泉章居 (已結業)

細個成日同爸爸媽媽去，最記得佢個魚池同d大錦鯉，條條粗過我細個隻大脾!仲有就係好多人，次次都要等...好多年冇去，再去時已經係新地址(銅鑼灣廣場)，食咗呢幾個餸:霸王雞(例牌)清炒蕃薯苗紅燒豆腐粉絲蟹煲梅菜扣肉豆腐海鮮羹霸王雞--雞好嫩，連雞胸都唔嚡，啲蔥好香，唔辣，好味。清炒蕃薯苗-- 好大碟,好1抵，但落油大多，成個碟低都係油，要"瓊"咗啲油先食得完。紅燒豆腐-- 正，啲豆腐好香豆味粉絲蟹煲-- 水準依舊咁好，成個煲都好香蟹味，食落好香口，唔油，好乾身唔會水汪汪，成個煲最好味嘅依然係粉絲,吸唒啲香味，係小女子食過最好之粉絲蟹煲。正!梅菜扣肉-- 保持一貫高水準，勁入味，件件肉都炆到變咗黑色，鬆軟唔膩。勁。豆腐海鮮羹-- 全晚最失色嘅菜色，腥，落咗勁多胡椒粉都覺腥。下次都係叫返西湖牛肉羹好味d。最後講吓服務:侍應水準好參差，不過真係好唔夠人。我遇到個年紀效大嘅侍應勁好招呼，以為個黑衫部長仲會好啲，點知佢唔理你。你話奇唔奇?總的來說都好滿意，隻雞真係冇得頂，會再去。

同d朋友六個人去銅鑼灣店食，叫咩無咩，到你叫晒餸等食時，會有人同你講你叫的5個餸入面有3個都無晒，要再叫過。都算啦.. 黎左一個"唔知咩炒帶子"，眼見係只有好多的馬蹄，用力搵下d帶子啦，搵到4粒呀…睇真d.. 係兩粒帶子開邊變"4粒"。唔好玩啦我地有6個人... 如果係得兩粒帶子好多馬蹄咁唔該改名叫"帶子炒馬蹄"。其他餸都ok... 咁叫左個部長問下有關個碟"炒帶子".. 部長答我地"係呀，碟餸就係由一d白色的種種炒埋一碟再加d帶子"。之後我地個個都呆掉左咁諗住算啦。部長之後叫左個經理同我地'解釋'下.. 不過佢講的說話真的很絕.."係咁架啦! 咁下次你地咪唔好嗌呢個餸囉!"真的無話可說……係就係好經濟的價錢……但係就好似好唔老實同態度真係好唔憂做咁啦。總之大家下次嗌咩咩炒咩咩之前，要問下會有幾多咩咩同咩咩啦。好彩同d朋友去食，如果請人食飯，俾d客人見到個碟"帶子"，都幾失禮。

見到咁多笑哈哈，尋日賀frd生日，咪去0個度食。星期六去食，星期二去訂位，已經得番六點先有位，仲要規定八點埋單，咁巴閉，心諗咪應該好好食囉!?個set din係set死左要叫雞或海上鮮，聽聞銅鑼灣0個間唔係咁個喎..唔知係咪呢?我最期待係隻雞，食就好食0既，不過好唔鍾意佢有勁多碎骨。做得咁出名0既酒家，斬雞呢0的技巧係必要架啦，點可以容忍呢一點?!不過酒家黎講，個價錢就幾合理~我地七個人去食，六個人夾，仲要叫左八個人0既份量，埋單每位百一二度啦，幾好吖。但我本人認為未值得有咁多笑哈哈囉~哈~

兒時常去的。好記得，炆三鮮，鹽焗雞，梅菜扣肉，豆腐煲。好好味。現在去，都好味，但總不及小時!都好，仲有得食，因有好多以前的店都沒有了。

中秋夜來吃晚飯，嘩，超勁多人^o^，等位區滿晒，無法啦，暖暖好鍾情佢o地的泉章雞。最後等了一個鐘，終於有位喇!!!!!收埋晒d二人餐單，想人叫散叫。好多人係一家大細十幾人，緊係叫倒啦，但都要顧o下我們這些兩人的需要嘛。我地叫了一個二人餐，真係好飽，但佢非地小菜同雞雞真係好油。暖暖就食得好滋味。最緊要係佢開心啦。位好迫，服務員的咀臉亦好差。要排一個鐘，係唔值。

近幾年每當有長輩生日，好多時都在這裹擺兩圍。月頭我去食Ｄ野勁唔得，條石斑超鞋，Ｄ海蔘煮到Ｄ味好怪，其他唔係太油就太乾~~艾~~~~~~我話過唔會再去ga la價錢唔平但質素唔得，我寧願去信和廣場間潮樓或太古間北京樓好過

今日同屋企人做節，o黎o左呢間新搬o既泉章居以前都有去過未搬之前o係波斯富街果間，覺得都唔錯book o左7 個人，我早到去位先...見到張檯都有少少O 嘴...只係一張細檯...仲要俾少o左個位...(得6 個位)不過呢度咁出名又咁多人o黎，張檯細少少都無可厚非(擺多幾張檯賺多幾台客錢嘛)...遷就下啦~~D 小菜都幾得，唔差尤其係隻霸王雞，好大隻梅菜蒸鯇魚...條鯇魚幾大條梅菜扣肉...有D 好肥(成舊都係肥肉)有D 好瘦(瘦到冇肥肉)去其他酒家o既時候，因為避諱問題，唔叫得7 個小菜...叫6 個小菜又唔夠食，叫8 個又多過頭o係呢度就冇o左呢個問題，因為碟頭夠大，6 1 湯都清唔哂，打包o左D 雞走至於服務...都唔係太差o者~初時D 侍應唔駛叫都會自動收走碗碟同加水不過之後就差少少...體諒下人啦，全場爆滿，個個做到隻積咁，仲想D 侍應俾個招牌笑容你咩?

今日同亞媽提早慶祝生日，好幾年無去間老字號既酒家，醒起泉章居，一家大細老遠黎到銅鑼灣，我懷住一個有寄望既心情去品嚐當日記憶中舊店既食物，點知....環境比以前更迫，10人比8人枱我地坐，叫左2個餐\4+8人餐\，內容有:霸王雞;炸大腸;梅菜扣肉;黃金蝦;椒鹽尤魚蘇;鮑片鴨掌;士多啤利京都骨;腐乳椒絲通菜;2個湯。嘩!服務差都不在話下，3個人企左係路口成10分鐘無椅坐都不在話下，侍應生要口面好似欠左佢\咁，食物已經不再從前，尤魚蘇梅既;炸大腸有味;炒通菜太咸;黃金蝦賣相唔得兼有d梅;鴨掌林petpet;雞好似都無以前咁好。唉!!!早知係咁，就近近地係屋企樓下間飯店都好過佢\，仲唔洗山長水遠叫家人係九龍到銅鑼灣食咁麻煩。我friend仲話諗住遲d同家人去食，我要立即將我今日既經歷同佢\講，等佢\去衡量一下。不過，我是對事的，我只有感受過港島區泉章居，話唔定九龍的分店會比港島的好!!

好多人批評此店服務差，但同以前比較，其實已經係有進步！因從前於銅鑼灣工作，一個月總會到泉章居(舊店)四五次，午飯晚飯都有，味道好時價格亦好合理，服務就弱D, 不過老式中餐一向如此，加上香港客家菜館不多，所以一直支持！最近去新店幫襯，感覺不錯，以前舊店冷氣好勁，而家舒服好多。菜式方面，小菜甚本上都不錯，不過我已唔點雞了，因無咩雞味同肉好厚，相信係冰鮮雞！

食物味道及環境其實ok，不過服務就真係差勁! 晨早訂o左枱都要等20-30分鐘，好聲好氣問個reception帶位幾時有位，佢竟然藐嘴藐舌咁話"咪執緊枱囉!"，結果又再等，跟住帶我o地入到去先發現原來上一張枱o的客都未走，搞到我o地十幾人o係入面再罰企。之後我o地order o左o既菜無晒，個侍應攞o左代替品埋o黎就算，解釋都無，我o地問佢先話賣晒，亦都無表示歉意。我諗呢o的所謂老字號歷史悠久，大把客排隊等食，所以完全唔會理會服務質素。我就決定以後唔會再幫親，今時今日咁o既服務態度點得o架?!

我光顧泉章居要追溯到十多年前，那時的泉章居仍在舊利舞台對面，雖然裝潢不美，可是價廉物美，而且我家又是客家人，所以特別喜愛。喜歡這裡的食物與一般新派的酒樓不同之處就是這裡捨得煮給客人食，每碟菜式都是有質又有量。特別喜愛這裡的皇牌鹽焗雞，多年來一點也不媽乎。

上個星期日, 我奶奶生日, 因為佢住近銅鑼灣, 所以我就諗住同佢去泉章居食飯. 第一搬未試過,同好耐無幫襯, 我地六個人, 叫一個四人套餐+2個,東瓜盅, 好咸, 好味精士多啤利骨似超級市場買果醬炒骨, 勁難食魚: 唔記得咩魚, 好細條, 好老梅菜扣肉. 梅菜咸左, 扣肉好似減肥咁, 勁瘦雞, 鞋,無味其他食完無印象, 我以後都唔會再幫襯,勁難食,好失望ps: 侍應服務態度勁差,所以我1毫子貼士都叫我老公唔好比

星期一, 一班同學聚會, 同事介紹來泉章居, 話裝修好得、食物好得，講到咁得, 咪嚟試下.我一星期前訂位, 訂6個人, 佢居然敢俾一張4人枱我地, 我地成班人見到張枱都愕然, 邊坐得落呀.我地咪搵d伙記, 叫佢地換枱, 後來都冇換枱(因為成個場都full晒), 只係係張4人枱上加大張枱面, 但係好鬼迫, 坐近走廊位的同學好慘, 因為我地坐係廁所出面, 成晚都有人出出入入, 係4人枱的位置加大枱面, 條走廊自然窄左啦, 佢成晚都要係咁俾人撞......係大家都不滿的情況下, 自然唔覺得佢d野好食啦. (最失敗的一次聚會)

由舊舖搬到新舖後，換好多大年紀伙計以為Young service 會好些，原來以前個service己好好，而家仲差好，除裝修新之外，同雞保持水準之外其他都係一般．唔藉得等咁耐俾錢人赚仲要俾人喝，有個叫湯X蓮伙記，差到叫一大群人企一未走客人身邊，同飯堂等住咁，好冇禮貌，叫佢上埋糖水佢即來收我，問都冇問我，我話未食完，佢個様不知幾不滿，好似唔可以上先咁，仲要唔想俾我個ＢＢ2yrs old，但茶錢佢就收足唔好抱太大寄望，炸大腸，梅菜扣肉都冇以前咁好食，一般如要求唔高都可以，如太多人就會坐得唔係咁舒服，因為好細．

尋晚一行10 人0黎呢度同朋友慶祝生日. 個人覺得除0左雞之外, 食物唔算好食, service 亦唔得(悔氣黑面樣樣齊), 其實唔明點解comment page 會咁多笑面, 不過算啦, 一來朋友生日, 二來我自己點都唔會再幫襯.