泰嘟嘟

營業中

休息中

近排疫情穩定咗，終於可以周圍去食好嘢，天氣仲係好熱，咁就食下開胃嘅泰國菜啦！泰式奶茶 一坐底，就叫咗杯凍冰冰嘅泰式奶茶飲下先。奶茶夠哂冰涼，飲落同泰國飲過嘅冇分別，唔太甜，茶香豐富，好好飲呀！-泰式炸蝦片 食主菜前，食咗炸蝦片。蝦片新鮮炸起，熱辣辣，睇熱呀！食落脆卜卜，初頭辣味唔太突出，但後勁凌勵，越食越辣，開哂胃。之後可以食主菜喇。-泰式肉碎生菜包 食泰菜，除咗冬陰公湯之外，最中意食嘅就係泰式生菜包。天氣仲係好熱，所以就冇揀冬陰公湯，揀咗生菜包。肉碎都係新鮮炒起，非常辣手！肉碎混合紅葱頭，香料等等，辣辣地，泰式風味十足。值得一提嘅係，肉碎雖然都係一般絞肉，但肥瘦比例適中，唔會食到成口肥豬肉，唔錯。生菜好新鮮，鮮甜夾口，配合泰式肉碎，口感清新，食多兩件都唔會膩！-招牌焗黃咖哩麵包軟殼蟹壓軸出場嘅係麵包軟殼蟹！一上枱，視覺效果一流。方包磚中間挑空，裝滿黃咖哩軟殼蟹同三色椒洋蔥等嘅配菜。咖喱汁充滿椰香，唔算辣，唔食得辣嘅人都食到。配菜夾口，同咖哩汁同食，可以帶出清新嘅蔬菜味道，中和濃味嘅咖哩汁。麵包係呢道菜嘅重點，沾滿咖哩汁，非常惹味！炸軟殼蟹混合咖哩汁，多一分美味，少一分熱氣，配搭得宜。

泰嘟嘟 (大角咀)-🚗🚙🚗🚙 嘟嘟車嘅泰國嘢餐廳🤪 又黎到好多嘢食嘅大角咀，今次嚟搵間泰國嘢食先😋 見到呢排都好多人氣嘅泰嘟嘟🚗 餐廳裝飾好特別，如果多人同埋book枱嘅話就可以睇吓book唔book到坐嘟嘟車卡位，打卡一流😍 除咗係出名嘅打卡餐廳之外，食物質素亦都一流👍🏻-🔍 泰式菠蘿海鮮炒飯 $98系好足料嘅菠蘿海鮮炒飯！ 唔單止飯又好多，菠蘿同海鮮亦都好足夠，而且菠蘿炒飯好入味👍🏻-🔍 炭燒豬頸肉 $78係打卡一流嘅炭燒豬頸肉📸 直頭俾埋人哋去燒吉列牛嗰啲石板擺上去燒咁樣，賣相勁吸引！-🔍 泰式經典明爐烏頭 $138泰國嘢一定要食嘅明爐烏頭！烏頭肉質好滑😋 而且好鍾意佢個湯底🤪-🔍 馬拉盞炒通菜 $58好香嘅馬拉盞通菜！而且炒完啲菜亦都仲好新鮮，亦都好入味，又唔會炒到老晒🤤-🔍 珍多冰 $26🔍 鹹檸七 $26-食物質素：8/10環境氣氛：8/10回頭指數：8/10-📍泰嘟嘟 (大角咀)大角咀利得街14號地舖

心血來潮去左大角咀, 原來而家開左咁多特色餐廳. 幾條街都有新野.見到呢間泰嘟嘟內部裝修幾得意, 又上左OPENRICE睇下D食評見都唔錯, 就入去試下啦. 入到去好有FEEL好熱鬧. 牆身掛左D波衫又 COLOURFUL. 好多女仔打卡影相.餐廳全部分晒4人/ 2人一檯，檯與檯之間全部用圍板隔開. 菜式選擇非常多，樣樣都想試. 最終2個人叫左4樣野食+1個飲品叫完野食, 餐廳已經開始滿場月亮蝦餅: 底面都有春卷皮包住炸. 非常脆口. 但比較油份量超多超大份, 2個人食每人要食4件. 但我地食曬>0<泰式鹽燒鯽魚:本身想要明爐但我指錯左, 諗住會好乾身同鞋口. 點知有驚喜, 好嫩口, 推介. 條魚都幾大條下架. 新鮮!泰式生蝦:好得意, 係用個杯仔裝住. 生蝦都爽口彈牙, 配有兩種汁, 一隻清新d 另一隻就辣d. 胃口大開. 鹹魚炒芥蘭普普通通, 鹹魚味唔重, 唔會太鹹同唔油泰式奶茶 正宗泰式奶茶. 茶濃、甜度岩岩好、甘香濃郁, 質感厚滑. 總結: 質素好, 性價比高, 會再黎食!

熊貓雖然住喺四川，但係本🐼每年都會去泰國旅行。今年去唔到泰國，真係好掛住泰國啊！ （重要事要講三次）因此熊貓唯有搵間好食嘅泰國餐廳慰勞吓自己啦！皇天不負有心熊！本熊貓喺泰國（唔好意思！講錯咗，係奧運站）搵多一間新潮又好味的正宗泰國菜！最特別嘅地方係，佢大部份裝飾都係來自泰國，仲有原裝篤篤車座位！淨係裝修同舒適性都攞滿分啦！不過食晚飯最緊要梗係嘢食。佢地嘢食都係同環境一樣好鬼正！頭盤方面，熊貓梗係揀咗最鍾意食嘅鳳爪沙律，佢嘅秘製沙律醬汁好特別，好好食，令人非常開胃。而佢啲鳳爪好爽口彈牙。如果鍾意食海鮮嘅你哋，千祈唔好錯過呢一個泰式明爐花甲鍋😍🐼首先呢個泰式湯底真係好正，燶味而不肥膩，我仲飲咗幾碗。大大隻的花甲，加埋足料嘅配菜，簡直是絕配。令一個絕對要推薦大家的菜式，就是泰式蟹肉炒粉絲，淡淡蟹肉，加上廚師的精湛技術，令人回味無窮。食泰國菜梗係唔可以冇咖喱，今次我哋叫咗黃咖喱雞，首先啲雞真係好新鮮，配上秘製的咖喱醬，好食到不得之了。炒菜都係非常推薦大家的。如果大家想搵一個坐得舒服，食物又高質的泰國餐廳，我絕對推薦大家過來！

Tuk Tuk🚖一聽就知係同泰國有關，九龍城多泰國餐館我就知，估唔到大角咀都有間幾好食嘅泰國菜。🍡小食拼盤 ($108)熱辣辣，好新鮮！裏面有串燒、春卷、蝦餅、仲有雞翼🎊蝦餅好彈牙！雞翼都好香口，有少少香茅香料味。春卷餡料好多蔬菜、木耳、粉絲、蘿蔔等等！串燒，我略嫌太大嚿肉，肉質有少少粗糙，但肉味好夠，加上特製醬汁，香濃花生味，我相信食肉獸嘅你，必定喜歡。😋🍡炭燒豬頸肉($78)個Setting似日式，有一個小的爐烘住，用低温慢煮的方式保持微暖的熱度。佢份量都好多，每片都薄切。大家可塗上一些酸甜醬汁，再慢慢燒，就會有少少焦和的效果。🌿焦葉烤焗烏頭($108)一打開錫紙，就聞到啖啖香料味。條魚一點也不會腥，非常有鮮味，魚肉都好滑👍🏻比較少骨☺️如果送飯一流，因為都有少少鹹😋飲番啖椰青水，清甜又解渴！原個椰子，100%純天然，無添加糖，非常健康😋($30)⚪️椰汁西米糕($52)用得少魚膠粉，所以topping 好creamy!!由於我吾食芋頭、馬蹄，有啲餐廳會放入呢2種食材落去，好開心呢間冇！！真真正正食到西米同香滑軟綿嘅椰汁topping!💯💯💯

泰嘟嘟位於大角咀，交通方面要喺旺角站步行約十至十五分鐘到舖頭。餐廳門面唔大，最特別嘅係有一架仿嘟嘟嘅卡位，坐上去好似去咗泰國咁，啱晒打卡。餐廳有泰籍主廚打理，煮返泰國嘅原汁原味。😋月亮蝦餅 ($88) 蝦餅賣相吸引，好似一大粒星星咁。蝦餅有8大舊，上碟時熱辣辣，新鮮炸起，脆卜卜，唔係翻炸。蝦餅炸粉唔會過厚，入面有蝦同馬蹄，爽口。再配上酸甜醬，好快就食晒。🦐泰式生海蝦 ($88/6隻) 一上菜，“wow”😱，無諗過佢嘅賣相咁正，用試管咁樣上菜，一紅一綠相隔，同平時啲生蝦賣相好唔同。紅色汁係一般嘅酸甜汁，綠色汁係由羅拔葉磨成，再加上生蒜粒，好惹味。招牌焗黃咖喱麵包軟殼蟹 ($168) 餐廳掘空方包磚，上面淋上黃咖哩同炸脆咗嘅軟殼蟹，包磚入面沾上大量黃咖喱，十分濃郁。而且，方包磚外脆內軟，麪包唔會過硬又唔會浸到淋晒，啱啱好。另外，黃咖哩本身唔算太辣，有加上蛋花同香蒽，用嚟點麪包真係好match~ 小編最後食晒啲咖哩汁!😋去骨海南雞 ($98/半隻) 海南雞略為遜色，因為佢本身唔算濃味，要配上甜醬油，先可以突出雞味。不過佢去咗骨，啖啖肉。小編覺得呢間泰國餐廳好注重賣相，佢菜式嘅賣相比一般餐廳吸

< 🇹🇭泰嘟嘟 > 📍大角咀呢日約咗幾個好朋友去試下大角咀呢間泰國菜😛 啲嘢抵食得黎又大碟 食到好飽🤣👭二人餐 (揀三樣) $238揀咗🦐生蝦、月亮蝦餅🌛同半隻海南雞🐔 野飲方面揀咗🥭芒果芝士沙冰🦐生蝦有六隻 有兩款醬汁 擺喺隻杯度好靚🤣 生蝦算新鮮 正常size 配埋個酸辣汁好好食😋🌛月亮蝦餅有八大舊😛 蝦餅熱辣辣 炸得好香脆 入面全部都係蝦膠 仲有啲馬蹄粒😆好爽口彈牙 必食😋😋🐔海南雞有少少失望😢 佢冇醬點 所以食落有啲寡 不過啲肉都幾嫩滑👍🏻可以試下其他😛另外仲試咗朋友叫嘅豬頸肉 放喺個日式燒爐上面好特別😆 豬頸肉燒得好香口 皮脆肉嫩 呢個都推介👍🏻👍🏻 招牌焗黃咖哩麵包軟殼蟹💛🦀 軟殼蟹幾香脆 咖哩加埋啲滑蛋好好食 配埋麵包食好夾😋🥭芒果芝士沙冰 $16 芝士味唔係好濃 有啲芒果肉 整體唔太甜同膩 都算好飲😛

今日同一班朋友嚟咗呢度食晚飯，本身只係純粹想食泰國嘢，冇諗過原來呢度咁抵食！環境都好靚好特別，仲可以坐喺架車入邊添！估唔到喺香港都可以坐嘟嘟車！四人餐可以嗌五個餸，本身以為佢係細細碟嘅，估唔到份量都好足，多到連張枱都擺唔落～炒金邊粉係泰國餐廳必食㗎啦！呢度啲咖喱都好好食，係甜甜地唔辣嗰種咖喱，特登嗌個白飯撈飯食！咖喱麵包軟殼蟹個樣好靚，比較特別同埋真係好食！炭燒豬頸肉同埋小食拼盤都好有風味，唔錯！個餐本身唔包嘢飲，不過呢就可以半價加嘢飲。我哋嗌左芝士沙冰($16)同珍多冰($12)，都唔使$20一杯。真係抵食！個餐$398，加埋嘢飲同+1四個人都係$500咋！

#大角咀美食🔻 泰嘟嘟大角咀利得街14號地舖/////奧海城開左誠品，貢左過去行，之後就喺附近搵左間泰國野食喇😍😍/🧃月亮蝦餅 $88好似薄餅，由薄脆皮夾住蝦餅，外脆內軟，蝦餅仲好彈牙香口。/🧃炭燒豬頸肉 $78用火烘住上，每一片入口都熱，仲要真係有淡淡炭燒香。/🧃冬蔭公海鮮湯 $108都係用火烘住😍😍湯味道好特別，偏甜，用左原隻大頭蝦去淆，好足料，好多蝦頭！/🧃泰式生海蝦 6隻 $88擺盤好特別😀用杯仔裝，包你隻隻蝦都點到汁。生蝦汁有2款，橙色係常見嘅辣汁，青色係加左青檸嘅酸辣汁，小妹覺得酸酸辣辣好清新😻正！/🧃黃咖喱菠蘿炒花甲 $98咖喱炒花甲真係第一次食，估唔到又幾夾！加埋粒粒菠蘿，甜甜的！/🧃豬頸肉啫椰菜苗煲(馬拉盞）$76上枱啫啫聲😻又夠熱！好惹味！/餐廳以泰國tuk tuk 車為卡位主題，好特別😀用波衫同泰拳褲為牆身佈置，同一般金金黃黃嘅泰國餐廳好唔同，花過心思呀👍🏽/////味道:⭐️⭐️⭐️⭐️⭐️賣相:⭐️⭐️⭐️⭐️⭐️價錢:⭐️⭐️⭐️⭐️環境:⭐️⭐️⭐️⭐️⭐️/#food #foodie #hkfood #hkfoodie #foodporn #foodstagram #hkfoodblogge

冇得去泰國，喺香港都有得搭篤篤車？大角咀呢條街好多嘢食，今次搵到間性價比好高嘅泰國菜，入邊裝修非常之有泰國嘅風味，感覺好似去咗JJ Market咁！-酸辣鳳爪沙律酸酸甜甜好惹味，鳳爪好爽口，作為前菜，令人食慾大增！-泰式明爐花甲鍋天氣開始涼，食飯就想飲番啲熱野，呢個花甲鍋湯底少少辣同少少酸，好開胃，花甲份量都好多，好新鮮，煲底仲有好多粉絲，可以索晒啲湯，正呀！-黃咖喱雞本身餐牌咖喱雞係配青咖喱嘅，但係我哋又想食黃咖喱同雞嘅組合，老闆特登叫廚房整黃咖喱雞俾我哋🥰黃咖喱偏甜，雞肉意想不到的嫩滑！-泰式炒粉絲好夠鑊氣，分量十足。-蒜蓉炒上素材料好豐富，有蓮藕紅蘿蔔粟米仔芥蘭豆角菇等等，炒得非常之香！-呢度價錢合理，性價比好高，店員服務亦都好好，係平民價錢高質享受啊！

大角咀其實都暗藏好多美食，呢間泰嘟嘟一睇裝修就好有特色，用左Tuk tuk車嘅概念～可以幻想下自己去咗泰國冬蔭功海鮮湯 - 海鮮都好足料，唔會太辣,係偏酸個種，啱我口味香蔥蒜蓉包 - 有成六舊，真係做到外脆內軟，好食過一塊塊好薄個種鮮蝦札肉米紙卷 - 清新健康之選，當係沙律前菜都幾適合牛肉濕河 - 河粉係比較幼個種，可以吸收哂個醬汁泰式芭堤雅燒雞 - 個調味係亮點，好重泰式風味嘅香茅檸檬葉味，同時唔會掩蓋左雞本身嘅鮮味泰式鐵板蠔仔炒蛋 - 呢個鐵板上勁有鑊氣，啲蠔都好大粒，連埋辣醬食超惹味芒果糯米飯 - 芒果超大舊，鍾意佢糯米飯細細舊 唔會太滯佢啲野飲都幾多野揀，朋友要左奶蓋火龍果沙冰，唔會太甜～味道都幾出～我個椰青都新鮮好飲

兩位大食友人都好鍾意食泰菜，幾乎每次見面都會食泰菜，今次都唔例外。友人喺大角嘴返工，話附近有間泰菜幾抵食，帶咗我哋去試。行到身水身汗，好需要一杯凍飲。我點咗泰式奶茶，夠哂冰凍，泰解渴。友人們點咗火龍果芝士冰沙同椰青。火龍果芝士冰沙幾新穎，味道出奇地夾，似奶昔。泰式鐵板蠔仔炒蛋 - 好多蠔仔，點埋個酸辣醬幾好食，蛋香味同蠔仔鮮味天衣無縫。鮮蝦札飲米紙卷 - 越式健康春卷，點酸甜汁，清新開胃，一道絕佳嘅開胃菜。蒜蓉包 - 金磚形狀，好濃郁嘅牛油香味，炸得爽脆，擺盤都好精美。冬蔭功海鮮湯 - 好足料，有蝦、魷魚同青口，湯頭酸辣，泰好味了！泰式牛肉濕炒河 - 好有鑊氣，炒得好香，又有好多蔬菜，健康！泰式燒雞 - 值得一讚係個雞醬，同燒雞好夾。用咗香茅同檸檬葉嚟醃雞，好惹味。甜品點咗芒果糯米飯，糯米飯好出色，唔會太鹹，好鍾意。芒果亦好清甜。

睇雜誌知道大角咀有間新開泰國餐廳，專登過黎試試😋 店內有唔少霓虹燈同五光十色的燈牌，夜晚經過非常易認，不過入面的篤篤車座位先係打卡位，好型格好有特色，可惜我地人數比較多坐唔到嚕😬疫情關係大家要隔開4塊板食飯，唔太方便影相～呢度套餐好抵食，好多款式揀，最後叫左一個6人餐再散叫😋😋 上菜速度快，賣相吸引，尤其泰式生蝦同炭燒豬頸肉，必叫！唯一挑剔大家都覺得冬蔭公夠辣但唔夠酸，基本上所有野都好好食！價錢又夠地道，絕對會過嚟再食👍🏻👍🏻

呢日幾個朋友一齊黎到大角咀搵野食, 見到呢間泰國野幾特別於是就入黎試試佢! 我地太耐冇食過泰國野! 叫左超多野食! 有原條燒魷魚, 鹽燒鰂魚, 生菜包, 馬拉盞炒椰菜苗, 蒜蓉包, 黃咖哩炒花甲,燒雞同埋椰青仲有青檸梳打! 不得不提佢個椰青真係好抵, 當其他特飲都要廿幾蚊個陣, 椰青都係30蚊!平過出面D泰國餐廳好多, 仲有勁甜,又有椰子肉可以刮黎食! 至於青檸梳打就用大笨象個隻! 夠哂正宗! 馬拉盞炒椰菜苗夠哂獲氣, 水準之作! 生菜包唔好以為D 肉冇咩色水以為冇乜味, 其實超夠味道! 食落仲要辣辣地咁好過癮! 正! 鹽燒鰂魚就燒到夠哂嫩! 唔會太老! 魚似食得出都好新鮮!一D都唔會梅~~~蒜蓉包勁有份量, 係去皮切左粗條咁拎去焗~一上枱就食真係脆卜卜夠哂正!點埋黃咖哩炒花甲D黃咖哩黎食! 唔會乾之餘仲充滿口感! 正呀! 最後燒雞同原條燒魷魚各自配番合適既醬都好好食! 唔會乾, 火侯岩岩好! 正!

疫情過左咁耐都未出走香港去旅行.今日突然好掛住泰國菜,就上網睇下有咩泰國餐廳,見到呢間泰菜好似評價唔錯,就出走大角咀.冬蔭功海鮮湯以迷你火鍋爐上令冬蔭公keep住夠熱入口.冬蔭公既海鮮配料有2-3隻大蝦,蕃茄,草菇.大蝦肉肉質夠彈得黎又夠鮮甜.加上香芧,檸檬葉同辣椒碎令冬蔭公湯入口帶濃香既酸辣香味.作為一餐既開頭十分開胃.招牌焗黃咖喱麵包軟殼蟹以掘空既厚方包磚盛載住以黃咖喱炒香既軟殼蟹.內裏既麵包充分吸入黃咖喱既醬汁,麵包入口軟熟沾上味道濃郁芳香而不過辣既黃咖喱夠晒惹味,越食越入味.炸軟殼蟹既份量多而且炸得香脆,軟殼蟹充份地掛上黃咖喱醬,入口啖啖香甜既咖喱香.平時好少食麵包皮既我嫌麵包皮質感太硬又鞋口,但今次係濃厚既黃咖喱影響下完美地清埋麵包磚,証明呢碟咖喱真係唔簡單