影片
更多
2022-09-21
111 瀏覽
琴日同朋友去咗北角一間拉麵居酒屋食晏，有人話意猶未盡，所以今日就決定再接再厲，帶佢嚟尖沙咀呢間新開嘅串燒居酒屋吃頓午餐。餐廳位於中港中心頂樓，室內空間頗大，環境寬敞闊落，而且景觀開揚優美，甫踏進店，藍天、白雲和一片綠油油嘅景致便即時映入眼簾，非常愜意舒適。另外餐廳亦設有多間獨立房間，可容納大約 6-8 人，關上趟門，自成一角，私隱度極高，好適合同朋友嚟飲酒聚餐。餐廳主打正宗日式料理，而午市就有套餐供應，定價十分親民，最平 $88 已有交易。我哋點咗兩客定食，每份均附有前菜、沙律、麵豉湯、白飯、罐裝飲品或熱柚子蜜。沙律菜新鮮爽甜，配上微酸嘅醋汁，很醒胃。麵豉湯內有海帶、腐皮，入口清醇不過鹹。泓雞肉串燒定食 ($108) 有雞肉串、雞心串、雞皮串、明太子雞翼及蕃薯。雞皮油潤甘腴，吃起嚟有彈性又帶點脆度，口感很不錯。雞肉兩面都燒至微黃，食落肉質軟嫩又唔乾柴，而雞心串水準亦不俗，火力控制得宜，咬下腍中帶爽。雞翼脹卜卜，內裡釀滿了明太子，入口甘香微辣，佐酒一流。蕃薯燒得頗香口，味道帶甜，口感軟滑綿密。至於另一客銀鱈魚西京燒 ($168) 亦非常高質，魚皮香口富油脂，魚肉甚厚身，咬下啖啖肉，肉
琴日同朋友去咗北角一間拉麵居酒屋食晏，有人話意猶未盡，所以今日就決定再接再厲，帶佢嚟尖沙咀呢間新開嘅串燒居酒屋吃頓午餐。
餐廳位於中港中心頂樓，室內空間頗大，環境寬敞闊落，而且景觀開揚優美，甫踏進店，藍天、白雲和一片綠油油嘅景致便即時映入眼簾，非常愜意舒適。
另外餐廳亦設有多間獨立房間，可容納大約 6-8 人，關上趟門，自成一角，私隱度極高，好適合同朋友嚟飲酒聚餐。
餐廳主打正宗日式料理，而午市就有套餐供應，定價十分親民，最平 $88 已有交易。我哋點咗兩客定食，每份均附有前菜、沙律、麵豉湯、白飯、罐裝飲品或熱柚子蜜。
沙律菜新鮮爽甜，配上微酸嘅醋汁，很醒胃。麵豉湯內有海帶、腐皮，入口清醇不過鹹。
泓雞肉串燒定食 ($108) 有雞肉串、雞心串、雞皮串、明太子雞翼及蕃薯。雞皮油潤甘腴，吃起嚟有彈性又帶點脆度，口感很不錯。
雞肉兩面都燒至微黃，食落肉質軟嫩又唔乾柴，而雞心串水準亦不俗，火力控制得宜，咬下腍中帶爽。
雞翼脹卜卜，內裡釀滿了明太子，入口甘香微辣，佐酒一流。蕃薯燒得頗香口，味道帶甜，口感軟滑綿密。
至於另一客銀鱈魚西京燒 ($168) 亦非常高質，魚皮香口富油脂，魚肉甚厚身，咬下啖啖肉，肉質結實不嚡，細嚼更可嚐到味醂嘅甜味，沾上沙律醬吃，更加香滑。
以每人百零蚊嘅價錢就可以享受到一頓咁高質嘅午餐，加上環境清幽舒服，真係物有所值。
張貼
