泉章居 (已結業)

今晚在cwb開飯, 原先打算去Espirit對面的泉章居, 去到至發現不見了. 真想不到. 之後去了銅鑼灣廣場一期果間, 諗住有排等. 那時八時多, 很高興立刻便有枱. 還要是卡位. 可能地方比以前大了.依舊都是有套餐. 一個羹兩個餸, 自選.我們點了個二人套餐, 跟了個海鮮羹..都幾大鍋..成五六碗. 好好味, 好多料. 餸我們就選了荔芋鴨和瑤柱豆苗..兩個都好好味. 份量對兩個人來說真是太多了. 三個人就剛剛好.泉章居依然是我很喜歡的食店.

自從搬左去銅鑼灣廣場之後，去過兩次。d野食真係抵....好多野都好想叫，但驚4-5個人都食唔晒,哈哈點知d野食細細碟，擔心係多餘。可惜係環境太嘈...同其他酒樓無分別

你估唔到，呢度有下午茶餐食。有飯，炒粉麵，湯粉麵，小食，茶餐只係十多元一樣，很抵。自從搬了新鋪之後，都未黎過，今日同男友黎食個茶餐先。我地點了臘味(米需)米飯，煎腸粉，鹽焗鳳爪，韭菜羅白炆豬紅，紅豆冰同柚子茶。臘味(米需)米飯，初頭我地以為係炒那隻，點知係臘腸，臘肉，潤腸(米需)米飯。本來嚇一跳，點知都幾好味，臘味都幾香。鹽焗鳳爪，一碟有6-7隻，隻隻係黃油的，整得幾入味。煎腸粉，其實係鈔腸粉，用豉油韭黃炒，幾香口，好味。紅豆冰，男友的至愛飲品，好多紅豆，甜度適中，出乎意料的好!只係$6!韭菜羅白炆豬紅，係呢個普通點。不是炆的，是水煮的。太清。值得一提，呢度比舊店，無論裝修及環境都好了很多。有進步!

終於有機會食到, 七點去到, 己經8成滿, 好誇張,過左十分鍾, 已經聽到要等位.厲害例牌叫雞... 今次食沙姜雞, 唔係好滑,不過幾鮮,唔似冰鮮.双蛋豆苗- 幾好食, 唔會煮過火海鮮豆腐羹- 味淡,要加胡椒粉,但買相好我發現比起未搬之貴左, 2人套餐\要$15X, 計埋茶芥加一, 要成二佰蚊, 雖然未至於好差, 但唔係好扺食喇...短時期唔會再去

自老銅泉章居搬到去現址之後,一直與她無緣,上周爐兄在此安排一局,終能與這位老朋友重逢.一字記之曰平),大件夾抵食,無論新店舊店,門口人龍不絕,這是多年的傳統,幸好爐兄一早安排一桌,無須為此問題而擔憂.十二人叫八人餐,再加點小菜,是夜天氣轉冷,順水推舟來個羊腩煲,同太史五蛇羹.沙律炸蝦球打孖上等等,相信也能滿足席上多位朋友之肚皮.捨鹽焗取霸王,多年來泉章居自設雞場,一條龍生產作業,今時今日是否保持就不得而知,這隻霸王雞,依然保持其雞味,肉質點點鞋口,Superbaby遲到,眾人特意留下"特別部位"給她.梅菜扣肉亦是必殺技之一,之前有朋友講過今日泉章居的扣肉已經不再肥,但今日所見,仍舊保持,甘香肥美,其底下的汁,用來送白飯,差不多是長年的指定動作.炸大腸夠香脆,其獨特的味也很濃郁,炸豆腐金黃香脆.一大窩五蛇羹,並非什麼一級貨色,也吃得歡天喜地.天寒地凍來個羊腩煲,也是深慶得人之選,只係稔熟有餘,羊味不足,吃到最後還吃到有"虫",臨尾香之作.撇除這個問題羊腩煲外,整體上保持近幾年的水準,無他,大件夾抵食,就是泉章居經營之信條.無須下下大龍鳳,一大班朋友來個家常便飯,也吃得不亦樂乎,有勞搞手.

星期一晚同家人去食晚飯,明明book左枱,但係門口d阿嬸搞到錯晒,結果walk-in客仲快過我地入座,差!入到去,可能人手嚴重不足,個個做到黑口黑面,執枱阿姐將上手飲淨嘅汽水飛左落張凳度,叫佢換個張凳,不情不願之餘,拖左張凳走,然後又攞番同一張返嚟!!!第二個差!叫左個八人餐,水準一般,勝在唔算貴囉!總括而言,唔會再幫襯!

兩個人周未黎食晚飯，好多人，但等半粒鐘已有位。叫二人餐，加個魚湯米線。D餸好快上。霸王雞：好滑，d薑蔥好香，正蟹肉豆苖：幾好，係多油d啫，同埋有d蟹殼海皇帶子羮：認真麻麻，成碗都係魚肉碎，搵粒帶子都無。咁就叫海皇帶子？早知整個例湯好過。魚湯米線：出事啦，等超過半個鐘，催左兩次，d餸食剩半碟雞先黎，分量亦唔多，每個人得一碗仔。咁都算啦，點知一食，魚湯ok，但d米線淋都一劈野咁，其實應該話係浸都發脹果隻。$15整碗咁野，下次都係叫個靚仔算吧啦。埋單$220，如果唔係個雞同豆苖，一定無笑臉比。

昨晚去新店食飯霸王雞當然要叫啦保持一貫高水準其他小菜都唔錯價錢都唔貴銅鑼灣來講,算又平又好吃又好坐總係覺得舊址好d但什麼地方新不如舊我又講唔出唔通食開有感情?

12個人來呢度晚飯, 帶了紅酒, $30一支開瓶費可接受8人餐豬肚湯- 個味唔算濃, 但口渴所以好快都飲晒骨髓炆三鮮- 有骨髓,粟米芯, 鮮菇, 去骨鴨掌同鶉春蛋, 材料都幾豐富, 每樣都炆得好淋同入味霸王雞- 雞好滑, 加埋D蔥一齊食就最正花膠海參煲- 花膠同海參炆得算淋, OK黃金蝦- 很少蛋黃, 但炸得算香口梅茶扣肉- 半肥瘦肉很甘香, 梅菜甜甜地, 送飯一流另加西檸雞- 無食海蜇- 普通炸菜雞腎- 普通埋單$900, 除開每人都係$75, 簡直係平靚正之選

12月9日星期六放左工後就去左都好耐冇去o既泉章居,諗住食佢個"四人套餐",因為諗住有3個(當中一個應該係叫半隻雞吧),例湯及甜品.坐開8樓因為8樓係唔食煙果層,點知去到8樓就話俾我知開(?),行番落去7樓之後...嘩!鬼死咁多人!做咩事?以前來都因為貪佢位夠大夠靜,做咩依家咁多人?原來佢依家於下午2至5時加入左港式飲品如咖啡奶茶等(堂食$5熱飲$7凍飲),亦有$16一碗o既鹽焗雞飯及梅菜扣肉飯,及其他炒粉麵!係,鹽焗雞及梅菜扣肉都可以以$16食到,開業60年都要攪到咁...真係...我就冇叫到$16鹽焗雞飯及梅菜扣肉飯,因為睇其他叫呢D"平價飯"都係俾D頭頭尾尾你,跟本就冇肉可食,算吧啦~~~ 今次叫左2人套餐,一碗$16梅菜扣肉飯及一碟牛,依家叫套餐原來要加錢先有例湯,甜品就重有得送(蕃薯糖水).依家佢重要於下午茶時段係要搭架,環境又嘈,同之間又近(即係窄)... 我盡可能都唔會再於下午茶時段來了~~~

今日晚上出o左銅鑼灣食晚飯,六點幾上到去重有好多吉位.叫o左個四人餐:鹽焗雞半隻--冇碎骨,隻雞好肥,但D肉好滑又夠熟,掂!瑤柱豆腐海鮮羹--比較淡味,算幾多料骨髓炆三鮮--除o左骨髓,粟米芯,鮮菇外,仲有去骨鴨掌同鶉蛋(去黃),ok豉汁蒸魚--蒸得剛剛好,魚肉好滑,仲係新鮮魚添,掂!餐點品(送o既):薑汁雪耳番薯糖水--唔太辣,又唔太甜,ok個四人餐份量好大,我地四個人食到好飽!平均每樣o既水準都唔錯.食食下至發覺坐滿晒人,走o既時候重要排長龍等位添,平日(星期二)都咁多人,星期六/日重得了?!

The food quality becomes worsened! Very disppointed! No more cheap and good Ha Ka food!

自從佢地去了銅鑼灣二期，都冇機會去試，星期二終於上了一直想去的新店食魚腸焗蛋，但看來看去menu都冇，忍唔住問下，原來以經冇再賣，感覺很失望，成餐飯總覺少了甚麼的，希望佢地會再賣。

有點慚愧，為甚麼一間開業六十年的老店名店，而且近在咫尺，竟然廿年來也未有一試。多次在諗地方食飯時，都有想到這裏，但種種原因，沒有實現，今日終於疊埋心水坐低。兩個人點一個二人餐：1)霸王雞半隻聽友人說這裏的雞很出名，當然要點，友人建議霸王雞，而檯檯也似乎以叫霸王雞的佔多數。原來所謂的霸王就是很多蔥，淡淡的雞肉有雞味，蘸上一碟少濃的沙薑醬很是匹配，沒有碎骨，雞肉也算幾滑，雞皮啎多脂肪，少許雞油呈很淡的黃色，真係幾正。2)蟹肉豆苗一心都不會奢望渠會畀好多蟹肉，但事實與心諗的相反，蟹肉出奇地多，落重料，豆苗就稍嫌啎夠嫩，但也食得過。3)瑤柱海鮮豆腐羹主要有瑤柱與蟹肉碎及菇絲，一定要趁熱食，稍稍放涼一點，也會不好吃，芡汁會變稀，味道偏淡，落了胡椒粉亦言。兩個人一大盅也覺分量太大，三人就剛剛好。這個二人餐對兩個人來說也是稍多，三人最理想。二人去酒樓食始終不能多點菜，試的菜色有限。名店果然是名店，總是有其歷久不衰的魅力，只講菜色上的用料，可見其製作之認真，相信當今酒樓也很多時會偷工減料，或用料不新鮮，所以又抵渠經得起風浪，半個世紀後，食客人龍絡繹不絕。

上次去泉章居已是兩年多前了,今次第一次來到新址,第一個感覺係-依然咁多人,淨係喺樓下排隊搭電梯上去都排到轉晒彎,等咗差唔多十分鐘!!!枱與枱之間依然係咁擠迫,我同朋友一共四個大人及一個小朋友被安排坐喺走廊電梯口第一張枱,真係好唔方便.我遲咗到達,由我朋友攞位,佢話好彩我哋喺前一日訂咗位(八點嗰輪),所以等咗十五分鐘左右就有位,佢聽到有人話之前冇訂位,walk in上去,由六點幾等到我哋有位佢哋都仲等緊,真係慘!我朋友叫咗個四人套餐,有豆腐羹,鹽焗雞,蒸魚,梅菜扣肉,另外我哋加咗碟炒菜.上菜速度好快,叫咗唔駛五分鐘就到.先講豆腐羮,好淡,冇咩味道;鹽焗雞就好正,好滑好夠味,蒸魚都唔錯,幾大條,蒸得啱啱好,梅菜扣肉都好入味,如果啲肉可以再"淋"啲就更好.碟炒菜就較多油.其實呢度啲食物水準都ok架,可惜實在太擠迫,而且服務一般,唔係太講究的話呢度都係一個唔錯的選擇.