泰嘟嘟

營業中

休息中

I was attracted by the decoration and art painting so that I walked in. The food was awesome as well. I ordered pad Thai which was brilliant. The shrimp I ordered was very delicious. The ingredients used were very fresh and the seasoning and sauce were spectacular. Besides, I ordered special drinks which were marvellous. The environment was fabulous with special designed graffiti and artistic seats. Recommended splendid Thai food!

小妹同旅行鐵腳自疫情之嚟真係有差唔多一年無見過面，終於疫情穩定不少就來個飯局聚聚舊😆未有得去旅行，我地竟係香港尋找偽旅行嘅味道，「泰嘟嘟」原來深藏不露，入面竟然收埋咗兩架Tuk tuk，可惜已經全院滿座，下次嚟要預早book 定先😆兩個人都叫咗唔少野食，而且份量都唔細，最後食到擺住個肚走😂冬蔭公海鮮湯 $108原爐冬蔭公湯咁上，明火持續座熱住，你keep 住都飲到熱嘅湯😋😋冬蔭公海鮮湯尚數足料，大頭蝦開邊方便食用，另外仲有唔少蝦仁同菌類，冬蔭公辣度頗符個小妹口味，帶有微微椰汁🥥香氣👍🏻小食拼盤 （小） $108小食拼盤最適合開心share ，每款都有兩件，人人有分😆小妹最愛嘅就係炸蝦餅，手打蝦餅啖啖肉又勁彈牙，趁熱食個陣外皮仲脆身嫁泰式菠蘿海鮮炒飯 $98菠蘿炒飯正常發揮，炒飯底夠乾身粒粒分明，海鮮配料有蝦、魷魚🦑、青口，加埋腰果粒同提子乾，口感豐富泰式奶茶 $26珍多冰 $26夏日炎炎又唔可以唔叫杯泰式飲品消消暑，珍多冰透心涼仲有椰果同大樹菠蘿果肉，味道正宗👍🏻

經過大角咀發現有一間餐廳嘅裝潢好特別決定入去試吓有部份卡位佈置成篤篤車嘅格局非常適合打卡📸🥢泰式肉碎生菜包 $88肉碎炒到好香有酸辣嘅味道🌶而且生菜份量非常多和新鮮🥬🥢泰式菠蘿海鮮炒飯 $98炒飯大大碟有半個菠蘿皮做裝飾好特別飯面鋪滿咗肉鬆令到炒飯更加香而腰果係脆身唔係嗰種淋身嘅腰果🥢香蒜炒芥蘭 $58芥蘭夠新鮮用咁大量蒜頭炒芥蘭真係好好味🥢泰式明爐花甲鍋 $108花甲數量頗多而且湯底酸辣非常惹味令人忍唔住一碗接一碗咁飲🍲花甲肉身都算飽滿🍹芒果芝士沙冰 $32沙冰賣相非常好👍🏼用咗新鮮既芒果攪拌而成🥭吸到淡淡的芒果肉而杯頂有厚厚嘅芝士🧀鹹鹹地嘅芝士加埋芒果都幾好飲同埋會好飽肚㗎😙

大角咀呢幾條街不嬲好多美食 (•̀ᴗ• ) ̑̑見呢間泰國菜外面好熱鬧好多人等外賣自取我哋等咗陣就有位喇😌食物種類好多得嚟，菜式都幾特別，最驚喜係食物真係唔錯😋 如果一大班人食更開心❁ 榴槤波波 (6件) 炸得好香脆，入面有爆漿榴槤，超正！袋過唔停口，一定要點，推薦👍🏻❁ 香葉包雞(6件) 比較少見嘅菜式，算做得不錯，略過左小小火，比較乾身，但調味很香❁ 香葉辣椒肉碎飯配荷包蛋 不算太辣，香葉同香料夠香，咸淡啱啱好❁ 泰式明爐冬陰公烏頭 驚喜推薦菜式🙌🏻  明爐一邊燒熱，烏頭一啲都唔腥，食得出好新鮮，同冬陰湯一齊食好夾！我哋兩個人竟然食哂❁ 芒果芝士沙冰 夏天飲芒果沙冰係不會錯的選擇，估唔到唔係飲品專門店但有好多飲品可以揀，仲唔錯❁ 火龍果芝士沙冰 睇得出用料用心既地方，用咗紅肉火龍果，更清甜

9 0 後 的 味 蕾 疫情肆虐咗咁耐，我諗冇邊個香港人唔掛住去旅行既日子😿特別係去泰國瘋狂買、玩、食既日子😍.Viu TV一哥何啟華係節目同Dee姐去過呢間篤篤車設計既餐廳，睇完我都好想去體驗下，懷念下佢泰國坐住篤熱車係條街片黎片去既日子.餐廳入面仲放左好多球衣，諗起以前布吉通街A貨球衣任勻選擇既日子🤣.🍍菠蘿炒飯質恰到好處，唔太乾又唔會太濕，咖哩味香甜，料好足，腰果、肉鬆、波蘿樣樣齊🐷豬頸肉青瓜沙律，推薦比食得辣既朋友，豬頸肉大片又爽，但個沙律就好辣既，帶酸汁，好開胃🐟焗烏頭，肉質嫩滑，但又夠實，口感好好，重要係零腥味，好新鮮，上面擺左自製既香茅醃料，相當有東南亞風味。珍多冰椰奶味極重，配料唔算多，不過大樹波蘿夠香夠甜，龍眼冰好濃龍眼糖味，解渴一流其實佢個lunch都幾抵，附近街坊都可以試下，夜市最抵係叫幾人套餐，飲品仲要半價👍🏻，價錢方面我覺得算平，對比起其他泰國舖😇

今日工作關係去到大角咀，咁就同朋友食飯，朋友話想試呢間泰國嘢，咁我哋就一行三人去開飯。舖頭地點其實唔算難搵，喺利奧坊嘅對面，舖頭嘅牆身掛咗好多足球波衫，都幾有特色。午餐Menu有一個二人餐，二人餐入面就有三個餸，咁因為我哋三個人，所以決定嗌多個餸。二人餐我哋嗌左個花甲煲，菠蘿海鮮炒飯，同埋一個咖喱麵包軟殼蟹。再散嗌多個椰菜苗豬頸肉。餐後感：花甲煲，花甲冇乜沙，份量都足夠，賣相亦好好，所以個人幾推薦呢個菜式。菠蘿海鮮炒飯，唯一嘅缺點就唔係用菠蘿殻上。咖喱麵包軟殼蟹，軟殼蟹幾脆口，咖喱汁都夠多，可以點麵包食一流。椰菜苗豬頸肉，個人覺得要改善一下，因為無論菜同肉，都好硬身好有咬口，咬到我有啲攰🤣

今日喺大角咀收工，咁就諗住喺附近食埋晚飯先返屋企，搵吓附近有咩食，發現其實大角咀都好多嘢食，見到呢間泰嘟嘟，有啲面善，後尾醒起原來係之前Error有份主持嘅異國風情畫當中阿Dee介紹過嘅。真係咁啱今日又係佢生日😂😂😂支持何啟華一哥💪呢間餐廳一入去好有泰國feel，卡位係裝修到好似泰國tuktuk咁，連扶手都一樣，真係好似搭緊tuktuk咁放工好肚餓，Order左4個野食，1杯野飲。最先上係野飲✨珍多冰✨味道好正，勁鍾意呢隻味，鹹鹹地嘅椰汁，就係平時泰國食芒果糯米飯個隻椰汁咁。飲飲下，✨炭燒豬頸肉✨都上啦，呢個豬頸肉好特別，真係有野燒住咁食，好有Gimmick👍豬頸肉亦唔會硬骨骨乾爭爭跟住芒果軟殼蟹米紙卷都上啦，芒果夠甜，軟殼蟹都脆，不過有小小over左，但不影響味道😋最後✨生菜包✨✨泰式炒牛河✨都上菜啦生菜包d肉熱辣辣，係新鮮炒起，唔似其他餐廳炒好曬就咁上碟，個人覺得唔夠辣，如果唔食得辣嘅朋友可以試下！牛河夠鑊氣，但已經好飽，食唔落啦😂連芒果糯米飯都叫唔到，唯有留返下次再嚟過食啦！

前排同朋友路過呢一間充滿泰國風嘅泰式餐廳，覺得幾吸引所以就決定入去試吓啦😂😂😂泰式生蝦配上左兩個醬汁，醬汁惹味，酸酸辣辣超級開胃😍😍😍😍😍冬陰功湯係有有驚喜，配料超多，而且10分濃味🥰🥰🥰🥰🥰🥰🥰🥰🥰🥰🥰🥰炒蜆超有鑊氣，調味得剛剛好，令人食極唔停口😂😂😂😂😂😂😂😂😂😂飲品同樣令人滿意，有椰青解渴一流❤️❤️❤️❤️❤️❤️❤️❤️❤️❤️

泰國菜周街都係，但唔係間間好食，呢間係我食過數一數二地道同正宗既泰菜，正🥳🥳🥳我同朋友二人叫左一份泰式鳳爪沙律，泰式生蝦，冬陰功湯，炒花甲，同埋飛天通菜。❤️❤️泰式鳳爪沙律鳳爪分量足夠，夠酸夠辣，又開胃又醒神。生蝦配有兩種唔同嘅醬，加上蒜片同辣椒非常惹味。冬陰功湯份量夠，又有兩隻蝦，酸味同埋辣非常適中，香料亦都非常重手，所以非常香。花甲粒粒都好大粒又多肉，而且吵得非常香口，值得一試。飛天通菜食得出好香嘅麵豉醬味，加上少少辣椒辣辣地非常惹味。椰青非常新鮮，青青甜甜，正呀。

椰青海鮮焗飯泰國餐廳經常見到呢個椰青海鮮焗飯上枱個陣已經好香椰奶味，真係好吸引！個汁係好creamy嘅椰汁，多到流晒出黎，海鮮各樣材料都幾足下，一個人食的話都已經8成飽，椰漿味道都算濃郁，可以一試。餐廳裝修得幾有feel，好有地道泰國風情，客人仲坐住架篤篤食飯！而且牆身兩邊有好多七彩繽紛嘅塗鴉同打卡位，掛咗泰國旗、 波衫等， 好啱打卡招牌黃咖喱麵包軟殼蟹賣相相當吸引，個size都幾大，3-4個人share食都得，我鍾意佢黃咖喱好香，個汁係偏杰身同偏甜， 所以送麵包一齊食都幾正👍 黃咖喱+軟殼蟹呢個配搭真係冇得輸！入面有兩三隻炸軟殻蟹！如果個包係脆會更正🤤嚟呢間餐廳一定要試嘅係佢嘅奶蓋特飲！今次嗌咗火龍果奶蓋同芒果奶蓋，非常值得一讚係佢嘅奶蓋真係幾好食，係一個高水準嘅奶蓋，好香滑而且好厚實，令我哋試完一杯後再加碼嗌多一杯！

呢間喺大角咀嘅泰國野鋪仔細細,但裝修幾有特色, 卡位用左泰國tuktuk做主題，好有feel~~其他牆身仲用左graffiti 好有活力!!先點左個開胃小菜- 米紙卷點d酸甜汁嚟食,煙煙韌韌咁, 好好味!之後就點左個泰式豬手煲, 啖啖肉咁! 惹味十足!特別深刻嘅係佢個冬陰公海鮮湯, 好足料!¾個人share都完全無問題, 有d蝦, 青口同埋草菇, 全部都好入味!再點左個泰式飛天炒戒蘭, 唔會老 ok~最後就緊係要叫返杯泰啤爽下, 有幾種俾你揀, 開心豬!

呢間泰國餐廳嘅裝修設計好吸睛, 所以無諗咁多就入左去。果然無揀錯haha係甘悶熱又潮濕嘅日子，真係好需要d口感清新嘅小吃開下胃鮮蝦扎肉米紙卷 $58 佢包得好精緻，皮薄且包得剔透，柔軟並帶嚼勁，配合青瓜，既健康又能增加口感 ，不用醬汁已超美味。串燒沙嗲(自選雞或豬)$88 半打咁花心嘅我緊係why not both 啦諗住個豬都會燒乾，但surprisingly 無喎!! 好Juicy好香好惹味食泰國野飲返杯3色冰是常識吧，椰味十足又唔會超甜 like it!!泰式菠蘿海鮮炒飯 $98 超足料啊，有海鮮、蔬果、蛋, d飯仲炒得好乾身,粒粒分明

未寫過食評，呢個真係難食到忍唔住🤩睇openrice見啲食評讚到天上有地下無咁，諗住無死啦，外賣叫左一隻海南雞，一份豬頸肉望落去正正常常，點知食落去無雞味都算，少少正常肉味都無，仲有少少似芝麻味既怪味🤮難食到全家人一隻雞剩係每人食左一舊已經無人肯食落去… 😓本身仲要因為大家都肚餓，所以無叫半隻而揀左叫一隻，而家真係唔知點算…豬頸肉就好少少啦(同海南雞比），還算入到口，不過都係太肥同幾儂。失望啊🥲

冇得去旅行，有冇學呀Dee同 Isabella咁嚟坐Tuk Tuk車幫你止止痕、頂頂癮呢？😆見到佢地食得咁滋味已經一直都好想嚟！但對我嚟講大角咀都幾遠，係奧運站唔係好識路咁都行左10分鐘左右先到。由於我一個人嚟食lunch，所以冇叫到佢啲set，叫咗Dee哥同款嘅芒果芝士沙冰(跟餐+$12) 呢杯嘢真係不得了，沙冰打得好幼滑，加埋甜甜嘅芒果粒，個層芝士咸咸地，夾個口感好正，又大杯，好值得叫！無骨海南雞飯($60) 配油飯&菜心，加埋個酸酸甜甜嘅醬，唔錯呀！

呢排見到好多人推薦呢間餐廳，約左住係附近嘅fd，過來試試。😋.🌼泰式燒大頭蝦 (3隻) $88三個大隻大頭蝦，滿滿嘅蝦膏。大頭蝦係對半切開，蝦肉好厚，配泰式辣醬，超級惹味！.🌼泰式明爐花甲鍋 $108有好多花甲係鍋底，湯好鮮甜。d花甲好乾淨，唔會有沙粒。花甲控必點！.🌼飛天炒通菜 $58泰式料理必不可少嘅炒通菜！面頭有炸蒜粒，辣椒唔算好辣。.🌼火龍果芝士沙冰 $32🌼芒果芝士沙冰 $32呢度嘅嘢飲好正，唔單止望落吸引，飲落都係好正😁。.真係好推介，介紹左比唔少朋友仔。😁