有水準。咖喱煮肉蟹，咖喱汁不太辣，再配上香草蒜茸包，鬆脆嘅法包點左香辣咖喱，真係無得頂，至於豉椒炒蟶子就一般般喇，唔知是否每個餸菜上得太慢，到最後上豉椒炒蟶子已經飽左八成的原故。總括來說，色香味俱全。

流浮山食得多，今次試下特色啲嘅煮法第一碟 冬陰公花甲 泰肚餓食到差不到無先記得影相 (推介)第二碟 白酒忌廉琵琶蝦烏冬，人地覺得咁煮嘥，個人認為食落肚又點會嘥 (推介)第三碟 椒鹽尿蝦，同流浮山一樣第四碟 咖哩牛腩煲+蒜蓉包3人 座舒服 服務

今日有野做去左黃金海岸 同同事收工之後捉左佢陪我食飯 因佢就黎生日當慶祝佢生日吧 由於我想食海鮮 佢建議話去三聖食 近近地 佢話佢同朋友去過 唔錯喎… 見到係冬菇亭 心想得唔得架 入到餐廳 服務員見到我地望住個風口 就轉第二張比我地我同朋友對望笑一笑 個餐廳環境唔錯架 唔好比佢外表呃左 我朋友發板叫左幾個餸 呢個冬蔭功湯 佢話呢個湯 試過你會停唔到 由於我平時唔太鐘意飲冬蔭功 我先試飲 嘩。真係一飲停唔到。D 湯濃味 又夠辣 仲有d蜆鮮甜到呢 我最後飲左幾碗 呢個蟹都不得了  會唔會太多呀？ 我地2個人之喎 蟹肉味道鮮甜 肉質爽口 個汁又夠味 送飯一流 配菜又正個龍蝦芝心丸 係呢間餐廳出名既小食 每粒大大粒 外層係面包糠 炸到好脆冇油膩感 記得要咬左一半先好食 入面係流心芝士 小心辣到咀整體黎講 食物 服務都唔錯 都會再黎食

難得兩個人一齊放到假,緊係要出黎拍下拖啦~個天超級靚,太陽又非常之曬,最岩去沙灘浪漫下!!可惜有太陽,但天氣又凍凍地,咁就只好周圍行下啦~無意中行到黎呢個地方,我完全唔知原來三聖邨就係咖啡灣一直行過黎就到,一個好靚好靚既地方,個牌坊又大又靚,仲有海邊,真係浪漫到暈~呢邊仲有好多間海鮮檔,聽講買完海鮮就可以拎入去加工,睇到流曬口水!!!突然見到呢間好特別,係舖同舖中間,見佢開左門,入去食下野先!!平時去泰國餐廳,我地必定會叫冬蔭公湯,係呢到好特別見到一個冬蔭公湯煮花甲,睇落非常之紅,好似好辣咁!!食落幾舒服,唔係太辣,又唔係太酸,非常岩岩好!!最重要有花甲,令到成個湯變得超級靚甜,真係又特別又好味!!另外仲叫多左個酥炸桶蠔,黎到個時真係眼都凸,會唔會太大隻呀??正常桶蠔好似冇咁大隻呀?佢呢個好似我係台灣食個隻叫珍寶蠔,手咁大隻,粉唔算多,仲要超級脆,真心真心入面粒肉真係有咁大隻嫁!!!第一次係香港食到,仲要唔貴!!!必食推介!!!!!!

今日想食海鮮餐，周圍問左好多朋友，同事，親戚，每個人都會答我，香港食海鮮只有三個地方最靚，西貢，流浮山，三聖邨！我試過西貢，太多人去，慢慢開始變得價錢貴左，食物味道差左，流浮山非常之出名，食物非常新鮮，味道都非常好味，但價錢就好貴！講左咁耐，其實我只有三聖邨未試過，所以！就食三聖啦！可能因為下午，咁早黎到周圍行下，唔覺唔覺行到黎呢間唔多起眼既餐廳，唔想食出面個幾間既原因係怕貴，加上感覺好似未開門，所以選擇左呢間叫泰海鮮既餐廳～店員服務超級好，行入門口已經即刻帶我地坐，俾茶俾兜洗野，仲介紹咩好食，我見到佢有套餐，不過我地兩條友黎過下口引，所以等下次夜晚黎先叫套餐，最後我地聽店員既介紹，叫左兩款佢地好出名既菜。－青山灣焗龍蝦－青山灣係呢個既名，通常用得當地既名好明顯就係最特色既菜啦，呢隻龍蝦真係不得了，第一次見有人咁樣煮！面頭係芝士，先將龍蝦開一半，跟住放上滿滿既芝士，在拎去炸，芝士唔會太濃最重味，咁先可以仲有龍蝦既鮮甜味，好特別，又好食！－油鹽水煮蝴蝶蚌－仲有呢個都係佢地自己做既菜，小小咸，好似有小小洒味，蝴蝶蚌好大粒肉，冇沙！咁樣配搭可以完全帶出蝴蝶蚌既鮮甜出黎，好正！俾我發現呢到有羊

回憶中我真的沒有到過三聖吃海鮮，西貢、南丫島、布袋澳倒是有嚐過，這次遠赴屯門之前也探聽過屯門區朋友，相信三聖是價廉物美的好選擇。這間泰海鮮非常好找，我泊領展的停車場旁邊就是了，店家是經典中式裝潢，朋友早來，我一坐下就端來油鹽水煮蝴蝶蚌，簡單鮮甜，我覺得這安排很好，要先吃水煮食物讓舌頭真正嚐清新鮮後才來更濃味食物，白酒忌廉煮花甲烏冬底真要給很多讚，首先配烏冬比伊麵好很多，沒有太多油膩感，白酒味極濃郁，席間我們說笑這盤菜好像加了一整瓶白酒，若不，哪來的白酒香呀？我愛吃清味，油鹽焗奄仔蟹是我的最愛，看樣子很普通，入口才知肉汁Juicy，膏肉比例正好，幸福感滿滿。上湯焗龍蝦大大隻，肉爽脆味鮮，我這愛蝦之人實在很難抗拒。 泰皇芝心蝦丸不是平常吃的泰式口味，是更考工夫的用麵包粒包裹再炸的中式造法，超級大粒的造型已經很吸引，我本以為芝心會很heavy，怎料又不如我所想，吃後沒有滿口油膩感，驚喜呀！三聖這好地方從此以後會加進我的海鮮美食list!

難得天朗氣清陽光普照，跟朋友到黃金海岸行吓。所謂靠山吃山，靠海食海鮮，講起話附近嘅三聖商場既海鮮跟西貢有得比，不如順路去食吓。到咗泰海鮮，order了幾個網上推介既菜式。先黎既係白酒忌廉煮花甲烏冬底，白酒味好濃，而用烏東做底比伊面好，沒有吸走晒湯汁。泰皇其中嘅招牌菜係芝心蝦丸，每一粒有成個拳頭咁大，外面包著面包粒避免炸過龍，而剪開粒丸就見到流心芝士，吃落口不油膩。呢樣真係必試。雖然生蠔好食但我最愛既係焗或者炸，泰皇既砵酒焗蠔係炸完再焗，焗完既蠔依然脆香，但比炸更多一份酒香。當日更第一次食蝴蝶蚌，用油鹽水煮盡量保留原本的鮮味。喜歡湯水既食家可以試吓呢度既海鮮湯，用料十足，有蝦魚同蜆肉，而且湯鮮甜而不腥，考功夫之作品。

星期六到郊外走走所以選了去屯門行山。行完山後體力耗盡，友人提議不如到屯門三聖吃海鮮，便選了這間泰國風味的海鮮餐廳。首先要喝湯暖下胃，這個海鮮湯充滿媽媽嘅味道。用了好多海鮮包括賴尿蝦，峴，魚，蕃茄同薯仔煲的，非常甜和香濃。之後就來個小食—泰皇芝心蝦丸。新鮮熱辣香脆，切開仲有流心的芝士，麵包糠炸得香脆，放了一會也不會很淋🥰之後終於到到期待的上湯焗龍蝦🦞，龍蝦的肉彈牙可口，每一啖都吸收上湯的精華，每一啖都入味🙂侍應推介了油鹽水煮蝴蝶蚌-的確蚌的外殼很像蝴蝶🦋，油鹽水煮法保留了蚌的原味，本人最喜歡這種煮法。再來是油鹽焗奄仔蟹，蟹膏多得不得了（尖叫）!!!做法把蟹的原味道都帶了出來，不用點任何醬汁亦都非常鮮味，吃到海鮮的新鮮。這個是我最期待的菜色-砵酒焗桶蠔。這是這一餐我最欣賞的食物，做法比較複雜，桶蠔有輕微煎過，完全吸收了砵洒的味道。請看看，桶蠔有多大隻🤗最後來一個總結-白酒忌廉煮花甲烏冬底。這絕對是一個值得加分的fusion菜，白酒味撲鼻，烏冬吸收了白酒忌廉的味道，花甲煮得剛好，為這餐畫上完美句號。

三聖邨是吃海鮮的好地方，既新鮮又好吃，所以間唔中會跟家人來吃大餐。今天到附近探望親友，親友推薦這餐廳，於是便相約一同到來這裡飯聚。位置在商場外面的一個獨立小屋。店員親切，還向我們推介當天新鮮的海鮮。油鹽水煮蝴蝶蚌形如其名，看起來跟蝴蝶🦋一樣。蚌用上鹽水煮，不用其他調味料，更能突顯蚌的鮮味。白酒忌廉煮花甲烏冬底，食物一到來便聞到很香的酒香，吃下去有很香很香的忌廉和很重的酒味甜味， 配搭起來十分香甜好吃。油鹽焗奄仔蟹老人家較喜歡鹽焗奄仔蟹，因為此煮法最能保留它的鮮味。奄仔蟹味道鮮甜，滿滿的蟹膏，肉實膏香😍啱晒蟹膏痴嘅我。砵酒焗桶蠔超大的桶蠔，肉質肥美，一來到各人都嘩一聲😍！外層焗到香脆，味道甜甜的帶著酒香又惹味，令人食到停不了口。上湯焗龍蝦🦞煮得剛剛好，味道鮮甜，口感有彈性泰皇芝心蝦丸，招牌菜之一，形狀超大。蝦丸用上一粒粒麵包皮包着，切開來滿滿的芝士醬流出來。吃下去有多種層次和驚喜，不但外面炸得香脆，裏面的蝦丸十分彈牙，還有有香濃芝士醬海鮮湯十分足料，而且魚味重。每一道菜份量十足又新鮮價錢合理可以encore

今日再一次來到三聖村食海鮮.原因係好掛住佢既砵酒蠔!今日揀左既海鮮有蠔,龍蝦,瀨尿蝦,花甲4樣野.呢到係自己係隔離買海鮮再加工既.由於我地之前已經來過,所以就無叫到小菜,主力食海鮮~蠔用砵酒焗,香脆而且無腥味.乾身,焗到有少少金蠔既口感,好正.不過感覺無第一次咁好食所以就有少少失望.龍蝦就用芝士焗,要特別講明係脆皮芝士.焗出來唔會太heavy,脆卜卜一口芝士一口龍蝦好match.比普通芝士煮更香濃但唔膩瀨尿蝦我地揀左兩隻超大隻既.D膏由頭到尾一大條!揀左用椒鹽整.好入味同新鮮而花甲就用返豉椒炒.不過不失,味道唔算好特別.不過一定要提既就係佢既花甲吐沙吐得好乾淨!!

上個周未約埋班為食Friend入屯門三聖食海鮮，成班姊妹一行4人，五點零鐘到齊三聖，但基於各姊妹都唔識揀海鮮又怕比人呃，所以我就推介返之前同親戚食過又唔錯既泰海鮮，位置係喺海鮮檔行大約5分鐘倒，就到達這間酒家，到達後女侍應安排入座，今次點餐的海鮮全是店員推介的是日精選有: 海鮮湯、芝心蝦丸、上湯焗龍蝦、白汁花甲烏冬、鹽焗奄仔蟹 、砵仔焗大、豉油王煎大蝦，以上菜式到齊後剩係睇賣相已經不得了😍，食落就知海鮮質數好，材料夠哂新鮮，厨房師傅手勢一流👍🏻份量又比得足，位位食到個肚漲卜卜😋😋，各位姊妹都大讚抵食好食，話我冇介紹錯wo，搞到我都好開心tim，所以大家鐘意食海鮮既朋友嚟到三聖記得要試下這間<泰海鮮>ar☺