泰嘟嘟

營業中

休息中

今日來利奧坊商場對面一間泰國菜小店食晚餐，晚飯時間座無虛席，就算訂咗位都要等一陣先可入座，店內的佈置陳設好有特色，有霓虹燈同塗鴉牆裝飾。椰青🥥好大個好多汁，椰汁清甜，清新解膩，椰肉都好軟身，好容易刮到出嚟。泰式酸辣鳳爪沙律🥗無骨鳳爪爽口入味，配埋洋蔥絲同木瓜絲清爽解暑，酸酸辣辣十分開胃，辣味有後勁，會越食越辣🌶泰式經典明爐烏頭🐟呢個價錢食到呢款菜式都幾抵食，烏頭幾大條，新鮮多肉，湯底酸酸辣辣好惹味，下面放咗好多粉絲，吸收左魚嘅鮮味同湯汁👍🏻泰式辣椒膏炒花甲醬汁好香好惹味，少少辣多多咖喱香，花甲肥美新鮮，送飯一流😋整體來講，食物質素不錯，款式多，價錢合理；雖然舖頭比較細，枱櫈比較窄，但以小店形式來講幾有特色；店員親切有禮，小店經營顧客多人手少係會比較忙，大家都體諒。

位於大角咀的泰嘟嘟份量激大份而且價錢都要十分親民，所以每次來都爆滿。 小食拼盤入面有4款的小食，沒想到$108份量會咁多，蝦餅啖啖肉炸得香口，春卷和雞翼都不錯，串燒如果再熱點就更好食。沒想到這個炭燒豬頸肉會連爐上，豬頸肉慢熱仲可以迫到啲油出來抵讚，肉質都軟熟。 鮮蝦扎肉米紙卷原來是King Size，入面材料新鮮配上開胃醬汁幾清新又飽肚。 想食簡單點清點就選了個青咖喱雜菜煲，什菜都入晒味，青咖喱微辣而且好香椰香。叫了咖喱當然都配返個印度薄餅，來到已嗅到好香，皮夠酥脆，已切得細細片又新鮮方便嚟點咖喱。 我們都沒想過份量咁多，都有點吃不完，但每都不用$190真心抵食又好味。

這間小店從電視飲食節目中介紹，自己未去過泰國旅行，所以對這間有篤篤車特色座位特別感興趣，加上食物賣相精緻，就即刻從openrice訂位。今日與朋友早到這間小店，店內女侍應非常有禮請我們暫坐其他座位，待有顧客結帳離開才安排我們坐篤篤車卡位。等了一陣，我們安排入座並點菜，我們選了一個2人套餐並加配飲品，包括一個拼盤（炸物外脆內軟），泰式海鮮菠蘿炒飯（甜甜地）及炒蕹菜豬頸肉（微辣），一杯椰汁冰及一杯珍多冰（濃濃椰汁味），整體好滿意，會有下次

呢間餐廳岩岩開既時候討論度已經極高，因為佢既裝修風格感覺好似置身係泰國既Tuktuk入面🔊🚖可惜我去既時候仲未有堂食，如果唔係坐係入面食嘢一定好有feel😍岩哂同朋友入去打卡吹水。🐒去骨海南雞配油飯(半隻)💰$98極懷疑佢俾左一隻我🤣份量多到好似食緊一隻咁！不得不提佢個海南雞汁好出色，我原本唔太食飯都用汁撈左半碗飯食😋。🐒月亮蝦餅💰$88即叫即炸，另外都有少少類似雲吞皮既伴碟當小食，跟埋一個泰式辣醬同一個酸梅醬，係薄身既蝦餅🦐所以點醬既時候完全唔會有唔夠味既問題出現。🐒豬頸肉木瓜沙律💰$58🐒芒果糯米飯💰$58木瓜沙律偏重口味但唔辣，木瓜爽口🥭芒果糯米飯份量又係xxl🤣甜度適中，如果中意軟糯既飯就建議翻熱食，不過最好就緊係堂食🤩

晚巿未有堂食，繼續外賣自取，今日想食泰國菜，泰嘟嘟係奧運站附近，去開嗰邊，就試下佢。晚飯黎講要有飯，叫左泰色菠蘿海鮮炒飯同冬陰功鮮蝦肉碎炒飯。泰色菠蘿炒飯好多料，有菠蘿、青口、鮮蝦、肉鬆、雜豆同埋果仁。啲飯吵到好乾身，菠蘿又好開胃。冬陰功鮮蝦肉碎炒飯勁香冬陰功味，呢個冇咁多餸，但係個味道好正，有蝦、雜豆同埋蕃茄仔，如果鍾意冬陰功嘅可以試吓。另外嗌咗個肉，泰皇咖喱牛筋腩煲，咖喱汁用嚟送飯一流，有好多牛筋同牛腩，牛腩唔會話好韌，如果嗌多個薄餅或者麵包黎點就完美。最後叫咗個椰汁西米糕，勁來冇食過呢一類嘅椰汁西米糕，佢有一層椰奶，另外一層西米，佢係好多西米係個底到而且佢個椰味好香，食完個飯咗個甜品埋尾好滿足。總括來講，呢間泰菜嘅裝修好特別，有好多球衣，可能都係泰版嚟嘅。而且食物嘅份量好多，好足料。而且侍應服務態度都好好，係我揀食物嘅時候都好有耐性咁等我揀，所以得閒行過奧運站都可以試吓。

大角咀呢間泰國菜最近都好多人推薦，4:30嚟到侍應好好禮貌同我哋講話廚房食緊飯，要五點先至落得order，服務好好，好細心拎熱水同凍水俾我哋洗餐具！假日仲有全日嘅午市套餐，大概$60左右，份量好大碟，好足料。🍴香脆雞翼 $0 做會員免費送 (7/10)某牌子急凍嘅單骨雞翼，M記口味嘅脆辣雞翼，辣辣地新鮮炸起，好脆好香口，點泰式雞醬好食！🍴泰嘟嘟蝦醬肉碎炒飯 $61 (8/10)好大碟，可能有兩碗飯咁多，好足料，有肉碎，大蝦仁，蛋，豆角，葱花，四片泰式臘腸！非常香濃嘅蝦醬味，鹹香十足，配料好豐富啖啖都有料，臘腸係甜甜地嘅幾好食，$61咁大碗咁足料真係算好唔錯！🍴泰式海鮮炒金邊粉 $61 (6.5/10)都係好大碟，好足料，有蝦仁，蜆肉，魷魚，豆乾，豆芽，蘿蔔，雞蛋，葱…… 配料真係好多好豐富，但味道就差少少，好淡味，甜甜地，唔似平時食到嘅泰式金邊粉🤣🤣冇乜泰式香料同埋酸酸甜甜嘅味道，有鑊氣但調味就可以再改善，真係好淡，平時我都係食開淡口味嘅人都覺得太淡了😂覺得九龍城啲泰國菜最好食🤣但真心呢個係好飽肚嘅！🥭芒果芝士沙冰 +$12 (3/10)飲落有一種香精味，只係細個食到$10三個嗰啲芒果

晚市冇堂食，放工又想食啲好野，返屋企途中咁啱路過呢間咁別緻嘅泰國小店，於是今晚晚餐就決定試下佢嘅外賣。店入邊嘅裝潢都好有泰國特色，仲有啲tuk tuk 車卡座，好想快啲有得去旅行今晚食住泰國菜解癮先，第一道菜我地就試左呢個泰式肉碎生菜包，啲肉碎辣辣地好開胃，再滴少少檸檬汁解滯。再黎就係呢個小食拼盤，一道菜可以試晒四個唔同小食，唔錯跟住就係泰式海鮮炒貴刁，啲蝦又大隻又多，鑊氣味道都係一流，好有喺泰國食嘅味道，份量仲幾足，夠晒兩個大人食。最後就黎到甜品啦，經典泰國甜品，芒果糯米飯，糯米飯軟糯可口，椰漿味十分濃厚，再搭配埋芒果一齊食，口感非常清新，簡直食到停唔到口疫情下喺屋企都可以食到咁高質嘅泰國菜，算係解左少少冇得去旅行嘅愁推介呢間泰國菜小店

呢間泰國餐廳細細間，裝修幾特別，唔係平時傳統泰式嘅裝修設計，但係都會有種泰國嘅氛圍。最特別係行入少少，有呢一種卡位，可以坐四個人。因為剛好係疫情關係，所以冇堂食，要外賣。午市套餐都唔係好貴，幾十蚊就有人多嘅朋友仔仲可以揀套餐添小食同湯粉嘅套餐都有。今日叫咗個生菜包，啲豬肉好香口，加少少檸檬汁，好開胃。不過有少少辣，同埋份量比較多，所以生菜唔係好夠，食淨左嘅肉唯有留返聽日送飯😂呢份豬頸肉，外脆內軟，份量好多，而且果醬都好好食😋呢個蜆真心推，蜆好新鮮，無沙。個咖哩汁好惹味，送白飯一流👍🏻望落粉絲有啲細份，睇原來食落都唔少。味道偏淡，加返少少咖哩汁就剛剛好2人份量就真係叫多左。加埋個冬陰公湯，好開胃，食到好飽。似係3人份😂

大角咀多野食就係人都知呢間泰國餐廳出邊更加排滿晒買外賣嘅人入邊亦都係坐滿晒好似好好食咁餐牌嘅選擇非常之多同埋價錢非常之親民仲有佢個lunch menu 都係$60樓下睇到隔離枱叫嘅豬手飯勁大碟賣相超靚仔下次嚟一定要食泰國菜咁多個種類入邊我哋就最鍾意食沙律所以今次嚟到都係主打沙律泰式酸辣鳳爪沙律嘅味道會偏甜少少但係份量相當之多成碟有成十幾隻後期越食越辣，感覺非常之爽泰式青木瓜豬頸肉沙律酸酸甜甜非常之開胃車木瓜嘅軟硬度控制得好好，略嫌有少少唔夠辣豬頸肉非常之有咬口同好厚切肉類加埋解膩嘅青木瓜非常之咁夾香芒軟殼蟹米紙卷嘅米紙卷相對比出邊嘅厚身，但咁樣就增加左佢嘅咬口芒果相當之甜，配搭埋炸到好脆嘅軟殼蟹配搭一流飛天炒通菜食落真係超辣但係越食越停唔到口非常之好食飲品方面我哋叫咗青檸梳打同埋鹹檸檬七喜，解辣解渴簡直就係一流題外話店員嘅服務態度超好，好值得欣賞

利奧坊個邊開左好多新式靚餐廳，之前去朋友屋企曾經係度食過晚飯，環境裝修都好得意，有篤篤坐位之餘周圍佈置都好有泰國feel，今次再搵朋友，無晚市之下，外賣一樣咁好食!泰式酸辣鳳爪 $68除左無骨鳳爪之外，配菜都係亮點，好多蘿蔔絲洋蔥絲蔥同芹菜等等，個汁酸辣味濃，好開胃兼辣得過癮。泰式肉碎生菜包 $88肉碎半肥瘦岩岩好，炒到好香，唔會太乾帶點juicy，生菜新鮮爽脆。蕉葉烤焗烏頭 $108今晚驚喜之一，雖然係外賣，但不失烤魚既風味，有點焦香又有淡淡葉既香氣，魚肉仲係juicy，有魚鮮味，就咁烤熟已經好好食。爆炒鐵板牛仔骨 $88牛仔骨唔韌帶點咬口，洋蔥同三色椒甜甜地。入口有獲氣味道，只係略略濕左d，如果炒得再乾身會更正!整體黎講全部都好好味，特別係條烤魚好有風味，期待晚市重開再幫襯!

本身阿哥餐生日飯預咗出街食，但奈何疫情嚴重，要留喺屋企🏡。雖然係咁，不過最緊要都係一家人坐低一齊食飯。我哋唔想呀媽咁辛苦煮，所以決定上網訂嘢食，最終揀咗位於大角咀嘅「泰嘟嘟」。點解揀佢？其一有朋友推介，另外佢仲係良心小店呢💛。我哋喺外賣App落定單，計啱時間準時有得拎。同時，餐廳人氣好高，落雨都無阻買外賣嘅人！食物即叫即整，我哋揸車拎到返屋企都仲保持到溫度🔥。食物質素不比堂食遜色，而且值得一提嘅係佢份量好多，佢個外賣盒係大Size嗰種。小食拼盤($148/大)，拼盤內容好豐富😍，份量多到一個盒都裝唔晒。小食包括蝦餅、春卷、串燒、雞翼、香葉包雞同魚餅。雖然佢哋大部份都係炸物，但難得地唔會乾淨淨。我最鍾意炸雞翼🍗，因為肥美得來仲好重香茅味。串燒都幾好，但得豬同雞各一串，有少少唔夠喉。泰式鐵板蠔仔炒蛋($88)，蠔仔炒蛋勁大份🍳，煎得幾香口。🦪蠔仔大大隻，鮮味十足，唔腥無殼，配埋芫荽蔥同芽菜炒，口味正宗。不過留意返呢道菜式比較易出水。豬頸肉啫通菜煲($76)，馬拉盞炒通菜好惹味，蒜香辣椒樣樣兼備，令人食上癮💚。通菜幼嫩，質感爽脆。開頭以為比漏咗豬頸肉，但原來混咗喺入面。泰皇咖喱牛筋腩煲($1

泰國菜就成日都食，但係通常都係比較偏貴，同埋份量都少。不過呢間泰菜就覺得cp值幾高，價錢唔貴得黎，分量都幾足。因為冇堂食嘅關係，所以我哋叫咗外賣，不過味道都唔錯。1. 香蒜蓉包(六件) 8/10🤤蒜蓉包焗得幾香脆，另外蒜嘅味道都幾重，餐廳都有幫我哋喺外賣盒上面拮窿，所以拎到屋企都唔怕會淋曬，值得加分。2. 印度薄餅兩件 7/10 因為我哋有叫到咖哩，所以另外叫咗薄餅去點汁，薄餅厚薄適中，點汁啱啱好可以索曬啲汁，但係又唔會太膩。3. 黃咖哩菠蘿炒花甲9/10 🥰🥰💕真係幾高質，花甲好新鮮，咖哩嘅香味浸曬入花甲入面，而且份量都唔少。4. 馬拉盞豬頸肉炒河粉 8/10最後就係主食，煮食嘅份量都幾滿，另外廚師炒得幾有鑊氣。

印度薄餅兩件$32，薄餅大大塊，煎得好香脆，就算去買外賣拎到返屋企外皮都仲係好鬆脆，用嚟點咖喱或者就咁食都好好味。馬拉盞肉碎茄子煲$78，非常之大份，肉碎嘅份量好多，馬拉盞嘅味道都幾香，而且茄子煮完同埋焗完都仍然係呈現紫色，感覺好新鮮，唔會林晒一pat pat。招牌去骨豬手煲$98，去骨海南雞就見得多，去骨嘅豬手都係第一次見，所以食落超級方便，淡淡都係肉，肉質唔會好乾柴，豬手嘅皮都問得好軟熟。蕉碟烤烏頭$108，醃料非常特別，係之前未試過嘅味道，好似有甜甜地嘅紅蔥頭，而且烤焗嘅時間啱啱好，肉質好鮮味。

$60 一碟嘅海南雞飯🐔仲要包嘢飲唔怪得知佢哋話要蝕本啦🍂🍂一碟飯既雞件超過10件以上🤘🏻件件雞啖啖肉🥰雞肉口感鮮嫩👍配上酸辣嘅醬汁….惹味開胃😋😋😋油飯香口入味，粒粒分明+$18 加點蒜蓉包2件上碟新鮮熱辣…香脆可口⋯本身對佢個咖喱麵包軟殼蟹好有興趣不過感覺佢個份量好似好大擔心一個人會食唔晒希望下次可以叫幾個朋友一齊可以試多啲佢嘅嘢買單$78⋯⋯沒有服務費感覺性價比相當高💛💛💛P.S.: 餐廳係呢啲時勢搵食艱難，特別係小店希望OpenRice係呢啲時候都可以同小店共渡難關行政費可以收少啲啦😊

餐廳既裝修充滿住泰國特色, 睇左當自己去左一轉泰國先啦😉 食物選擇方面都幾多, 去既時候仲有下午茶食添, 而且價錢都幾抵🥰雞柳炒金邊粉🐓($38)以下午茶黎講佢份量都算多, 仲要咁啱食果日凍冰冰, 食完成個人即刻暖曬☺️ 配料黎講佢都算多, 味道都控制得啱啱好, 最重要係乾濕度啱啱好😉扎肉撈檬拼雞翼🐖($42)撈檬基本上係冇得輸, 不過今次太貪心一次過落得太多汁搞到個粉有啲太酸😂 單骨雞翼炸到好脆, 有啲似家鄉雞既感覺, 扎肉就正正常常咁啦😁冬蔭功金邊粉🌶($48)凍冰冰既天氣飲返碗熱辣辣又充滿海鮮味既冬蔭功湯, 再加埋爽口彈牙既金邊粉, 配埋唔同既海鮮, CP 值高🥰泰國經典船麵🍜($48)呢個船麵有啲驚喜, 湯底係好濃郁既八角味, 仲有蘿蔔, 牛丸, 炸豬皮, 全部吸曬啲湯汁都勁好食, 仲可以揀唔同既麵底, 今次揀左最夾既河粉, 掛曬啲湯汁, 食到最後都忍唔住飲多幾啖湯😂月亮蝦餅🍤($18)見呢個都幾多人推介於是就跟餐叫加$18叫左, 蝦餅比較薄身, 餅皮中間夾住左彈牙既蝦肉, 可以一試🤓印度薄餅🥠($18)呢個薄餅牛油味勁香, 仲要有8小塊咁多, 我覺得幾抵食🤩所有下午茶餐都會跟一