泰妃雞 (已結業)

🐹肥老鼠中午跟同事lunch，上環一帶有很多食店，這次選了專食海南雞的泰妃雞。同事提早12點7來到，店內沒有什麼客人，到一點開始就人頭湧湧，店內一片嘈雜。泰妃海南雞飯（$57）我們都叫了海南雞，雞全都去骨了，啖啖肉十分方便，而且雞很滑嫩，肥瘦平均，有油香。雖然是一早整好，但都不失水準。油飯亦很有雞油香味，不會過軟過乾，很好都食清光。唯一要吐糟的是，有條頭髮落在雞之間，食進口前發現。不過大菌食細菌，加上肥老鼠在家裡都是食家母頭髮大，所以都沒有太大反感，只是默默拿開了事。希望這家店可以加強店員處理食物時的衛生程度吧！

今日去開上環，突然間好想食海南雞冬陰公湯粉，就諗起以前喺上環返工成日食嘅太泰妃雞。我去到嘅時候係下午5:00，成間舖都冇客人，第一次喺下午茶時段幫襯，原來有下午茶嘅餐牌，而且特價泰式湯粉都仲係$27起，真係好抵食！本來一心係想食海南雞冬陰公湯粉，可惜特價湯粉冇海南雞，但係$27嘅湯粉實在太吸引啦，於是我就揀咗豬頸肉湯粉，加$8 轉冬陰公湯底，另外加多$10要左杯龍眼冰。以前午飯時間都有嚟食冬陰公湯粉，記憶中隻碗都好大架喎，唔知點解下午茶時間隻碗細隻咗！真係唔知係咪自己記錯。Anyway, 其實碗湯粉都夠食，餸亦都唔少,湯底亦仍然保持水準，讚👍🏻講到嗰杯龍眼冰，我未見過一杯龍眼冰有咁多龍眼，我粗略數過都有30粒以上，絕對唔會將價就貨，超讚👍🏻

此鋪之前再灣仔道，但結業以一段時間，以前間中都會去食，今天經過上環再遇，就入去食。入到鋪叫了一個海南雞金邊粉，轉冬陰公湯底，海南雞香滑，但雞味一般，海南雞醬汁味道亦無以前的水準失望，冬陰公湯味濃香茅，香葉，番茄，酸酸，不太辣配吸入了湯味的金邊粉還可以。

心血來潮想食海南雞飯，最近就得呢間。午巿2:00入座，都仲有好多人，十分爆滿，不過一個人易有位。二話不說點個海南雞飯，加杯凍檸水同腐乳通菜。點知上枱時發現餐飲可選免費的例湯，沒有湯配係失色左少少。我未試過泰色海南雞，其實同平時食嘅味道差不多，不過呢度啲雞上碟時仲係熱熱地，即刻加分，比起平時出面食嘅一般都凍的，熱嘅雞更能食到雞嘅香味。 除此之外另一個加分位係，啲雞冇骨架（除了雞中翼）。 沾醬就只有泰式辣醬一款。 至於個飯，就係偏軟身同比較濕，不是我最愛的口味，但都食得出啖啖雞汁香味，唔油膩。我最後食剩了三份一嘅飯，下次再來要點少飯。因為無論雞同飯的份量都比較大。最後要讚下個菜，好嫩同排得好整齊☺️

星期日夜晚系試環搵食一d都唔容易，可能大部份餐廳都做開寫字樓客生意，星期日全體休息無計，大食妹唯有周圍逛下睇下有咩可以醫肚喇好唔容易終於俾大食好搵到呢間位於禧利街的泰國菜，大食妹都幾妹泰國野，一於俾個機會佢例湯 (跟餐送）普通茶記貨色，味精湯，因為無咩寄望，所以都無咩失望<泰式炒金邊粉$59> (好味:3/5) (抵食:2.5/5)講真，呢間泰菜講用心程度真系好麻麻，嗌左兩樣野食，兩碟試個陣都唔熱，就算系頹食，野食熱試是常識吧呢點已經好扣分講番正題，呢碟泰式炒金邊粉味道酸酸甜甜，食落都幾開胃嘅，不過份量真系好細，冰鮮蝦仁得個兩三粒都算，河粉俾多D都得掛可能大食妹胃口大，食完都唔多覺飽<泰式炒飯$59> (好味:2/5) (抵食:2.5/5)呢碟泰式炒飯真系。。。 大食妹都諗唔到用咩形容詞去形容好成碟都系素菜咁的樣，大食好搵唔到肉的蹤影 至於味道，除左油之外，就系素菜的味道其實可唔可以煮得用心D😪一句講曬，下次不了

夏天將至，LUNCH沒有什麼胃口想食得清淡一點，同事說這裡的海南飯不錯便跟大隊來了坐下侍應便九秒九過來落單點海南雞飯後，便以當年玩M記急口令速度說明餐飲收費因為太快根本聽不到，只聽到可免費跟老火湯便點了蕃茄薯仔洋蔥老火湯就是住家味道的老火湯，沒有味精，清淡一點，不錯泰妃海南雞飯 $59飯口感部分過硬，部分則過熟軟腍味道偏鹹，食了幾口都不了，飯而言不合格但雞是不錯的，雞肉頗滑，口感柔軟有6大塊雞，份量也算對得住價錢總括而言，表現是不過不失食量小的本人，只把雞全部食完都夠飽食的話將飯轉成麵類，可能會比較好

今日lunchtime諗唔到食乜, 係上環禧利街附近四圍兜, 經過泰妃雞下午茶粉麵$25咁平就入去試下啦🤩環境有d舊, 但都乾淨可接受, 反正只係快快食個晏就無乜要求下午茶-🐔沙嗲雞絲湯金邊粉($25)雖然下午茶, 但份量ok, 女仔一定夠哂飽, 沙嗲湯底好香好濃, 雞絲亦都多好滑, cp係高的👍🏾推介加少少檯上辣椒粉, 好香🌶八掛睇下Menu見除左下午茶粉麵係平之外, 其他單點食品或者下午茶時段嘅炒粉 海南雞飯價錢唔算平, 大家就留意一下啦

來吃下午茶點左泰式嗲牛河 和 泰式小吃拼盤 和 凍奶茶首先講下環境，算ok乾淨，雖然周圍有d舊，但是檯凳都舒服，地下不粘奶茶還可以接受，茶味又有，但喝下去是明顯不是好的奶弄出來的。牛河簡直是失望；沙嗲味都沒，油淋淋，真係低級茶餐廳水平都不如。河中的肉更是混了豬肉當作牛肉，真係同乾炒“豬”河沒分別！難吃。泰式拼盤繼續令人失望。炸蝦圈中有漂白水味，估計是炸的batter中無洗乾淨碗；烤肉串的肉乾又柴；雞肉塊又無煮熟。下次不再光臨，建議網客經過考慮再光臨...

味道可以接受，但服務態度超差，黑口黑面，短髮女侍應上飯用扔的方式吃過一次不會再有第二次，我地食11點時間，間鋪係空的，只有我地一台客，我地4人，拍一拍埋張2人台，女侍應：你地6個呀？ 我地：唔係，但好迫。 女侍應：你可以坐後面大台呀， 眼鏡男：無所謂的，由佢地。

今日同同事5，6個人黎食中午呢間野有兩層 好多人食叫左個紅咖哩牛肉飯 59蚊 製作時間 10幾分鐘以上 都算有點慢味道上好似青咖哩唔辣但用料都差唔多。係有些失望 但係味道還好不過呢間出名係海南雞 下次再試啦另外 有開冷氣 但好熱！！！！

第一次光顧泰妃雞...在上環這裡林林總總的小店，它不是最顯眼的，一開始走進去只是打算填飽肚子而已，並沒有很特別期望。和朋友一人一個海南雞，她是飯我是湯麵，然而竟是意料之外的好吃！雞肉份量一眼就知很足料，一塊夾起，入口滑滑溜溜，正！另外，湯底濃郁，喝完不口渴，不像是味精湯；不過，對於重口味的我，海南雞醬汁略嫌不夠味，不夠酸不夠辣（但朋友子認為剛剛好）。紅豆冰紅豆偏少（有點失望）但椰香味重！總之，鐘意食海南雞飯的你，一定要來這裡打打卡！

泰妃雞想食泰國菜第一時間一定係諗起泰妃雞,味道保持水準,價格合理；第一次食下午茶時段，原來有咁多抵食既套餐，多款泰式湯河都只係$25，即刻叫番個沙嗲豬肉湯河$25個湯都幾清，食唔出沙嗲，成頭問號？！但個豬肉都幾滑，泰國餐廳食湯河抬面都有好多調味，而且有好多蔥同蒜係上面青咖哩豬頸肉配白飯$59切到一片片微微煎香過, 青咖哩偏甜唔會好辣，但又食得到咖哩既香泰式炒金邊粉$59甜甜酸酸好開胃，加上蝦仁好彈牙，配上豆腐干、炸蒜特別有風味凍青檸柑桔蜜$5凍菠蘿青檸蜜$5

「泰妃海南雞飯」 ($59) (+$5 轉髀)評分；9/10.有一個目標係，系有生之年食晒港九新界嘅海南雞飯 (係咪太有大志)泰妃海南雞飯轉髀只需要加$5，咁嘅價錢極之罕有，所以強烈建議大家唔好慳個$5 😱 餐仲要包凍熱飲品同例湯，有冇同感覺得抵到爛呢～佢雞飯嘅顏色係特別黃嘅唔知點解 🤔 因為雞油關係(?) 泰國做法唔同 (?) 但食落其實又唔會話好淋或者好濕都 OK 🙆  轉髀後雞嘅份量 ☝️ 非常多，直程鋪面成碟飯 😌 每一舊都啖啖肉。呢個價錢絕對值得一試

Openrice上第一次評論 還要求寫夠80字 為了大家避免中招 還是要堅持寫完這80字的。海南雞一般 金邊粉沒有味道 配的蔬菜也不新鮮 扔碗碟的聲音很吵 服務人員和收銀的態度都不好 二樓座位特別擁擠 是一次很不愉快的用餐體驗

泰妃雞LUNCH常食的一晚泰式碟頭飯, 50蚊大大碟, 好扺食海南雞飯係必食的, 雞好有雞好, 好滑, 食埋皮都唔覺佢好肥,次次都會叫阿姐俾多一碟泰式汁我, 個碟汁真係送飯一流架另一碟我會叫既就係泰式老水豬腳飯, 嗱~ 哩個係肥仔精選,豬腳皮肉之間有厚厚既肥肉~ 佢老到個豬腳機本上唔駛用牙咬~有條脷一LON就爛~ 將D肥肉再撈埋D白飯一齊食真係好甘香~ 而加既泰式老水味道好泰國~ 淨係聞下都覺得自己係泰國咁~ （發白日夢中了）