泰嘟嘟

營業中

休息中

因為疫情封關已經長達一年半，究竟香港一個咁細嘅地方仲有咩可以玩？超想念泰國嘅Spa， shopping，coffee shop，泰式美食。唯有今次食住泰國菜望梅止渴先。嚟到大角咀，距離地鐵站7-8分鐘有間叫泰嘟嘟。餐廳內真係有三㗎tuk tuk 卡位可以坐。平日7:30都已經要等位，好彩有計劃嘅情況下預訂了枱。天氣30幾度， order一杯芝士芒果沙冰，芒果香甜，平時飲品叫開少甜，今次去少甜嘅程度啱啱好，好解渴。明爐泰式汁烏頭魚熱辣辣上枱，魚身好滑。滾下滾下唔夠湯， waitress 送上一碗湯方便添加。明明話天氣㷫烚烚，點知繼續叫煱上泰色湯煮花甲。上枱都係有蠟燭煲住，食花甲係新鮮同脆。花甲同魚一樣5分鐘清晒。顧客座無虛席，大家都order一碟又一碟，幾熱鬧

無意之中發現原來大角咀好多野食，今次就黎試下係利奧坊對面嘅呢間泰菜🤣 店舖細但環境舒服，仲有幾個嘟嘟車嘅booth🙈我地到嘅時候已經係下午茶時段，見到茶餐都幾吸引，價錢都好親民！本來以為下午菜份量會好少，仲諗緊夠唔夠食😂 但炒飯以下午茶黎講真係好多下，兩個人都夠分！炒飯聞落超香，粒粒分明，炒得唔錯啊🙈 餐仲有得加小食，揀左好耐我地最後決定追加左份蒜蓉包，有兩塊，好香好好味！呢個recommend👏🏻炭燒豬頸肉賣相都超吸引！其實黎到已經係熟嘅，我諗鐵板只係有烘熱嘅作用，不過係gimmick黎嘅🙈 味道都唔錯，燒得啱啱好🙆🏻‍♀️ 飲品叫左珍多冰同泰式奶茶🥤 兩杯都係超！級！甜！如果唔中意甜野記得叫少甜🥲

之前同事介紹過呢間泰菜好食，今日放工就同老婆試吓。呢度嘅裝潢都幾用心～好彩有book檯，閒日晚上嚟到都幾多人。香芒軟殼蟹米紙卷　$78Meun上面寫話需時20分鐘，我哋大約只係等咗10分鐘就上菜。米紙厚薄適中，軟腍黏口；包住啲檬粉、軟殼蟹、芒果同生菜，口感豐富，就咁食已經清爽開胃再點埋啲酸酸辣辣嘅醬汁，更有風味。泰式明爐花甲鍋　$108湯底酸酸辣辣，好惹味，我忍唔住飲咗成碗花甲幾鮮甜，肉質肥美彈牙；啲料入面仲有啲泰式粉絲同菇，好入味好好食。原隻椰青海鮮焗飯　$88飯粒吸滿椰汁，每一啖都充滿椰香，好creamy好濃郁料同飯嘅份量好多，食完好滿足。芒果芝士沙冰　$32酸酸甜甜嘅芒果沙冰同鹹鹹地嘅芝士比例恰當沙冰打得細碎，飲得出係真材實料用新鮮芒果；芝士奶味濃郁，質感綿滑厚實，而且份量大方，飲到最後一啖都仲有好多芝士。西瓜芝士沙冰　$32西瓜配芝士呢個組合比較少見，味道好夾好fresh一飲就覺得自己好似食緊起沙嘅西瓜咁，好爽好解辣。

朋友最近買左利奧坊‧曦岸，今日車埋我去附近睇下建築，響奧運站附近轉入福澤街，泊好車睇左陣了解下附近環境，有D肚餓就搵左依間泰式餐廳入去食午餐。店舖響正利奧坊對面，招牌有架泰式車，好有旅遊feel。店內防疫措施十足，防疫隔格也有椰青，好好飲咁，夏日炎炎，就先黎個泰式生海蝦，好快六杯好得意啲生蝦連片蒜蓉就上菜，有兩款唔同啲調味汁連埋薄荷葉，一口食落去真系鮮甜好味。同時椰青已經開好送上黎，一口飲下去，當堂清涼曬，仲有椰肉可以做前菜。跟住就緊系叫番個正餐食下，我地叫左個蒜蓉炒上素同埋一碟泰式廿水木竹水蘿海鮮炒飯，依個炒飯系有個LIKE LIKE的，應該系推介之選，好快就見到滿滿一碟飯上來，有埋青口同埋一個菠蘿裝飾，飯食落香口又有豬肉鬆配搭，足料加夠獲氣。蒜蓉炒上素就配上青青的蔬菜同埋玉米仔蓮藕仔，食落香口又易入口，廚師果然功架十足。場內都坐無虛席，店內更有不少藝術塗鴉同埋波衫啲裝飾，好有去左泰國啲感覺。想不到大角咀都有這麼棒的泰式餐廳，下次駕車經過也會再來光顧！

大角咀個邊好多唔同類型的餐廳，見有呢間泰式餐幾有特色，可以坐住TUKTUK 車食野，就黎試下。佢的裝飾落咗唔少心機，啱哂打卡之人。食物同飲品選擇都有好多，如果有選擇困難的可以揀套餐。泰國金柚子蝦沙律（$88）柚子肉大大粒又甜，魚露配合少許辣，上面加了少少炸蒜片，蝦大大隻好爽甜，令呢個沙律非常啱夏天的開胃小食。冬蔭功海鮮湯（$108）冬蔭功用原隻大頭蝦，開邊兩個人食一人半隻，佢用咗好多細蝦頭去整個湯底，令個湯底有濃烈的海鮮味。辣度係無得改，因為佢本身湯底已經整好。湯底辣得黎係偏酸，因為香港好多餐廳的冬蔭功湯夠辣但唔夠酸，但呢到做到我的心意，湯係用鍋上，入面有明火熱住個湯，食完個沙律先飲湯都唔會凍哂。湯底除咗蝦之外，仲有好多配料: 蕃茄、秀珍菇、草菇、青口同魷魚，唔好睇佢細細鍋，兩個人飲已經好飽了。香芒軟殼蟹米紙卷（$78）米紙很薄很通透，卷咗芒果、軟殼蟹、生菜同米線，芒果的甜中和軟殼蟹的油膩，卷埋的份量好大，非常飽肚，仲發現咗有另一個食法係放入去冬蔭功海鮮湯，令米紙卷索哂冬蔭功的味。左：泰式奶茶（$26）食泰國嘢點可以唔叫泰奶呢？落單個陣叫咗少甜，店員提醒泰奶係偏甜的，多啲冰食無咁甜，但

泰嘟嘟係一間裝修幾有泰國feel嘅餐廳，因為餐廳嘅燈光好似泰國夜市咁色彩繽紛，牆上面仲有啲塗鴉，最特別嘅係仲有3個用咗泰國篤篤車(tuktuk🛺)做主題嘅卡位，真係非常之有特色～其實我同同事間中lunch都會食呢間嘅外賣，lunch都算幾好食又抵食，我哋經常食佢嘅冬蔭功湯/喇沙湯金邊粉，同埋泰式蝦醬炒飯～ 呢次就專登同朋友嚟試下堂食～當晚我哋2個人食，又無book位，就無緣坐到🛺卡位喇～ 佢哋嘅上菜速度超快，不過張枱有啲窄，加上我哋叫咗2人餐+個冬蔭海鮮湯，加埋係4樣食物+2杯飲品，所以張枱真係有啲迫，幾乎擺唔落呀🙈 同埋佢哋晚市都一樣好多人，用餐有限時90分鐘。•📸 二人餐 (包括3款自選菜式+2杯熱飲) $238🥢 泰式菠蘿海鮮炒飯呢個菠蘿炒飯無裝返落個菠蘿殼到，只係有個1/4菠蘿殼喺旁邊做裝飾🤣炒飯炒得幾乾身，做到粒粒分明又唔會好油👍🏼海鮮方面都係急凍海鮮，有蜆肉、蝦、青口、魷魚等，正正常常嘅；飯粒帶少少咖喱味，但炒得唔係好夠鑊氣，而且啲海鮮配料炒得唔入味，整體一般～•🥢 招牌黃咖喱麵包軟殼蟹呢個一上枱就好香噴噴好吸引🤩 麵包磚新鮮烘起，淋上金黃嘅咖喱都仲有脆卜卜嘅感覺！😋黃咖喱

近日愛上泰國菜，今次這間店面不大，但感覺好像真係走入了泰國人的食市一樣，佈置好有泰國食店氣氛。天氣實在太熱了，先叫了一杯冰凍的飲品，菠蘿芝士沙冰及芒果芝士沙冰，好fresh，好夠凍又不太甜，果肉夠多，正！鐵板蠔仔炒蛋：D蛋煎得好香，D蠔都算多，夾埋一齊食，好豐富！泰國金柚子蝦沙律：好大碟，真材實料，蝦及柚子份量都足夠2人食，食材新鮮，雖有少少辣，但味道好開胃！鐵板牛仔骨：一樣超大碟，看似食不完，慶幸最後也能吃完！牛仔骨多肉，煎得香口，勁有黑椒味，肉質也嫩口，沒太多筋，不錯。

這間位於大角嘴內街既小店，諗住平時無咩人，好彩老友book左枱，7點已經滿滿, 事實上成晚門口都有十幾人排隊。餐廳大有幾款套餐，平均70-80零蚊一個菜式，已經有明爐魚生蝦等貴價菜，整體上幾多選擇。海南雞半隻份量算大，雞皮下有點油脂, 整體黃黃的, 用左大量黃薑粉上色，食落肉質比較滑，配上Thai 式汁感覺開胃。青檸暖暖明爐魚係最有特色最出色的一道菜，枱枱都有叫，明爐熱辣辣，汁調配得酸度剛好，魚肉又滑口, 5分鐘清左食浄條骨。明爐花甲鍋中既花甲脆脆的，份量有半斤蜆，性價比幾高，唯一問題係咸左D。飲品選擇很多有驚喜，mango cheese smoothies好清新。建議大家平日黎同訂定位。Openrice有85折買$100現金券

今日同朋友嚟咗大角咀食泰國嘢🤪🤪一入到去就見到佢充滿泰國特色嘅佈置🇹🇭🇹🇭我哋坐嘅卡位更加係一個tuk tuk車嘅設計添，好掛住泰國呀😢😢串燒沙嗲 ($88)一半豬一半雞嘅沙嗲串串，燒得好香又好入味，加埋個香濃嘅沙嗲汁有微微嘅甜味同埋好濃花生味，食落真係好夾😋😋泰式肉碎生菜包（$88)呢個差唔多係我食泰國菜必點嘅菜式🤣🤣好鍾意食泰式嘅肉碎😋😋呢間舖頭炒出嚟嘅肉碎睇落好淺色🧐🧐可能因為咁，亦都唔會好辣，但係仍然有熟悉既泰式味道，配埋生菜包好好食，仲要勁大份添😆😆泰式經典明爐烏頭 ($138)🐟又係一道好鍾意食嘅泰國菜😝😝烏頭魚浸住啲酸酸甜甜嘅汁，食落好滑，旁邊仲有配多個微辣嘅酸甜醬添🤤🤤另外仲有多一碗湯俾我哋可以中途再加多啲湯，咁就唔怕煲乾啦😉😉雞絲炒金邊粉（$76)金邊粉份量好大仲有好多雞絲添，炒到濕濕地，同埋有少少偏酸，好開胃🤣🤣📍 泰嘟嘟 (大角咀)大角咀利得街14號地舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #food

Thai prawn sashimi 6 Pieces 泰式生海蝦6隻🦐 $88個海蝦刺身好似酒杯咁一shot shot 🥃 擺盆勁給睛，條條海蝦都好新鮮同埋肥美😍連埋自家製嘅橙色同埋綠色泰式辣醬，完全突顯到蝦本身嘅鮮甜味道，值得推介！Charcoal broiled pork tender 炭燒豬頸肉 🥓 $78個豬頸肉好似有啲燒烤味咁，口感仲一啲都唔韌，連埋好靚嘅爐一路喺下面控制住豬頸肉嘅溫度，貼心得來影相出嚟仲好靚📸Yellow curry fried crab with baguette 招牌焗黃咖喱麵包軟殼蟹 🦀🥘 $168呢個招牌菜果然名不虛傳，黃咖喱嘅份量好多，多到滿倒瀉晒出嚟好吸引呀❤️咖喱仲有香濃嘅椰汁同奶香味，辣度適中啱晒我口味👍🏻仲有好多軟殼蟹肉添，連埋烘到熱辣辣嘅麵包一齊點嚟食真係好滿足呀🍞Dragon fruit cheese smoothie 🧀 火龍果芝士沙冰 🍧 $32呢款沙冰邪惡得來都算健康😈餐廳用咗紅肉火龍果好高級，成杯飲品調劑出嚟嘅效果仲好靚💕，連埋面頭濃厚嘅芝士奶蓋，鹹鹹地味道仲好夾添，我個人非常鍾意😌Fresh mango cheese smoo

泰嘟嘟👻放工想食泰國嘢見到大角咀依間泰嘟嘟搭兩個站就黎到奧運站都算幾方便～入面既格局都幾有特色成個泰feel出哂黎😆.🔅泰式肉碎生菜包 HKD 88每次泰國野必點肉碎有少少辣味啱啱好可以刺激下味覺再加埋啲青檸即刻好開胃😚🔅泰式經典明爐烏頭 HKD 138大大條既明爐烏頭配埋唔同既香料滾下滾下咁佢仲配埋一碗湯可以食下再加條魚好滑又多肉☺️🔅雞絲炒金邊粉 HKD 76足料又大大碟豆乾雞絲都唔少佢啲花生碎同辣椒放係一邊可以依自己喜好加落去🔅香芒軟殼蟹米紙卷 HKD 78好大舊既米紙卷軟殼蟹夠脆芒果又夠甜配埋佢酸酸甜甜既汁一點要加埋個汁成件事昇華咗🤣.整體黎講：高質泰菜 性價比高😚.🎈 泰嘟嘟 (大角咀)大角咀利得街14號地舖

大角咀呢間餐廳真係好旺，細細間舖勁多人等位同等外賣，入面完全係座無虛席。餐廳入面最正就係真係有幾駕督督車，俾大家坐喺入面，超有玩味又IG-able 香蔥蒜蓉包（推介）本身都無打算叫蒜蓉包，但見倒附近每一枱都食緊，一於叫埋。蒜蓉包勁重蒜味，大大舊得黎又焗得勁脆，好食喎~  泰式生海蝦（推介）食得泰菜，又點少得生蝦?! 呢個蝦有2種唔同醬汁浸住，一隻係泰式青醬，一隻係泰式辣汁。兩隻味都係辣新地，好fresh嘅泰式味道，加落生蝦入面勁鮮味。 馬拉盞炒椰菜苗本身對於炒椰菜苗都無咩expectation，馬拉盞味道好濃，椰菜苗又好新鮮，加埋個味道真係好夾。 原隻椰青海鮮焗飯呢個用椰青裝住嘅海鮮焗飯勁邪惡，真係不得了。海鮮焗飯個汁係好creamy嘅椰汁，擺入椰子入面，海鮮料都算多，一個都夠曬飽，超滿足! 珍多冰（推介）呢個珍多冰係完全無期望，但勁surprise嘅飲品，椰汁底唔會太甜/太creamy，仲要幾開胃，再加埋少少大樹波羅，珍多好滑口感唔錯，呢杯有驚喜!

疫情下無得去旅行，唯有去食下泰國菜，自己去左轉泰國🇹🇭。泰嘟嘟嘅tuk-tuk設計令成件事更有泰國feel添！🛺餐牌上嘅選擇令人眼花撩亂，兩個人揀下揀下，揀左成5個餸。好快已經上齊曬菜，唔洗兩隻餓鬼等咁耐。頭盤叫左泰式酸辣鳳爪沙律，酸酸甜甜好開胃，不過食食下就有少少辣，怕辣嘅朋友就要留意下喇。主菜就有招牌焗黃咖喱麵包軟殼蟹同埋泰式菠蘿海鮮炒飯。賣相吸引，味道又好😋食泰國菜當然唔少得馬拉盞炒通菜同冬蔭功海鮮湯啦！炒通菜非常惹味，夠曬鍋氣。冬蔭功湯有個爐熱住，唔洗驚凍曬，而且啲料好足，又有菇又有蝦，味道足，又唔算咁辣，老少咸宜。環境衛生，價錢適中，服務態度好，又有打卡位，推薦👍🏻👍🏻！

呢間小店嘅裝修好有feel有一刻真係覺得自己去咗泰國旅行😭😭😭😭（點解大家咁慘只可以睹物思旅行）坐係度真係好似搭緊TUK TUK好chill 我地2個大胃王嗌咗5道菜，當中當然有我最愛嘅海鮮冬陰功湯，啲料好足，除咗好大隻嘅蝦之外仲有魷魚青口等等，每一啖都係肉每次(but)都好期待同埋好奇會係邊種豐富嘅海鮮，同埋平時自己屋企都會煮下冬陰功嘅，所以留意到呢間啲椰漿味道好濃郁，令到我留下深刻嘅印象因為好香口，我一個人已經飲咗三大碗，好滿足～然後係菠蘿炒飯，諗起友人一見到配料有三色豆就好恐慌嘅樣就覺得好搞笑😂😂 而我一個唔驚三色豆嘅人依然就覺得呢個飯會香口亂雖然有人好驚食三色豆但係佢都不得不對呢度色香味俱全嘅菠蘿炒飯作出正評然後我第一次食軟殼蟹麵包咖喱好特別，軟殼蟹啖啖肉好正，如果多啲汁就好啦因為啲咖喱汁蘸麵包好襯呢

疫情令到好多人無得去旅行🥺但係！！竟然比我搵到間有泰國feel既餐廳🤍裝修、餐具、音樂等等都令我覺得好似去左泰國咁！！.希望下次黎可以坐到tuk tuk位😭同男朋友揀左二人餐，$238可以揀3樣野食除返開唔洗$80就有一樣野食😳仲可以半價加野飲添啊～～.我地揀左泰奶同龍眼冰依度既泰奶比較重奶味 我覺得重返茶味會更加正龍眼冰不過不失～食熱氣野必點😆.小食拼盤性價比超高！！！擺滿哂個盤咁濟- 名物之一既月亮蝦餅🤍🤍 超厚身好彈牙～咬落好重蝦味！必食～記得點埋泰式酸辣醬🤤- 春卷 炸得脆身又爆餡，配沙嗲醬好正- 炸雞翼 無咩特別- 雞串燒 咬落好juicy😍.鮮蝦炒金邊粉- 大大碟，兩個人食都覺太多- 除左鮮蝦仲有魷魚同蜆等等配料 好豐富😆- 如果再重啲蕃茄醬味就101分👍🏻.飛天炒通菜- 食完真係燒飛天🤣好好食～個汁完全帶出通菜既鮮味- 通菜夠新鮮完全無渣😋.炭燒豬頸肉- 真係連爐上既豬頸肉！！keep住熱真係寧舍好食- 豬頸肉出面燒到卜卜脆 但入面燒得岩岩好🤤juicy得黎完全唔會乾 又好嫩🥺🥺.除左2人餐之外 我地仲另外叫左半打生蝦shot- 勁有心機一半辣汁一半唔辣 照顧到唔同既人😋