河內越式料理 (村南道)

營業中

休息中

人有d 唔舒服，就想食清清地，走左去買左個優惠二人餐外賣。個二人餐份量都唔少嫁，我就選左生牛肉湯河，香茅雞翼撈檸，安南鮮蝦紙米卷，仲包一份菜，兩杯飲品。麵都份量十足，如果份生牛肉多少少就好，👉🏼👈🏼。當然啦，因為我買外賣，所以當我食嗰陣d 生牛肉，已變成熟🐮肉啦。🥺🥺個紙米卷入邊有米粉，可以吸晒佢個汁 - 甜酸汁，超正 👍🏼. 而且每一啖都到食到蝦，口感一流。一心諗住佢個烚菜啦，就普通貨色。點知….. 佢加左炸蒜，超香而且d 菜又新鮮又甜。😋😋食左呢餐，又係滿足的一天

👯原本去大圍搭港鐵🚇路經這食店門口, 聽到有位學生哥與同學仔, 邊行出門口邊講：“呢間啲嘢真係幾好食喎😋“再望下門口嘅食物海報好多款式選擇,兼且有下午茶優惠🥰決定入去坐低食咗先至講....😉😋所有湯粉,撈檬及飯類嘅主食$55-72都可以追加小食 $15-42仲可以優惠價添加汽水,凍熱飲品或特色飲品 $5-18🐂極品牛三寶湯河粉$69牛丸,牛展及生牛肉兩塊大大片嘅生牛肉, 肉質鮮嫩入口溶化, 牛丸及牛展好爽口彈牙, 河粉入口軟滑, 湯底牛肉味濃厚😋🐷順化豬肉卷撈檬$62豬肉卷內, 混和攪碎嘅軟骨好有嚼口感😍追加小食🫔越式炸春卷$20皮薄,外脆內軟多汁,餡料豐富包著生菜再沾上魚露一口口地吃,爽呀！😍🐷越式豬頸肉$29燒得香口惹味, 脆皮邊內肉軟口, 沾上酸辣醬吃, 唔覺油膩胃口大開😋☕越南滴漏咖啡$28啡味甘醇,入喉回香加入已準備好適當份量的煉奶奶香甜嘅味道剛剛好👍🍹椰汁三色冰$28椰汁味香濃🥥紅,綠豆口感細綿綠色啫喱爽口又唔太甜,口味好清新😍價錢唔貴又好味食物份量仲好大超抵吃👍 回頭之選♥️

河內越式料理(村南道)🥠📍 大圍大圍村南道55號地下⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁今日為大家介紹既係越南嘢🤣 其實平時我對越南既餸菜真係一般般， 但呢間野河粉既湯底真係好好味🤤🌟 生熟牛肉湯河粉 $64 湯底濃味， 河粉可以吸收到湯底既味道。🌟 越式海南雞飯 $68飯就似平時既雞油飯，雞唔夠滑身，普通一個海南雞飯😂冇咩特別。🌟 越式炸蝦餅 $29呢個都算幾抵食👍🏻⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁⦁

大圍真係好多野食，今次就來到這間食越南粉的餐廳，價錢不會太貴，而且食物份量都好大份！越式咖喱牛腩飯，這裡的咖喱帶有微辣，牛腩煮得好腍，份量都幾多，薯仔都煮得好綿，白飯再加上咖喱汁一齊食，很快就把飯清光！順化蕃茄蟹肉扎肉湯檬，湯底的蕃茄味道剛剛好，不會太酸，亦不會是蕃茄膏的味道，配料有蟹肉、肉碎、扎肉和豆卜，加上檬粉掛湯，酸酸味味，食落非常開胃！越式炸蝦餅，叫任何主食加$29就可以食到，蝦餅炸得脆口，蝦肉彈牙，味道不錯!越式豬頸肉，豬頸肉燒到脆邊，點上酸辣醬能減去油膩感而且更惹味！凍青檸可樂，跟餐加$12就飲到這杯特飲，附有成罐可樂可以自己慢慢倒，很透心涼！椰汁紅豆冰，紅豆份量都幾多，而且口感很綿，味道不錯！

🇻🇳河內越式料理🇻🇳已經ENCORE數次既小店, 係正大圍站對面🚇, 夠哂方便，價錢又平民💰。🍜香茅雞翼湯檬個湯比較油同重口味，檬粉份量都足夠，雞翼好味，肉質仲係嫩滑有汁既。🫔越式春卷跟粉麵+$15餡料足，有粉絲，蘿蔔絲，木耳絲，肉絲，都算豐富。🥬白通菜跟粉麵+$15加左少少炸蒜蓉係菜度，去左啲烚水，啲菜唔會烚到變黃，好嫩好味呀。🫖越南茶入坐就會提供埋，原來越南茶冇茶澀味，淡淡地有少少椰香既甜味。

好少同大家推介越南菜，琴晚我去咗屋企附近食一間開咗好耐嘅越南菜，性價比都幾高，推介俾大家叫咗一碗極品牛三寶湯河粉，一碟越式咖喱牛腩飯，一碟越式香茅豬扒，炸蝦餅，一杯凍越南滴漏咖啡同埋一杯椰果椰汁西米露。極品牛三寶湯河粉好多餸嘅三寶湯河😍都只係60幾蚊一碗，而且佢嘅湯底淆得都唔錯，唔會係味精湯底味越式咖喱牛腩飯我係一個怕辣嘅人，好彩佢嘅咖喱唔係好辣，而且好香香料味，牛腩就好冧越式香茅豬扒叫碟細細的香茅豬扒一齊分享嚟食，又係好香香茅味，豬扒又炸得幾脆，唔錯炸蝦餅同樣，炸蝦餅都係炸得好香口，佢嘅蝦膠唔會做得太少蝦，每啖都有少少蝦肉凍越南滴漏咖啡越南咖啡我都比較少飲，不過我就覺得唔係太苦澀，容易入口椰果椰汁西米露超鍾意呀！椰汁味好香，又有好多西米咬下，好滿足！

喺大圍村南道，有間河內越式料理，價錢實惠，今晚嘅晚餐就係喺度食。西貢咖喱牛腩配法包$78咖喱有少少辣，牛腩和薯仔份量適中，完全入晒味😃香草法包烘過好脆，就咁食都好味，醮咖喱更加惹味😋西貢牙車快$68即係越式雞絲沙律，有大量蔬菜：椰菜、紫椰絲、芽菜、紅蘿蔔絲、九層塔、花生和辣椒，加埋雞肉和酸酸甜甜的糖醋汁，辣辣哋好開胃。越式炸蝦餅$29蝦餅都算厚，切開4件，食落都幾爽滑有咬口👌越式春卷$20餡料有粉絲、木耳絲、紅蘿蔔絲和肉絲，剛炸起脆卜卜👍檸檬蜜糖薑茶$22名副其實的薑茶，唔單止有薑嘅香味仲有薑塊和檸檬，而且少甜，養生之選。鮮芒果西米露$28呢杯係飲品亦係甜品，芒果夠甜，加埋椰汁西米，一次過滿足兩個願望。

放工肚餓想搵嘢食，同同事去公司附近的越南餐廳醫肚，放鬆心情吹下水，餐牌選擇都很多，除咗粉麵飯，都有啲小菜，我哋叫咗一個湯檬、一個飯、二款小食和飲品，埋單大約200蚊！順化蕃茄蟹肉扎肉湯檬蟹肉、肉碎、扎肉和豆卜配上蕃茄湯底，酸酸甜甜味道不錯越式河內三寶飯三寶飯有豬扒、雞翼、扎肉三款，我哋叫左多蔥油，拌飯食好滋味炸蝦餅蝦餅香香脆脆，蝦肉彈牙可口越式豬頸肉豬頸肉切得比較薄，沒有口感，肉醃得夠味，點埋酸甜醬食不錯青檸梳打青檸底再加上梳打水，可以解油膩感

今日約咗朋友喺大圍見面，一出火車站行幾步就見到有間越式餐廳，外面排咗好多人，同友人決定入去一探究竟。入去睇完Menu覺得好多都好吸引，最後都係叫咗個極品牛三寶湯河粉（＄69），一次過可以有多重享受。一上枱見超級大碗，湯頭清香鮮甜，絕對唔係味精湯。而牛展、牛丸、生牛肉、配上河粉，加埋少少辣椒，再滴上青檸汁，酸辣口味真係絕配，好味。朋友就叫咗香茅豬扒撈檬（＄62），同樣大碗，面頭配料亦好豐富，有青瓜絲、蘿蔔絲、炸蒜、而主角豬扒果然值得一試，醃料整得好香，香茅尤其出色，仲煎得好脆，但內裏肉質唔會太乾，配上甜甜辣辣嘅辣醬，十分惹味。另外仲叫咗啲小食，分別係爽口彈牙、脆卜卜嘅越式炸蝦餅（＄29），同埋越式豬頸肉（＄29），火候燒得啱啱好，迫左啲油出來但又保留到脂香😋嘢飲方面因為係跟餐，所以只需要補少少錢～鮮芒果西米露（$12）超級大杯，飲到粒粒新鮮芒果，西米都唔會過淋，椰香十足，當埋甜品咁食，推薦！檸檬蜜糖薑茶（$8）蜜糖同薑味都好濃郁，啱晒秋冬天飲幾暖身，但偏甜咗少少～

晚餐時間，決定食越南檬粉同埋越色炸蝦餅。到達時8點15分，未完全滿座有兩三枱吉枱，坐了在入門口位置，心諗最多係有人出入時會大風些，嘈一些，無人出入時會比較安靜舒適。點咗豬頸肉檬加小吃炸蝦餅，朋友試下呢度既蕃茄牛腩飯。牛腩味道同埋口感好差，好似煲完湯既瘦肉一樣，朋友話中咗伏......食咗半個鐘，到8：45匆匆走人，平時唔會咁急食完坐5分鐘休息下，不過呢個出入口座位除咗有食客出入之外，收銀員不停㩒開門掣企正正係門口唔知等咩。同佢講超大風叫佢唔好得正正係度 ，佢行開咗幾分鐘之後又行過來開多幾次門吹吹風，真係唔明佢做咩唔做嘢係咁係度開門，坐係入門口位吹到應點食嘢呢........又唔係有外賣出咗要叫客拎，係咁玩門，好無奈........

屋企附近呢間越南野都算係咁，幾十蚊碗粉，無加一，所以成日爆場，平日夜晚都要等位。.有新野食，「西貢咖喱牛腩配法包$78」佢法包係蒜蓉包，夠晒脆，配咖哩幾濃味，幾正宗。另外湯粉「越式香茅豬扒湯檬粉$62」，佢既三寶其實最抵食，但擇粉麵就無三寶，飯先有三寶，所以叫左香茅豬扒，鍾意佢香料味夠重。.跟主食追加小食「越式豬頸肉$29 」、「越式炸春卷$20 」，豬頸肉必點啦，正常水準keep到，春卷清清地又脆都唔錯。.小店黎講算唔話得，除左茶記或者車仔麵，呢間都值得常幫襯

今日唔想煮飯又想食啲香口野 經過見到呢間餐廳有春卷同埋炸蝦餅覺得好吸引就入咗去🧏🏽‍♀️越式海南雞飯（$68）雞肉嫩滑 雞皮金黃色帶彈性 配上三種醬料右面係泰式辣醬左面係醋 中間係海南雞豉油 有飯有香茅同埋南疆味 香氣十足香茅豬扒撈檬（$62）香茅味好濃厚 豬扒亦都厚身 炸得外脆內軟 入邊有好多花生青瓜絲 檬粉分量適中 魚露鹹鹹地帶點酸 好開胃炸春卷（$20）甘筍木耳豬肉粉絲扎得超級實在 外面脆卜卜 點上魚露10分解膩炸蝦餅（$29）切成4大件 蝦膠紮實 彈牙爽口 椰汁珍多冰（特飲加$12）椰汁味超重 入面斑斕條好食 唔會過甜 椰果椰汁西米露（特飲加$12）超多西米粒係底 椰果煙煙韌韌 椰汁味好濃 又香又甜總結：地理位置超級近大圍地鐵站 行1分鐘都唔使食物性價比好質素高價錢又唔係貴 分量大大碟 抵食 值得一試

舊的手機放了在網上出售, 這晚約了買家在大圍站交收, 完成後再看看手錶原來尚有時間,就先在附近找吃, 在飲食網站找到這間餐廳,看來也是吸引, 便決定試試。飲品方面, 選了一杯椰汁綠豆冰, 椰汁甜度適中，綠豆煮得軟稔起沙。先來個小食越式炸蝦餅(細), 外層炸得熱辣脆口, 而內裡的蝦膠也打得鮮爽彈牙，沾上了甜酸的醬，是一味不錯的小食，值得一試。吃越南菜又怎能缺少一味牛湯河？就來一碗極品牛三寶湯河粉，先飲牛湯，呈深色的湯頭鮮美而醇厚，吃得過癮。牛肉淥得僅熟，口感嫩滑; 牛展夠軟稔; 牛丸爽口彈牙, 河粉本身爽滑而有米香，質素也不錯, 整碗粉份量也不小，這裡的牛湯河，也吃得過。青檸及紅辣椒就隨湯河送上來，吃時可隨意添加。個人覺得這裡的越南菜水準不錯, 價錢也不貴, 而且店鋪位處大圍站附近, 所以人流也多, 整晚人客不絕, 也是旺場。

今晚晏左收工煮唔到飯所以就喺屋企附近食😝呢間河內越式料理位於大圍站旁位置夠哂方便！等左一陣先有位坐低已經有員工遞上熱茶杯茶好香，好好飲🤤🟣 越式豬頸肉撈檬 $62 🟣份量好大，豬頸肉煎到外脆內軟👍，上枱仲係熱既，配上生菜絲、蘿蔔絲同青瓜絲，口感清新🟠 河內生牛肉湯河粉 $58 🟠湯底味道好清甜，加埋青檸汁，算係好食👌牛肉片仍帶點血色，唔會太熟～⚪️ 上湯灼生菜 $15 ⚪️因為唔想淨係食肉，追加一份生菜，幾大碟，唔錯

甘岩係大圍附近做野，晏晝時段見肚餓，就入左去呢間越南餐廳食野，一眼就見到menu有順化蕃茄蟹肉扎肉湯檬，呢個湯檬真係唔係間間越南餐廳都到，之前係某間越南餐廳食過，就係一試難忘。先講下個檬粉，我覺得呢間餐廳係比較出色，d檬粉唔會好碎，好難夾。湯低飲得出係有用新鮮蕃茄煲，但可惜係比較淡，飲落係舒服唔口渴，但我會期望更濃郁嘅蕃茄味。而配菜方面，會有三舊豆卜、扎肉，同肉碎蟹肉蒸蛋餅碎，有別之前食個間越南餐廳，肉碎蟹肉蒸蛋餅係原塊上，食落會覺得唔夠滿足。整體來講唔係話唔好食，只係有做得更出色嘅餐廳。