泓居酒屋 (已結業)

今日lunch，老板又帶我去食好野，今次黎左尖沙咀的中港中心，原來一整棟入面都有唔少餐廳。而今日去左17樓食日本野，一入到去見到好大個落地大玻璃，望出去係九龍公園的景色，有種居高臨下的感覺。 ⦁泓串燒定食⦁海鮮串燒定食 餐廳的set lunch以串燒為主，每個定食都附有前菜有蒜頭和牛蒡兩款漬物，胡麻醬沙律、味噌湯、白飯，以及罐裝飲品。必須提一提果白飯，餐廳選用新潟越光米去煮，煙韌軟糯，仲有股甜味。 講番串燒先，整體黎講唔錯唔錯。🐮：牛舌厚得黎唔靭，入口油脂爆發，我都幾滿意。🐣：明太子雞翼同雞肉串的肉質嫩滑，而外皮又香口。🐷：露荀鹿兒島豚肉燒的豚肉肥瘦均勻，清爽可口，露荀仲可以解一解膩。🦐：虎蝦超級大隻，肉質爽口彈牙。🐟：燒白鱔燒得香脆，魚肉有彈性，魚油又勁香。帶子都幾鮮甜。🍠：蕃薯同香菇都比想像中好，唔會乾身。

原來九龍公園個view可以好宏觀好chill😌，呢度正正望向綠油油公園同戲曲中心，幾舒服！同埋上菜好整齊企理，女士可以Elegant 咁食串燒，仲冇油煙味添👏🏻。小妹傾向日式串燒，因為新鮮既材料只需簡單調味，就好好味😋。 🥢海鮮串燒定食：串燒有活鱔、帶子、虎蝦、冬菇同蕃薯。 帶子肉幾嫩，虎蝦肉好結實，活鱔反而有啲瘦。冬菇唔會好亁，火候唔錯👍🏻🥢泓串燒定食：串燒有明太子釀雞翼、牛舌、露荀串等。雞翼釀得飽滿，露荀串冇渣夠新鮮，牛舌反而有少少筋。🥢醃牛蒡、醃蒜頭🧄：酸酸甜甜，蒜頭冇剌鼻感覺，好吃好醒胃！定食包沙律🥗、醃牛蒡同蒜頭、珍珠米🍚同飲品，都係$80-150冇加一。環境咁靚，其實都抵！味道：🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

餐廳喺尖沙咀apple附近 其實位置都好易搵👌👌店內環境好舒服 座位好闊落🥰🥰我見佢仲有vip房 我偷望到個環境好靚但唔知要幾多錢先可以包房😂😂店員服務態度超好勁有禮貌👍🏻👍🏻呢間餐廳以串燒為主各式各樣嘅串燒都有🍢🍢嗰晚我地豬牛羊雞都有叫當中我覺得牛舌同埋羊扒係最好食燒得外面好香脆而入面仲係充滿肉汁💦💦雞髀肉都好食燒得好香，好嫩滑🍗🐔三文魚親子玉子燒都好有驚喜冇諗過佢哋個味道係咁夾🤯🤯南蠻炸雞好大份炸到外脆內嫩🤤🤤關東煮好淋好入味但串燒嘅質素更勝一籌🙈🙈餐廳整體質素唔錯好適合一邊同人把酒談心一邊食串燒☺️☺️

想與朋友食個午飯，地點要響尖沙咀又唔會被人限時既餐廳真係好罕有。好彩搵到呢間日式串燒餐廳，應該係新開張，裝修很新淨，由幾個後生仔打理。雖然不是什麼大師級製作，食物簡簡單單，味道都不錯，串燒唔會太乾。叫左個泓串燒午餐定食，驚喜位係個餐附送既沙律，份量奇多，前菜都有兩款，醃蒜頭及牛蒡。面鼓湯就咸左d, 個餐串燒有6串，明太子雞翼及豬肉露筍串比較好吃，如果蕃薯轉做迷李蕃薯就完美。最後，從來無試過用呢個角度望九龍公園，原來咁翠綠。

今日去尖沙咀搵朋友, 佢帶咗我去 ❥⧽泓居酒屋 ❥⧽ 食 lunch, 餐廳景觀好開揚, 可以望住出面綠油油嘅公園食飯, 靜靜地, 又坐得好舒服。𓊈海鮮串燒定食 $𝟙𝟞𝟠𓊉有虎蝦, 活白鱔, 帶子, 冬菇同蕃薯。虎蝦燒得剛好, 肉質結實彈牙。活白鱔嘅皮脆卜卜, 肉質嫩滑。帶子只係輕輕咁燒咗外層, 有半生熟嘅感覺。冬菇同蕃薯都好清甜。𓊈豚肉串燒定食 $𝟠𝟠𓊉有露荀鹿兒島豚肉燒, 大蔥鹿兒島豚肉燒, 付骨豬肉腸同蕃薯。2 款豚肉串都燒得剛好, 配咗露荀/ 大蔥, 感覺唔油膩, 口感層次亦提升。付骨豬肉腸口感結實, 好適合配啤酒食呀。𓊈附送前菜 ✧ 沙律 ✧ 麵豉湯 ✧ 白飯 ✧ 罐裝可樂𓊉定食套餐除咗串燒, 仲附送漬物前菜, 沙律, 麵豉湯, 白飯同汽水。漬物開胃, 而蔬菜沙律好 fresh。✧✧ 整體食物, 環境, 服務都用心, 係一個唔錯嘅用餐體驗呀。

今日嚟到尖沙咀食個 lunch，再行下街🛍，relax 又chill 吓。行到 Gateway 附近就上左中港中心泓居酒屋食個午市定食🍱 海鮮串燒定食虎蝦、活白鱔、椎茸、蕃薯、帶子串燒即叫即燒好新鮮，虎蝦🦐肉汁juicy； 帶子椎茸🍄好有BBQ風味；活白鱔燒香後特別吸引👍外脆內軟 泓串燒定食牛舌🐂、明太子雞翼🐥、露荀鹿兒島豚肉燒🐷、雞肉串、椎茸、蕃薯除左串燒，定食配前菜，仲有飲品🥤，明太子雞翼外脆又香，包住明太子好可口；牛舌香脆彈牙豚肉燒加露荀好清新

最近同事告知喺港威商場對面有一間景觀開揚的日式居酒屋店，午市時段有午餐提供，今日就約埋同事去試下入到餐廳 落地玻璃就在面前， 已經有一種很開揚令人放鬆 的感覺。餐廳今日給我們試試平日晚上可包房的獨立房給我們呢！午市有串燒定食餐 和 豬/雞 定食餐價錢由78蚊至248蚊，套餐已包餐前小吃，湯，白飯和飲品我地揀左兩個唔同嘅串燒餐泓串燒定食 牛舌，明太子，雞翼，露筍，鹿兒島豚肉，燒雞肉串，蕃薯所有食物都是即叫即整，要耐心等候啊！ 呢個餐最正係個牛舌，非常鮮嫩 ,其次係明太子雞翼，內層脹卜卜外層脆卜卜 . 蕃薯都好甜海鮮串燒定食有 虎蝦，活白鱔，帶子 ,椎茸，番薯。呢個餐我最深刻係個虎蝦，非常之大隻新鮮，肉質實淨，燒白鱔都好脆口但如果厚身或再粗些，會吃得更滿足。下次可以約埋一班朋友或者同事嚟飲下酒，食下串燒

返工很累，於是乎，有朋友一揪就立即出發食個飯。友人特別上網找到新餐廳，入內就有悠閒的感覺，餐牌上亦很多選擇，雞、牛、豬、小食等等都有，立即落單。餐廳仲有大大片玻璃，決定下次要在日光時間再訪，高居臨下的望下尖沙咀鬧市景。◽️ 魷魚飯 $82將糯米飯釀入魷魚內，彈牙的魷魚配黏糯的糯米飯，一啖食到兩種口感。◽️ 鵝肝$138厚厚的鵝肝，豐腴且入口即溶，油而不膩。◽️ SRF極黑和牛肩$58牛味份外濃郁，肉質依然夠嫩，一人一串不是問題。◽️ 燒白鱔 $68魚肉彈牙，外皮則燒至香脆，帶啖啖鮮味。◽️ 牛舌$42味濃又有咬口，最重要是一點都唔乾！◽️ 雞腎 $32喜歡爽脆口感的，可以選這款，夠哂香口。◽️ 三文魚親子玉子燒 $68綿綿帶甘甜的玉子燒，加上三文魚和三文魚子，即時提升了層次。▪️ 白桃梳打、青蘋果梳打不喝啤酒的時候，就喝一杯有氣梳打，更有甜甜的果味。

尖沙咀無論咩時間都咁多人 去餐廳食飯一定要排隊等位😵‍💫咁啱喺OpenRice見到呢間新開嘅居酒屋 就嚟試吓啦🏮餐廳就喺廣東道Apple store隔離 位置好方便💻一上到去就俾佢嘅開揚景觀吸引咗 裝修亦都好靚😍最重要嘅係 環境寧靜休閒 可以話係尖沙咀嘅世外桃源🥰裏面仲有私人包廂 係同一大班朋友聚會嘅好地方👯‍♀️Lunch set 包餐前沙律、味噌湯、主食同飲品價錢合理 CP值幾高 帶朋友同事嚟食飯都唔失禮👍🏻🍢泓串燒定食 ($158)嚟居酒屋就梗係要試吓佢哋嘅串燒啦🍢😍一共有6串唔同種類嘅串燒 款款都非常精緻🤩有牛舌，明太子雞翼，蘆筍鹿兒島豚肉燒，雞肉串，椎茸，蕃薯最鍾意係串牛舌 又香口牛味又重 仲一啲都唔韌添🐮甚至連番薯都好食 係好甜好粉嘅日本番薯🍠6串串燒惹味又香口 非常送飯 真係太滿足了😋🐖吉列豬扒定食 ($78)唔好睇小一個咁普通嘅吉列豬扒 要做得好食其實好難🙈呢個吉列豬扒咬落非常香脆 喺有咔嚓！一聲嗰種🤩炸衣唔會過厚 薄薄一層但非常之香脆 實在太有驚喜🫶🏻豬扒肉質又嫩又Juicy 配上美乃滋醬一齊食真係一絕旁邊亦有白菜沙律解膩 不知不覺就清曬了(˶‾᷄ ⁻̫ ‾᷅˵)發掘新餐廳真

近來開業嘅居酒屋，一上到去景觀好開揚，一片綠油油，而且枱與枱之間有空間感坐得好舒服~Lunch set 包咗前菜、沙律、麵豉湯同飲品，梳打汽水就要再加錢，沙律菜幾好味新鮮~🔘雞肉串燒定食 有雞肉、雞心、雞皮、雞翼同番薯串燒，望落都幾吸引， 有光澤唔會燒到太乾，當中雞皮同雞心比較特別，雞皮食落脆口幾好味，簡單用鹽同黑椒調味，餐廳仲有提供七味粉同飯素，有需要可以問佢哋攞!! 🔘泓串燒定食有牛舌、明太子雞翼、蘆筍豚肉、雞肉、番薯同菇，最好味係牛舌，厚身軟熟有油脂，跟住係明太子雞翼啖啖肉，然後番薯軟腍腍甜甜地都好好味!!🔘柚子梳打🔘青檸梳打屬於偏酸嘅梳打，食串燒梗係要配返杯有氣嘢飲先開心~ 😃整體串燒質素都幾好，同埋lunch set性價比幾高幾多嘢食，最緊要係有靚景，望住藍天白雲食lunch~

*💭泓居酒屋尖沙咀新開張的居酒屋，位於中港中心𝟏𝟕樓，環境清幽舒服☺️✏︎魷魚飯🦑原條魷魚釀糯米飯😍魷魚燒得很香，彈牙不韌，點上蛋黃醬，味道更豐富🤤✏︎串燒🍢所有串燒都是即點即燒，上菜時都是熱辣辣的😍最喜歡安格斯牛柳粒，厚肉多汁🤤另外明太子雞肉外皮亦燒得香脆，咬開肉汁滿滿😋而友人則最喜歡大蔥鹿兒島豚肉燒這個組合，清爽大蔥配上惹味豚肉🤤雞肝雞心雞脾肉✨明太子雞翼✨✨牛舌✨安格斯牛柳粒✨✨大蔥鹿兒島豚肉燒✨✨鹿兒島豬腩肉✨紐西蘭羊肉串✏︎雲朵雞蛋拌飯🥚將蛋白打成泡泡狀，猶如一朵雲朵般🥰中間再加入蛋黃，打卡一流😍享用前可先把醬汁、飯素和柚子胡椒加到碗內，再一次過攪混，令每顆飯都沾有泡泡蛋白、飯素和醬汁，食落口感綿綿的，但同時又食到脆脆的飯素，很特別😳

公司附近開左間新既日式串燒居酒屋，今日就黎左呢度食晏，呢度裝修唔錯，有個綠油油既九龍公園開揚靚景，另外仲有私隱度高既獨立房間，開會又得，三五知道傾計食野又得。我地叫左兩個午餐，一個泓串燒定食同埋一個雞肉串燒定食，定食有前菜，沙律，豆腐海帶麵豉湯，串燒，飯同飲品。全部即叫即燒，所以要啲時間，有菜有肉夠均衡每串串燒都有兩至三件，兩個人食仲可以開心share。前菜-係醃漬牛蒡同埋日本味噌木魚蒜頭漬，好好食，牛蒡又健康，蒜頭唔辣，仲要食完唔怕會有一陣味。沙律🥗-沙律菜好靚好新鮮，同埋都幾大碟。泓串燒定食 $158-有牛舌，露荀鹿兒島豚肉燒，雞肉串，椎茸同蕃薯。牛舌夠香夠爽，蕃薯香甜好味。雞肉串燒定食 $88-有雞肉串，雞心串，雞皮串，雞翼同蕃薯。我鍾意個雞皮燒得脆得黎唔會好乾。飲品-天氣好熱，我地揀左飲汽水，佢地將汽水倒出黎同加左片檸檬，呢啲細心位加分。

前幾日同朋友去尖沙咀行下晚餐就係中港中心呢間新開居酒屋品嚐美食🥰環境唔錯食物都正😆泓佐酒小食首先叫了兩杯酒～威士忌梳打（$63）精選梅酒（$68）個人好鐘意梅酒☺️魷魚飯 （$82）同想像唔同，擺盤精美魷魚包住糯米飯，幾得意三文魚親子玉子燒（$68）冇得輸👍🏻十分推介😗安格斯牛柳粒（$48）ŠRF 極黑和牛肩（$58）牛舌 ($42)-牛肉肉質香，口感嫩滑😋雲朵雞蛋拌飯（$68）賣相好cute😍不過相對口味較為淡可以配搭串燒肉食鹿兒島車厘茄豚肉燒 （$42）鹿兒島蘆筍豚肉燒（$42）鹿兒島豬腩肉 （$32）

係OpenRice 搵附近有啲咩食，發現到中港中心開左間新既居酒屋😍見到餐牌既價錢都好合理，決定去試一試😍中港中心最高層，一入到去已經比佢既環境吸引，景觀開揚，成個環境好舒服好靜❤️全場得我地一枱客，可能新開唔太多人知，大家可以一試，極力推薦👍🏼👍🏼👍🏼午市套餐😋價錢合理，OpenRice訂枱仲有9折👏🏼👏🏼👏🏼前菜⭐️醃製蒜頭🧄（好特別，好好食，未試過呢種食法❤️）⭐️牛蒡芝麻沙律菜🥗麵豉湯唐揚炸雞定食炸雞好脆，好滑，一啲都唔厚粉，唔乾，食左都唔覺得熱氣😋隔離既沙律菜唔知點解都好出色😂好甜，點埋沙律醬勁好食😂佢果杯可樂，仲要加塊檸檬🍋，zero就加青檸，好小見到有餐廳會咁做，比個like👍🏼仲有支飲管😹佢係紙飲管，飲左好耐都未林😂我見其他餐廳既紙飲管好快林晒😂我地3個人，叫左3個唐揚炸雞set,最後埋單$211（每人約$70），好抵啊😍即刻book埋第2日試下佢地既串燒😂

尖沙咀Lunch推介😍誤打誤撞入左黎食lunch，估唔到性價比咁高👍🏼.午餐Set會配前菜、沙律、麵豉湯、白飯及罐裝飲品，以尖沙咀黎講，價錢算ok合理。.🍴泓串燒定食 $158串燒定食包括：牛舌、明太子雞翼、露荀鹿兒島豚肉燒、雞肉串、椎茸、蕃薯..串燒，鍾意佢地既串燒燒得好惹味，加上少少海鹽，牛舌厚薄適中，明太子雞翼鹹甜得而👍🏼.🍴豚肉串燒定食 $88露荀鹿兒島豚肉燒、大蔥鹿兒島豚肉燒、付骨豬肉腸、蕃薯。豚肉串燒Set仲抵食，尤其係露荀鹿兒島豚肉燒，Juicy又爽口，咬落爆少少肉汁。.Lunch set抵食又大份🤣仲要近公司，無得輸🙈