更多
2017-11-08
3096 瀏覽
去食泰菜都可以好chill? 今次就同朋友去左間有露天茶座既泰菜, 位於尖沙咀海防道, 一出MTR大概3分鐘都行到去, 因為而家係秋天所以坐露天仲舒服, 而且夜晚黎更加有feel, 有啲似去左泰國渡假咁, 不過因為我book左就有得坐露天, 如果大家walk in可能無露天位, 八點左右都坐滿。 厚厚既餐牌, 食物點餐全部都有埋圖, 所以點餐選擇都會易d。 沙律款式好多, 我又揀左我最常點既木瓜沙律, 不過呢到有得揀配青口、魷魚或者大蝦, 揀左魷魚覺得佢同木瓜沙律最夾, 魷魚都幾大件之餘又爽韌, 木瓜條爽脆平均撈左汁, 酸辣度都幾強勁, 如果花生多D就好了~ 朋友食過呢到既海南雞飯覺得好食所以推介我試, 有得叫半隻同全隻, 既然黎試就叫全隻吧! 反正我係個食肉獸XD 一上枱果然如店員所講係非常大隻, 即使切好哂, 每件雞肉都係好大舊, 而且最正係全部起哂骨!!!!成隻雞真係啖啖肉(除左食雞翼有骨啦XD) 雞肉嫰滑度令人滿意, 尤其是雞皮同雞肉之間既油脂幾多, 所以相當滑口, 新鮮唔會梅, 不過雞味偏淡, 另上既兩隻醬, 一隻酸酸辣辣另一隻就係薑蓉, 個人覺得酸辣醬會提味D。 身為食肉獸
今次就同朋友去左間有露天茶座既泰菜, 位於尖沙咀海防道, 一出MTR大概3分鐘都行到去, 因為而家係秋天所以坐露天仲舒服, 而且夜晚黎更加有feel, 有啲似去左泰國渡假咁, 不過因為我book左就有得坐露天, 如果大家walk in可能無露天位, 八點左右都坐滿。
厚厚既餐牌, 食物點餐全部都有埋圖, 所以點餐選擇都會易d。
沙律款式好多, 我又揀左我最常點既木瓜沙律, 不過呢到有得揀配青口、魷魚或者大蝦, 揀左魷魚覺得佢同木瓜沙律最夾, 魷魚都幾大件之餘又爽韌, 木瓜條爽脆平均撈左汁, 酸辣度都幾強勁, 如果花生多D就好了~
朋友食過呢到既海南雞飯覺得好食所以推介我試, 有得叫半隻同全隻, 既然黎試就叫全隻吧! 反正我係個食肉獸XD
一上枱果然如店員所講係非常大隻, 即使切好哂, 每件雞肉都係好大舊, 而且最正係全部起哂骨!!!!成隻雞真係啖啖肉(除左食雞翼有骨啦XD)
雞肉嫰滑度令人滿意, 尤其是雞皮同雞肉之間既油脂幾多, 所以相當滑口, 新鮮唔會梅, 不過雞味偏淡, 另上既兩隻醬, 一隻酸酸辣辣另一隻就係薑蓉, 個人覺得酸辣醬會提味D。
身為食肉獸, 食多條魚實得架XD 上幾次食泰菜都係食明壚魚, 今次就揀鹽燒! 通常都係烏頭同盲鰽, 呢到就有埋鰂魚揀, 店員話鰂魚比較多骨盲鰽既肉就最肥美, 所以都係揀返盲鰽XD
通常叫燒魚起碼等半個鐘, 今次好快, 等左15分鐘就有~ 魚肉相當厚身, 而且同熟度剛好, 一夾就成條魚肉起出黎, 最令人驚喜係魚肉好滑同埋多汁!!!!! 次次食都會偏乾同咸, 反而今次調味唔濃, 無論係鹽味定香茅調味等都輕手, 好彩魚肉本身新鮮魚味足, 所以因人而異, 如果怕重口味呢款都唔怕。
到左我最期待既芒果糯米飯環節!!!!成日都覺得食泰菜無芒果糯米飯就唔夠喉~ 呢個$68 價錢中位, 質素不俗喔!!! 最大賣點係佢夠熱同煙韌, 本身微甜既白糯米, 加埋椰漿就夠哂香, 雖然個人較愛黑糯米, 但佢夠韌都滿足到我。反而芒果唔夠甜,唔算大份~兩人分
飲品叫左椰青同埋珍多冰, 椰青夠涷同清甜, 唔算好大個, 珍多冰偏淡但d粒粒好食~
張貼