泰嘟嘟

營業中

休息中

晚市冇堂食，放工又想食啲好野，返屋企途中咁啱路過呢間咁別緻嘅泰國小店，於是今晚晚餐就決定試下佢嘅外賣。店入邊嘅裝潢都好有泰國特色，仲有啲tuk tuk 車卡座，好想快啲有得去旅行今晚食住泰國菜解癮先，第一道菜我地就試左呢個泰式肉碎生菜包，啲肉碎辣辣地好開胃，再滴少少檸檬汁解滯。再黎就係呢個小食拼盤，一道菜可以試晒四個唔同小食，唔錯跟住就係泰式海鮮炒貴刁，啲蝦又大隻又多，鑊氣味道都係一流，好有喺泰國食嘅味道，份量仲幾足，夠晒兩個大人食。最後就黎到甜品啦，經典泰國甜品，芒果糯米飯，糯米飯軟糯可口，椰漿味十分濃厚，再搭配埋芒果一齊食，口感非常清新，簡直食到停唔到口疫情下喺屋企都可以食到咁高質嘅泰國菜，算係解左少少冇得去旅行嘅愁推介呢間泰國菜小店

呢間泰國餐廳細細間，裝修幾特別，唔係平時傳統泰式嘅裝修設計，但係都會有種泰國嘅氛圍。最特別係行入少少，有呢一種卡位，可以坐四個人。因為剛好係疫情關係，所以冇堂食，要外賣。午市套餐都唔係好貴，幾十蚊就有人多嘅朋友仔仲可以揀套餐添小食同湯粉嘅套餐都有。今日叫咗個生菜包，啲豬肉好香口，加少少檸檬汁，好開胃。不過有少少辣，同埋份量比較多，所以生菜唔係好夠，食淨左嘅肉唯有留返聽日送飯😂呢份豬頸肉，外脆內軟，份量好多，而且果醬都好好食😋呢個蜆真心推，蜆好新鮮，無沙。個咖哩汁好惹味，送白飯一流👍🏻望落粉絲有啲細份，睇原來食落都唔少。味道偏淡，加返少少咖哩汁就剛剛好2人份量就真係叫多左。加埋個冬陰公湯，好開胃，食到好飽。似係3人份😂

大角咀多野食就係人都知呢間泰國餐廳出邊更加排滿晒買外賣嘅人入邊亦都係坐滿晒好似好好食咁餐牌嘅選擇非常之多同埋價錢非常之親民仲有佢個lunch menu 都係$60樓下睇到隔離枱叫嘅豬手飯勁大碟賣相超靚仔下次嚟一定要食泰國菜咁多個種類入邊我哋就最鍾意食沙律所以今次嚟到都係主打沙律泰式酸辣鳳爪沙律嘅味道會偏甜少少但係份量相當之多成碟有成十幾隻後期越食越辣，感覺非常之爽泰式青木瓜豬頸肉沙律酸酸甜甜非常之開胃車木瓜嘅軟硬度控制得好好，略嫌有少少唔夠辣豬頸肉非常之有咬口同好厚切肉類加埋解膩嘅青木瓜非常之咁夾香芒軟殼蟹米紙卷嘅米紙卷相對比出邊嘅厚身，但咁樣就增加左佢嘅咬口芒果相當之甜，配搭埋炸到好脆嘅軟殼蟹配搭一流飛天炒通菜食落真係超辣但係越食越停唔到口非常之好食飲品方面我哋叫咗青檸梳打同埋鹹檸檬七喜，解辣解渴簡直就係一流題外話店員嘅服務態度超好，好值得欣賞

利奧坊個邊開左好多新式靚餐廳，之前去朋友屋企曾經係度食過晚飯，環境裝修都好得意，有篤篤坐位之餘周圍佈置都好有泰國feel，今次再搵朋友，無晚市之下，外賣一樣咁好食!泰式酸辣鳳爪 $68除左無骨鳳爪之外，配菜都係亮點，好多蘿蔔絲洋蔥絲蔥同芹菜等等，個汁酸辣味濃，好開胃兼辣得過癮。泰式肉碎生菜包 $88肉碎半肥瘦岩岩好，炒到好香，唔會太乾帶點juicy，生菜新鮮爽脆。蕉葉烤焗烏頭 $108今晚驚喜之一，雖然係外賣，但不失烤魚既風味，有點焦香又有淡淡葉既香氣，魚肉仲係juicy，有魚鮮味，就咁烤熟已經好好食。爆炒鐵板牛仔骨 $88牛仔骨唔韌帶點咬口，洋蔥同三色椒甜甜地。入口有獲氣味道，只係略略濕左d，如果炒得再乾身會更正!整體黎講全部都好好味，特別係條烤魚好有風味，期待晚市重開再幫襯!

本身阿哥餐生日飯預咗出街食，但奈何疫情嚴重，要留喺屋企🏡。雖然係咁，不過最緊要都係一家人坐低一齊食飯。我哋唔想呀媽咁辛苦煮，所以決定上網訂嘢食，最終揀咗位於大角咀嘅「泰嘟嘟」。點解揀佢？其一有朋友推介，另外佢仲係良心小店呢💛。我哋喺外賣App落定單，計啱時間準時有得拎。同時，餐廳人氣好高，落雨都無阻買外賣嘅人！食物即叫即整，我哋揸車拎到返屋企都仲保持到溫度🔥。食物質素不比堂食遜色，而且值得一提嘅係佢份量好多，佢個外賣盒係大Size嗰種。小食拼盤($148/大)，拼盤內容好豐富😍，份量多到一個盒都裝唔晒。小食包括蝦餅、春卷、串燒、雞翼、香葉包雞同魚餅。雖然佢哋大部份都係炸物，但難得地唔會乾淨淨。我最鍾意炸雞翼🍗，因為肥美得來仲好重香茅味。串燒都幾好，但得豬同雞各一串，有少少唔夠喉。泰式鐵板蠔仔炒蛋($88)，蠔仔炒蛋勁大份🍳，煎得幾香口。🦪蠔仔大大隻，鮮味十足，唔腥無殼，配埋芫荽蔥同芽菜炒，口味正宗。不過留意返呢道菜式比較易出水。豬頸肉啫通菜煲($76)，馬拉盞炒通菜好惹味，蒜香辣椒樣樣兼備，令人食上癮💚。通菜幼嫩，質感爽脆。開頭以為比漏咗豬頸肉，但原來混咗喺入面。泰皇咖喱牛筋腩煲($1

泰國菜就成日都食，但係通常都係比較偏貴，同埋份量都少。不過呢間泰菜就覺得cp值幾高，價錢唔貴得黎，分量都幾足。因為冇堂食嘅關係，所以我哋叫咗外賣，不過味道都唔錯。1. 香蒜蓉包(六件) 8/10🤤蒜蓉包焗得幾香脆，另外蒜嘅味道都幾重，餐廳都有幫我哋喺外賣盒上面拮窿，所以拎到屋企都唔怕會淋曬，值得加分。2. 印度薄餅兩件 7/10 因為我哋有叫到咖哩，所以另外叫咗薄餅去點汁，薄餅厚薄適中，點汁啱啱好可以索曬啲汁，但係又唔會太膩。3. 黃咖哩菠蘿炒花甲9/10 🥰🥰💕真係幾高質，花甲好新鮮，咖哩嘅香味浸曬入花甲入面，而且份量都唔少。4. 馬拉盞豬頸肉炒河粉 8/10最後就係主食，煮食嘅份量都幾滿，另外廚師炒得幾有鑊氣。

印度薄餅兩件$32，薄餅大大塊，煎得好香脆，就算去買外賣拎到返屋企外皮都仲係好鬆脆，用嚟點咖喱或者就咁食都好好味。馬拉盞肉碎茄子煲$78，非常之大份，肉碎嘅份量好多，馬拉盞嘅味道都幾香，而且茄子煮完同埋焗完都仍然係呈現紫色，感覺好新鮮，唔會林晒一pat pat。招牌去骨豬手煲$98，去骨海南雞就見得多，去骨嘅豬手都係第一次見，所以食落超級方便，淡淡都係肉，肉質唔會好乾柴，豬手嘅皮都問得好軟熟。蕉碟烤烏頭$108，醃料非常特別，係之前未試過嘅味道，好似有甜甜地嘅紅蔥頭，而且烤焗嘅時間啱啱好，肉質好鮮味。

$60 一碟嘅海南雞飯🐔仲要包嘢飲唔怪得知佢哋話要蝕本啦🍂🍂一碟飯既雞件超過10件以上🤘🏻件件雞啖啖肉🥰雞肉口感鮮嫩👍配上酸辣嘅醬汁….惹味開胃😋😋😋油飯香口入味，粒粒分明+$18 加點蒜蓉包2件上碟新鮮熱辣…香脆可口⋯本身對佢個咖喱麵包軟殼蟹好有興趣不過感覺佢個份量好似好大擔心一個人會食唔晒希望下次可以叫幾個朋友一齊可以試多啲佢嘅嘢買單$78⋯⋯沒有服務費感覺性價比相當高💛💛💛P.S.: 餐廳係呢啲時勢搵食艱難，特別係小店希望OpenRice係呢啲時候都可以同小店共渡難關行政費可以收少啲啦😊

餐廳既裝修充滿住泰國特色, 睇左當自己去左一轉泰國先啦😉 食物選擇方面都幾多, 去既時候仲有下午茶食添, 而且價錢都幾抵🥰雞柳炒金邊粉🐓($38)以下午茶黎講佢份量都算多, 仲要咁啱食果日凍冰冰, 食完成個人即刻暖曬☺️ 配料黎講佢都算多, 味道都控制得啱啱好, 最重要係乾濕度啱啱好😉扎肉撈檬拼雞翼🐖($42)撈檬基本上係冇得輸, 不過今次太貪心一次過落得太多汁搞到個粉有啲太酸😂 單骨雞翼炸到好脆, 有啲似家鄉雞既感覺, 扎肉就正正常常咁啦😁冬蔭功金邊粉🌶($48)凍冰冰既天氣飲返碗熱辣辣又充滿海鮮味既冬蔭功湯, 再加埋爽口彈牙既金邊粉, 配埋唔同既海鮮, CP 值高🥰泰國經典船麵🍜($48)呢個船麵有啲驚喜, 湯底係好濃郁既八角味, 仲有蘿蔔, 牛丸, 炸豬皮, 全部吸曬啲湯汁都勁好食, 仲可以揀唔同既麵底, 今次揀左最夾既河粉, 掛曬啲湯汁, 食到最後都忍唔住飲多幾啖湯😂月亮蝦餅🍤($18)見呢個都幾多人推介於是就跟餐叫加$18叫左, 蝦餅比較薄身, 餅皮中間夾住左彈牙既蝦肉, 可以一試🤓印度薄餅🥠($18)呢個薄餅牛油味勁香, 仲要有8小塊咁多, 我覺得幾抵食🤩所有下午茶餐都會跟一

一行入去餐廳就比佢既裝修佈置吸引左，有泰國國旗、泰國球衣、泰拳拳套等等，最吸睛係佢既卡位佈置到好似tuk tuk 咁，令人仿如置身泰國一樣😍😍😍🌟雞絲炒金邊粉金邊粉份量多，有雞絲、芽菜、花生碎，食落好香口，滴埋青檸汁就更加惹味，酸酸甜甜，非常開胃！😛🌟泰王咖喱牛筋腩煲 & 香蔥蒜蓉包呢個咖哩牛筋腩煲超惹味，牛筋腩份量多，每件牛都煮得好淋好入味🤤，配埋青椒、紅椒、薯仔，味道正宗泰國菜！專登叫份香蔥蒜蓉包點咖哩黎食，蒜蓉包好軟熟，蒜蓉味香濃，加上咖哩汁真係絕配！👍🏻👍🏻👍🏻😋🌟炭燒豬頸肉見好多人都叫炭燒豬頸肉，我都跟風叫份黎試下，用炭火燒過既豬頸肉真係零舍好味😋🤤，可以消除豬肉本身既膻味，豬頸肉口感結實有嚼勁，肉質細緻爽口帶油份☺️📍泰嘟嘟 (大角咀)大角咀利得街14號地舖

大角咀都幾多嘢食今日口痕想食啲酸酸辣辣嘅泰國嘢呢間泰嘟嘟 外賣自取返到去食物質素都仲keep到絕對會再幫襯泰國金柚子蝦沙律柚子有調過味 而且面頭有蒜片同櫻花蝦？整體食落十分惹味同出面嘅柚子沙律好唔同令人一啖接一啖食唔停口呢泰式蟹肉炒粉絲起初有啲擔心外賣焗咗一陣粉絲會唔會唔好食但食落仲仍然彈牙 蟹肉睇落唔多但係好鮮香 撈勻食好好味泰式肉碎生菜包肉碎重酸辣味 而且青檸汁嘅味道好出就咁食會太濃郁加埋生菜包配搭清新 作為前菜好開胃馬拉盞西蘭花炒蓮藕依碟超級驚喜 係我嘅最愛兩種蔬菜都炒得岩岩好 香口爽脆 加埋面頭嘅蒜粒好惹味開頭睇落份量好似唔多但蓮藕切片堆埋一齊 兩個人食好滿足整體來講依間餐廳嘅泰菜比較惹味我個人超鐘意 滿足咗我嘅酸辣泰國胃

今日去咗大角咀搵朋友食晚飯，佢知我好鍾意食泰國菜，於是就帶咗我去呢間泰嘟嘟餐廳。餐廳偏細，座位不算很多，但勝在裝修非常別緻，看得出老闆有用心設計。我哋叫咗冬陰功湯，湯料十足，而且味道非常濃郁雖然望落去好似好多辣椒但其實對於一向食唔到辣嘅我來講完全冇問題。泰式辣椒膏炒青口，超正青口大大隻好肥美，食落好新鮮冇雪藏味配埋惹味辣椒膏簡直一絕，再加埋三色椒炒得好爽口，食落超甜。朋友好鍾意食蝦，所以我哋叫咗招牌咖喱大花蝦，啲蝦真係超大隻，食落好爽口彈牙，值得推介除咗海鮮，我哋仲嗌左飛天炒通菜，辣度仲可以選擇，啲菜食落好爽口，鑊氣十足另外還要提一提佢嘅泰國金柚子蝦沙律，食落好清新，好開胃最後要特別讃下嘅就係佢哋嘅服務態度非常好上菜又快，還提供會員儲分制度，所以下次再嚟大角咀我一定會再食

這間餐廳一直很想食，可惜最近疫情太嚴重，無法堂食，不過發現原來有做外賣生意，馬上去了買外賣回家食.值得一讚是，外賣比堂食份量多很多，盒本身大，還要塞滿整個外賣盒，真心抵食.加上外賣盒質料好堅硬，又實用，用完洗乾淨還可重覆使用，所以建議用完不要掉了浪費😉💠去骨海南雞配油飯（半隻）$98Hainan Chicken Rice in Thai Style(half)海南雞可叫例牌、半隻和全隻，半隻份量已經很多.雞皮金黃誘人、肉質嫩滑，還要無骨，食得方便又好味😋油飯金香，米粒軟熟.💠鮮蝦札肉米紙卷 $58Vietnamese Salami Rice Wraps w/ Prawns有6大件，每件也塞滿材料😏👍🏻大大隻鮮蝦，米粉份量又多，入面還包著生菜，札肉絲，紅蘿蔔絲，味道很清爽😙跟配有酸汁，不過汁的份量比較少，不能cover 所有米卷.😢💠串燒沙嗲（半打）$88Chicken Barbecued可叫雞和豬，個人比較喜歡雞肉，所以叫全部雞.雞肉燒得焦香，又不嚡，配合沙嗲醬味道玫更香濃😽💠泰式濕炒河 $68Fried Noodles w/ beef in gravy 比起乾炒河，濕炒河更好食😋汁和

呢日過咗大角咀嗰邊開會，我知呢邊好多嘢食，收工後直接喺到買埋晚餐先返去。女友今晚竟然有明確指示話想食東南亞菜，所以我好快就經已鎖定目標。本身仲頭痛緊食咩，店員話而家全日都可以嗌午市套餐，抵啲咁話喎。晚市可以五六十蚊落樓實在難得，茶記嗌個小菜都要咁上下。午餐有九款選擇，大部份都好吸引。第一個餐嗌咗蟹肉炒粉絲，粉絲比起炒粉炒河感覺無咁heavy同健康啲。蟹肉雖然拆到好碎，但其實撈埋食都幾多，每啖都食得到，而且最重要係真蟹肉，而唔係Hea你比蟹柳。粉絲幾爽又唔油，女友果然識食。第二個餐就嗌咗招牌海南雞飯，始終我係仔，要食返啲飯落肚至夠飽，哈哈。成盒飯都黃啊，同餐廳一樣，你懂的💛。油飯唔錯，夠入味，但如果乾身啲更佳。雞肉好滑好嫩，雞皮好爽，佢唔係完全去骨，例如翼位無，但我覺得冇乜所謂。我哋另外仲嗌咗菜同小食，雖然套餐有得加配，但心水唔係入面，而且店員話份量唔會太多。蠔仔炒蛋勁正，佢應該係泰式蠔餅，啱哂女友食，因為唔腥又無蔥，佢價錢係貴過午餐，不過份量亦然，我哋食淨左一半，留返第日帶返工做晏。馬拉盞豬頸肉炒通菜好惹味，每條都好爽，鹹香十足，份量同樣多，不過菜多多都食得哂。套餐其實包嘢飲，但我冇轉

泰式馬拉盞炒椰菜苗，$68，平時喺街市好少見到有椰菜苗賣，所以通常去泰國餐廳食飯，都會叫椰菜苗，今次呢個椰菜苗好嫩好新鮮，唔會好老好多渣，而且控制火候得好好，炒得好翠綠，馬拉盞嘅甜味亦都唔錯，唔會好辣。泰式鐵板蠔仔炒蛋，$88，非常大份，蠔仔嘅份量亦都好多，炒蛋唔會好老，入邊仲keep住好滑溜，底下仲有芽菜薦底。去骨海南雞配油飯半隻，$98，海南雞雞肉好嫩滑，而且唔會好肥，雞皮嘅厚度適中，唔會有好多脂肪，油飯亦都好香。價錢算係幾實惠，份量都唔少，所以性價比回頭率幾高。