江南村 (已結業)

最like食呢度ge tea set,$15 only!!試過小籠包:好多汁,大我嫌佢太甜,唔知咩style 釀面巾:超大件!!大餡裹有吞拿魚,微酸,怪怪的配豆漿,是自家制的,但太淡地方好細but都ok好坐

又係我正宗100%的上海人(父母皆是上海人), 所以對上海菜要求極高. 厘間鋪頭光顧了三次, 三次的水準也不錯, 所以先推介給愛吃上海菜的各方人士. 蟹粉小寵飽唔錯好過王家沙(九元一隻, 三隻起), 蟹粉炒麵, 好香蟹羔味, 但油多了一點和份量少了一點, D麵好有口感(三十五元), 客飯:炒鱔糊- 幾好, 糖醋排骨飯都做得幾似上海寧波菜(但虞家媽媽好食好多), 整體上這間店舖幾唔錯, 而且叫客飯有豆漿送(係好大柸果隻, 唔溝水, 又有豆味而又不太甜). 唯一唔係太好味是酸辣湯(以前美孚果間上海小館, 真係一流). 重有傳聞這間店的整麵師父是翡翠拉麵師父走去開的, 唔知真定假啦, 但D麵真係好好食.

週五晚收工後往西行路徑此店。店小祇有五張檯，牆壁上貼了光頭老板，製麵的照片。6:30左右客人稀少。要了獅子頭湯麵，有豆漿送。麵和獅子頭分開上。獅子頭：上海小白菜伴兩粒大大粒肉丸，肉丸並非是細切粗斬，肉質間保持縫隙，含汁那種。而是入口即溶一族，更不像一般上海店肥膩，原來此店是以揚州菜作標榜。素湯麵：素麵細而，湯底極清，有少許紫菜。豆漿：有豆香而不太甜。

早排過去接小肥放工，順便過嚟呢度試試。當晚點了鄉下雞湯麵，韮黃鱔糊湯麵，再加個蟹粉豆腐。原來麵餐跟豆漿，大大杯都幾好味。湯麵先到，面頭綴了數條紫菜絲，睇報導話麵條是自家製，湯是用雞及金華火腿等熬製。果然麵條有咬口有麵粉香，是不易浸淋那種並很大碗，而湯味鮮甜，勁掂。餸來到原來很大碟，早知不用叫豆腐，鄉下雞份量足夠兩人吃，再加數條菜圍邊，如果一個人食有肉有菜有麵十分Good。雞有D似咸雞，好有雞味，有脾位有翼有背脊有雞胸，真係照顧周到。鱔糊D鱔就麻麻，切得太細碎，無咬口，D韮黃勁多鋪底好味。個蟹粉豆腐完全唔得，無鮮味，不過都未至於難食，如果無叫呢個咁就好Perfect。如果下次嚟我會試吓小籠包(下面位仁兄講得咁好味)同埋甜品。

雜誌介紹...老板自稱佢D小籠飽好味過翡翠...見佢咁大口氣....咪專登去試下佢囉...舖頭細細....好多時都坐到出門口...天時暑熱...都幾係野.....試左獅子頭...釀面巾...南乳雞翼....可以配飯或麵...仲有豆漿送...跟飯杯豆漿好大杯...飲唔哂....但係如果跟麵...杯豆漿勁細杯....一啖都攪得掂....待應姐姐話因為D麵係手打....貴D架喎....我最鐘意食果個釀面巾...即係生根入邊釀左D肉...攪到一大舊肉丸咁...炆到好入味....而獅子頭都好好味....好住家飯FEEL......一個餐都係$2X-3X...好大份....飽足成個晏晝....至於佢既小籠飽...就真係好好味....好多汁....皮都好薄.....唔錯唔錯.....

係個同事介紹的來的，佢話呢度的排骨同麵都幾掂。這裡位於濱海街尾，唔係有人引路都唔會專登搵到來。一點幾來到，客人亦不少。呢度舖面不大，坐廿零人已經幾迫，好在一個人來，所以等左一陣都有位。叫了無錫排骨湯麵，排骨麵幾大碗，無錫排骨炆得入味又入口酥化，好香香料味，幾有水準，如果甜多些少就更好；麵是白色偏幼身的上海麵，麵身唔太腍亦幾爽口，呢度老闆標榜麵條是自家製的，是有誠意的；濃濃的湯底幾鮮甜，應該無咩味精，因為食完都唔覺好口渴。另叫了兩件粢飯糕，是炸糯米糕加蔥花和蝦米，都幾特別，因為是別處未食過的。連豆漿一杯埋單43蚊，以這般小店來說是唔平，但食物有水準，可以一試。