江南村 (已結業)

星期六六點幾到, 雖然地方細細, 但時間尚早, 全店無人.叫了以下東西:蟹粉豆腐麵- 蟹粉幾香, 雖然豆腐不夠滑; 個麵係分開上的, 幾爽, 但個人覺得有少少硬.小籠包- 好大個呀! 好多汁! 好食~ 好彩皮都不算厚.酸辣湯雲吞- 雲吞個皮幾滑幾薄, 唔錯; 酸辣味道不俗, 個人覺得辣左d, 但d料無一般既上海鋪咁多, 人地有豬紅碎, 豆腐碎, 木耳之類, 佢地就用炸腐竹, 火腿之類, 仲見到d辣椒子浮喺面, 無咁豐富lor.下次會再黎, 因為味道不錯, 又平. 兩個人食得幾飽.如果對環境, 服務有要求的人就會覺得麻麻了.

同事拉隊到老麥，作無聲抗議不果，獨個到附近找吃的。最近又有新的課題，頭痛了好幾晚，由零開始都幾有難度。聽日開始連吃一星期同樣的點子，好的、好好的都會試到，在此之前就由最基本開始試起，看看之間的分別。老闆不在，由阿姐打理，叫了好幾次「蟹粉豆腐」，她是說「蝦粉豆腐」，豆腐音咬得幾正，但偏偏蟹就變了蝦，連廚房的阿姐都要走出來問偶吃什麼。蟹粉豆腐家常菜，說是蟹粉，就連門都沒有，只見糊作一團的肉碎，蟹羔幾粒附送蟹殼，和豆腐混成一體，唔鮮唔香可幸亦唔腥，混在一起煮的後遺症。試兩口蟹粉唔對路，吃不慣家庭菜，吃麵去，麵依舊對版，煙韌有口感，此品是每次來都大讚之作。喝著豆漿，見黑色物體在內，叫阿姐換過杯，似是聽不懂，最後將黑物剔走原杯送回來，哭笑不得下買單去，阿姐又問豆漿唔要麼？不知是好心還是笨，後者是種福氣。

同事拉隊到老麥，作無聲抗議不果，獨個到附近找吃的。最近又有新的課題，頭痛了好幾晚，由零開始都幾有難度。聽日開始連吃一星期同樣的點子，好的、好好的都會試到，在此之前就由最基本開始試起，看看之間的分別。老闆不在，由阿姐打理，叫了好幾次「蟹粉豆腐」，她是說「蝦粉豆腐」，豆腐音咬得幾正，但偏偏蟹就變了蝦，連廚房的阿姐都要走出來問偶吃什麼。蟹粉豆腐家常菜，蟹羔蟹胸夾蟹腳，附送蟹殼，說是蟹粉，就連門都沒有，只見糊作一團的肉碎，蟹羔幾粒，和豆腐混成一體，唔鮮唔香可幸亦唔腥，混在一起煮的後遺症。試兩口蟹粉唔對路，吃不慣家庭菜，吃麵去，麵依舊對版，煙韌有口感，此品是每次來都大讚之作。喝著豆漿，見黑色物體在內，叫阿姐換過杯，似是聽不懂，最後將黑物剔走原杯送回來，哭笑不得下買單去，阿姐又問豆漿唔要麼？不知是好心還是笨，後者是種福氣。

終於出糧... 去佢公司樓下食上海菜...日日帶飯... 出街食一餐半餐都唔係好過份...話曬佢都恨左食上海小籠包好耐...上次我返上海... 叫我帶一籠返來俾佢...坐火車... 點帶啊... 妳真係好鬼可愛...入整題... 唔駛等位但係要搭檯...唔緊要... 我明白商業區午餐時間係比較繁忙...但係兩部冷氣都好似照顧唔到坐係門口o既我地...一路食... 一路滴汗...釀面巾飯... 幾好... 好似好過獅子頭...小籠包... $18/5只... 好大只好多湯... 皮或者可以薄返小小... 餐飯會更完美...無錫排骨麵... 無錫排骨普通... 麵就真係唔錯... 不過無錫排骨太濃味... 犧牲了細味江南麵的機會...埋單$78 ... 價錢除開差小小升level ...學生... 其實對於40 per person 以上o既消費已覺頭暈~

8月26日14：40在化悲憤為食量的前提下，在湯飽皇吃完鱔糊麵後，仍想再食，便到這裡來份下午茶：小籠飽+豆漿小籠飽：即蒸加分，百份百自家出品，因外隻隻有異。皮不算太厚，餡料死實，幸好隻隻有肉汁。豆漿：淡淡豆香，不會過甜(正好是我杯茶^m^)HK$15.-重想點？會想剛才HK$36.-鱔糊麵，卻感到有點不值。

星期六2點幾，忽然又想食下小籠包，去了屋企附近的一間上海小店食午餐。其實之前lunch都去過好幾次，大約每份餐$28送豆槳都幾低食。今次一行2人。店面地方唔大，只有5、6張2-4人位枱。但平日人多，就會開埋店入面間房，入面環境就麻麻。今次兩人叫了：1) 干切牛肉湯麵送豆槳$282) 糖醋排骨湯麵送豆槳$283) 蟹粉小籠包送豆槳每只$9(3只起)湯麵選用江南麵，真係好滑好彈牙。但糖醋汁連湯麵就食唔倒原有湯底味道。都幾大碗，份量足夠。小籠包係即叫即蒸，所以食完麵都仲要等一等先黎。新鮮蒸起，但食飽麵又加埋等左一陣，幾好味都食唔出了。

星期六2點幾，忽然又想食下小籠包，去了屋企附近的一間上海小店食午餐。其實之前lunch都去過好幾次，大約每份餐$28送豆槳都幾低食。今次一行2人。店面地方唔大，只有5、6張2-4人位枱。但平日人多，就會開埋店入面間房，入面環境就麻麻。今次兩人叫了：1) 干切牛肉湯麵送豆槳$282) 糖醋排骨湯麵送豆槳$283) 蟹粉小籠包送豆槳每只$9 (3只起)湯麵選用江南麵，真係好滑好彈牙。但糖醋汁連湯麵就食唔倒原有湯底味道。都幾大碗，份量足夠。小籠包係即叫即蒸，所以食完麵都仲要等一等先黎。新鮮蒸起，但食飽麵又加埋等左一陣，幾好味都食唔出了。

同事新入行，新來新豬肉，原來是頭野豬，被反咬一口，就請她來吃個Lunch。一點左右，外舖坐滿人，要坐入面，內舖環境一般，大飯堂格局；小店經營，懂得借傳媒做宣傳，店內貼滿媒體的介紹，來了不下十數次，是開夜的加油站，清一式叫拉麵，唔試其他，今次同事話要試小籠包，就加單要埋，亦分別叫了燻魚麵及獅子頭湯麵。小籠包是水準以下之作，皮厚加上蒸得過火，一幅發福的樣子，十足十肥滔，見到唔想食，餡死實實唔鮮，不試也罷；麵是水準之作，手做的麵，煙韌以帶微微的麥香，精彩在浸水十分鍾都唔變淋，適合偶這「慢食派」，燻魚一般，上海式燻魚，甜甜脆脆，算係咁。呢餐偶的，是拋磚引玉！

一直都好想試下呢度d蟹粉小籠包有幾正琴晚叫埋朋友仔一齊黎試叫左蟹粉小籠包($27),蟹粉豆腐麵($35),獅子頭麵($26)同走油肉扣烤夫($20)蟹粉小籠包～新鮮即蒸,所以都要等左陣先有得食,湯汁多又充滿蟹味,隻隻都咁鮮甜,好味道!!!推介!蟹粉豆腐麵～晚市d"送"同麵分開上,豆腐滑但都算多油,幾鮮甜,又係唔錯!!麵好大碗又彈牙,我夾起d麵撈"送"食,好正!都係值得試!獅子頭麵～呢個係朋友仔見到牆上既相話想試,十分唔得,肉質係鬆,但無乜汁同調味,似食緊混左午餐肉既肉球咁!!走油肉扣烤夫～肉炆得唔淋,有一件仲要好似渣咁,烤夫無肉味,只係好似沾左調味料,兩樣料好似無關係分開煮然後一齊上碟咁!!呢度係抵食但一定要識得揀野食而且食飯途中發生小插曲原來呢度個老闆同阿姐係唔知玉泉忌廉係咩樣係拎住忌廉以為係七喜!!

今日去食lunch先講食物，叫左一個無鍚排骨飯，唔錯，滷得好鬆化，不過凍凍地，扣左分。一個走油扣肉烤麩。可能就OL關係，太瘦，冇晒肉味，得調味個味，烤麩唔係咁入味，不過都尚叫可口。但係食既途中，發生左兩件事。雖然唔關我事，但我決定以後都唔會黎食。有一位客人入黎問兩位要等幾耐，老板娘問佢幾多位，佢話兩位，咁老版娘竟然答到「兩位，有檯就比你」咁果位客人就問大概幾多張檯到，老版娘加強語氣話「有位比你就比你啦，問咁多做咩，你都見張張檯都有人啦，我特登唔比位你啊....%^$##$#^%$# 」鬧到個客出門口都唔停口。成間舖嘈晒，我亦都感到好討厭，有冇搞錯啊，咁既老板都得???過左一陣，有兩個客入黎，話三位，咁我對面有兩個位空左，老闆娘就指住我話，「佢就快食完走架啦，你地兩個坐住先啦」我心諗，你冇野啊?!!?? 我仲爭碟扣肉喎!!!果兩個客坐低左，叫左野食，另一邊有四人檯走左，門外亦都冇客等緊位，咁佢地就同伙記講，話不如換果邊檯。老板娘一個箭步出黎話「你地三位丫麻，佢走左咪有位囉，換咩檯啊? 你地而家得兩個人，無啦啦話三個要換檯，你地Ｄ人成日就話換就換，到我有四個客咁點算啊? 你比檯我啊?? 冇

最近愛上此店的麵, 二星期內食左4-5次!尋晚10點同男友唔知食咩好, 又走左去食菜飯, 男友叫左個"無錫骨", 呢個菜唔係第一次食, 今次比上次食既冇咁"鞋", 好食!而我就破例叫碟肥野黎食, "走油肉扣烤夫", 點知一食個扣夫,..... 有陣"縮" 味, 肥太子女唔知點算, 叫左個廚房出黎(佢唔係光頭老細),因為聽緊馬, 出黎時好不滿, 仲話一日賣好死多, 唔會壞既! (我明明睇到佢係雪櫃成大個膠盒到拎出黎整熱既!!)佢開頭唔肯自己試食, 咁我問佢, 係咪我覺得有陣味都要食先, 佢先肯試食, 食完仲話烤夫係咁既味喎! 仲話就算換碟"什錦烤夫" 都係咁既味架喇!!!我話唔係啵, 我前幾日食"什錦烤夫"都唔係咁既味!!!! 最後佢點肥太子女去叫光頭老細試食(由於前鋪後居, 老細係屋企賭緊馬), 老細話唔食, 如果個客唔鍾意既, 味換第二樣囉!!!最後死人地中海問我要咩, 我要左"糖X排骨", 唔係太好囉, D肉唔知叮左幾耐, 好"鞋口"!!今次都仲有樣野發現, 原來下午食LUNCH同夜晚既DINNER, 同一個價錢, 夜晚既份量多三份之一!!! 對面檯條友碟"獅子頭" 竟然有3個

果次去食係睇雜誌去食,特登叫個蟹粉豆腐同淨麵撈黎食,好飽,一份兩個人食加個小籠包同一碟菜岩岩好,又唔貴,好似唔駛100因為老公俾$!係食完好口乾,其實唔駛落咁多味精啦!

年初四和初五都吃蟹粉炒麵,好好味,初四的蟹粉小籠包有汁有肉有蟹粉,好好味,初五就叫小籠包一樣好多汁有肉,好好味,比起太古城美食坊的23元純湯包和48元的蟹肉實小籠包,這裡的真的又好食又便宜.抵讚

今日下午茶同舅父仔係呢度醫肚。我哋食咗上海雲吞麵(4隻雲吞)、南乳雞翼麵(5隻雞翼)、小籠包(5隻)。下午茶時間送豆漿！D雲吞饀好新鮮，南乳雞翼好入味，每碗麵都好大碗，另外小籠包比起一般舖大隻，D皮好薄，好好味，豆漿好好飲，唔太甜，我舅父仔好鍾意D嘢食，埋單$45！

同老公下晝三點幾黎到，因為中午冇食飯，所以午飯同下午茶當埋一餐食。叫個獅子頭客飯，獅子頭兩大舊加小唐菜，份量唔少，南乳雞翼面，１５蚊大大碗，有成五隻雞翼，仲有豆漿送，仲叫４隻蟹粉小籠包，下午茶特價７蚊隻，好鮮甜蟹味，好多汁，皮又夠薄，真係好好味呀！食到我地捧住個肚都食唔晒，要打包碗面走，埋單７０蚊兩位，仲想點？