泰嘟嘟

營業中

休息中

去過泰國旅行一定會留意到有tuk tuk車坐，可以話代表左呢個國家。今日黎到Thai tuk tuk，原來tuk tuk中文無嘟嘟，即刻就知道一定係食泰國野！個名就已經吸引左我入去食。入面座位係tuk tuk車，好得意！而且廚上面啲menu都係寫泰文，好有feel！野食都係泰國common food，但亦都有啲特色食物，即刻就試下先！月亮蝦餅，見個名已經好型，食物亦不遜色，面頭係脆卜卜既薄餅，入面係好厚身既蝦滑，唔係平時食都食到厭個啲公廁冷凍蝦餅，正！蠔仔煎蛋，先講主角蠔仔，其實都幾大粒，一啲都唔腥，有蠔味，蛋蛋落得好足，好大舊，塞滿個口食，好享受！黃咖喱雞，夠甜有椰味，不會太辣，色香味倶全，雞都好嫩滑。食呢個既時候我忍唔住飲多幾啖咖喱！椰汁冰，雖然入面無椰果，但飲落有驚喜！椰汁味極重，而且飲落口，隔尾會有啲椰絲味「回甘」，第一次咁有驚喜！中意椰汁既各位椰子仔們必試！

話說又約朋友平日午餐，知道大角嘴有間店好有泰國🇹🇭feel 而且食物都唔錯，那麼我們就試吓午餐先，門外裝修已經很搶眼一看就知是泰國餐廳，我們之前已經訂了位，所以好好彩安排了卡位，因為他的卡位就是模仿泰國的篤篤車設計，好似去咗旅行咁，設計值得一讚👍🏻而裏面嘅設計充滿色彩，令人有一種好開心渡假嘅感覺！雖然我哋係食午餐，佢裏面嘅選擇有好多，最後我哋都決定揀咗，泰嘟嘟海南雞配油飯、泰式海鮮炒金邊粉，因為係午餐另外都會配飲品！而且價錢都好實惠👍🏻味道方面因為我係食海鮮炒金邊粉，我覺得調味比較淡，所以我都叫職員俾啲調味料我，職員都好快比到我服務都唔錯！而家去唔到旅行嚟呢度感受下泰國風味都幾好！

📍泰嘟嘟💛今次黎到大角咀既一間泰國餐廳 餐廳既裝修好有心思 卡位既設計係泰國既篤篤車🚗充滿泰國風味👍𝐼𝓉𝑒𝓂𝓈 𝑜𝓇𝒹𝑒𝓇𝑒𝒹: 💛泰皇咖喱牛腩配薄餅($58)咖哩牛腩份量好足 味道亦都好濃☺️而薄餅好脆😆不過就略嫌有少少油 不過夾埋幾好食💗💛泰嘟嘟海南雞飯($60) (油飯轉白飯)雞肉好嫩滑💕配搭埋醬汁好惹味好夾☺️☺️𝒜𝒹𝒹𝓇𝑒𝓈𝓈:大角咀利得街14號地舖

估唔到大角咀都有一間好好食嘅泰國嘢，雖然呢間泰嘟嘟細細間，但係裏面嘅裝修都好有泰國嘅味道，而啲嘢都好好食，地點都好方便啊，雖然係平日但都已經坐爆曬，所以平時來嘅話一定要記住book位啊。首先就梗係要試吓佢個杯芒果芝士沙冰啊，芒果味都幾重下，好甜好新鮮，個芝士奶蓋都幾特別。跟住就係叫咗呢一個冬陰功烏頭，個魚好好食，好多肉，一啲都唔腥，配合埋個火慶住食， 十分好味。另外就係呢一個炭燒豬頸肉，份量好大，都燒得幾好食，但係兩個人食就有啲濟😂呢個泰式生蝦就真係極度推薦啦，嗰醬同個生蝦好夾，而生蝦都好新鮮，呢個真係必食。如果炒貴叼就OK，都炒得好熱下，味道都好夠，份量好大。而個軟殼蟹米紙卷好多好大份，軟殼蟹都好趣，呢句都幾好食㗎。最後就係呢一個燒大頭蝦啦，有三隻，啲大頭蝦好新鮮，肉質都好多，都可以試吓㗎。

今日男朋友話出咗bonus，請我食大餐同帶我坐篤篤車，冇得去泰國都有篤篤坐？原來係帶我去大角咀食一間用篤篤車做主題嘅餐廳！呢間小店位於大角咀利奧坊旁邊，奧運站行去都係大概５—１０分鐘左右，門面好光猛，入邊仲有同篤篤車一樣既卡位坐架！可惜都俾人book哂試唔到，另外仲有好多篤篤車模型分佈係唔同角落。Menu 入邊都有好多唔同嘅選擇，見到隔離枱個冬蔭公湯勁香，可惜我地兩個人都怕飲唔哂，所以最後揀左個明爐冬蔭公烏頭，咁就又有冬蔭公湯又有魚食啦前菜我地揀咗泰國菜唔少得嘅生蝦同芒果軟殼蟹米紙卷，另外揀咗炭燒豬頸肉同燒大頭蝦，同埋一個炒貴刁先講個生蝦，一上枱個presentation 真係嘩咗出嚟，平時見問都係一碟碟，呢度係將生蝦﹑蒜片﹑辣椒，同醬汁用小酒杯裝起，一杯一隻，靚得嚟之餘係呢個疫情下都方邊大家share 食，唔洗重覆點個source，讚!! 味道方面，蝦肉新鮮彈牙，橙色醬汁就係酸辣酸辣，綠色又fresh D有香料嘅味道，我覺得我一個人都可以食哂6隻haha芒果軟殼蟹米紙卷份量俾我想像中大份，足足有6大件，4人share 都完全足夠，入邊嘅餡料亦冇偷工減料，芒果同軟殼蟹嘅 size 都好

泰國係一個我好想快D 再去既地方, 既然去唔到, 咁就梗係要搵番間泰菜黎食下~ 呢晚黎到泰嘟嘟, 餐廳入面既裝飾都令人覺得有少少泰FEEL!~ 我地一行4人都叫左好多野食~ 魚都叫左兩條, 生菜包啦, 黃咖哩麵包軟殼蟹啦, 豬頸肉JERJER通菜煲~ 全部都好好好好食!!!! 首先要講下兩條魚, 我地叫左鹽燒則魚同埋蕉葉焗烏頭~ 鹽燒則魚真係好香孫味同好滑!!!! 蕉葉焗烏頭就好香蕉葉味不過冇咁滑, 兩條魚都好好食, 不過我就中意鹽燒則魚多D! 真係必點! 黃咖哩麵包軟殼蟹又係好誇張, 成個大麵包裝住黃咖哩同軟殼蟹!軟殼蟹既份量仲要有好多! 麵包既皮位好脆,同黃咖哩真係絕配! 生菜包既豬肉碎配生菜食真係一流!!! 豬肉碎辣辣地好爽!!!! 生菜又中和番肉既油利感! 真係都係必點! 豬頸肉JERJER通菜煲夠哂咋咋聲! 食落好有獲氣!!!! 椰青超抵飲! $30 真係好少見!!!!! 最後以香甜美味既芒果燸米飯完左我今次既泰國之旅!

今日同呀媽黎大角嘴搵食，呢邊不嬲都多正宗泰國野，今次就試左呢間，充滿泰國街頭風味既泰嘟嘟。自己本身好鐘意食明爐烏頭，但今次就第一次試泰式明爐冬陰功湯烏頭，如果你食到小小辣，可以一試，因為可以飲到冬陰功湯，又可以食到烏頭既鮮嫩，辣辣地 好開胃，跟白飯一流。😋呢個原隻椰青海鮮焗飯，真係好一讚，是菠蘿炒飯就食得多，但係呢個配搭就第一次試，surprise係佢啲好多椰汁淋滿個飯，甜甜地好香椰香，加埋魷魚既口感，十分夾，呀媽幾鐘意呢個。😎原次食泰國野必點既，馬拉盞炒椰菜苗，馬拉盞汁甜甜地，椰菜苗就係比較爽口，佢呢款個葉比較大，同試食開嘅有啲唔同🤔。佢呢度而家做緊啲套餐，睇落好抵，但呀媽有其他野想食就無叫，下次會再嚟試一次，佢套餐係有咖喱軟殼蟹揀即刻抵左🤪

今次黎到大角咀呢間車車卡位既泰國野，裝修非常之別緻，好有泰國風味，而且貪佢d野食夠曬大份，可以一班人咁share，咁就可以試到多d唔同種類既食物，又可以同班fd聚下舊喇！環境方面，座位闊度好足夠，相間距離充足，係疫情下就更為重要，完全可以減低被隔離枱傳染既機會。另外，佢仲有卡車位4人枱，真係好得意，坐係入面食住泰國野，感覺氣氛都唔同曬，好似去旅行咁，唔知呢個算唔算係eataction呢？食物方面，本人最鐘意個鹽燒鰂魚，打開包錫紙，d熱蒸氣散出黎，好有原始風味，鹽燒加埋香草既調味，昇華左魚本身既鮮味，真係唔錯。生菜包就必點嫁喇，豬肉炒得夠曬惹味，又夠曬熱辣辣。軟蟹殼叻喱面包，叻喱好有椰奶香，唔算特別辣口。

今日嚟咗大角咀同朋友食泰國菜，呢間舖頭喺大角咀都幾出名，所以就同朋友一齊黎din。環境都幾chill叫咗個芝士奶蓋火龍果，其實我本身唔係特別鍾意食火龍果，但係見呢個咁出名我就叫吓。個火龍果都幾甜，而且個芝士奶蓋比好多餐廳/飲品店做得出色！呢個馬拉盞炒通菜炒得好有鑊氣，而且通菜夠爽甜。呢個軟殼蟹芒果卷既芒果都幾鮮甜，軟殼蟹都大舊。個菠蘿海鮮炒飯海鮮幾多，仲有粒粒菠蘿。飯炒得幾軟熟。月亮蝦餅煎得夠脆，入面既蝦肉都好新鮮！最好食係嗰個芒果糯米飯，佢啲飯一拎出嚟係暖暖地，而且煮得好煙韌，芒果又好甜，配埋椰汁一流。個小食拼盤係朋友話想叫，我唔係特別鍾意食炸嘢，但係聽佢講話個香葉包雞好好食，淡淡既荷葉香配雞粒一流👍🏻

今日經過大角咀，見到呢間門面好色彩繽紛既泰嘟嘟，又挑起左我想食泰國菜既意慾泰嘟嘟無論裝修同店名都好吸引人注意，行過都會望一望店內用左好多吾同色彩既燈，仲有可愛既牆畫，未食已經成個人精神晒餐牌選擇都幾多，樣樣都好吸引好想食粉絲蝦煲係我最鐘意既泰菜之一。泰嘟嘟既出品認真吾錯，粉絲入晒味，香料同胡椒味都好突出。平時最吾鐘意係剝蝦殼，呢到好貼心咁已經起左蝦肉，令到食既時候好方便蝦肉亦好新鮮彈牙食泰國菜點少得冬蔭公。呢個冬蔭公海鮮金邊粉，用料十足，冬蔭功酸酸甜甜好開胃，吾會太辣好岩我燒豬頸肉有個爐仔熱住，十分貼心，吾怕會凍左豬頸肉肉質爽口彈牙，肥瘦適中，而且好入味香葉辣椒肉碎飯配荷包蛋，一上枱已經覺得好吸引，份量十足。流心荷包蛋煎得岩岩好，肉碎香又辣辣地，撈埋白飯一齊食真係最佳享受今餐好滿意，可以係愉快既環境下食到好食既泰國菜

今天放工後 身心特別疲倦🤢就約咗朋友食返餐好 放鬆一下據說在大角咀有間人氣泰國菜👥我們都想試好耐 但未有機會 終於係時候了餐廳內的燈飾以及牆壁上嘅塗鴉均極具泰式風味 打卡一流📸甚至把座位設計成最具代表性的交通工具<嘟嘟車>卡位🛺讓人彷如置身於泰國般同時很符合店舖名稱「泰嘟嘟」💁🏻‍♀️🍢半打串燒沙嗲（雞,豬）$88如沒特別要求 會安排雞,豬各半兩者均加入了香茅醃製 淡淡的芳香👃🏻唯可惜肉質較瘦 油脂略少💦但沙嗲汁非常濃郁及富有花生香氣並帶有花生粒以提升其味道和口感🥜把整個配搭變得更為惹味🥳🐷炭燒豬頸肉 $78相信大部份人食泰國菜都是必點菜式之一既能吃到燒製得可口肉嫩的肉質😋又能品嚐到特製的酸辣泰式醬汁而這裏是放於爐上燒住上枱🔥以保持微熱的最佳溫度💪🏻並看到油脂經加熱後 慢慢地分泌出來使得更能細味當中的脂香👅🥥原隻椰青海鮮焗飯 $88賣相十分澎湃且份量又足料🤩當中的海鮮包括有青口,魷魚,蜆肉,蟹柳等放於椰青內並再倒上椰漿 營造出滿瀉感覺當然每一口飯都充斥著椰青香氣❤️稀杰度烹調剛剛好 亦不會膩👍🏻並鋪上椰絲 以提升椰子味道 真心推薦🔝🥭芒果芝士沙冰 $32表面的芝士奶蓋入口會

平時唔太熟悉大角咀，見到呢區開始改造，由車房，餐廳開始收購，而家越來越多地盤，新住宅，開咗好多新餐廳包括泰國菜, 日本菜, 西式有live band 餐廳等，又話將來有新Office添。經過見到有間彩色嘅泰國餐廳，入面有tuk tuk 卡位。晚上七點幾已經坐滿客。太掛住泰色美食加按摩，今次入去試試。 打開Menu都幾豐富，泰式生蝦六隻有shooter杯，橙色綠色杯相隔，賣相吸引。橙色係酸辣魚露，綠色係青檸辣汁。招牌黃咖喱麵包軟殼蟹，軟殼蟹炸得脆脆的。最開心係豬頸肉嘟嘟通菜煲，上枱chi chin聲熱辣辣好過癮，只係多咗少少油，下次可以叫小油。食到條脷慶慶地飲番啖冰凍椰青解渴。再試幾野味嘅辣椒膏炒花甲，花甲都大隻，紅椒青椒都係爽脆。 餐廳都幾有heart，全部食物上枱熱辣辣，下次要再黎。

【大角咀Tuk Tuk主題泰國菜🥄二人餐好抵食👭】大家都知大角咀超多小店，係一個美食天堂🤪最近又開咗一間泰國菜，用Tuk Tuk(泰國交通工具)黎做主題，環境非常好😼去到個日人非常多，等咗半個鐘先有位，不過侍應非常好，可以留電話到我地有位就call😈晚市有個二人餐($238)可以係眾多主食入面揀三樣，都有好多平時比較貴既嘢可以揀，絕對係非常之抵😚另外仲有四人餐($398)，可以揀五樣，同六人餐($618)，可以揀八樣🙂—《泰式經典明爐烏頭》⭐⭐⭐️⭐️依樣平時閒閒地都百幾蚊嘅菜真係回本必選阿，不過佢唔係冬蔭功湯，只係普通嘅酸辣湯就有少少失望😞條魚好大條，兩個人都食唔哂😂—《招牌焗黃咖哩軟殼蟹》⭐⭐都係一樣平時比較貴嘅菜，雖然佢個樣非常吸引，不過就唔建議大家揀，因為味道一般般，而且麵包淋哂減咗好多分😟—《鮮蝦炒金邊粉》⭐⭐⭐💥事關真係好中意食pad thai所以就揀咗，依碟金邊粉無話好突出，但都唔錯嘅，蝦唔多，個粉都炒得岩岩好，仲係幾乾爽😼

最近無得去旅行，同朋友掛住泰國，好想食泰國野，於是我地去左大角咀搵泰國餐廳。一入到舖頭，舖頭入邊嘅裝飾非常之有氣氛，充滿泰國嘅風味，而且座位亦都十分多，唔需要排隊就可以入座。呢度嘅嘢食種類非常之多。我同朋友叫咗一個招牌泰式海鮮菠蘿炒飯，份量真係非常之大呀，一上嚟已經聞到非常濃郁同埋香嘅炒飯味道，海鮮啦亦都係非常之新鮮同香甜嘅。仲有點左泰式馬拉盞炒通菜，我同朋友都非常之鍾意食通菜，而且呢一度嘅泰式馬拉盞通菜呢唔會太鹹亦都唔會太辣，啱晒你老人家同小朋友呀。月亮蝦餅，份量都非常之足夠啊，而且香味呢非常之鮮甜，啖啖肉都係肉，值得推介。小食拼盤亦都係非常抵食同埋好多大份。有雞翼呀，蝦餅，魚餅，春卷，荷葉包雞，岩曬大食既朋友最後係我最鍾意嘅甜品，芒果糯米飯，椰汁味非常之濃郁香甜。

朋友介紹呢度有間食泰國菜嘅小店，就同男友人黎拜訪下。入到去真係好似去咗泰國咁呀，因為有幾張枱真係同泰國啲tuk tuk 車一樣，好得意～男友人即刻叫咗個椰青，好清甜！我就叫個普通柚子蜜，都好解渴。泰式生蝦好特別，每隻獨立用杯仔裝住，好新鮮！個醬都好好味。個豬頸肉好都正，燒得好香，個有個爐烘住，可以keep 住熱辣辣咁食。呢個粉絲蝦煲又係好正，蝦肉好彈牙，粉絲又夠惹味，好味～～燒大頭蝦，蝦肉燒得好香口，而且好爽口彈牙，推介！香芒軟殼蟹米紙卷，呢個又係超好味，軟殼蟹唔會炸得太乾，夾埋芒果一齊食，再點埋個醬，好fresh 好好食！飲哂椰青之後男友人試左杯泰式奶茶，好正宗，好味！蒜蓉包睇個樣就知必叫，又脆又軟熟。最後食多碟馬拉盞炒通菜，火喉十足，菜都好鮮嫩，正！