河內越式料理 (村南道)

營業中

休息中

經過店面好似唔錯，又想食pho，就進去試試看。選擇豐富，價格大眾化。龍眼冰($12)相當足料，有好多龍眼，唔會太甜，龍眼味道濃郁！河內生牛肉湯河粉($58)一上枱賣相不錯，配料齊全， 生洋蔥，生蔥， 金不換，指天椒，一細粒青檸， 但青檸其實是來至越南的金桔， 香味更有層次。生牛片片片粉紅厚切，醬料加分， 因為全店醬料來自越南， 香港Pho 多都用是拉差辣醬， 這店醬料一絲不苟就試試， 牛肉片點點海鮮醬加辣醬才算食Pho , 越南辣醬不是太辣。羅望子冰($12)甜左d，個味可以再出d。會安雞絲撈檬($58) 雞絲嫩滑入味，檬粉爽口，加入酸甜汁和混合甘荀和青瓜絲，口味清新又開胃，適合開始炎熱的夏天食。

今日去咗大圍的河內越南餐廳， 從火車站行過去 過埋馬路 ，半分鐘就到，勁方便。 餐廳唔算大， 但係正值晚餐時間座無虛席， 而且亦都好多人叫外賣， 店員都做唔停手。-雞絲撈檬夏日炎炎，最適合吃一些清涼的食物， 咁當然要叫返碗雞絲撈檬。生菜蘿蔔青瓜絲新鮮爽口，加埋調味的 魚露 ，青檸, 花生碎, 炸蒜頭，清新酸甜味飽肚。生牛肉湯河粉都幾大碗 ，熱辣辣的湯底，輕輕灼熟 粉嫩色的牛肉，牛肉不失嫩滑口感，清澈的湯底， 加上頗多份量的河粉， 清清地都不錯㗎。 最不得不提的是金不換非常新鮮， 吊起成碗湯可的層次。椰汁珍多冰椰汁味道香濃， 珍多冰粉條也頗多。熱情果冰甜中帶酸，清新開胃。

Ordered raw beef noodles. It wasn’t hot enough when it arrived. Halfway through eating I found paper in my bowl. That’s pretty disgusting. Particularly in times like this, makes me question how seriously they take hygiene. Was told by the waitress that my drink would be $8. They ended charging me $10 without telling me. That’s some dishonest marketing.Nope. Not going again.

大圍又有新野食 今次係越南野正好為炎熱既夏天送上一碗涼透心既撈檬話晒新舖裝修 環境都幾乾淨同坐得舒服天氣開始熱 坐低即刻order返杯椰汁冰同青檸梳打爽一爽青檸梳打 原罐上自己fill 飲極都未飲晒 好抵飲當然 吃貨小妹食越南野既目的唔單止係杯特飲啦 食完令人涼透心既撈檬先係我最想食既野叫左個炸蝦餅撈檬 份量都幾大兜 蝦餅外層鬆脆唔厚粉 內裡既蝦膠好彈牙 好食加滿魚露撈勻 大啖一啖咁吸入口 爽另外香茅豬扒湯河都唔錯 湯底幾濃郁豬扒炸得乾身 無油淋淋 不過就略嫌得4塊 唔係咁夠喉

大圍最近呢間越南粉麵新開張門口大排長龍買外賣放工唔想煮飯就決定坐低試一試.《軟殼蟹撈矇》平時邊有咁大隻軟殼蟹🦀脆漿夠薄 先至睇得出軟殼蟹係實實在在大隻.《生熟牛肉河》份量大碗 生牛肉夠嫩 熟牛肉夠滑仲有大量洋蔥絲🧅 好香甜.《炸蝦餅》彈牙香口🦐《豬頸肉》甘香肥美🐖.《椰青》食越南野點少得叫返個椰青🥥有得飲又有得食.《芒果smooth》本身好驚係好多糖水個種點知估唔到又幾好飲喎 有啖啖芒果肉🥭🥛

我哋嗌左極品牛三寶湯河粉（生牛肉、牛展、牛丸）（$69）、越式扎肉撈檬（$59），之後加咗兩份小食：分別係越式雞翼（+$20@2）同埋越式豬頸肉（+$29）同埋一杯椰汁三色冰同椰汁珍多冰首先要讚嘅係我覺得呢度真係勁抵食👍👍我第一眼見到我個碗都有啲驚訝因為份量真係超多，尤其係河粉😱😱同埋其實我好少食生牛肉我覺得生牛肉嘅口感好似比熟嘅更加正💛💛而且佢哋嘅牛展都好易入口、唔會太韌如果冇記錯嘅話呢次係我第一次食檬粉其實比我想像中吸引因為佢配埋啲青瓜絲同埋紅蘿蔔絲感覺好fresh同埋酸酸地🤔🤔好似令到我哋更加開胃呢度嘅豬頸肉整得啱啱好唔會太韌都咬唔開呢個同埋越式香茅雞翼都係即叫即整所以真係好惹味同埋好惹🥰🥰真心值得一試最後就講埋嗰兩杯嘢飲啦都真係好足料同埋夠曬甜

身為大圍人，大圍有新店，仲要係我喜歡的越南菜，當然要去見識一下囉，叫了越式豬扒飯(香茅味唔夠，豬扒ok的)，順化牛肉煎蛋飯(牛肉乾到冇朋友)，生牛河(越式生牛河的靈魂在於個湯頭，但、呢度做唔到那濃郁湯底的效果)，另跟餐叫了兩個小食，越式香茅豬扒及越式炸蝦餅，兩樣小食還可以的，另飲品叫了熱情果冰(得個甜字)，凍檸茶(正常)，越南滴漏咖啡(唔夠香濃)，埋單$268，抵食，但、食物只是普通，能填飽肚而已。大圍市中心仲有兩間越式餐廳(不開名)，一間老字號，生牛河湯底及咖啡比呢度好，唯坐得冇呢度舒服。至於街尾近油站果間新派fusion越南菜，食物及環境都唔錯，但、食物選擇較少。如果問我，在沙田區邊間越南餐廳較好味，我會選擇好運中心地舖及花園城果間，大圍這間當飽肚速食好了。

最近留意到有間新開越南店，都幾常有人排隊，今晚終於早左d收工，可以食下。位於大圍火車站A出口一轉出黎過馬路（food count)旁邊，餐廳唔係好大間，大約有4/50座位左右，雖然枱與枱之間都比較埋，但因為疫情關係，都有用膠板分隔。講返野食先。😋😋😋🥢越式生牛肉湯河粉$58見好多人都叫呢個，應該係招牌野，生牛肉份量都幾多，有大約5-7片，牛肉好香同滑，亦切我夠薄片，加埋芫荽洋蔥香蔥青檸之後個湯好甜同好重牛味👍🏻🥢越式香茅豬扒撈檬$62 香茅豬扒好入味，係有骨豬扒黎，個人中意撈檬多d, 因為加左魚露有花生蘿蔔青瓜絲撈埋一齊個味fresh d ! +12 就有特飲，兩杯飲品都👍🏻👍🏻 芒果西米露（芒果粒粒好甜+椰汁西米好濃）*但記得叫小冰🙈 另外椰汁紅豆冰（因為椰汁好味，紅豆亦夠淋身，所以好👍🏻

晚餐試新野，大圍新開的越南餐廳，決定試一試。都幾受歡迎，要等一等至有位。有湯粉、撈檬同飯類，價錢大概五十幾至七十幾，可以加錢配飮品及小食。香茅豬扒湯河粉 $62即炸豬扒上枱時仍然好 hot, 好香好惹味。鐘意豬扒另上，冇被浸淋口感真係差好遠湯底有骨香，河粉好大碗，滑滑白白又多香料配菜增加香味，love it ! 順化牛肉撈檬 $62好多牛肉片，用洋蔥芽菜等炒香了。亦好多菜絲蘿蔔絲，撈埋檬粉好啱夏天食。好欣賞佢好大片新鮮薄荷葉，mix 埋特別香。加入辣椒魚露，特別開胃。越式春卷+$20即炸春卷皮好薄好脆，熱辣辣。饀料有木耳、粉絲同紅蘿蔔絲等，越南 style 芒果沙冰 +$12芒果沙冰加入了芒果粒粒，真材實料好好味。椰汁三色冰 +$12椰汁味濃，甜度適中，紅豆綠豆同綠色珍多幾好咬口。

河內越式料理今日同友人去開大圍做嘢，見火車站對面越式粉麵店晚市都幾優惠食埋先返屋企河內生牛肉湯河粉份量真係十足，賣相亦吸引牛肉河個生牛肉河啲牛肉好大片，而且得三成熟，口感軟嫩。湯底飲得出係牛骨煲成，濃甜得黎唔覺有味精超級大既一碗 牛肉都有幾片豬扒撈檬豬扒味道夠香加了魚露的撈檬好清爽開胃。份量都幾多，一個人都食唔完椰汁冰椰汁味夠香，很有椰奶香，算濃味呢熱情果冰熱情果清新易入口原來外賣自取仲有優惠，拎返屋企食都唔錯

有日同男朋友係大圍諗緊食邊間餐廳甘岩撞到個住大圍既朋友 佢推介話呢間新開好食 叫我可以試下所以就決定入去試下喇次次同男朋友食都會嗌勁多野好彩佢永遠包底 😙越南野離吾開米紙卷薄薄既外皮 入面既蝦大隻 再加埋米粉生菜甘筍絲青瓜絲同扎肉好豐富 點埋個醬汁 酸酸地好開胃咖哩牛腩配蒜蓉包正常咖哩 吾辣的蒜蓉包脆口細件 食完我地仲淨好多咖哩河內越式炒牛河呢個不得了 份量係超級多！香口不過牛肉分量較少上枱既時候有比枝類似辣椒醬既野我地加埋落炒牛河到係絕配！越式生牛肉湯河因為男朋友吾食洋蔥同芽菜 所以我地走曬又係超級大既一碗 牛肉都有幾片湯吾算太濃我覺得吾錯 吾會死咸另外河粉加配小食 我地揀左豬頸肉如果佢個邊再燒脆啲就十分好喇整體黎講都吾錯 環境光猛 每張枱都有酒精噴霧比你用 枱同枱之間又吾會太逼食物黎講都算正宗 服務態度又好下次會再黎幫襯！

位於大圍火車站A出口對面新開嘅呢間越南餐廳,成日都見到好多人排隊等外賣或者等位..今日終於同屋企人去試下！生熟牛肉河粉，個河粉好滑！食得岀同平時食嘅唔同，牛肉唔靱，好易入口，仲有陣牛肉味道👍蟹頭膏蕃茄扎肉湯檬啱曬又鍾意番茄又鍾意食蟹嘅我！！見到咁特別嘅菜式當然要試一試啦，平時喺越南餐廳都好少見呢款粉！湯底超級鮮甜！湯底應該落左蠔豉去煲，係超鮮甜蠔豉味！真係好鮮甜，蕃茄都好突出！扎肉好爽口，表頭仲有一堆蟹肉見到都開心！同蕃茄一齊食味道一流~飲品都好浮誇！ 龍眼杞子茶，第一次見有咁多龍眼同杞子！淨係龍眼起碼超過十粒，非常清甜，冇茶嘅苦澀味~其實就咁餐廳一人一杯果杯茶已經好好味！甜甜地帶啲麥味，唔知咩茶， 令我媽一試愛上😂大圍呢間河內越式料理絕對係返兜之選！

呢間越南河喺大圍啱啱新開 喺咁嘅市道開餐廳其實都唔簡單 經過嘅時候入咗去幫襯一下 睇落好似連老闆自己都親自落嚟幫手 服務好好 招呼好足 我哋叫咗一碗生牛河 同一碗牛丸河 生牛既牛味好重 唔覺得係cheap 料果種 因為見價錢都唔高所以期待都唔係好高 但估唔到有啲意料不到嘅驚喜❤️ 牛丸都係我想食嘅嗰種味 唔知大家明唔明 普通牛丸就係得個黑椒味 但係真正嘅牛丸係會食到牛肉汁別出嚟嘅感覺🥰 同埋佢哋啲份量都幾大😍 嗰日我全日冇食嘢 都食唔晒一碗😅炸蝦餅 粉皮好薄好薄 好彈牙 個人覺得都算大件 👍🏻豬頸肉 睇相好似好似正 唔知係咪因為食得太飽 最後食豬頸肉嘅時候覺得好似冇乜味😂 定係其實個醬汁應該要轉下 冇理由炸蝦餅又係配酸辣醬豬頸肉又係配酸辣醬嘛🤡🤡 整體都係唔錯嘅 住喺附近嘅人可以過嚟試吓食☺️☺️

Quick Dinner@大圍火車站對出條街, 見到li問越南🇻🇳料理好多人等外賣, 店內枱與枱之間裝唒透明隔板, 仲貼心主動提供紙袋裝口罩呢👍🏻. >順化蕃茄蟹肉扎肉湯檬 (HKD66)Menu嘅圖款款都好吸引, 平時食開生牛肉pho都揀左li個又有蟹肉, 扎肉, 豆卜嘅蕃茄湯底檬粉. 估唔到勁蟹勁好味, 湯底係濃香蟹x蕃茄, 面頭除左一大羹蟹肉, 仲有好多味道更豐富嘅蟹肉釀豬肉, 豆卜索滿湯底零舍正, 扎肉大大塊, 足料抵食之選.>越式豬頸肉撈檬 (HKD62)越南🇻🇳魚露撈檬, 醃紅, 白蘿蔔絲好開胃. 驚喜豬頸肉塊塊啲邊皮位都脆ga🤩, 肉質口感又juicy不乾柴, 仲要大塊到差啲遮唒個碗! 推介! >追加 香茅雞翼2件 (HKD20)一人一隻雞翼share, 香茅+炸蒜+脆皮+啖啖肉yummy.>椰汁冰 (HKD28> +HKD12)>鮮芒果西米露 (HKD28> +HKD12)以為只係面頭先有嘅芒果肉🥭, 原來杯底仲有🤣, li隻西米我記得喺越南🇻🇳旅行都食過類似嘅”甜品”, 粒粒半透明嘅西米粉粉爽爽嘅口感, 跟湯檬都

近排都好少外出食飯或是會選擇在屋企附近食，見很久沒有到大圍食飯，所以便來看看有什麼可以食!見到近港鐵站開了一間新的越南菜，所以便試試!但由於疫情關係，餐廳內也不會太多客人，確保有適當的距離。餐牌上有多款不同的粉麵可以選擇，也有套餐。河內生牛肉湯河粉，這裡的河粉都幾大碗，河粉順滑，湯底香濃!牛肉份量都幾多，夠哂薄切!湯內還有生洋蔥，增加口感!越式春卷撈檬，春卷的份量都幾多，外層脆口，餡料都幾多。檬粉份量多，配有蘿蔔絲、青瓜絲，令口感更爽口，再自行拌入酸汁，開胃又飽肚!越式炸蝦餅，蝦餅外層炸得脆口，內層彈牙鮮甜，加上酸甜醬，令味道更惹味！青檸梳打、咸檸七，兩者都是另外給予你梳打水及七喜，份量十足！這間餐廳價錢不算很貴，有機會會再來！