沾仔記 (威靈頓街)

營業中

休息中

由於最近工作繁忙已經很少出外食飯這一次路經門外,看見人流不多把心一橫進去試一試,聞名多時的巨型雲吞雖然比其他地方貴一倍但真係好巨型啊!一粒等於2粒平時食的雲吞~仲不失鮮味~好大隻蝦~不過始終都係算貴試一次就夠,環境都算唔錯

Plain and simple, just want to say, good is not too bad at all, but price wise is kinda expensive. Well don't expect exceptional customer service, But food is actually quite tasty, just hope they will lower the price abit...

趁早去蘭桂坊感受一下那股嘉年華會氣氛，不過人潮弄得水泄不通，反正自己又不是極之喜歡喝啤酒，所以只是行了一個圈就離開了，不過氣氛的確很好，有啤酒競飲比賽，雜技表演和不少送酒美食可以吃到。只不過對我來說，還是想去吃吃雲吞麵，所以就過了附近的沾仔記，因為時間已經過了午市又未到晚餐，所以人客不算多，我們甚至可以找到卡位來坐，本來是四人卡位我們可以兩個人全部佔用。其實她們的餐牌非常簡單，只有三種配料選擇，鮮牛肉，雲吞和鯪魚球麵或粉，油菜等等，最多現在可以提供得到的是兩餸和三餸麵。我個人比較喜歡鯪魚球，雖然各種餸也只是三粒，但是我對鯪魚球的喜愛程度比雲吞多了不少，因為此處的鯪魚球味道討好，雲吞很多地方也可以吃到，但是好吃的鯪魚球不是每一間雲吞麵食店也會提供。埋單之時收銀處之阿姐會跟您說英語，非常過癮，有點外國自由行之感覺。

見個名咁得意又見到好多外國人入去食，又去試下。簡單叫左〝雲吞麵〞〝牛肉麵〞加多一碟〝腐乳通菜〞。雲吞外皮簿又有大大粒蝦係入面，牛肉麵牛肉彈牙，冇種鬆肉粉味，碟腐乳通菜腐乳雖然比得少，菜又多左d油，個味比較咸左d，好在食麵有d湯係到，唔係既話就要買野飲。環境唔錯，地方雖然唔係好大，但都有比心機去搞好佢，頭頂d燈又有中國味道，唔怪得咁多外國遊客入去食。服務態度一般，d亞姐會介紹野食，但就得閒得濟，成日講事非，仲要大大聲。

唔少響中環番工ge打工仔都要捱貴飯，小弟就係其中之一。 今次同個細食ge女同事去左試沾仔記。佢「預告」左我會唔夠飽，所以我叫左個最「輝煌」ge三併麵，再加左一個淨麵及一碟菜。結果飽到死 三併麵 --------- 用料有大大舊鯪魚肉、兩粒大雲吞，同埋勁多牛肉，而且樣樣都好「對板」吓。 索價才廿幾蚊，但唔會將貸就價! 冇得彈 一定會不斷番尋味! P.S. 個女同事竟然叫左個雲吞麵($18)都食唔晒 我ge食量係佢ge X 2 law!

招牌雲吞麵 :3大粒雲吞, 一大碗上湯面每粒雲舌足料彈牙 ,完全唔腥既蝦唔小心飲到d涉底, 令我不期然咁係咁食落去 =0=秘製牛肉麵 :牛肉牛肉好多好多片 !! 好林,唔un ,讚晒 沙牛面餐平時都 $24蚊啦 ,牛肉仲要得幾塊,e家16蚊晒 ... 真係物超所值架 ,haha

Went here for lunch and finally was able to get in when my friend arrived. We were shocked at the limited selection of wonton noodles they had, but nevertheless we both went for 雙拼. My friend ordered the wonton noodles with beef and I went for the wonton noodles with fish.We also ordered soya bean drinks and a bowl of soup vegetables. Our dishes came very quickly and honestly, the portion was very good! Not too small and not too big. The fishballs were not very good though. I really liked t

今次是第二次來食的，2次都是和男友來食的，第一次鮮鯪魚球麵 和 雲吞麵鮮鯪魚球麵：有2粒很大的鯪魚球，不腥good雲吞麵：有3粒中size的雲吞，蝦很新鮮good麵方面就不太好了。今次(往上次相隔1個月左右)鮮鯪魚球米粉 和 牛肉麵鮮鯪魚球米粉：鯪魚球一樣的美味牛肉麵：牛肉好淋試過秘製牛肉、鮮鯪魚球、招牌雲吞都是鮮鯪魚球最好美。侍應方面：很有禮貌，笑容親切，上菜很快

一早出中環, 唔想沙爹牛肉麵, 去了沾仔.諗都唔諗, 叫鯪魚球+雲吞麵!當然係食最"勁" 果d!好快有得食;雲吞勁爽, d 蝦係新鮮到, 咬落去 "素" 一聲的;另d 鯪魚球夠大夠鮮味, 完全唔腥, 正!服務很好, 姐姐好好笑容, 一讚~21蚊碗, 仲想點?會再來的~

是日再次自己一人食飯. 本來又想食水記, 但外賣要加$1, o係o個度食又熱.所以都係去左沾仔記, 叫個雲吞麵$16去買完飛唔駛5min 就有了. 收銀靚姐態度好!打開已經好香! d 湯勁勁勁熱!d 麵好彈牙煙韌, 掂呀! 食落勁大朕蜆水味! 我個人絕對唔抗拒哩隻味, 而且仲有點喜歡. 覺得食雲吞麵一定要有哩種味!雲吞o係底, 有3 粒, 好大粒! 但都不及權記咁大粒, 原來有原因雲吞不算是鳳尾. 一咬開! d 蝦勁爽勁新鮮, 裡面一共3 舊蝦肉, 舊舊都爽脆, 而權記除放入新鮮蝦外亦都放入雪蝦.豬肉佔少部份, 好多肉汁真係唔錯. 出名得黎又冇做壞名, 難怪咁多人排隊

來中環尋寶，第一次去這間店。都知道這店有很多人介紹過。自已大食，叫左過三寶飯（有魚肉、牛肉及雲吞）。湯底唔錯，唔重味精味，湯底清而夠味。魚肉、牛肉唔嚚，易入口樓面的運作良好，唔亂。食後滿足！

我去年去香港自由行,在半山扶梯旁发现了内地游客推荐的沾仔记,虽然当时很饱,还是很兴奋地进去了,点了一份馄饨面,哎呀,好好吃哦!我吃得饱饱的还是把她撑了下去.我回来就给朋友推荐了,大家都去了回来说好吃,现在沾仔记已经成我们的定点了,呵呵.前天又去了一次,这次吃了鲜鲮鱼球面,依然水准很好,大大的鱼球,里面好像还有陈皮,味道很独特.沾仔记,加油哦!

五月三十‧悶熱 沾仔記的故事，就是說明不要怕低檔，不要怕做下價品，只要做得專，做得用心，也還可以打出一條生路。真的很久沒有來了，還記得第一次來己是十多年前的事，這裡只是現在一半的小舖位，人多擠迫，十蚊一碗大大碗的麵，吃完便要立即走。還記得那時胃口不少，可以吃得下鯪魚球雲吞撈麵的，十八蚊一碗，份量等如其他店子兩碗的多。 別人用蝦籽熬湯，這裡用上羅漢果；人家包的雲吞肉多蝦少，怕被人說是吃蝦餃，這裡由得你講，每粒雲吞也包上兩、三粒蝦，及多多肉，成功打做大件抵食的形象，成為一時風尚，市面亦有很多「雲吞X」的舖子出現。 位置開得好，這裡也越做越大，由一間小舖位做到兩間舖，再在附近開地庫分店。由原本最簡單的圓橩摺檯，做到現在有吊燈卡位。職員也都有整齊制服，連米芝蓮也來推介一番，真的點到你唔服？ 很久沒來，乘是日早上會議開得過了時，午飯時間只得廿分鐘，來吃碗雲吞麵就正好。 餐牌是十年如一天，只有雲吞、鯪魚球及牛肉三款，可選粉、麵或米，另加油菜。就是這樣幾款，天天門前也排大隊。人未坐下，阿姐已經問：「雲吞麵？」好，就雲吞麵，不過要多蔥。 麵上檯，份量比印象中少了，不過我的食量也相應降低，就變得剛剛好。

有些店愛以價錢平或份量多來作為賣點,但質量通常麻麻!(好老實!收得你果十蚊八蚊碗,仲想點?)去一些"名"店的話,雖然質量有所提升,但如果想食到飽的話,無一百蚊以上都唔駛走!要在價錢及質量中取得平衡,沾仔記絕對是成功的!個人認為如果去到一間店舖而不去試它們最出名的食物,為什麽還要去呢?$24 三寶麵----一次過滿足三個願望!鯪魚球肉質結實魚味濃有彈性!(如果知道有地方做得好過這裡的話,煩請各位通知一聲!)雲吞蝦肉新鮮爽口,雲吞皮摺口位不厚,薄得來不易散開.牛肉嫩滑無渣,入口有在吃"肉"的感覺!麵身偏硬不太索湯,不會是有脆的感覺那種.湯的味道也不錯!食完沒有口乾的感覺.除了平、靚、正之外,已想不到其它的形容詞.

沾仔記以前成日食, 都幾中意食架但係唔知幾時開始發覺佢地D 湯好甜又好重碱水味咁就好耐都冇再去最近又再去過一次, 叫左碗牛佣面, 都係好甜好重重碱水味我諗我唔會再去食啦