泉章居 (已結業)

泉章居出名雞靚,九龍我就試過,果言好滑同有雞味, 今次到香港泉章居試一試一試,就覺得香港泉章居唔得, 收人160元一只雞,但給只值30幾元的鮮雞給客人食, 真唔得, 同時那盅燉翅更加唔得,無翅, 湯底又差伙記更衰,一點招呼都沒有.

五月十九日和小肥肥一族到此補吃母親節飯, 一行十一人, 點了兩個四人套餐, 一個二人套餐, 合共有三款湯和八款小菜, 水準只屬一般, 尤其失望的是盬焗雞, 所謂招牌菜, 雞肉是嫩滑, 但完全沒有雞味, 如果不點沙薑粉, 便甚麼味也沒有, 不過乳豬, 燒排骨, 金沙骨和炸蝦球則值得推介.順帶一提, 晚市有套餐供應, 價錢較划算, 不過要問侍應先有套餐紙. 另外, 八寶冬瓜盅蠻抵吃, 二人或四人套餐加三十元便可轉換, 八人餐則加五十元, 我們加了三十元換一個冬瓜盅, 可以分到一人一碗, 味道也好, 可以一試.此店始終是老牌店舖, 服務不算特別好, 只屬一般, 總算沒有白眼, 但見客人的骨碟已滿, 也沒有主動更換, 應要檢討; 將近吃完時, 便速速上湯水, 有趕客之嫌, 需要改善. 可取之處是三樓全層為非吸煙區, 為客人設想, 值得一讚.結帳盛惠八百大元, 也算抵吃.

四個人來吃晚飯，我們試的是旺角分店,因之前試過等位超多人,所以今次打電話訂位,佢地只接受6.30分前的order,我們叫了四人套餐。包括例湯, 鹽焗雞,炸鮮尤,梅菜扣肉,炆海參.再加左個鮮姑三鮮我們落單後,10分鐘左右菜即上台,味道真的好一般,而且唔係即炒的,應該係煮定之後上碟因為d送只係小熱.有d失望,但鹽焗雞又係大大隻，味道有水準，點沙薑汁好食，而梅菜扣肉就最好食,可能平時好少食啦!最值得一讚的係服務唔錯,好勤力,一無茶即沖,不過~~~佢地好辛苦下,一個睇成5張台!埋單一人$90多,我下次寧願去d即叫即炒的小菜.p.s. 8.15走時,等位的人多到.........所以一定要訂位!

曾是常客...但現在已很小去,皆因太多人,品質差以前很多,服務都差過以前..坐得不是太舒服...連佢地的沙薑雞的味道都跟以往不同...自己就一定不會選擇再去.....

我覺得d野好好食呀,最好食都係王雞,真係好好食架,隻雞又大又新鮮,d肉又夠味又滑,我個個friends都好鍾意食架,仲有個海參花膠煲都好好味,但係呢到就唔坐得耐啦,如果d侍應見到你食完就會拎張單比你埋架啦,想坐耐d都唔得,冇辦法啦,因為果到實在太多人幫襯啦,不過旺角果間我建議大家就唔好去啦,我同d friends去過一次就冇去過啦,果到d既款式冇銅鑼灣果間咁多,果隻雞又細隻又唔新鮮,我同d friends都覺得隻雞係隔夜既,其他都唔好食,賣相又差,環境又差,d侍應既服務態度又差,一句講晒乜都差,大家唔好去。

客家菜的特色係好油水，淨睇梅菜扣肉同炆門鱔呢兩味就知。這裡賣正宗客家菜，咁係會多油D，如果唔油的話我就唔會再幫襯了。

以前我在附近返工,貪放便去食過幾次!(因為冇乜人 )但發覺,不論環境、味道、乾淨都強差人意.大多數食物都有好多油,十分唔健康.就算同一款小菜做出來都可以日日唔同味!!最差的是,在這裡經常會有(小強/大強)陪你食飯..怕怕..所以我已後唔會再去食哪.........

我只去過銅鑼灣個間，通常去既原因係想食o的粗！因佢地方環境、食物都係好普通！

The food is not expensive,is also good.The chicken there is hot enough!It's worth a try ga!

我去過銅鑼灣同旺角兩間,銅鑼灣環境同食物都略為好小小,旺角的分店則非常差,服務不佳,衛生不理想,尤其為廁所的情況,食物方面都十分普通,其雞及紙上的小棻都不比麗都出色,但套?的價錢要每人百多元則十分不合理.

九個人來吃晚飯，叫了788蚊的套餐。包乳豬拼盤、海皇羹、北菇雲腿扒菜膽、鹽焗雞一隻、西檸雞、清蒸鯇魚，六菜一羹，還有飯、麵及糖水。拼盤有乳豬、油雞、燒鵝、薰蹄、海浙等，幾大碟，食左幾轉都未食得完，味道都唔錯；海皇羹足料，每人都起碼可以食到兩至三碗；扒菜膽的雲腿幾硬，北菇又唔夠大隻，但都大碟；鹽焗雞又係大大隻，味道一貫有水準，點沙薑汁好食，上檯時還暖暖的，我諗唔使再解釋點解隻雞唔會好熱卦；西檸雞的雞是剛炸起，夠香口，酸酸地好開胃；食到蒸鯇魚，其實大家已經飽了九成，條尺幾長的鯇魚少說也有兩斤，河魚係有D腥，加上有D飽，食左一半就停手；能支持到吃炒飯和干燒伊麵的只有兩人，兩碟野又係剩下很多。大家高談闊論，講講食食，愉快的三個鐘眨眼便過。埋單每人一百有找，幾抵食。

用料可以,但不可以請客,因為味道似大排檔,可以話係有冷氣慨大排檔,2個人食都可以,一個餐有湯有二味餸,我同男朋友2人撐枱腳都無問題,味道一般,如果不大要求也可以,菜式以家庭式為主,想感受家庭feel就可以一試!

可能太多complaints，所以特別裝修一下，門面光鮮啲，服務態度改善咗啲。況且有分吸煙及非吸煙樓層，唔洗煩! 可以訂枱!霸王鷄最穩陣，又熱又香，冬瓜盅不俗，煲仔小菜熱辣辣夠香(例如：啫啫雞煲、魚香茄子煲)，蒸鯇魚則差勁!

The space for each table is limited. environment is very noisy! But I don't know why young people like to gathering there for dinner! I hate to queue up for so long! That I like to visit there in weekday. 霸王雞+ 蔥油雞are taste good. The 蔥油雞with alot of ginger and green onion on top. But the 梅菜扣肉is terrible, pork is not tender enough and the 梅菜汁is not enough 惹味!

我細細個成日我醉瓊樓食飯, 佢d雞好食都震. 大個左就食泉章居. 因為我男朋友經常去, 所以我都跟埋一齊去. 佢d雞都好好食, 好滑. 不過肥左d呀. 佢既冬瓜盅都好好咪, 好大個. 2 個人食都幾辛苦. 食左都食唔落其他野. 而且佢好多料. 但係我諗佢d味精都唔少, 都渴渴地. 其他野就好油, 有d怕.不過唔知點解, 我去親都覺得身痕, 唔知係咪?d地毯污糟呢?