沾仔記

營業中

休息中

「沾仔記」開正在「麥奀記」對面，不知不覺已經接近二十年了。想當年，見到這間名不見經傳的街坊格局雲吞麵店，竟然膽大包天，在當時香港最出名的雲吞麵店對面開舖，實在佩服。清楚記得當年開舖不久，竟然將雲吞麵減價至 $10 一碗，釜底抽薪，而對面的「麥奀記」則已經要20多元一碗；絕對是經典對決，兩者各有捧場客。唔知什麼原因，可能一向鍾情「麥奀記」對於廣東雲吞麵傳統的堅持：雲吞細細粒、一啖一粒；全蛋銀絲幼麵只有一小箸，食到最後一條，麵條仍然爽韌。又可能對於「沾仔記」的乒乓波雲吞不存好感 ⋯⋯ 總之，一直到今天，從未試過光顧「沾仔記」。不過，估唔到「沾仔記」竟然可以憑乒乓波雲吞打出名堂，越做越出名；繼重新裝修店舖門面及內隴，甚至在中環開了分店。更加估唔到，「沾仔記」竟然可以由2012年開始，連續七年獲得「港澳版」《米芝蓮車胎人美食推介餐廳》名銜，竟然比起「麥奀記」更厲害，究竟什麼原因？今日決定一試味道。大約10年前左右翻新後，小店的裝修比開業時已經光鮮了很多，不過，仍然有一點殘舊感覺。店內員工雖然全部都是上了年紀的婆婆，不過竟然有一份待客熱誠，甚至可以用簡單英語與外籍客人溝通！細閱雜誌訪問的剪報，原

好有人情味的員工——沾仔記間鋪可以只是賣雲吞、魚球、牛肉，都可以維持到，就可想而知佢地呢D食物做得幾甘出色，真係係第二間真係完全食唔到啪既水準，成個snooker 咁大既手打魚球，又彈牙又爽口，兵乓球咁大的鮮蝦🦐雲吞手打鯪魚球——-足料魚肉味鮮甜，食到好有香蔥和菓皮香味😋👍鮮蝦雲吞——-皮薄足料🦐大大隻😋👍💕💑😘#沾仔記#🍜⋯⋯有爽口濃郁的大菱魚球味...再加彈牙的巨型鮮蝦雲吞味....仲有親切熱誠員工的人情味！👏🏻👍🏻總括來說就是好好味😋

沾仔記，在香港算是數一數二的！有很多旅客會推著行李箱來吃。餐廳小小一間，很有香港本土味道！來香港，一定要吃雲吞麵和鯪魚球麵！招牌鮮蝦雲吞麵—簡簡單單的，沒什麼擺盤，就只有雲吞和麵！可是這就是我喜歡的一點，不需要華麗的包裝，食物的味道才是重點！鮮蝦雲吞有3顆，很大一顆！麵很有彈性，可惜竟然沒有蔥花！老闆，我要很多蔥花，謝謝！鯪魚球麵—太大顆了吧！3顆巨型鯪魚球，很有嚼勁，味道也調得很棒。別看它們普普通通的，味道可是非常夠，湯頭鮮甜！

今日星期五約左同事一齊食飯，就落左中環揾食，同事提議食呢間米芝蓮麵店，排隊等左五分鐘就有位啦。呢間餐廳選擇唔多，主要係雲吞、鮮牛肉同埋鯪魚球，睇下你想食幾多款餸。我地就揀左三寶麵，咁可以一次過試哂最出名嘅三款餸，麵底呢我揀左河粉。鮮蝦雲吞大大粒，有蝦喺入面，新鮮好食；鮮牛肉無梳打粉味，唔錯；鯪魚球大大粒，好彈牛，小心有骨。配埋佢嘅辣椒油食非常好味，價錢好抵，份量ok，都只係$43！非常滿足！可以一試！

住係香港地咁耐，都無乜點食過地道美食，一日到黑都係掛住食日本野、日本野同日本野。今日心血來潮要食沾仔記。香港地道美食幾時都係平靚正。黎到餐牌都唔洗諗啦，黎一碗招牌餛吞麵同鯪魚肉麵：先睇舊鯪魚肉，大到.....唔識形容，有圖有真相，重要有兩大舊，咬開睇睇真係啖啖魚肉，無粉無剩架真心正。仲有餛吞，粒粒都有三兩隻蝦，又大舊。兩碗麵都係三十幾蚊好抵食。雖然個碗就細啲，但係估不到入面啲麵都幾多，食完飽飽啦。一定要搵日再黎食呀！

系附近上班，都會經常過來食個晏，今日都唔例外繼續點招牌雲吞麵，雲吞唔多只有三粒，不過每一粒都特別大粒，皮薄而且餡料特別多，食完三隻都有小小飽了，麵系彈牙爽口的，軟硬適中，湯底好鮮甜，野飲就叫左杯豆漿，豆漿唔會太甜，都系一如既往咁好食。

細個嘅時候好鍾意跟爹哋媽咪去食雲吞麵，好記得以前成日都會嚟中環呢間沾仔記，以前好似10幾蚊碗，而家已經加到$33碗（雖然都唔算貴）。叫左最出名既大大粒雲吞麵（$33）同鮮鯪魚球麵（$33），係就真係真係好大粒。一啖都咬唔曬 但係已經無左當年個種味道，大地魚湯唔夠濃，雲吞真係得返大同硬，蝦都已經無咁爽 反而鯪魚球麵仲keep到d水準，而且真係好大粒麵就值得一讚仍舊爽口彈牙，值得推介！今日唔使點等位都仲可以食下，如果要排隊就真係唔會考慮了

每當我一個人食lunch嫁話，我都好鐘意黎呢度食。因為我覺得係度食：平，靚，正!係呢頭仲有另一間好多人排隊既面舖，三x我覺得沾仔記既雲吞係好食好多嫁!佢入面好多蝦肉，撈左少少豬肉。我like!但呢度選擇唔多，得三種送。零魚球，牛肉同雲吞。睇你鐘唔鐘意呢三種送啦😁

入到舖頭會見到唔同年份既米芝蓮證書放滿咗一面牆，究竟沾仔記既魅力喺邊呢？雖然佢出名係「細蓉」，但我就反而鍾意嗌佢既鯪魚球麵。鯪魚球好似拳頭咁大粒，調味足夠，唔會腥。而麵就夠彈牙，一定要加少少醋，更加好味。雖然呢類麵店都係細細碗，但呢個魚球麵真係好飽肚！店內有好多唔同國籍既遊客，見到佢地都食得津津有味，開心呢樣咁有舊香港感覺既美食可以一路傳落去。而雖然間舖好好生意，但都依然坐得舒服，亦唔會一食完就趕客走既感覺：）老字號，希望一直維持水準啦！

呢間係香港出哂名既沾仔記，相信好多人都食過，我自己都食過好多次，今日就叫左一個雲吞鯪魚球麵 $46，同大家講下佢。雲吞 大大粒，蝦新鮮彈牙，豬肉都係新鮮貨，唔會梅梅爛爛咁，皮薄，好食。鯪魚球 拳頭咁大粒，真材實料，口感彈牙唔會死實實，我之前keep fit都會成日叫淨鯪魚球，健康得黎又有蛋白質。最後講下佢個湯同麵，個湯有好香既大地魚味，麵亦煮得好彈牙好爽口！所以一間老店可以做到咁耐，都一定有佢既原因。

呢間小店好近我公司 之前同事帶我食過一次 真係唔錯 今日一於買個外賣返office食落完單之後大概一分數唔洗就有得拎 快到不可置信😂可能小店專門做一樣食物就係呢度好之前試過招牌雲吞麵 今次試多個餸 鮮牛肉真係唔係講笑 喺中環以呢個價食飯 呢個性價比超高 鮮牛肉都有大概7-10塊 好足料 食落都好嫩招牌鮮雲吞有入面有兩粒鮮蝦 我食其中一粒嘅時候食到小小蝦殼 但都無影響佢嘅鮮味 大大粒雲吞好滿足麵夠彈牙湯底有些小咸 但食完冇口渴 應該冇落好多添加嘢平民美食 值得一試再試

今天下班特別早，因此就想去香港同學介紹的這一家店.到了店門口發現門外都是貼著米其林的推薦。二話不說就趕快進去點餐了。坐下來看到非常多菜色。有牛肉跟魚片的雲吞搭配。因為怕魚不新鮮，所以點了牛肉跟雲吞的雙拼麵。餐點分鐘就上來了，肚子餓就開始吃，湯頭一喝下去真是驚人，非常的鮮甜之外還帶了一些魚的湯頭在內部。牛肉份量也非常的多。雲吞也非常的紮實且肥美，真的真的是不虛此行。 而且店裡面也相當的乾淨，餐具也相當的乾淨，真的是每週來一次都不覺得膩的好店呢。

自從唔喺中環返工，闊別沾仔記幾年了........以前都係$25、26蚊碗，不經不覺已通脹到$33碗中環食$33 lunch，OK嘅～～喺鯪魚球同雲吞中作選擇還是覺得雲吞好叫了招牌牌雲吞麵（多青）啲呀姐真係冇hea我，比左好多青雲吞冇縮水，仲喺咁大粒，好似匙羹咁巨未食都見佢幾咁飽滿咬開睇吓，有蝦有豬肉蝦肉爽口夾埋豬肉嘅肉香，就係雲吞真滋味我鐘意佢啲麵，好彈牙個大地魚湯好大地魚麵+湯+雲吞=100%招牌雲吞麵冇食佢幾年就掛住佢幾年3粒雲吞都大大粒份量方面，男仔可能唔夠，女士應該覺得剛剛好

同🐷🐷去完大館影相就已經去到六點幾就係中環附近覓食 本身係目標識喺食其他餐廳 但係點知嗰間餐廳星期日唔開 最後無意中發現到 沾仔記嘅雲吞麵 而且好抵 32蚊一碗咋 喺中環(呢啲物價比較高，用餐嘅費用都比較昂貴嘅地方)入面真係唔係有好多間都係咁平㗎三粒有料嘅雲吞 實在太抵喇 個雲吞麵好彈牙個麵聞落去特別有麵味 啲雲吞好多蝦好足料💙💙💙但係好後悔 應該叫一碗鯪魚球麵同一碗雲吞麵 但我哋兩個🐷🐷都係雲吞麵😭冇得試鯪魚球麵😭😭😭但係望到人哋啲麵 個鯪魚球都幾大粒下我哋有嗌到一個 郊外油菜➡腐乳通菜分量都唔算少㗎 16蚊一碟咋不過可惜嘢飲 要另外嗌總括而言：成個麵 對我嚟講係都算飽肚嘅~都算抵食~一試無妨，再試都唔會投降~

話說我近排喺中環返工，今日禮拜六放工就去附近搵吓有咩好嘢食。想OpenRice度見到呢間尖仔記好似好出名喎，咁於是呢就行過去食呢間野啦。咁而家下晝呢就1:30左右，我店裏面好多人但係都唔需要等位啊。咁我呢我入到去呢就叫咗個兩寶面，牛肉加雲吞。咁我姐姐好快就送到碗麵啦，碗麵上面有兩粒雲吞同埋好多牛肉，仲有啲蔥花添。個湯底好清徹呀有少少甜好好味。嘩至於啲雲吞真係不得了，成粒雲吞都係用蝦做㗎！勁彈牙勁爽口同埋好新鮮，超好食呀！ 至於啲牛肉呢都好嫩滑， 食落去雖然有用鬆肉粉嘅感覺，但係好有香港嘅特色呀！重點係好難得喺中環搵到啲咁平嘅嘢食，只係$39咋！