影片
更多
2021-09-07
25 瀏覽
早排女朋友喺社交網站見到朋友坐喺泰式篤篤車入面一路食飯一路打卡，於是佢就叫我帶佢去試吓，今日放假一於就帶佢去呢間位於大角咀嘅泰國餐廳- 泰嘟嘟啦！一入到去餐廳，已經俾佢七彩繽紛嘅裝飾吸引住，冇諗過佢嘅裝修咁有特色，兩邊牆上佈滿七彩繽紛的塗鴉、國旗、波衫等等，最特別嘅當然係模擬泰國的篤篤車嘅卡位啦！坐低之後我哋就即刻睇吓Menu有咩食，果然都好多選擇，最後我哋叫咗以下食物：1. 泰式鐵板蠔仔炒蛋 $88 蠔仔炒蛋係用鐵板上，所以上枱後仍然keep住新鮮熱辣辣，蛋煎得好香，而蠔仔都算多，食落有鮮味，炒蛋下面仲有芽菜墊底， 點埋佢附送嘅秘製辣醬汁，夾埋一齊食，真係好有泰式風味，正呀！2. 蒜蓉炒上素 $58 蒜蓉炒上素有好多唔同嘅雜菜：有西蘭花、椰菜、芥蘭、蓮藕、菇等等，鑊氣十足，加上蒜蓉獨特香味，令雜菜惹味非常，不過略偏油3. 芒果糯米飯 $58食泰國菜又點少得芒果椰汁糯米飯依個甜品呢？芒果食落同平時食開嘅唔同，有特別嘅果香，估計應該係鷹嘴芒，食落香氣撲鼻清甜，糯米飯柔軟煙韌混合香滑濃郁嘅椰漿
一入到去餐廳，已經俾佢七彩繽紛嘅裝飾吸引住，冇諗過佢嘅裝修咁有特色，兩邊牆上佈滿七彩繽紛的塗鴉、國旗、波衫等等，最特別嘅當然係模擬泰國的篤篤車嘅卡位啦！
坐低之後我哋就即刻睇吓Menu有咩食，果然都好多選擇，最後我哋叫咗以下食物：
1. 泰式鐵板蠔仔炒蛋 $88
蠔仔炒蛋係用鐵板上，所以上枱後仍然keep住新鮮熱辣辣，蛋煎得好香，而蠔仔都算多，食落有鮮味，炒蛋下面仲有芽菜墊底， 點埋佢附送嘅秘製辣醬汁，夾埋一齊食，真係好有泰式風味，正呀！
2. 蒜蓉炒上素 $58
蒜蓉炒上素有好多唔同嘅雜菜：有西蘭花、椰菜、芥蘭、蓮藕、菇等等，鑊氣十足，加上蒜蓉獨特香味，令雜菜惹味非常，不過略偏油
3. 芒果糯米飯 $58
食泰國菜又點少得芒果椰汁糯米飯依個甜品呢？芒果食落同平時食開嘅唔同，有特別嘅果香，估計應該係鷹嘴芒，食落香氣撲鼻清甜，糯米飯柔軟煙韌混合香滑濃郁嘅椰漿，真係無得頂呀🥰
4. 泰式乾炒牛河 $68
牛河炒得好夠獲氣，牛肉鮮嫩，肉片份量都好足，性價比高！
今餐女朋友食得超開心，食物完全滿足味蕾，又可以打到卡影相，值得一來！
張貼
