泓居酒屋 (已結業)

早幾日同朋友去海港城開心shopping🛍️佢話想去居酒屋但係又想環境好啲靜靜地傾吓計，咁啱我知道附近有個新既好地方，就帶咗佢去，食完飯發覺唔錯，而家推薦俾大家🫶🏻.間嘢就位於中港中心頂樓，環境清幽，裝修好四正而帶點輕奢感，個景仲要一流添😍.當中魷魚飯🦑燒白鱔🐟鵝肝🥢係三道菜我哋非常推薦比大家。魷魚飯出邊好少食到，係好新鮮嘅嘗試，用口感煙韌嘅糯米釀左喺魷魚入面😚燒白鱔同埋鵝肝嘅火候都掌握得好好，燒白鱔食落 重脆卜卜，鵝肝又大大嚿超正

琴日同朋友去咗北角一間拉麵居酒屋食晏，有人話意猶未盡，所以今日就決定再接再厲，帶佢嚟尖沙咀呢間新開嘅串燒居酒屋吃頓午餐。餐廳位於中港中心頂樓，室內空間頗大，環境寬敞闊落，而且景觀開揚優美，甫踏進店，藍天、白雲和一片綠油油嘅景致便即時映入眼簾，非常愜意舒適。另外餐廳亦設有多間獨立房間，可容納大約 6-8 人，關上趟門，自成一角，私隱度極高，好適合同朋友嚟飲酒聚餐。餐廳主打正宗日式料理，而午市就有套餐供應，定價十分親民，最平 $88 已有交易。我哋點咗兩客定食，每份均附有前菜、沙律、麵豉湯、白飯、罐裝飲品或熱柚子蜜。沙律菜新鮮爽甜，配上微酸嘅醋汁，很醒胃。麵豉湯內有海帶、腐皮，入口清醇不過鹹。泓雞肉串燒定食 ($108)  有雞肉串、雞心串、雞皮串、明太子雞翼及蕃薯。雞皮油潤甘腴，吃起嚟有彈性又帶點脆度，口感很不錯。雞肉兩面都燒至微黃，食落肉質軟嫩又唔乾柴，而雞心串水準亦不俗，火力控制得宜，咬下腍中帶爽。雞翼脹卜卜，內裡釀滿了明太子，入口甘香微辣，佐酒一流。蕃薯燒得頗香口，味道帶甜，口感軟滑綿密。至於另一客銀鱈魚西京燒 ($168)  亦非常高質，魚皮香口富油脂，魚肉甚厚身，咬下啖啖肉，肉

前幾日去完尖沙咀行街，想去食下日本野🇯🇵朋友就帶左我去呢間居酒屋飲番兩杯🏮🌟水牛芝士伴日本番茄水菜沙律水牛芝士半融柔軟，奶香味清爽，帶咸鮮味🧀而番茄🍅同水菜🥬就非常爽口清甜🌟沖繩螢光魷魚漬螢光魷魚口感爽脆，味道鮮甜🦑而且咸香十足嘅魷魚體形夠大，佐酒一流🍺配上芝士令油分唔多嘅魷魚口感更順滑🌟免治雞肉棒去居酒屋時，呢道菜係我嘅必食之選雞肉棒燒得焦脆，肉嫩多汁，蘸上生蛋黃風味更濃厚🥚加入左雞軟骨，添加咬口，真係令人食上癮🍗🌟魷魚飯外圈嘅魷魚彈牙，內裏嘅米飯軟糯🍚糯米吸收曬濃郁嘅照燒醬汁同魷魚嘅鮮味真係好睇又好食，配埋啤酒一流🍻🌟鹿兒島荔枝豚肉燒又甜又多汁嘅荔枝被油香豐富嘅豬肉包裹🐷酸甜解膩、酥脆爽口，夏天食最啱🌟南蠻炸雞炸雞即叫即炸，上菜時仲冒煙熱辣辣🐔件件雞都色澤金黃、軟嫩多汁，但無油膩感🌟鹽焗日本銀杏日本銀杏較圓身，呈綠色，口感軟綿清爽餐廳嘅環境好舒服，裝修摩登🤩最適合同三五好友小酌一杯👍🏻

Wanted to try the chicken skewer set but I don't eat skin and heart of chicken, so I had the deep fried chicken setOn the menu it says chicken naban, but it's actually chicken karaage, still quite nice, crispy on the outside and juicy on the insdieThe set comes with salad, soup, appetizer, rice and drinkI also used the openrice offer on 10% off and waiver of service charge

🥰今日就嚟咗尖沙咀，嘗試呢間啱啱新開嘅樓上居酒屋，一入到去就見到環境十分優美，尤其是係個落地玻璃窗簡直一百分！🥰泓居酒屋@fuchi.izakaya 。泓串燒定食$178呢個串燒定食簡直一流！如果你同我一樣有選擇困難症一定要嗌呢一個餐🥰裏面包羅萬有，包你滿意，最重點係竟然多到串燒都好出色🥺絕對冇踩雷😗。其中我最鍾意嘅係明太子雞翼！真係好香明太子味，仲要冇骨，想像下一隻香噴噴嘅雞翼入邊包住晒滿滿的明太子，啖啖肉😄口水都流晒出嚟！佢嘅牛舌都係我嘅心水之選，香噴噴嘅油脂同埋口感一流嘅牛舌🥰佢嘅牛味係嘴入邊爆出黎🤤我好想encore啊講完肉可以講吓佢嘅番薯，呢個真係值得一試，有冇試過食番薯食到奶香味😂認真㗎！同番薯超級夾❤。南蠻炸雞咖喱飯🍛$108呢個咖喱飯雖然望落去好似好普通，但係其實內有乾坤！🥰冇諗到佢炸雞嘅質素都咁高，外皮酥脆，裏面仲超級Juicy🥺我同朋友搶着食😂再加上佢嘅咖喱其實唔辣嘅，好彩咋因為我哋兩個都唔食得辣㗎😂裏面嘅配菜都好好味，配飯簡直一流！泓居酒屋 (尖沙咀)尖沙咀廣東道122-126號中港中心17樓#hkfoodie #foodiehk #foodie #foodins

又到中午同同事揾正野時間，出開尖沙咀海港城一帶，搵啲新餐廳試下，今次就搵到呢間港威對面嘅中港中心頂層居酒屋一試～入到去一見到落地大玻璃，嘩咗一聲。 望住呢個景食午飯真係正😍叫左兩個午餐套餐，分別係豬扒定食同銀鱈魚西京燒定食，前菜個沙律好新鮮而且調味啱啱好，豬扒一上台就已經知一定冇炸到過火， 超juicy. 個銀鱈魚超級油香好好送飯。 個環境應該夜晚主力做燒烤同飲酒，個酒menu重大本過野食既🤣。 下次收工可以試吓上黎happy hour。

我同老公放假去慶祝大特別日子時正好由呢間喺屋企附近搭小巴喺海港城Gateway 對面落車就來到，醫肚同心頭好既距離超近之際就一齊好relax 咁去食串燒lunch set，而且落完order 既waiting time 都好快平時老公係個牛魔王，但海鮮串燒有蝦同帶子感覺grand d 就自私食。而我就食豚肉串燒set當中，最鐘意係豚肉卷竹荀。我地兩個公婆除左本身已經好鐘意上到來一望無際之外，見到仲有tatami VIP 房對我黎講係最吸引既，但係我地既卡位都係坐得舒服，所以overall 不管係休閒咁去食定喺TST返工既朋友都係岩去。

-朋友又發掘到啲chill chill地方⋯點解啲資訊咁發達？尖沙咀中港中心有間新既居酒屋🏮有個落地大玻璃 采光超好 居高臨下 可以望到林景城市景我地今次系晚上過去⋯ 入夜一樣好舒服 環境好靜好岩2-3個👩🏼‍🤝‍👩🏻閏蜜飲杯野傾吓八卦咁🗣🤪如果一班人一齊去都可以揀房坐 有啲私人空間兩間獨立房坐榻榻米 好日式👍🏻今次同朋友食完飯上去😝純粹去hea下吹多陣水叫左唔算太多野食 咩都叫啲share試下✴️荔枝鹿兒島豚肉燒✴️蘆筍鹿兒島豚肉燒✴️燒白鱔 ✴️紐西蘭羊扒✴️安格斯牛柳粒✴️明太子雞翼✴️南蠻炸雞✴️番薯整體來講都幾好⋯其最印象深刻系⭐️燒白鱔⭐️ 外皮超脆口 加上已調味既鮮嫩魚肉 好想encore 10份🤪

✨精選梅酒梅酒 香甜清新 好易入口✨Suntory The Premium Malt’s係我最愛嘅啤酒品牌麥味香 好清爽配串燒一流 重點係份量十足 好抵飲✨燒白鱔燒白鱔 皮脆 肉質爽彈 幾肥美 又冇骨 ✨牛舌牛舌 偏薄身 口感爽脆調味適中 夠香口✨SRF極黑和牛肩和牛肩 燒得粉嫩 有肉汁肉質結實肉味香濃✨雞翼雞翼 燒到外層焦脆肉質有少少偏乾 調味剛好✨雞皮雞皮 香脆 滿滿雞油香如果再燒得乾身啲會更正✨雞心雞心 爽口 冇腥味✨雞肝雞肝 粉嫩 冇腥味✨燒明太子明太子 鹹香十足 好啱送酒食物可以 環境唔錯 有開陽嘅景觀 擺枱濶落 坐得舒適服務唔錯 價錢可以 想傾偈飲番杯呢度都係個唔錯嘅選擇

尖沙咀出差系列, 今日去到中港城附近, 見到有座中港中心, 全座都係食店, 咁就唔洗煩啦, 由頂樓開始掃落去食.17樓頂層叫泓居酒屋, 午市套餐都唔係好貴, 價錢合理, 加埋個無敵境, 成個九龍公園都望得哂. 正到暈.銀鱈魚西京燒, 銀鱈魚煎得好香, 魚肉又白又滑, 滑到差D直入喉嚨, 銀鱈魚點少少沙律醬更加提昇食物質素.黑松露蔥油吉列黑豚豬扒, 炸得非常香脆可口, 外脆內軟. 黑豚豬扒肉質上乘, 肥瘦適中, 有D位重有DD肥膏, 超級好食. 吉列黑豚豬扒上面, 配上黑松露, 味道更加豐富.

去海港城買完野之後搵地方食飯，搵到呢間位於頂樓既居酒屋，經openrice訂座仲有9折！櫻花蝦炸豆腐 $78做得幾出色既炸豆腐，櫻花蝦佈滿系豆腐上一齊去炸，所以咬落去會有淡淡既櫻花蝦香味，外表有脆口，內裡豆腐好軟滑。南蠻炸雞 $78炸雞炸粉好薄，雞肉仍然嫩滑juicy，南蠻醬料同日本醬油味好香但味道吾會咸。原味玉子燒 6切 $78玉子燒入口幾軟滑，時間控制得幾好，有少少蛋汁，而且幾香雞蛋味。鹿兒島豬腩肉 $32五花豬腩肉脂肪均勻，有層次感，肉味幾重，燒烤味吾會太濃。大葱鹿兒島豚肉燒 $42豚肉薄片包住大蔥，咬落去吾太感覺到豚肉。松島魚餅 $42魚餅以碟形式上，而吾系串燒，燒魚餅幾香。雲朵雞蛋拌飯 $68雲朵系以雞蛋黃配打成泡泡狀既蛋白做成，外表好可愛同吸引，將雞蛋同白飯撈埋一起，再自行加入日本醬油、飯素同柚子胡椒醬食。巨峰提子碳酸梳打 $58巨峰提子味幾香濃，個人建議攪拌好再飲，因為巨峰提子偏甜。青蘋果碳酸梳打 $58青蘋果味幾突出，清香味吾會太甜。環境：

位於尖沙咀一間樓上頂樓居酒屋，環境舒服闊落仲有落地玻璃窗👍🏻另外食材方面質素算優質😎雲朵雞蛋拌飯🤌🏻看似甜品🤣其實雲朵係用雞蛋白打成泡泡狀做成，外表十分吸引，將雞蛋同白飯拌在一起，並自行加入日本醬油、飯素同柚子胡椒醬食，日本米真係好食😋三文魚親子玉子燒🤌🏻玉子燒做得好食都考功夫👍🏻佢做得個蛋好清甜，加上面頭三文魚肉+三文魚籽，一齊食效果好好🤣魷魚飯🤌🏻魷魚竟然釀咗糯米飯入面，第一次試🤣魷魚新鮮彈牙而糯米飯軟身口感，加埋一齊好match😋串燒🤌🏻極黑和牛肩、安格斯牛柳粒 、鹿兒島荔枝豚肉燒 、鹿兒島蘆荀豚肉燒 、汰燒白鱔、翠肉瓜全部串燒都好高質😋😋最推介同特別係荔枝鹿兒島豚肉燒，豚肉同甜甜地嘅茘枝好夾，清甜味中和咗豚肉嘅油脂😎成件事昇華咗🤣另外牛肩肉味濃郁 ，白鱔都新鮮👍🏻👍🏻柚子燒酌梳打 + 提子燒酌梳打 🤌🏻居酒屋點少得酒🤣個人鍾意呢隻柚子唔太甜，酒味唔算好重 好容易入口得嚟唔算好甜😎另外提子好彩無藥水味🤣甜度適中 同樣酒味唔算好重 女朋友覺得更易入口🚩 泓居酒屋 (尖沙咀)尖沙咀廣東道122-126號中港中心17樓#addifoodie #addifoodie尖沙咀#foodie

夜晚同男友喺海港城一帶行完街，再次搵啲新餐廳一試，呢次就搵到呢間位於港威對面嘅中港中心頂層居酒屋去咗一試~ 🧡SRF極黑和牛肩（$58）牛味香濃，口感一流，食完會想再encore！ 🧡荔枝鹿兒島豚肉燒（$42）荔枝味道相當特出，陣陣嘅荔枝香氣夾上豚肉果真一絕！ 🧡雞胸軟骨（$28）咬落清脆爽口，個人覺得比一般雞軟骨口感更好！ 🧡蒜頭（$22）濃濃嘅蒜頭燒得有焦香味！ 🧡松島魚餅（$42）口感幾彈牙，咬落有鮮味，外層燒得焦香，賣相相當唔錯！ 🧡魷魚飯（$82）造型夠哂特別，由頭到尾原條魷魚上，打卡一流！魷魚包住煙煙韌韌嘅米飯，好食又飽肚！ 🧡關東煮（$72）關東煮夠哂清甜，食落好舒服！ 🧡白桃燒酌梳打（$58）燒酌梳打配燒物，清熱又爽快，白桃梳打相對提子梳打味道會較清~ 🧡提子燒酌梳打（$58）比起白桃梳打味道會較濃，同樣好配燒物嘅飲品！

約咗一位好耐無見既朋友食晚飯，打算揾間坐得耐d又舒服既地方傾計，係OpenRice 見到有得係Aop訂台，見到新開，決定要試吓。一試要encore，串物很ok，特別推介炸雞同炸苦瓜，其他食物都很Ok，另外，佢有個大玻璃窗，日頭黎食飯可以影靚相。

串燒比人嘅感覺就係夜晚同朋友傾計飲酒嗰陣食細細一串可以試到好多不同款式但最近發現尖沙咀開左一間新嘅居酒屋午市時候竟然提供串燒定食算係比較少見呢間泓居酒屋位於尖沙咀中港中心頂層坐擁開闊嘅九龍公園景色令人心曠神怡我地分別叫左兩份串燒定食定食已經包括麵豉湯、沙律、前菜同埋汽水汽水我地分別揀左梳打水同可樂侍應生不單幫我地開埋斟落杯而且仲分別配左青檸同檸檬估唔到只係午市定食都會咁細心前菜係店家自己嘅醃漬物有蒜頭同埋牛蒡味道帶微辣，口感爽脆幾開胃至於重點嘅串燒我地叫左一份海鮮串燒定食有番薯、冬菇、帶子、白鱔同埋虎蝦白鱔夠厚肉，啖啖肉之餘，鱔皮又燒得香脆，再加埋白鱔本身嘅油香，實在令人回味。另外叫左一份泓串燒定食除咗都有番薯同埋冬菇之外，另外仲有雞髀肉、鹿兒島蘆筍豚肉串、明太子雞翼同埋牛舌當中牛舌串燒得軟熟多汁！而雞髀肉串就加左我喜愛嘅柚子胡椒調味，深得我心！整體嚟覺想試多啲唔同口味嘅，絕對要試下泓串燒定食。至於海鮮串燒就的確好抵食！因為夜晚食一串白鱔串燒都已經五六十蚊，而午市就只需要$168就可以品嚐到咁多款。