泰斗 (中達大廈)

營業中

休息中

上年去完泰國之後都好少食泰國菜，朋友想回味一下，我們就預約了泰斗，後來才發現如果不預先訂位，要等上好一陣子。 也難怪，餐廳位於尖沙咁鬧市，位置好，氣氛也很好，服務員殷勤，難怪人很多。坐下安頓一陣子，點好餐，食物也上得快。點了個小食併盤， 有大有小，我們要了個大的，小吃有單骨雞翼、魚餅、蝦餅、春卷。 都是炸得香脆又惹味。 我最喜歡蝦餅，蝦味鮮又彈牙，單骨雞翼吃起來方便夠惹味，春卷則卜卜脆。 之後來條酸辣青檸明爐魚，熱辣辣，雖有骨但很易剔出，微酸也頗開胃，辣倒是還好。 主食來個菠蘿海鮮炒飯，菠蘿超級甜，飯中有很多料蝦、魷魚…外加肉鬆腰果，一點都不單調，非常香口，也不會覺得膩滯。 中間我們點了芒果沙冰， 芒果味很濃，沙冰很綿，而且可以喝好長一段時間，抵!最後甜點是椰汁西米膏，椰汁味很香，又不會太甜，好吃! 總給餐廳氣氛熱鬧，食物份量很足，有風味，下回聚餐可以再來。

友人岩岩由泰國返黎，又話懷念泰國食物，見openrice 呢間餐廳好多好評，所以訂左枱同佢試下。一去到已經好多人，訂左枱都要等左陣，真係利害！我地叫左食泰國野必食既菠蘿炒飯估唔到個飯都幾大個，啲飯炒得好香，加埋新鮮既菠蘿，提子乾同肉鬆，味道真係唔錯！酸辣青檸明爐魚有啲失望，有啲overcook，啲魚肉唔夠滑有啲「鞋」，但係個酸同辣既味配合得幾好，仲加左啲粉絲，吸晒啲酸辣味好好味！芒果糯米飯呢個又係必食既甜品！暖暖地既糯米飯加埋啲椰汁槳好香，配埋酸酸地既芒果更加滋味！

一上到去並沒有員工招呼是自行坐下都算後來有一位員工嚟落單，我哋喺Menu上見到兩點半至五點是有九折的，但後來到埋單時候沒有給我們九折並遇到一位貌似整容的長髮女士態度極差，叫埋單沒有員工回應後來有位整容員工回應但表情不多願意，其他員工正在用膳只有她較得閒，真係唔明白那麼好吃的餐廳為何會聘請這位態度惡劣的員工，希望佢老闆見到我們的留言我哋下一次一定不會再幫襯.

朋友生日 一場黎到諗住食佢哋好出名嗰個tea set 點知原來已經冇賣 好傷心 不過個環境夠靚可以搭救到佢哋lunch係有得食buffet 但係我哋去到嘅時候啲食物就咁擺係室外 好似擺咗好耐咁所以我哋寧願散叫首先嚟咗個小食拼盤同埋生蝦 我哋叫咗個小食拼盤係細嘅冇諗過都幾大碟幾多嘢食 煮得好好食但係全部都好熱氣個生蝦真係值得一讚 好大隻好多肉 個汁又好好味辣得來唔會太酸啱啱好 跟住再食咗個生菜包 係我最鍾意食嘅泰國餸之一 我覺得啲生菜唔算非常新鮮 有啲黃黃地 但係啲肉真係超好食辣得來又唔會泰勒食唔到好開胃！好想再添生菜黎食但係已經太飽最後嚟咗個海鮮沙律 個人麻麻地呢個 個沙律啲菜係唔知咩菜同埋好難食 但係海鮮同埋粉絲都好新鮮 個汁都好清新 但係成碟都太辣 唔係好食到最後有個芒果糯米飯做甜品 芒果好甜好新鮮 個飯都夠癡 但係泰國食佢啲飯脆脆地好似好味啲一開始食嗰陣見到咁貴以為好唔抵 但係原來啲餸都幾大碟 環境又好好 都抵番嘅 好想下次再同屋企人一齊嚟食！

朋友生日 佢鍾意食泰國嘢 咁我哋book咗間泰國餐廳 餐廳環境都唔錯 亦有露天座位 但係呢排凍左坐得耐都比較凍 張凳比較大 位同位之間比較迫 座位出入都唔係咁方便豬頸肉沙律 非常之開胃 豬頸肉比例都比較多沙律菜比較少 醬汁酸酸甜甜 幾好味冬陰公湯 都幾有水準 唯一唔好係 我地叫咗條魚 條魚最尾先到 但一早就拎咗個底托擺係到 所以唔夠位置擺成煲湯 待應裝哂4碗俾我哋 但我地有位朋友未到 裝哂出黎啲湯都凍哂喇泰式生蝦 吾係咁新鮮 吾乾淨 有陣腥味 有位朋友冇食到 得佢一個冇屙 我地三個反到去都屙咗幾次 真係冇下次

去年的今日我依然身處泰國，既然今年冇得再去，唯有約埋三五知己係香港食泰國菜以示懷念啦。 細選之下揀左呢間位於尖沙咀的泰國菜餐廳。餐廳位於樓上的位置，個ＶＩＥＷ都唔錯，露台位可以望到對面公園的翠綠大樹，以及遠眺知名大廈的美麗燈光。  先黎一個飲品: 士多啤梨沙冰 - 沙冰冰粒好細滑, 士多啤梨味道酸酸甜甜够解渴. 泰式小食併盤 (大) 炸春卷 - 裡面的餡够多, 而且皮薄又炸得香脆, 十分香口; 炸蝦餅 - 够哂彈牙又大件, 外層炸得好香口, 配上酸辣汁, 十分開胃; 炸魚餅 - 一樣係大大件, 但就冇蝦餅的彈牙口感. 反而係比較鬆軟, 啖啖肉的口感, 魚味都算突出; 單骨炸雞亦 – 外層炸十分香脆, 裡的肉依然嫩滑多汁, 味道辣辣地, 幾好味~ 冬蔭功湯 (大) 份量唔算多, 但湯底十分濃厚, 味道夠酸得黎 又帶有少少辣, 好容易入口, 都幾開胃. 而湯內的湯渣都份量都算多, 除左有我最愛的大量菇菇外, 仲有好幾舊啖啖肉的彈牙大蝦, !  泰式燒雞 (半隻) 食燒雞, 識食的一定都會揀食外層的雞皮! 呢隻泰式燒雞的雞皮燒得好薄, 没有多餘的脂肪, 放入口仲有陣陣的炭燒香味. 雖然

一家人吃晚飯，選擇總不太多，今晚一家人一齊喺尖沙咀行街，難得母親大人開口話想食泰國菜，喺海港城行出來，舉頭一望就見到泰斗呢個招牌，於是就上去試吓。地方頗大，還有露天位置，望住尖沙咀街景，餐廳光線明亮。開飯🍚：先來一個湯暖胃! 地道泰式魚肚羹＄168:湯羹表面睇嚟好有碗仔翅嘅感覺，食落發現有滿滿的魚肚，而且魚肚非常爽口，啖啖滿足，對於鍾意食魚肚嘅我真係過足口癮！生菜包（豬肉）$128:生菜包又係我另一個摯愛。呢度嘅生菜包中嘅豬肉碎非常新鮮，肉粒不失肉汁，而且調味配搭很精彩，辣而香，生菜亦清脆，無任何苦澀味，是新鮮的。有自家特色。半隻雞 $168: 雞肉鮮嫩，肉汁緊致。泰式椰青海鮮焗飯＄148 :份量足，非常適合四個人一齊分享，飯香，粒粒分明，海鮮份量亦恰當，焗飯火候時間等得宜，食完呢個飯，我哋每個人都非常爆滿。甜品：芒果糯米飯: $68媽媽最鍾意嘅水果係芒果，所以甜品我哋再嚟芒果糯米飯，雖然有啲飽，但係糯米飯暖暖嘅而且非常香，令到我哋第二個甜品胃又再出現啦，甜而多汁嘅芒果撈埋香滑嘅椰奶配上糯米飯，非常滋味。椰青: $48一家人一路食一路飲住椰青，有講有笑，熱情洋溢，真係充滿泰國風情！

一年前既今日同班朋友去左泰國，真係好懷念所以約左泰國之友去食泰國野懷緬一下聽聞呢間餐廳好正宗，一於訂枱試下！雖然地點係尖沙咀，但餐廳旺中帶靜，氣氛好好啊，二人世界又得，一大班人亦得！首先當然要黎個必叫既冬陰公湯啦！個湯酸酸辣辣好醒胃，辣得黎味道適中，好味到一口接一口，而且用料十足我地叫左個大既，大約可以有6-7碗，仲有專人為你服務，好貼心！小食併盤，有魚餅，蝦餅，春卷，雞翼雞翼好野味，蝦餅有蝦既鮮味仲幾彈牙，其他一般推介： 芒果沙冰，真係好好飲，打得好滑，雖然唔係粒粒芒果肉，但飲落去果下充滿左芒果味！而且好大杯，夠飲成餐飯，好抵飲！招牌咖喱炒蟹：呢個真係招牌菜，我地都係見到隔離台有人叫，見到好正而跟住叫個泰式咖喱帶甜帶酸，個醬有蛋黃質感，好開胃，唔算辣，適合啲唔係好食得辣既朋友。講返隻蟹真係好有肉感，係貨真價實既肉蟹，大大隻蟹竿揸住食，啖啖肉，點埋個咖喱汁，真係好滿足！

今次簡呢間泰斗真系聚會~談心之選,坐露台位仲有冷氣,帳篷~開揚得來又唔怕有蚊,昆蟲飛來飛去,露台位一定非常搶手,好在有訂檯~星期一全場爆滿!!環境氣氛都令人很放鬆～椰青$48,很清甜,但唔算大個泰式生蝦$1大隻肉厚爽口好新鮮~埋單先知$1,唔知系咩優惠？泰之丸$148外層炸得脆卜卜又夠乾身,混合了香料的肉丸,陣陣香茅味有肉汁。蒜蓉包$32新鮮蒜蓉包外脆內軟黃咖哩$108咖哩味濃微辣,牛腩件件大舊又入味,仲有洋蔥,薯仔海南雞(1隻)$258半隻上,分左兩碟~每碟份量唔少呀,都幾嫩滑但雞味就較淡冬陰功明爐魚$188好大個明爐魚呀~~酸酸辣辣亦能帶出魚既鮮味~魚肉多且骨少~鋪滿粉絲,肉碎,香蔥,蕃茄仔吸哂冬陰功湯好美味~仲可以飲冬陰功湯添泰式蝦醬炒飯$108從賣相已睇到用料非常豐富,肉鬆,蛋絲,臘腸片,豆角粒等~炒飯微微蝦醬香唔會過鹹,飯炒得粒粒乾身又惹味!芒果糯米飯$68半個香甜芒果~配白糯米飯又熱又煙韌,再淋上椰汁食超正!!

menu話2:30pm開始套餐9折，其实完全唔係。結帳時等超久，跟住又話時間沒到完全沒服務可言。乾炒牛河特別油膩，熱檸茶發苦，隨餐湯很咸，食完肚痛will never come back again

今天和朋友決定約吃泰國菜更有幸被安排在露天位置晚風吹送園林景緻別有情調先點來蝦肉黃金卷作頭盤黃金卷剛炸起外皮香脆蝦肉混合香料散發出濃濃的香茅味配上酸辣泰式醬料更美味泰式生蝦表面晶瑩剔透的肉質緊緻相當鮮甜另點了鹽燒盲曹魚身更塞滿香茅來提味魚肉肉質相當嫩滑廚師的燒功可見一斑不能沒米飯的我倆再要泰式香葉肉碎炒飯看似平平無奇的炒飯卻充滿驚喜炒飯鑊氣十足味道甚佳肉碎跟九層塔的配搭令味道層次更顯豐富最後以芒果糯米飯作結糯米飯軟腍芒果清甜淋上濃濃的椰漿為整夜畫上完美句號

萬聖節夜與朋友聚餐，朋友在網上見到這餐廳有特別宣傳優惠剛好係優惠的last day...,我們幾位朋友也點了來試。朋友選擇咗環境開揚的室外，這位於海防道入面其中一棟大廈的4樓，仍然能夠和對面生長了多年樹木綠油油的樹葉非常接近，好似進入了城市綠洲咁，感覺舒適的，輕鬆的。由於未人齊又想吃點小食，於是朋友先點了個小食拼盤（沒有相不過食咗）有細心剪開單支骨雞翼好方便食、炸魚餅、炸蝦餅、炸春味道唔錯。點菜方面呢！或者可能我們要點的菜式都用受歡迎呢！點幾款都沒有!這個就是生蝦了！蝦肉始終係急凍貨解凍的，唔覺蝦味，倚靠泰式醬汁比味，味道唔算突出，蝦肉也不過不失。燒🐷頸肉，肥肥的爽爽的，好快食晒。一老一嫩椰青（當然店家未開都唔知係老係嫩啦！），點解咁講，因為我地都會手痕痕用匙羹產產椰肉出來食的，可是當中一個……其實可以起肉煲湯了！本來想點牛舌串燒的……沒有，咁就要了豬肉和牛肉串燒了!沙爹醬味普通。本來點燒 盲糟……又沒有，就改了烏頭。炒金邊炒，味道酸甜的，雪蝦沒有味道，粉比較淋容易碎雜菜煲，比較多款蔬菜集中於一煲。咖哩！本來想點的款又沒有，又轉咗做行貨鴨胸肉，咖哩味都似李x記咖哩沒有再自己調過味咁!配

東南亞菜中我幾鍾意食泰國菜，之前朋友推介尖沙咀泰斗，今晚同親愛的經過尖沙咀，決定一試！我地兩個人，點左3樣野食加1份甜品2杯特飲，樣樣都唔錯，滿足☺️炸軟殻蟹柚子沙律 ($128): 柚子沙律酸酸甜甜，而且微辣，惹味得來好開胃。軟殻蟹亦炸得香脆，是不錯的泰式沙律!小食拼盤 (大) ($168): 小食拼盤可以點大份或者小份，侍應姐姐話小份就每款有4件，大份就每款有6件，我地見價錢差不多，就點左大份😂小食拼盤有4款，包括魚餅、蝦餅、春卷同雞翼，春卷香脆可口，不過我就最鍾意食魚餅同蝦餅，口感彈牙，正！咖哩蝦 ($298): 我好鍾意食東南亞咖哩，親愛的好鍾意食蝦，點咖哩蝦就最岩我地😁咖哩好香，香味樸鼻！一碟有4大隻蝦，啖啖肉👍🏻千層糕 ($48): 千層糕有好香ge斑蘭味，口感煙韌，份量都算好足料！奇異果沙冰 ($58): 好大杯ge奇異果沙冰，好好飲，而且用奇異果做材料感覺仲幾健康添！泰斗清新特飲 ($58): 新愛的點呢個，試左一啖，都ok，清新！

今日閒日木嘴唔洗返工，黎到尖沙咀探望返緊工既可憐朋友。而木嘴就不嬲都冇主見既，只要唔係話去樹林吸風飲露既話佢地話食乜都無所謂，咁佢地就話去呢間佢地平時lunch都去開既泰國野喇。呢間野就係位於充滿大陸旅客、喼神同埋垃圾臭味既海防道，所以真係要歷盡苦難先可以捱到上到去，上到去之後仲硬係形住自己有陣垃圾味。諗住間野環境一定好極有限，但又勢估唔到間野環境幾唔錯，仲有個望到出面D樹既露台添，令到木嘴即刻忘記左果陣掃興既垃圾味。Lunch set 有飯類亦都有粉面，款式幾多，有豬扒呀豬頸肉呀咖哩呢D泰國餐廳必定出現嘅野，見到有個好似特別少少既香葉肉碎蛋飯望落幾好食又有個必食logo，木嘴份人好簡單，你話得必食木嘴就必食嫁喇，唔好欺負我既單純呀，於是木嘴輕輕鬆鬆就決定到食乜。由於我一心諗住食野唔記得影相，以下張圖隻蛋係已經比我食左兩啖既。D肉碎辣辣地好開胃，送飯一流，好快扒下扒下就食哂個飯。我連下面墊住果塊生菜都食埋添呀。至於木嘴位朋友就嗌左海南雞飯，佢亦都表示味道唔差既。不過果日無端端唔係好想食雞，所以木嘴就無喺朋友碟飯度抽返幾啖水喇。木嘴果個set係$62包熱飲（凍飲加$3）再加一，呢個價錢對

去食泰菜都可以好chill? 今次就同朋友去左間有露天茶座既泰菜, 位於尖沙咀海防道, 一出MTR大概3分鐘都行到去, 因為而家係秋天所以坐露天仲舒服, 而且夜晚黎更加有feel, 有啲似去左泰國渡假咁, 不過因為我book左就有得坐露天, 如果大家walk in可能無露天位, 八點左右都坐滿。 厚厚既餐牌, 食物點餐全部都有埋圖, 所以點餐選擇都會易d。 沙律款式好多, 我又揀左我最常點既木瓜沙律, 不過呢到有得揀配青口、魷魚或者大蝦, 揀左魷魚覺得佢同木瓜沙律最夾, 魷魚都幾大件之餘又爽韌, 木瓜條爽脆平均撈左汁, 酸辣度都幾強勁, 如果花生多D就好了～ 朋友食過呢到既海南雞飯覺得好食所以推介我試, 有得叫半隻同全隻, 既然黎試就叫全隻吧! 反正我係個食肉獸XD 一上枱果然如店員所講係非常大隻, 即使切好哂, 每件雞肉都係好大舊, 而且最正係全部起哂骨!!!!成隻雞真係啖啖肉(除左食雞翼有骨啦XD) 雞肉嫰滑度令人滿意, 尤其是雞皮同雞肉之間既油脂幾多, 所以相當滑口, 新鮮唔會梅, 不過雞味偏淡, 另上既兩隻醬, 一隻酸酸辣辣另一隻就係薑蓉, 個人覺得酸辣醬會提味D。 身為食肉獸