泰妃雞 (已結業)

Lunch 前公司傳來一陣雞味搞到我原本打算食碗米線變成黎食海南雞飯去到門口都好多人等緊好在我一個人黎食所以即刻有位~基本上我連餐牌都唔洗睇一坐底就同哥哥仔講要海南雞飯佢"嗯"左一下就走左無幾耐另外一個姨姨問我食乜我話叫左 姨姨話佢無落單架喇你再講啦! Anyway... 喺香港做飲食真係辛苦!無骨嘅雞 食落都滑嘅不過比較油飯有d乾 同埋好似落左咖喱粉另外d雞凍我都尚接受到不過連飯都唔係好熱就真係麻麻地例湯都係好油~成個餐唔算差 不過想食雞的話未必即刻諗到再黎呢到食另外其實旺角分店我都有食開但旺角水準好似好d同埋服務都好少少~

同事成日同我講呢到海南雞飯好好食，於是就嚟試下lunch時間嚟食，真係有啲後悔..多人到爆佢有2層，太多人關係我地上左2樓上到去真係有啲集中營feel好多人好嘈，好似連窗都冇隻我同朋友就坐左去最角落頭，咁多人自然就係要搭枱一心嚟食海南雞就緊係唔洗睇menu諗住即落單啦點知都等左差唔多十幾分鐘先有侍應得閒理我地好啦佢個海南雞飯的確係Ok的只係嫌份量有啲細，個醬都幾惹味雞肉幾嫩滑，飯夠香但個餐湯就不了，有少少味既水咁用餐中真係覺得嘈到不得了，同朋友想講兩句都覺得辛苦要嚟食真係要揀個好時間

同個好耐無見既朋友食飯佢話想食泰國菜就帶佢黎左依間,,晚飯時間人都幾多,,坐得滿滿,,岩岩好有2個位!!每人叫左1個套餐 ,,再加左個小食拼盤同叫左個菜泰式海南雞 飯$59可以唔洗加錢轉配河粉,,米粉,米線,金邊粉//真好有咁多選擇,,想食清清地叫佢米粉,,仲比左個雞胸我配隻小雞比;;米粉湯底係泰國味,,有少少傳統泰式粉既配料好多芽菜泰式炒金邊粉$59 好鐘意一大堆炸蒜將個金邊粉一齊撈起,,無影到裡面有幾隻蝦爽口彈牙,,金邊粉炒得唔會太乾跟餐送一杯熱青檸柑桔蜜,,岩哂而家轉天氣飲;;海南雞米粉跟餐加$5轉泰特式飲品龍眼冰,,一粒粒龍眼乾係面,,飲落唔會太甜好好飲泰式小食拼盤(半份)$47有4款唔同既份量2個人食岩岩好,,蝦餅,春卷,雞串,荷葉包雞粒 通菜$25望落細細碟,,但食極都食唔完咁,,超級好無油,,旁邊有腐乳可以點黎食,,個腐乳都幾香

今日公司有野要我&同事去上環處理, 搞完都3點幾, 好肚餓行過見到泰妃雞唔洗排隊, 我呢個雞飯迷梗係即刻入去啦餐牌都冇睇就嗌左個海南雞飯, 好快就到喇~即刻起筷, 有好多件去骨雞肉 (約7-8件), 咬落啖啖肉又嫩滑唔鞋, 加埋個酸辣汁, 而個黃油飯亦都好香同份量多, 最後食唔哂, 以呢個價錢黎講, 都算抵食~

放假去完中環整野，就去上環覓食，可能係公眾假期關係，成條街得三四間餐廳有開，熱愛泰菜嘅我果斷揀左「泰妃雞」。餐牌上都幾多款式，無法喺雞與豬脾之間取捨，決定與朋友一人叫一樣，開心Share。首先上嘅係海南雞配例湯，原以為湯會係傳統雞湯，點知係節瓜雪耳，不過唔緊要啦。例湯非常清淡！朋友一飲就：「嘩，冇味精架喎」啱哂養生人士。海南雞只配辣醬，不過都冇所謂，反正我都只愛辣醬。雞件已貼心去骨，雞皮爽口不膩，肉亦算滑，油飯薑黃，濕潤但不爛。相比起海南雞我更愛豬脾飯，平時已經愛東坡肉，面對肥肉亳無自控能力。件件無骨滷水肥脾，皮與瘦肉比例幾乎一比一，但肥而不膩，而且非常入味，可惜瘦肉部份較韌。白飯洒上滷汁，唔洗餸都不覺食多兩啖，食到開始飽更可以食少少酸菜開開胃。不過留意到上小菜速度較慢，隔離枱等炒菜等到頸都長，想食小炒嘅朋友可能要有心理準備。

中上環香港商業中心，一般以為午膳搵食艱難。但原來在蘇杭街，禧利街一帶食肆林立，中西港日南亜美食滙聚，高中低檔任君選擇。今天就幫襯了這家泰国海南雞專門店，但吃的不是主打海南雞，而是泰国猪肶飯。泰式猪肶飯算是泰国華喬最平民化食物，在曼谷街頭随處可見。出来首先是份量不少，飯面上全是豬脾肉，鹵水香味撲鼻。豬肉夠腍，味道没有港式鹵水那麽濃郁，但一点都不油膩，配上一些酸菜，很好下飯。另外皮香又滑，去毛做得很乾浄，食得放心。

今日雨晝要去上環做野.....順便係上環食晏～餐廳有兩層...lunch time 坐到滿晒，我地坐係第二層....樓底比較矮，聲音聚集晒....好嘈🙈第一次食....一定要試佢既招牌泰妃海南雞飯 同 泰式豬脾飯海南雞飯係無骨既...肉質嫩滑，雞油黃薑飯好香，不錯👍🏻泰式豬脾飯豬脾有皮既部分好滑兼有脂肪，連住既肉質都幾嫩滑，但再下面既肉就偏「鞋」醃製豬脾既汁唔算咸，似滷水汁仲有一點，白飯好乾好硬....冇加一、凍飲唔使加$，每人$57

中午時段幫襯咗n次， 最後總結係，只可推介海南雞飯餐， 其它普通/麻麻地。差不多1/4只🐔，set$57來說，份量足，冇骨( 除咗雞翼 )啖啖肉， 肉質嫩滑， 好吃! 飯底，可以改米粉，金邊粉，河粉。 包一杯嘢飲， 凍飲都唔使加錢， 炎炎夏日，實在太好了。上下2層，座位算多， 中午繁忙時段也不用等很耐， 平均3分鐘便可以入座。

豬頸肉金邊粉，豬頸肉有蘇味醃海鮮沙律，蝦（梅）嘅、青口都係、跟住一堆蒽同芹菜就係一個沙律，冇特別味道，得個酸字，咁就盛惠$72😒炸雞全翼，唔好食小食拼盤半份，叫做正常啲寧願轉場食第二間好過😒

同女朋友搭完船，未諗到食咩，行行下去左上環，經過見到呢間泰妃雞，就入左去食。原來呢間野都幾出名，出名D咩？當然係海南雞飯啦，原來仲有豬脾飯。我係第二次食，我女朋友第一次食，所以今次都唔例外，都係叫左呢2樣名菜。泰妃海南雞飯呢個簡直就係我FAVOURITE，點解呢？因為D大部分既骨都拎哂出黎，最岩唔鍾意食骨既我，啖啖肉，呢個油飯都唔濕，幾好！重點其實係個汁，個汁係辣既，不過好正，甜甜酸酸咸咸既，同呢個雞好MATCH，D雞肉都好滑唔會好難咬開。泰式豬脾飯第一次試，同個海南雞不相上下，我特意叫埋多個汁，估唔到都好MATCH，又係啖啖肉。呢個豬脾飯重點係有D肥肉隔住，皮＋肥肉＋瘦肉，一啖食落口真係好正！值得推～～

After having a nice trip in Singapore, I really miss the taste of Hoi Nam Chicken rice. So I decide to find a place to recall this flavor. This restaurant is chained serving mainly thai and vietnam food. Queuing is usually necessary at lunch time but luckily it wont take too long. We got a Hoi Nam Chicken rice and curry beef rice. The rice is steamed with chicken oil, and each rice soaked perfectly enough but not too much to make you feel fatty. Chicken is tender and have the classic 3 sauces wi

原以為食泰國菜只可以在九龍城食，估唔到在上環都有泰國菜食，星期五我們就去了泰妃雞食中午。泰妃雞，顧名思義，泰式的雞飯就是其招牌菜，既然去到食中午，當然要試下這兒的海南雞飯。泰國菜的特色除了冬陰功和泰式炒麵（貴刁）之外，海南雞飯亦是泰國特色菜餚之一。泰國菜講求甜，酸，苦，辣鹹五味平衡，通常以鹹，辣，酸為主，而帶一點甜，苦味則隱約在最後，這全靠泰國菜獨特的調味料，調味料主要善用椰奶，九層塔，香茅，泰國青檸和辣椒。食泰式的海南雞飯，雞肉的肉質固然重要，但辣椒醬才是主角，眾所周知，辣椒醬內有薑，指天椒，白醋，醬油，糖，莞茜莖，蒜頭和黃豆醬。這兒的泰式酸辣醬酸中帶辣，辣中帶甜味，很開胃的，只可惜雞肉不夠嫩滑，雞味不夠濃，雞油飯不夠乾身。飯和雞肉的份量十足，一個人勉強食得哂，建議細食的朋友與人share 來食會較好，隨餐奉送餐飲，但價錢方面則略為偏貴。

今日午飯時間，和同事一行五人到此店揾食，等了五分鐘便有位，侍應安排我們坐樓上， 不知是否新年關係，樓上只有1-2位伙計，但有數十位客人，所以等執枱也等了十分鐘。我叫咗海南雞飯， 又等了20分鐘，終於來了，海南雞已去骨，雞皮爽，雞肉很入味，有雞脾位亦有雞胸位，雞脾肉很滑，雞胸肉也算鬆化，配合辣汁， 唔錯，可惜只得6舊雞。飯是黃色的，亦很有味， 有一塊青瓜伴碟， 如果可以比多兩塊青瓜會更好。 之後，食完飯等咗10鐘先來飲品。總括來說，海南雞是好食的，不過服務認真麻麻。

晚上9点幾在附近，很多餐厅已收舖，見这間仍有人，便入去。我老公点了他们的招牌飯：豬脾饭$57，价钱正常吖，我看見歺牌图片有粉丝肉碎湯，没有价銭在一起，估计不会太貴吧，点了之後店員打了單，一望竟然是$71，惟有等食物来時看是否有特別，点知份量不多，只有像茶歺厅的例湯那么大，肥肉碎浮在面，粉丝还不够半碗，數塊椰菜，少許芹菜。我问店员：这是$71的渴？她只点了頭。敬告各位，千祈咪上當，那个招牌飯也是hea过学校飯堂！

近排，不斷試公司附近啲餐廳，發現生記對面有檔泰國野，同一檔食蛇，係出面睇，啲雞太吸引，最後選擇左泰國野，所以叫左個海南雞飯，加個湯海南雞飯既飯係好緊要，黃油飯夠香，雞嫩，但美中不足，雞味唔夠濃反而個湯有驚喜，清清地，蕃茄洋蔥清湯，無乜美精，同濃味既黃油飯，配搭得好，食完可以清下個口啲濃味