泰海鮮 (已結業)

以往三聖吃海鮮總是興記，今晚老公生日試下呢間泰海鮮，起初以為唔使自己買海鮮去加工，即點即吃，完來都要去買海鮮，我一家3個人，買左龍躉、聖子、肉蟹及花甲，攞到去舖頭等左15分鐘，才有員工幫手寫單，叫左個芝士炸蝦丸，超鬆超彈爆芝士，不油膩值得推介；花甲以冬蔭功湯浸，湯味濃郁，有水準。咖喱煮肉蟹，咖喱汁不太辣，再配上香草蒜茸包，鬆脆嘅法包點左香辣咖喱，真係無得頂，至於豉椒炒蟶子就一般般喇，唔知是否每個餸菜上得太慢，到最後上豉椒炒蟶子已經飽左八成的原故。總括來說，色香味俱全。