影片
更多
2019-12-30
647 瀏覽
百年難得一到西北大陸，坐輕鐵居然落車先發現忘記得嘟八達通，搭免費車十分抱歉。食飽飽海鮮大餐勁滿足 ﹗飯後活動就是帶著定春及女皇係清沙灣海濱跑跑跳跳放放電兼放放水，吹吹海風悠然自得。餐具全部都油淋淋笠黐黐，耐心地用滾茶淥一淥消毒，再續吋續吋捽乾淨！最後才安心使用乍，我直頭想要洗潔精呢！早到係我習慣，坐底靜候半粒鐘等女皇駕到﹗麒麟啤，樽裝似乎比生啤清甜可口，甘澀味少，酒味清爽。較早前到忠仔記揀選大量靚挸生猛海鮮，老鼠斑 $430 蚊、象拔蚌仔 $90 蚊、大花竹蝦 $200 蚊，加工費連小菜 $720 蚊，合理經濟實惠，最緊要高優好味道。酸蘿蔔，爽爽酸咪咪，每次都被我全部消滅。冬蔭功湯花蛤象拔蚌仔，鮮甜味爆錶的象拔蚌仔，爽爽激彈配以酸酸微辣冬蔭功湯，散發強烈泰式風味，醒腦提神﹗呷幾口湯汁，充滿貝類的鮮甜味道。白灼大花竹蝦，堅巨形無得頂，起碼四吋走唔甩 ﹗生猛紮紮跳運動量高，蝦肉特別結實爽彈，蝦汁四射，蝦膏兇湧甘甜，拍爛手掌﹗清蒸游水老鼠斑，永遠站在最高峰必食之選 ﹗不用巨形大大條，斤零左右最嫩最滑最鮮 ﹗純天然的深海魚甜味，滑嘟嘟嬌嫩幼細的肉質，啖啖魚汁全條都係寶﹗魚頭魚鰭魚骨都損得乾乾淨
餐具全部都油淋淋笠黐黐，耐心地用滾茶淥一淥消毒，再續吋續吋捽乾淨！最後才安心使用乍，我直頭想要洗潔精呢！早到係我習慣，坐底靜候半粒鐘等女皇駕到﹗
麒麟啤，樽裝似乎比生啤清甜可口，甘澀味少，酒味清爽。較早前到忠仔記揀選大量靚挸生猛海鮮，老鼠斑 $430 蚊、象拔蚌仔 $90 蚊、大花竹蝦 $200 蚊，加工費連小菜 $720 蚊，合理經濟實惠，最緊要高優好味道。酸蘿蔔，爽爽酸咪咪，每次都被我全部消滅。
冬蔭功湯花蛤象拔蚌仔，鮮甜味爆錶的象拔蚌仔，爽爽激彈配以酸酸微辣冬蔭功湯，散發強烈泰式風味，醒腦提神﹗呷幾口湯汁，充滿貝類的鮮甜味道。白灼大花竹蝦，堅巨形無得頂，起碼四吋走唔甩 ﹗生猛紮紮跳運動量高，蝦肉特別結實爽彈，蝦汁四射，蝦膏兇湧甘甜，拍爛手掌﹗
清蒸游水老鼠斑，永遠站在最高峰必食之選 ﹗不用巨形大大條，斤零左右最嫩最滑最鮮 ﹗純天然的深海魚甜味，滑嘟嘟嬌嫩幼細的肉質，啖啖魚汁全條都係寶﹗魚頭魚鰭魚骨都損得乾乾淨淨，勁過用刷呀﹗
招牌炸子雞，幫襯足足 4 次終於有緣食到人氣炸子雞，而且專登致電預訂架。不過無想象中那麼非食不可，質素平平，只是比一般囍宴上的炸子雞更香更美味。皮脆肉嫩不會肥騰騰不會咸到死，薄薄雞皮特別香脆。雖然全熟雞，幸好髀肉嫩，胸肉綿，亦有肉汁微滲。價錢貴了一點點，半隻索價 $168 蚊啊。
泰式蝦醬炒飯，不辣的但超級香口，聞一聞舒筋活絡，索一索精神爽利 ﹗蝦醬氣味濃郁芳香，真的口水直流食指大動 ﹗飯粒炒得乾爽飽滿，有蛋有油香，如果加點點辣就更惹味開胃啦﹗咬啖炸子雞肉，塞啖炒飯入口，互相呼應，肉甜飯香十分滋味。
清蒸西星斑、蒜蓉蒸開邊花竹蝦、豉汁蒸北海道元貝、鳳梨生炒骨、泰式蝦醬炒飯！味道上覺得跟東星分別不大，肉質更滑更彈，東星就較為結實有嚼勁﹗游水斑當然鮮甜到漏，滾上魚汁豉油加埋蔥絲清香，食到停唔到手﹗魚肉魚汁豉油撈飯，油潤香噴噴，吞掉兩三碗飯濕濕碎。蒜蓉開邊蒸花竹蝦，活蝦即劏即蒸時間拿捏準確，嫩嫩爽爽的蝦肉夾著蒜蓉同吃，格外甜美香醇，回味無窮。
豉汁蒸北海道元貝，有我掌心般大小，白雪雪的帶子肉黏著裙邊，輕煙飄飄。必須連豆豉及肉汁全部掃入，在嘴內翻騰融合，帶子微彈綿滑，甜味出眾，撞上豆豉濃濃甘香，吊出無限鮮味，好好好味道﹗
鳳梨生炒骨，女皇有果萬事足，最愛食生果 ﹗菠蘿您處理，椒就等我來吧 ﹗青椒夠熟夠熱，格外爽甜。生炒骨平凡普通，炸得乾乾脆脆，兜個甜酸汁不過不失。
椒鹽有膏瀨尿蝦皇，生猛巨形大大碌，必定食到啜手指啦 ﹗炸得香噴噴兜個辣椒蒜酥送到，迷得我飄飄然。溫柔地從兩邊剪開，完完整整地脫殼，露出濕潤幼嫩的蝦肉，還有若隱若現的蝦膏﹗不要猶豫，狠狠地連膏帶肉一啖咬掉﹗蝦甜味強烈霸道，蝦汁滋潤我每個細胞，甘甜硬膏回味再回味，陣陣椒鹽蒜辣味道，拍爛手掌﹗
日本白松蚌刺身，外觀及味道都勁似加拿大象拔蚌，質地較軟較滑，無加拿大般爽脆，帶著極濃鮮甜味道。白灼游水赤米蝦，罕見大隻的赤米，係蝦界裡面出名甜度特別高特別濃，原汁原味已是世界級，沾上辣椒豉油就更非同凡響。清蒸泰星斑，香甜嫩滑，爆汁緊緻，醇厚的海魚味道。沾上魚汁豉油，無可挑剔 ﹗起肉撈飯食，無懈可擊﹗
鮮魷炒西蘭花，食材由泰海鮮提供 ﹗輕甜室溫西蘭爽脆不過腍，搭著咸香嚥韌鮮魷齊趙還可以，如果有豆瓣醬就更好啦﹗竟然最好食係熱熱彩椒，爽甜無比。
辣酒煮東風螺，辣味濃郁，酒味得宜不嗆，極其入味的東風螺，螺頭脆脆，螺身滑滑，螺尾甘甜，全身都係寶 ﹗脫下大量螺肉備用，淋上辣酒湯連白飯掃入嘴仔細味，萬二分幸福。椒鹽有膏瀨尿蝦皇、日本白松蚌刺身、白灼游水赤米蝦、清蒸泰星斑、鮮魷炒西蘭花、辣酒煮東風螺，兩口子消滅 6 道菜不過份吧﹗
活牡丹蝦刺身，極為淡口無味道，蝦身極爽充滿水份，不黏不膠不綿不甜，跟在日本餐廳食的有天淵之別。上湯焗青龍蝦，兩口子食兩斤已非常足夠 ﹗蝦肉無敵清甜，結實勁爽勁甜，上湯提鮮提味，啜得興奮莫明。
椒鹽瀨尿蝦皇，多謝忠仔記月姐送贈兩隻瀨尿蝦皇，受寵若驚 ﹗有膏有有諣既好，無膏亦有無膏既好，超然的鮮甜，蝦汁兇湧美味，肉質嬌嫩幼細，陣陣惹味蒜酥辣椒味道，份外醒神。
白灼活八爪魚鬚，吸盤勁爽脆，肉質勁嚥韌，鮮甜帶海水咸香。只需兩條鬚已經灼到一碟份量，簡單辣豉油吊吊味，無得頂呀﹗豉椒炒蝴蠂蚌，師傅居然生炒無偷懶，誠意可加 ﹗原汁原味滑嘟嘟的蚌肉，飽滿肥美脹卜卜，咬落汁液激射，鮮甜撞豉汁，食到舔舔嘴。豉油皇炒游水海蝦，海蝦真的點細，做豉油皇不太可觀。蝦肉爽甜，細隻炒得更香口更入味，不過有少少偏咸。
白灼油蝦，游水蝦不用調味，夠新鮮灼得剛剛熟已經美味爆燈 ﹗腐乳炒通菜，我最愛的水通，鮮嫩翠綠，菜甜味出眾又多汁 ﹗炒得鑊氣澎湃香氣撲面，掛上腐乳汁食得津津有味。辣酒煮花蛤，新鮮花蛤肉盛著香辣汁狠狠地啜入，鮮甜的花蛤，刺激香噴噴的辣酒汁，無可抗拒的誘惑 ﹗
避風塘登格斯蟹，大大隻的蟹，炒完縮晒水，咬落感覺腍腍空盪盪，而且肉味清淡，水蟹來的嗎？鮮料蕃茄薯仔湯，胡椒味超濃麻麻地，味道唔好飲喎 ﹗飲完一碗夠晒。材料真係堅新鮮，杉斑仔、瀨尿蝦、沙蜆全部清晒無得留低。再次多謝忠記記月姐的厚愛，免費湯料。
麒麟啤
19 瀏覽
0 讚好
0 留言
冬陰功湯花蛤象拔蚌仔
16 瀏覽
0 讚好
0 留言
白灼大花竹蝦
28 瀏覽
0 讚好
0 留言
清蒸游水老鼠斑
28 瀏覽
0 讚好
0 留言
招牌炸子雞
11 瀏覽
0 讚好
0 留言
清蒸西星斑
9 瀏覽
0 讚好
0 留言
蒜蓉開邊蒸花竹蝦
19 瀏覽
0 讚好
0 留言
豉汁蒸北海道元貝
8 瀏覽
0 讚好
0 留言
泰式蝦醬炒飯
11 瀏覽
0 讚好
0 留言
鳳梨生炒骨
20 瀏覽
0 讚好
0 留言
椒鹽有膏瀨尿蝦皇
37 瀏覽
0 讚好
0 留言
椒鹽有膏瀨尿蝦皇
33 瀏覽
0 讚好
0 留言
白灼游水赤米蝦
36 瀏覽
0 讚好
0 留言
清蒸泰星斑
17 瀏覽
0 讚好
0 留言
鮮魷炒西蘭花
18 瀏覽
0 讚好
0 留言
辣酒煮東風螺
12 瀏覽
0 讚好
0 留言
日本白松蚌刺身
14 瀏覽
0 讚好
0 留言
活牡丹蝦刺身
6 瀏覽
0 讚好
0 留言
上湯焗青龍蝦
6 瀏覽
0 讚好
0 留言
椒鹽瀨尿蝦皇
9 瀏覽
0 讚好
0 留言
椒鹽瀨尿蝦皇
7 瀏覽
0 讚好
0 留言
白灼活八爪魚鬚
19 瀏覽
0 讚好
0 留言
豉椒炒蝴蠂蚌
3 瀏覽
0 讚好
0 留言
豉油皇炒游水海蝦
10 瀏覽
0 讚好
0 留言
白灼油蝦
24 瀏覽
0 讚好
0 留言
腐乳炒通菜
8 瀏覽
0 讚好
0 留言
辣酒煮花蛤
2 瀏覽
0 讚好
0 留言
避風塘登格斯蟹
4 瀏覽
0 讚好
0 留言
鮮料蕃茄薯仔湯
7 瀏覽
0 讚好
0 留言
鮮料蕃茄薯仔湯渣
9 瀏覽
0 讚好
0 留言
張貼
