泉章居 (已結業)

人多想食得好，又唔想太貴，就諗起泉章居！好似我哋大棚人8大2細，點咗6個菜（有東江鹽焗雞、脆皮炸大腸拼春卷、椒鹽魷魚鬚、煎炆釀豆腐、雲腿扒菜胆、蜜灸叉燒），加多個魚湯米線，連茶芥加一，都係$720，碟頭份量唔細，味道又唔錯，抵食啦！有幾道菜都值得推介吓，招牌菜「東江鹽焗雞」的確做得出色，雞皮爽口，皮下脂肪唔多，雞肉嫩滑且有鹽焗嘅鹹香，唯一失色係今次過咗少少火位，鹹咗D！另一道菜「脆皮炸大腸拼春卷」（套餐只有脆皮炸大腸揀，無得拼春卷，要試就要散叫），推介主因係，炸豬大腸依家係街邊都少見咗，就算有都係連皮送多大大pat肥膏俾你嘅炸大腸，好味就好味，但唔太健康。而泉章居哩個炸大腸就食落去會安心D，因為豬大腸內嘅肥膏一D都無得留低，食起上哩無咁肥，然而外皮依然炸得非常脆口，記得趁熱食，唔好慢慢嘆；而春卷唔係平時酒樓點心個隻，係用腐皮哩包嘅，一層層好鬆化，餡料十足，一樣好食！仲有一佢個「魚湯米線」，表面平平無奇，睇落乜料都無，賣成$55一窩，但食落就知平凡中嘅不平凡，就係個魚湯不平凡，奶白色魚湯好濃魚鮮味，但一D都唔腥。米線就無話有咩特別，OK啦！至於其他餸菜就不過不失，係個「椒鹽魷魚鬚」水準之