泰嘟嘟

營業中

休息中

我們差不多每年都會去泰國，但今年不能去到就成日找泰國餐廳，朋友講大角咀有間都不錯就過去試，在地鐵站行5分鐘左右到都幾方便。入到去都差不多滿座，餐牌選擇都幾多仲有餐，我們就散叫咗小食和主菜。這裡的沙嗲有半打同一打選擇，我們二人最後當然食半打啦，$88有6串而且仲要份量十足，醬汁都幾香同杰身，雞肉同豬肉都十分新鮮，食落都惹味。豬頸肉啫啫通菜煲，來到個煲仲好熱所以都幾香，通菜好入味，豬頸肉不太油不錯。附近差不多每桌都有人叫這個黃咖喱麵包軟殼蟹當然我們都叫一個啦，個麵包好大又多料，麵包面微脆入面包軟熟，黃咖喱幾香不太辣岩朋友口味，軟殼蟹不少十分大隻，配料如蔥和黃椒增加不少香味，待應仲好好看到我們叫太多東西食幫我們換碟。飲品方面選擇都好多，我們就飲椰青夠清新又可食到入面椰肉。最後結帳二人都是三百五十左右都抵食。

招牌焗黃咖喱麵包軟殼蟹 $168有兩隻軟殼蟹，分開四件，炸粉薄脆，唔會太油膩，咖喱加左蛋，杰身質地變得更香滑，可惜不夠辣，椰汁味重，少香料味，失色不少，有點失望，麵包外層烘得香脆，吸哂咖喱汁。鮮蝦炒金邊粉 $78金邊粉橙紅色，有茄汁味，食落酸酸地，幾開胃，炒得乾身，蝦球大隻彈牙，配料充足，有蛋絲、蟹柳、豆乾、芽菜，加上花生碎同青檸汁，味道更豐富。馬拉盞炒豬頸肉椰菜苗煲 $78馬拉盞味道充滿咸香蒜香，入口帶些少微辣，椰菜苗翠綠夠嫩，鮮甜爽脆，上枱熱辣辣，炒得夠鑊氣，豬頸肉薄切，夠爽口唔會韌。泰式肉碎生菜包 $88豬肉碎分量好多，肥瘦均勻，油分不算太多，加了香葉，香料味突出，粒粒分明，炒得好香，如果肉碎再辣就更惹味，生菜新鮮，洗得乾淨。

這天與朋友到大角咀吃晚飯，我們看見一家泰菜便毫不猶豫的走進去了，一來是泰菜很符合我們的口味，二來就是餐廳的裝飾很有泰國感覺，能感覺到下過心思和工夫。我們進去之後店員安排我們坐卡座，來的早，大概六點，所以店裏沒太多顧客。我們點了榴蓮波波，冬陰功，雞豬串燒各3串，炭燒豬頸肉，咖喱菠蘿花甲和泰式原條魷魚。當然不少得泰奶和芒果糯米飯。最先到的是榴蓮波波，外皮很脆，中間的餡不是很流心不過味道也ok，咖喱菠蘿花甲和冬陰功發揮正常。而串燒和豬頸肉非常出色，很香又彈牙。魷魚配上醬汁也很惹味。芒果糯米飯雖然芒果有點酸，但糯米飯加上椰汁很軟很好吃。總的來説，這家泰菜我是推薦的呢~

限聚令調整到只可以兩個人一枱食飯，於是約朋友去奧運一帶行街兼食野，行過哩間餐廳見到都幾多人等外賣，於是朋友就話不如哩間，我地好好彩，一入去有兩個卡位，卡位甚有特色，設計成泰國的人力嘟嘟車一樣，燈光閃閃，別出新面，而店內都掛著好多泰國特色物品，感覺被泰國風情所圍繞住。睇下餐牌點餐，我地叫左個去骨豬手煲、冬陰功鮮蝦肉碎炒飯、椰青海鮮焗飯、火龍菓芝士沙冰、加咸檸檬梳打水，食物出得好快，朋友杯火龍菓芝士沙冰成杯紫紅色，面頭有一團白色忌廉狀的物體，應該是忌廉芝士，朋友話火龍菓好甜，混埋咸咸地的忌廉芝士味道都幾特別。去骨豬手煲既豬手燜得好琳，D肉放落口完全唔洗咬都會鬆開，皮的部份完全無脂肪，同樣好琳好軟滑，我食唔停口。冬陰功鮮蝦肉碎炒飯好大碟，我分左一半比朋友享用，原本仲奇怪點解無蝦係當中個名會叫鮮蝦肉碎炒飯？但當食到底時先發現寶物沉歸底，個飯雖然叫冬陰功，餐牌上無辣椒圖案，仲以為應該唔辣，但食落係有小小辣的。椰青海鮮焗飯，飯當中有好多嫩滑既魷魚條，飯面有兩隻青口加兩隻無殼既蝦，方便食用，而椰青內的飯加左椰漿混和，食落甜甜流流。食飽飽未到九點，同朋友係店內打卡先埋單。

今日就黎左大角咀新開嘅泰國菜餐廳「泰嘟嘟」食午餐～店內放滿泰式擺設及霓虹燈，裝修充滿泰國風味假日都設有午市套餐或者多人套餐，價錢經濟實惠。我地就揀咗個二人套餐，可以喺一系列菜式裏面任選三款泰式小食拼盤(小)🇹🇭小食分別有：春卷、蝦餅、雞翼、串燒雞及串燒豬🐷炸蝦餅同雞翼都好金黃香脆，配上泰式酸辣醬汁更加開胃！春卷脆卜卜，裏面係素菜餡料，仲有少少咖喱香。串燒雞及豬適合搭配沙嗲醬一齊食豬頸肉啫椰菜苗煲椰菜苗好翠綠，口感爽脆，吸收左馬拉盞嘅鹹香滋味～豬頸肉肥瘦適中，頗具彈性，好惹味呢鮮蝦炒金邊粉呢個炒金邊粉勁足料，除左鮮蝦之外，仲有好多雞蛋絲、香蔥、豆乾、魷魚、芽菜、蜆肉等等，口感同味道都好豐富，醬汁酸酸甜甜的，好開胃！金邊粉仲好煙韌有咬口添港式熱奶茶及凍檸茶椰汁西米糕🥥口感嫩滑，充滿椰汁香，甜度適中

一踏入「泰嘟嘟」就被小編最愛嘅霓虹燈吸引😍佈置好用心啊！牆上仲有泰拳拳套、波衫，大枱就整到篤篤車咁，勁colorful！想講連出餐嘅碟啊盤啊呢啲都有特式。招牌焗黃咖喱麵包軟殼蟹($168)••••••🤤不得了不得了！一磚麵包裝住酥香軟殼蟹🥰好震撼！麵包切開，點啲椰香味濃，又帶點甜嘅黃咖喱汁，好好味啊真係☺️。豬頸肉啫椰菜苗煲($76)••••••唔係講笑，煲仔上枱仲吱吱聲🤣真正熱辣辣煮起，豬頸肉切成條狀好爽口，份量幾多，欣賞呢度嘅菜唔會太重口味死鹹。海鮮炒粉絲($68)••••••滑溜粉絲炒得好香，連配菜紅椒青椒洋蔥都好食，海鮮存在感就弱啲，魷魚食得下。印度薄餅($32)••••••類似酥皮牛角包嘅感覺，好難唔好食喎😋就咁空口食都好正，因為夠熱夠鬆化，而且唔係油林林👍🏻。

朋友吃過「 泰嘟嘟」都說好吃又抵吃，看圖片又實在吸引，待晚市放寬之後立即拉先生下班後陪我去吃晚飯。餐廳裝修有特別，彷彿去縮水版曼谷般。二人晚市套餐相當抵食！$238竟然有3款餸菜！再配以半價飲品！以下是散點項目：《蕉葉烤焗烏頭 $108》烏頭大條，肉亦嫩，加上香茅調味很香。《招牌去骨豬手煲 $98》豬手連皮都炆得軟稔，肉亦嫩，完全不乾，而且汁料多，拌飯都不錯。《泰式濕炒海鮮河 $78》濕炒河掛汁，入口汁潤開胃，海鮮有蝦、蝦米、鯇魚、粟米苗、芥蘭、草菇、甘荀和青口，很豐富。《椰青 $30》很大個，我們二人公享，而且椰肉很嫩，容易刮出，當作甜品都不錯。

我本係一個鍾意泰國菜的小女子，而曾經好幸運哋屋企附近有两間泰國菜館，一得閒就可以落去食，朋友來亦可以招呼佢哋食，只可惜這段時間两間都不幸哋結咗業，而呢排亦都冇朋友自遠方來，突然間香港好似孤島感覺一樣，好sad吖。好在香港唔係得呢2間餐廳，而且40幾日夜晚禁堂食亦都取消，因此經朋友介紹來到大角咀利得街嘅『泰嘟嘟』，來得不合時，坐唔到嘟嘟嘅車卡位，但享受嘅係同樣的美食。我哋叫咗個『小食拼盤』，内有蝦餅，春卷，串燒，雞翼，樣樣部係2件或4件，蝦餅好有蝦味又好彈牙，串燒亦燒到啱啱好，配埋醬汁冇得頂。『冬蔭功海鮮湯』絕對足料，除咗大大蝦一隻，仲有中蝦，蝦頭，青口，魷魚，菇，番茄，勁濃海鮮味亦够酸够辣，開心到呢。『原隻椰青海鮮焗飯』椰香味十足，亦有大青口，蝦，魷魚，仲有好多小蝦仔，滋味無窮。『椰青』和『珍多冰』同樣係上上之選，椰肉够厚肉，雪白，被我一個人清晒。

週末去大角咀覓食，天氣咁熱就想食啲開胃嘅泰菜。今次就試試朋友介紹嘅人氣泰菜泰嘟嘟，一進去只見店舖內裝修色彩繽紛豐富，俾人感覺好有活力，好有泰國感覺～-我哋兩個人叫咗兩杯凍飲、兩個主菜同一個小食拼盤。小食拼盤入面有雞翼、春卷、串燒、蝦餅，份量都幾多，兩個人食一定夠share! 小食當中我最欣賞就係春卷，炸得卜卜脆香脆可口。主菜叫咗冬陰功海鮮湯金邊粉同雞絲炒金邊粉，同樣都係大大份好抵食呀！冬陰功湯味道幾正宗，海鮮份量都幾多。雞絲炒金邊粉其實同平常Pad Thai味道差唔多，不過今次就特別啲揀咗雞絲做配料，味道都幾夾，同樣份量十足。-食熱辣辣嘅泰菜當然要配埋冰凍嘅飲品啦！我地叫左芒果芝士沙冰同椰汁冰。芒果沙冰嘅芒果味道唔算太濃郁，但配埋上邊面頭鹹鹹地嘅芝士奶蓋一齊飲又幾過癮！

又係食泰菜時間😛😛招牌焗黃咖哩麪包軟殼蟹話明係招牌梗係要試下賣相好吸引!!!成隻軟殼蟹都炸左可以食淋左咖哩汁脆脆地又淋淋地~個黃咖哩好香 夠濃 唔辣唔止得汁 仲有d三色椒咖哩汁同麪包分量啱啱好但食哂都幾飽😂😂泰式酸辣鳳爪沙律好辣!!但辣得過癮份量亦唔少~小食拼盤(細)細嘅拼盤都唔係好細😂有春卷 串燒 蝦餅 同雞翼又有兩個醬 一般泰式辣醬同沙嗲醬春卷係脆嘅 而且餡都唔錯最要讚係個蝦餅!!唔係宜家泰菜常見嘅細細舊size大返d之餘又彈牙 好好食

超有心思裝修😍😍🤩一入到去就比兩架坐得既Tuk Tuk卡位吸引🤭 坐住食嘢真係超有feel！ 我個朋友眼闊肚窄 嗌左成枱野！ 好彩佢包底打包拎走！ 唔可以浪費食物！ -招牌焗黃咖喱軟殼蟹麵包🤤🤤🤤 $168我就係為左佢而黎！ 一d都無拎令我失望！ 超好味！ 因為我唔中意食成隻既軟殼蟹 佢已經cut好一件件好方便食！ 個包好軟熟 超多咖哩汁！ 岩岩好每舊面包都好似痴滿哂咖哩汁！ 配料都超豐富！ 又有洋蔥 彩椒 薯仔 重有滿滿既雞蛋！ d雞蛋真係超級無敵加分 好好食🥺🥺-月亮蝦餅 $88我覺得粉多左小小 不過都好味🤤 重加左馬蹄 可以解膩 正！ 食落無咁邪惡🤣🤣-豬頸肉啫啫通菜煲 $76上菜超快！ 重要係啫啫聲咁上枱！ 好多豬頸肉😍 有菜又有肉 好滿足🤤-香葉辣椒肉碎炒飯 $78重口味既我覺得可以再加辣再多d香葉 同埋可以加多隻太陽蛋 咁就一級棒啦😍😍🤤-火龍果沙冰🤤🤤 $32Omggg 我第一次食火龍果就貢獻左比佢啦🤣 結果係！ 我中意！ 以後我可以食火龍果咖啦🤣🤣 因為聽講一路都係通便神器 但一直都無食 直到朋友叫左 我就試飲左2啖🥴 超好味🥺 又要係紅火龍果面頭既芝士奶蓋好香 又唔

網絡雜誌介紹大角咀的全新餐廳泰國菜餐廳以泰國TukTuk車作餐廳主題及泰國廚師主理還原泰國當地的味道想不到晚市那麼多人，等了足足接近一小時，建議最好先訂座選了泰嘟嘟套餐的二人餐可選三款$238當中有些菜式單售已經$168，故會選擇的非常划算沒有跟配餐飲，但可享半價優惠另需要加一服務費泰式經典明爐烏頭烏頭魚肉肥潤，肉多骨少，肉味鮮美，清洗很乾淨完全沒有泥腥味可清楚看到大量香茅段、蔥、草菇南薑片、蒜片、檸檬葉、辣椒等配料，湯底非常鮮味，酸酸辣辣的底部還有些椰菜及粉絲吸收湯汁精華另有一碗泰式高湯，可於水份被蒸發時加入鍋中招牌焗黃咖喱麵包軟殼蟹黃咖喱口味偏甜而香氣濃厚，是泰式咖哩中口味最溫和、辣度最低的炸至金黃色嘅香脆軟殼蟹，蟹肉和外層軟殼在嘴裡交融，螃蟹滋味特別濃厚多餘的醬汁用來配麵包一流泰式小食拼盤(小)包含蝦餅、春卷、串燒、雞翼各兩件配泰式甜酸醬及沙嗲醬蝦餅表皮很爽脆，內餡的蝦泥口感具有彈性，愈嚼愈鮮甜春卷內的素餡很清盈，濃濃香料味具東南亞風豬肉串燒入口時滑潤爽口，肉質細膩，且脂肪含量較少雞翼則充滿泰式香茅味，頗滋味龍眼冰清甜又不肥膩

今日去左奧海城新新地食泰菜嘅餐廳。佢嘅 午市套餐都幾抵食。 50至60蚊最正嘅係佢有好多種類嘅食物可以畀你追加，只要加十零廿蚊就可以啦！炸雞翼，蝦餅，薄餅，魚餅，馬拉盞通菜。另外仲可以優惠價升級飲品，佢有好多種類嘅飲品，加18蚊已經有椰青，好抵！我叫左泰皇咖哩牛腩（可以配白飯， 薄餅或者蒜蓉包）價值58蚊。我配咗薄餅。個咖哩唔辣，重奶香味，牛腩 一啲都唔Un, 炆得好冧 ，而且都幾多粒。薄餅少脆，包住啲咖哩，好正。再追加 馬拉盞通菜，都算大碟，少少辣，幾過癮。我仲叫左細小食拼盤（108蚊）， 有蝦餅，雞翼，串燒，春卷。 呢個拼盤嘅性價比好高。因為佢所有嘅食物都好食。特別係個蝦餅，個炸粉好薄，炸得好脆，蝦肉好彈牙好大嚿，好正。雞翼又係皮脆肉嫩，小小juicy。春卷脆樂樂，多餡👍👍

香芒軟殼蟹紙卷 $78 總共有六件，軟殼蟹都很香脆😍 米紙卷都算薄、入口唔黐。佢有個醬汁，係唔辣嘅，酸酸甜甜咁，咁食米紙卷就唔會太dry👍🏻泰式明爐花甲鍋 $108Menu 寫明食物嘅辣度可以按口味調校，so considerate 😂👍🏻雖然叫咗走啦，好似少咗啲香料咁，但香味係足以令你流晒口水。花甲煲裏面大概有15隻左右嘅花甲，不過另外煲裏面有粉絲，索晒啲湯汁。我個friend話，甚至乎好食過啲花甲🤣鮮蝦炒金邊粉 $78分量多到兩個人食之餘仲有剩、執至乎可以pack away for 第二嘅竹light lunch 。簡直係無得輸嘅選擇火龍果芝士沙冰 $32雖然頂層嘅芝士奶蓋就唔算好厚、味道突出；不過，火龍果果蓉嘅味道充足，而且仲有幾粒果肉附送，都可以話係夏日透心涼嘅好選擇！服務：超nice and friendly, 卡位空左就會主動問你使唔使轉枱坐得舒服啲

友人對泰國風情如痴如醉，找來坐tuk tuk 車的《泰嘟嘟》餐廳！ 好奇又饞嘴的我跟著她感受一下了 😎 位置大角咀利得街很易找 地方不算大，一眼看到3架亮眼的TUK TUK 車！更看到牆上兩邊掛了球衣及色彩繽紛塗鴉～ 很有氣氛不會感到硬崩崩的環境😂 由進入到點餐，職員都很忙碌的處理訂單（堂食跟外買），相當敏捷。 油燈所散發山來的燈光讓人感到和平，很適合跟朋友舒發一下泰皇咖喱牛筋腩煲 HKD 108 用煲盛載可保持著溫度！ 牛腩肉質嫩口，完全不黏牙縫內。 牛筋棯且富有彈性，內有骨膠原，整體推薦！ 薯仔弱硬度適中不會過火太棯如薯溶搬口感冬陰公海鮮湯 HKD 108 最愛邊滾邊飲，內有多種海鮮如大蝦、青口等等 及冬陰公材料所以味道特別鮮甜香味濃郁，酸度較為重香芒軟殼蟹米紙卷 HKD 78 共有3卷！ 軟殼蟹炸得脆口又乾身但不會乾柴烈火搬堅硬，而芒果甜度十足，沒有酸味。沒有用米紙包著更為美味👏🏻👏🏻油飯 HKD 14 粒粒都沾上金黃色的米飯，軟硬度剛好，除送海南雞也可送牛腩😂 或許下次用簿餅也是不錯喇😚