泰妃雞 (已結業)

今日同老公仔中環行街，晚餐我地決定去上環搵野食，見到呢間泰國菜入面都幾多人，以為都應該幾正宗啦，一共叫左3個菜：海南雞飯，香茅豬扒湯河同招牌泰式豬比。首先先黎既係海南雞飯，我一食個飯以為自己叫左海南雞糯米飯，d飯好sticky，好有芒果糯米飯既口感，非常創新既fusion菜，不得不讚個海南雞既醬汁，完完全全將海南雞既怪味掩蓋,沒有最差，只有更差。如果唔係真係唔知點樣食完d碟飯。第二個香茅豬排湯河，嚴格黎講應該係叫豬肉並唔係豬排。呢個湯河非常健康，泰國通常都比較濃味，但佢完全係無味道，雖然湯隻顏色好深色，但同清水係無分別，真係估你唔到。第三個泰式豬比叫做最正常，除左d酸菜唔酸無味之外，豬比唔滑，唔夠味就唔勢講，主打健康，食之無味。總括黎講，今晚一餐所有都非常健康，試過一次都非常足夠，未試過會食泰國菜咁失望😞

路過門口見到唔錯，幾地道咁，入去試下。今晚唔食海南雞飯，要試下個泰式豬脾飯，連飲品都唔過$60，抵。上枱係碟頭飯樣，賣相一般，但係豬脾好諗又入味，都幾健康，無過多調味，可以自己加D泰式醬，會更惹味。

午飯時間同事推介食泰妃雞，樓高兩層，放得早所以唔駛等位。4個都叫左海南雞飯（3/5），雞係無骨雞，食得好方便，但食落似冰鮮雞，有啲令人失望。 飯係雞油飯，好香，但可能係油飯既關係，令人唔覺飽，差唔多成碟食哂😂 總括黎講都係個正正常常既海南雞飯，但有點貴，要$57，不過依然大排長龍！最失望既係熱檸茶，好難飲，啲茶有種唔識形容既怪味，咁common既檸茶都可以整到難飲，下次唔會再去！順帶一提，同事叫的椰汁冰都唔好飲，希望餐廳在飲品方便會有改善。P.S.環境好嘈，完全傾唔到計，座位亦好擠迫，好似想趕人走咁

見咁多人食,咁上環都無咩泰國野柬, 同老公一人一碟泰妃雞飯雞 - 無味, 好肥, D 味好怪 飯 - 比D雞好一點 我都食得完碟飯, 因為有碟仔汁, 用黎點雞食的, 柬直係救星.以後都唔會去><10蚊碟都唔去

搵食到上環！難得地去上環做野，見差不多午餐時間就找找有什麼好吃～本身想去一間西餐cafe的，可惜已滿座，周圍行行行，見到泰妃雞！立即入去！因為我覺得佢地既海南雞真心好食，我平時去開灣仔果間的～今次上環呢間，餐廳都好大間，有兩層，點好餐好快就有得食！唔知係咪上環租貴，好似細份左🙈🙈但雞肉仍然好味，滑身，雞皮好彈牙！同埋好喜歡佢地個汁～～油飯合格，但未算太熱，可能午市太多人，會預先整定一大堆啦⋯⋯服務態度就似茶記😅泰妃雞我仍然會繼續光臨😁

周日晏一點吃飯, 來到時已經是下午茶時段了我點了個泰式炒粉絲 $47 (+$2 凍鴛鴦), 有蛋, 好多札肉 (我不吃札肉的.. 忘了問店員有什麼配料><) 不過有好多芽菜, 椰菜, 洋䓤等, 所以都好好味好夠料. 粉絲不會炒得過乾或過濕, 味道亦不錯朋友點了海南雞飯 + 凍檸水 $57雞肉没有好多, 不過都算香及嫩滑. 飯好黃但不夠油香.. 雖然這是正常餐價, 但都有點不抵吃 

差不多每個星期，總有一餐午餐我會黎左泰妃雞用善。海南雞飯直頭係每張枱必定有人選擇既菜色。泰妃海南雞飯 - 無骨海南雞固之然嫩滑，配埋佢個酸辣醬，都幾醒胃野味，而油飯帶有淡淡雞油味，雖然未算食過之中最好的，但總算合格。香芧豬扒金邊粉配冬陰公湯 - 小弟覺得依度個冬陰公湯底其實真係唔錯，香芧、香葉、南薑酸酸地又唔係太過辣，確係冬陰公既重要材料，配上較吸味既金邊粉或河粉就最正。

以前灣仔道舖，成日食，海南雞飯好有水準，同級店裡面都係最好食果幾間…灣仔道舖結業一段時間，好耐無食，今日經過上環店，好想再食…海南雞仍然香滑有雞味，正！油飯就無以前灣仔道舖咁好食，得色水同雞油味，唔覺佢有落其它香料，又無斑蘭味…失望！如果油飯都好食就無得頂…加左個油菜…

平常是跟男朋友平日買外賣吃 今天去了海洋公園以後 就在假日晚上堂食可有點兒失望價錢相宜 - 晚飯時段 $57 包飲品或餐湯 最貼心的是有半份泰式小食選擇 平常要叫一份 對兩人來說 多了點兒紅蘿蔔湯 - 好喝可有點兒味精的感覺珍多冰- 椰汁味很重 很好飲 可當冰融了多點兒 味就淡了 要喝快一點!泰式小食拼盤 - 有蝦餅有雞有春卷 熱辣辣的 都做得很惹味 略嫌太多雞在這拼盤上 可換成豬或是其他的小食 春卷是最好吃 很多素菜 一點兒也不膩 外皮也很脆甜咖喱豬頸肉飯 - 這個平常是我們必吃的食物 可是這次咖喱味很淡 也不甜 薯仔也不入味 豬頸肉好un! 咬不開!比較好吃的是這碟泰式炒金邊粉 因爲弄得普普通通不是太差 可是金邊粉炒得有點兒太濕 味道也比其他地方吃過的沒那麼濃 蝦還沒清潔好還有腸 下次 還是平日叫外賣吃 豬頸肉甜咖喱會變得更加出色

Friday is my happy day that I won’t bing my own lunch box, I always try different kind food around my office I walk a bit and I was thinking since long time haven’t have any Thai noodles in this shop and I just crush in and order one of my favorites-Chicken noodle soup. I am appreciate that they separated liquid and solid into 2 container so that the noodles will not spoiled in between the transportation. The taste still can keep the same as what I have around 3 months ago. Smell, taste and tex

有heart指數係♥♥♥又到放飯既時間，為左就朋友去左上環食，朋友介紹呢間泰妃雞，門口都好多人排隊，不過香港人乜都排一大餐，所以唔代表啲咩。第一次黎緊係叫招牌菜，想唔到黎左有啲失望，雞皮幾滋味，雞飯係水平以上，但雞肉都係鞋，真係好掛住啲滑溜溜既雞呀！但朋友既豬脾飯有驚喜，雖然睇落好似都係皮，但非常入味，皮同油脂入口鬆化，絕對係近期最好食既豬脾飯，不過瘦肉部分都係偏鞋。(張相啲豬脾亂哂係因為俾朋友撩完，唔關鋪頭事)跟餐例湯都唔錯，無咩味精味，湯底兩舊雪耳俾我摺摺聲咁食哂。

雖然十居其九面前都是白必雞，但我一向神經，加上天氣冷想飲口暖湯，今次來食麵。食了個lunch $45 元，香茅雞翼3只，轉成米線， 湯只有蔥及冬菜唔好飲，米線煮過爛呀! 完全無曬彈牙滑身架食感， 最衰份量少，食完無食過一樣，夾4，5次已無曬面。個珍多凍就唔錯，好多一條條綠色架珍多，仲有少許椰果同菠蘿肉， 椰奶味濃!中午男待應催人落單，不停叫你快講快落單快食快走，服務唔好要求有!個中評是比杯珍多冰，因個麵難食到喊!

今天天氣濕而焗，沒有胃口，只好選下酸甜菜餚---泰式炒金邊粉!附近比較多人去的是泰妃雞，因此選了這間!泰式炒金邊粉($45)有點蝦、紮肉、加上花生碎，不酸不辣!金邊粉看似很多，全賴師傅的手藝，把金邊粉炒得很鬆。份量不算多，金邊粉沒有特別香味，但味道不俗! 只是不飽肚!飲品是青檸soda，很冰凍，而且酸度合理，令人精神一振! 由於$45不飽肚的情況下，下回除非不是很餓，否則不太敢叫這間~ 

有點事往西環跑，中午飯在革新會吃過，雖說是下午茶時間，但肚子不太餓，不過見天氣有點悶熱，汗衫都濕透了，還是找個地方避一下。泰妃雞以雞類作主打，自己反而要了沙爹肥牛金邊粉，再來一杯凍飲，亦只不過$30左右，以今時今日指數，算化算了。牛肉沒經化學品沖洗，肉味依然淡薄，沙爹湯底反而濃香，金邊粉沾上了亦變得惹味多了，不錯。

上環出名食堂很多，就一條禧利街已經有孖沙，生記，蛇王，短短一條街，好不熱鬧。今日上班時候，正在苦惱吃什麼，正好同事有位女孩是忠實泰妃雞super fans ，嚷著要吃，那好吧，不用我想吃什麼便去吧，也想試試這店的海南雞有多好吃。下午十二點，人流不太多，六位齊人便有抬。個個都衝住泰妃雞飯而來，差唔多個個叫人碟。另外一位女性朋友，不太肚餓就選了雞絲湯河。不夠五分鐘，泰妃來到。試試碟上的青瓜與蕃茄，味道凈冰冰，完整沒有蔬的甜美，從來覺得如果食肆有心，這些基本菜式中不會做得不好的。配上雞油個飯不太有咬感，而且分量真的太少，基本上孩十啖內一定可以把飯吃完。比起君悅的海南雞飯，這裡一點也不乾身，軟綿綿的口感，怪怪的，而且飯同雞油並不十分配合，全個飯靈魂已經大打折扣。試試另一主角海南雞，為食客拆了骨的雞肉的確細心，而且雞肉嫩滑無比，入口的感覺有如吃蒸水咁滑。女人大敵的雞皮也走薄一片，完全沒有多餘油脂及肥膏，令人可以大口吃多開懷。不過，同様分量太少，吃完的一刻，就好像莊周夢蝶，發了場春秋大夢，也忘記了自己吃了一碟飯。吃完飯，眾人飲品也到了，可惜朋友叫的汽水漏了單，三催四請才拿來，服務真的令人有衝動發火