泰斗 (中達大廈)

營業中

休息中

餐廳氣氛唔錯，有室內同半室外，今次坐左半室外，但冷氣唔係幾夠。叫左生蝦刺身，隻蝦夠大隻又新鮮。鮮蝦炒金邊粉，味道偏茄醬味冬蔭公湯，幾香椰奶味唔會太辣，仲會分好一人一碗俾你。酸辣鳳爪配料多過d鳳爪，不過味道ok既。芒果糯米飯椰汁西米糕整體食物味道ok,不過某些店員服務真的很一般。

天氣實在太熱啦冇乜胃口，食泰菜酸酸辣辣就最醒神。本身都係尖沙咀飲緊野就睇吓附近有邊一間好食，搵到呢一間評價都唔錯就試吓。同朋友八點半上到去，人山人海，咁多人食味道應該有保證！等左大約10分鐘左右就有位，地方雖然唔算好大但座位闊落舒適，深木式裝修充滿泰國風情。先來小食拼盤，雞翼已經剪咗半再炸，單骨食好方便。蝦餅同魚餅好出色，蝦餅彈牙又夠脆好香口，魚餅材料豐富，豆角香茅檸檬葉紅蔥頭令到口感充滿層次，咖喱味又香。春卷則不過不失。冬陰公湯一上枱就已經分好，服務唔錯唔使自己分，飲完再上另外兩碗。味道好正宗，但可能因為遷就香港人減左辣，下次叫佢加辣先。酸辣青檸明爐魚一上場就好吸睛，條魚仲長過手臂，而且會加酸酸甜甜嘅湯落去。湯嘅味道就好似加熱左嘅泰式海鮮沙律汁，超級開胃，亦都令到條魚鮮而不腥。粉絲份量好多，吸左湯汁精華，加埋紅洋蔥味道一流。紅咖喱牛腩，牛腩炆得淋又入味，份量又唔少，即刻叫返個飯撈汁食，正。總括嚟講味道正宗，雖然價錢唔算好平但份量大，呢間餐廳性價比都幾高。

同十幾年嘅朋友見面，為左可以慢慢坐咁傾下計，所以就揀左泰斗，事關之前朋友讚到上天，無理由唔黎食嘅。好早就黎左啦！因為室內full booking，所以就安排左我地坐室外，因為天氣都幾熱，店方仲好好咁安排多左個風扇比我地。依到氣氛真係好好，好悠閒嘅感覺，有小小似係泰國嘅感覺！好開心依到有生蝦食喔！冇圖文不符，睇落新鮮食落都好新鮮，好好食呀而且個醬酸辣酸辣，超開胃！身為沙律人嘅我，梗係要食下柚子沙律啦！其實係因為我鐘意食柚子。好滿意依道菜，因為係間間嘅柚子沙律都好食，最憎食到苦味，而依到就冇依個問題不單止，啲柚子仲係粒粒飽滿的！like!因為唔算太肚餓所以主要都係食一啲小食。生菜包就食得多啦。但係鴨肉生菜包我就真係第一次食覺得超特別！有鴨肉嘅香味就多咗種層次，豬牛雞係冇得比嘅!!個人好推薦依道菜。見到有煎蠔仔蛋咁鍾意食蠔嘅我嘅我街狗沖啦。佢上菜嘅時候係用鐵板上嘅，仲有自治聲！超新鮮熱辣！而且啲蠔仔真係一粒粒超飽滿的。不過兩個人真係食唔到唔係好晒囉。太飽了！不過唔好見佢咁厚，下面係有芽菜嘅。但係蛋同蠔仔嘅分量真係一啲都唔小。因為我哋都係減緊肥，所以都想食啲菜。叫咗道炒椰菜苗。個人覺得係有驚喜

由於爸爸鍾意食嘅食物唔多，每年佢生日我地都為左搵餐廳同佢慶祝而相當煩惱，因為佢除左鍾意食蟹之外，魚、蝦、貝殼類等其實海鮮佢都唔食，所以一般海鮮菜館或酒樓都唔啱同佢去食。老婆係網上搵到位於尖沙咀海防道呢間泰國菜館:泰斗，佢嘅招牌菜係$398咖喱蟹，而且openrice上的評價唔錯，所以我地決定今年就係呢度同爸爸慶祝佢嘅牛一。☺泰斗位於海防道中達大廈4樓，位置都幾隱蔽，平時經過都未必留意到。一入到餐廳立刻眼前一亮，餐廳裝修富有新派泰菜店風格，以亮點係餐廳正對九龍公園，而且露天位置非常開揚，環境好舒適。雖然我地7點未到已經入座，但客人已經好多，大概7點半左右就全場爆滿。😯我地4個都唔太食得辣，所以點菜時同店員指明要小辣，我地點左呢度招牌咖喱蟹、海南雞、椰汁雞湯、菠蘿海鮮炒飯，另外仲叫左一客蒜蓉包同烤薄餅用黎沾咖喱蟹食，4個人份量應該好足夠。😁泰斗咖喱蟹 $398 咖喱蟹原隻上，大大隻非常有霸氣，蟹肉肉質飽滿，蟹肉鮮甜，配上味道香濃嘅咖喱，富有椰香同蛋汁，非常惹味。爸爸讚不絕口，邊食蟹邊啜手指，食得好滋味。😄椰汁雞湯(細) $138雖然我地點嘅係(細)，不過份量分4大碗都相當足夠，椰汁雞湯椰味

今晚和老公約老爺奶奶食飯，老爺鍾意食蟹同芒果，投其所好我地就決定去食泰國野，去尖沙咀海防道的一間泰式餐廳。餐廳位於4樓全層，分別設有室外和室內，室外感覺好浪漫充滿渡假feel，有大電視又可以望到對面的九龍公園，我地就決定坐室外喇。室內以冷色裝飾為主，深色的佈置配上射燈好有格調。餐牌好多選擇，能滿足到不吃辣的奶奶和嗜蟹的老爺。椰汁雞湯(小)酸酸辣辣的湯好惹味，湯內的雞件非常嫩滑，叫小份的雞湯每人都分到一碗，而且湯料都多，飲完整個人都熱辣辣😄蒜蓉包蒜蓉包烘得香脆，蒜味濃郁。咖哩蟹而家廚師推介咖喱蟹特價$398好吸引點可以唔試! 一隻大肉蟹份量好足，肉質結實鮮甜，老爺吃得津津有味。咖哩汁加了蛋花香而不辣大家都能品嚐，配料有洋蔥和彩椒增加甜味，為了品嚐咖哩汁既美味我地加了考薄餅，暖暖的烤薄餅和咖哩汁係絕配，讚!泰嫩海南雞(半隻)海南雞的雞肉好嫩滑，已去骨可以大口大口吃，雞肉本已有味，若喜歡味濃的可點薑蓉和酸辣醬吃。菠蘿海鮮炒飯半個鮮菠蘿盛著滿滿的海鮮炒飯賣相好吸引。炒飯粒粒分明，十分彈牙，海鮮配料有蝦~蜆肉~魷魚好豐富，菠蘿粒為炒飯增添甜味及令炒飯濕潤一點，而腰果和肉鬆是分開上的，能夠保持鬆化

又係星期日Family day， 好耐無食過泰國野既我地就黎到海防道既泰斗。其實係爸爸之前行過見到，但一直想等齊人先食既。我一直都唔知原來樓上有間咁靚既餐廳！一上到四樓就見到左邊係好大個露台咁既Bar Area，不過唔知係咪因為今日有啲雨所以出面無開到枱。 我地叫左個四人餐總共有九道菜加四杯飲品，加埋一都唔洗千二蚊都幾抵！沙律我地叫左軟殻蟹柚子沙律，有一隻有膏既軟殻蟹加勁多大大粒既柚子肉，啖啖都酸酸甜甜勁開胃。加埋腰果又多左重口感！如果軟殻蟹份量可以多啲就好啦，因為太好食啦得兩件要爭啊！之後就係小食拼盤，有四款小食春卷、單骨雞翼、蝦餅同最有驚喜既魚餅。最有驚喜係因為佢口感同蝦餅完全唔同，係淋身既但係好香好香！唔點食魚既我覺得非常好食！湯就簡左大頭蝦冬蔭公湯，一大鍋上，黎到Table side再分四碗既。係蝦開左邊好易食，佢個頭仲有蝦膏嫁！蝦肉仲好彈牙唔會話煲到爛晒咁，火喉岩岩好！湯好濃好香香料味，如果啲香料可以隔一隔先就好啦，因為媽咪唔係好慣每啖都食到啲香料碎，哈哈！ 咖喱簡左青咖喱豬，因為青咖喱無咁辣媽咪一定食到。佢好香椰子味，食得辣既我就覺得係完全唔辣既。配既蒜蓉包熱辣辣脆卜卜，用

今日來到一間泰國餐廳，名字叫泰斗，一上來見到有露天地方，可惜落雨冇得坐出去。今次係食套餐第一度菜係柚子軟殼蟹沙律，好特別酸酸的做前菜一流。跟住來一個小食拼盤，春卷，雞翼，蝦餅和魚餅，個魚餅好有驚喜，雞翼好有誠意將佢開邊，方便食。來個冬陰公湯d蝦好爽口好新鮮。食烏頭多數都係爐燒，今次係鹽燒肉好食一d都唔乾，仲好有魚味。青咖喱就好濃椰香味啦，跟蒜蓉飽就好味。再來金邊粉，味道唔錯。甜品方便係椰汁糕，因為將近母親節餐廳送個芒果糯米飯，d糯米飯好夠熱，因為好多餐廳求其凍冰冰都比人食。大致上餐廳水準唔錯值得推介！

上次同朋友慶祝生日，本身想試佢個tea set，點知去到先知佢無做tea set🤦‍♀️所以唯有散叫，好彩都好好味🤤環境又唔錯，有分室外同室內架！！夜晚去應該好正✌🏻我地啊左幾款小食，首先係泰式生蝦🌶,多哂厚肉同鮮甜，佢個汁好辣啱哂食得辣嘅我😚 (8/10)之後叫左個小食拼盤🍤 有春卷、雞翼、炸魚餅同蝦餅！個人認為其實款款都唔錯！不過蝦餅係最正架因爲佢每舊都有好多蝦肉🤤又夠大舊 啱哂一班人嗌(8.5/10)之後叫左個生菜包炒肉碎！佢d生菜都唔會hea你好fresh!!跟住肉碎份量多，不過略嫌佢有小小咸😞 (6/10)佢個泰式沙律反而有驚喜！入面有粉絲同木耳😱仲有雞腳同蝦仁好多料！佢都幾辣架不過🤫唔食辣嘅朋友要留意！ (6.5/10)最後老闆好好人，知我地失望所以送左個香芒椰汁糯米飯比我地😍😍😍芒果好甜，糯米飯煙韌，唔會太甜啱啱好！d飯夠暖好正！！一定要嗌呀 (8.5/10)

平時weekend最鍾意同frd去high tea，平時多數食英式下午茶，今次就轉下食泰式下午茶，無諗過好有驚喜！$298 泰式tea set 架（2人份量），份量超多，2人食唔灑，食物種類多，有生蝦刺身，泰式沙律，甜品，炸物⋯⋯飲品，份量多，絕對超值。環境好靚，隔離就係九龍公園，由尖沙咀A1出口前來，只需3分鐘，地點方便。環境清幽，啱灑同朋友傾計！值得推介的下午茶，比酒店級數還好！超值！

鹽燒盲曹 HKD188泰式鹽燒魚顧名思義，即係搵一層厚厚嘅鹽粒將外層覆蓋再燒。而佢嘅秘訣就係保留魚鱗，從而減少內層水分嘅流失，同時又防止太多鹽鹹味滲入魚身。揭開鱗蓋，可以見到濕潤嫩滑嘅魚肉，不過食落魚味就比較淡，亦都無乜鹽鮮味，無預期中咁好食，要點泰式辣醬食先夠味。泰式生蝦 HKD118食親泰國菜，泰式生蝦可以話係我嘅必點菜式，無咗生蝦，就好似硬係少緊啲野咁～馬拉盞通菜 HKD88有冇人同我咁樣好鍾意食通菜，無論係蒜蓉炒、腐乳炒定馬拉盞炒，一律都唔會放過～

女朋友喜歡清靜，身處鬧市又想食泰國菜，有乜好選擇？偶像發現了「泰斗」！第一次黎，發覺環境很清幽，我地坐喺一個可以望到北京道一號既戶外地方。雖然係假日但食客不多，或者係我地黎到已經九點左右吧！由於女朋友不能吃太辣，食物方面都特別吩咐要小辣，冬蔭功湯味道正宗，大路既泰式生蝦同小食拼盤都不錯！特別推薦係咖哩牛腩！咖哩很滑很香，牛腩炆得剛好，配印度薄餅，好食到不得了！！最後提一提，侍應生們服務也好貼心，下次有機會再黎試下其他菜式！

首先講下個環境，多謝店員為我地安排坐出面我覺得大D同埋舒服D，同埋因為同媽媽慶祝生日坐出面冇咁吵<3另外，因為我地6點9左右到，店員提醒我地7點前叫飲品有7折但就唔知星期六日有冇😁再講下個價錢先埋單$1300 4個人我覺得係TST食dinner黎講價位唔算貴不過佢地7:30之後開始人多- -walk-in但因為空間有限企門口個店員會係咁睇有冇邊台食完可以讓出台出黎老實講，係咁俾人望，我地都唔敢食太慢再講下食物喇飲品，因為7折關係係覺得抵飲炸軟"學"蟹柚子沙律個柚子好甜，醬汁整得好野味係個軟"學"蟹細份左D豬串同雞串雞串既肉鞋左D 豬串夠哂味同香肉質係好食過雞PI蛋炸蝦餅蝦餅厚身返D會更好食<3燒魷魚筒燒得幾香但上既醬汁可以多小小因為魷魚筒都有返咁上下size蠔仔蛋佢地既蠔仔肥DUDU勁有咬香又唔腥<3Pad Thai鹹左小小 同埋較 "張"口但因為佢都酸酸甜甜所以都幾開胃黃同紅咖哩兩款咖哩都較鹹味道唔太大分別反而係個辣度有唔同黃係最唔太辣但都有返咁上下所以唔太食得辣既朋友唔好叫黃喇蒜蓉包同薄餅我會中意蒜蓉包多D因為夠香 同 厚身小小整埋D咖哩汁就更好味~!整體黎

補祝阿Bro生日，當然要細心㨂d佢少食嘅地方同菜式，於是上網睇見到呢間環境好喎，於是打去book位啦！雖然星期日，而且係Lunch hour，但客人好少。。。因為阿bro怕熱，所以我地㨂in door，坐低一陣睇完餐牌，佢地話我話事。。。面對咁舒服嘅環境，加上美味嘅菜式。。。大家嘻嘻哈哈咁就一個下午喇！

泰式炒金邊粉($98)推介: 🌕🌕🌕🌘🌑想念泰國而我卻滯留咗係香港🤦🏻‍♀️我唯一可做既就係搵正宗泰菜食，減輕思鄉病既病情👅👅👅搵到一餐好食既Phod Thai 😍就咁睇已經見到呢個泰式炒金邊粉既份量多就唔再講，仲有唔少爽口既蝦仁!！將青檸汁落去金邊粉，將花生碎同麵撈勻，食落口幾清新，好開胃😋😋😋Yummm...好味！唔會好咸，幾有鑊氣！😗😗😗野味得來唔會太油膩👍🏻！

Very bad service today during early lunch. Totally understaffed with 2 people on the floor. Both staffs are incredibly rude and unresponsive. Very disappointed even though this is one regular restaurant I go to for lunch. Even if you’re understaff, there’s no need to be rude and with a grumpy look on your face.