永發廚房 (已結業)

今朝得十度，懶洋洋⋯⋯去淘大揾早餐食！之前食過附近新開嘅『囍囍冰室』，好麻麻，食物質素跟價錢唔成比例！不如又試下呢間新開試業中嘅餐廳先，入到去格局唔錯，侍應有禮貌，同『囍囍冰室』差好遠呢個好特別，下次試下先真係好多選擇雪菜肉絲麵：雪菜多、夠味、麵亦不會過淋多士炒蛋：多士好味熱咖啡：正常味道呢間我下次一定會再幫襯，價錢合理，服務熱誠、企理！下次我會試佢嘅煲仔飯

最近九龍灣新開不少茶餐廳，都是只得裝修同玩不同風格。這間都一樣除了摩登的裝修，碗碟等都特別訂造加上餐廳名字，最重要食物都是一般。今次試左特餐，牛油多士像整定有點硬，黑松露炒蛋的黑松露只得一點，炒蛋普通不太老。豬潤公仔麵的湯比較咸，好在公仔麵同豬潤都不太差，奶茶一般茶味不夠濃。但以價錢來說有很多都比這裡更好。

叫了兩份餐1.瑞士鷄翼公仔面餐配黑松炒旦多士- 講炒蛋多士先，多士軟同凍，仲要喺凍左先查牛油，完全無溶，鷄蛋份量超少，唔知以為食左兩啖先拎過嚟，黑松露就唔好提...比起老鳳冰室，我估算得佢地十份之一嘅份量-鷄翼公仔面，雞翼OK,但面身非常硬，直情未煮熟2，牛扒拼沙律，牛扒好濃嘅疏打粉味，超薄同好多油，真係非一般難食....沙律菜唔新鮮同有啡邊，另外喺將沙律菜拼一小兜卡夫醬比你點，無任何心思可言....服務ok啦，新開張嘛總括而言，我都係係過條馬路去返德福間文華排隊算...

好抵好抵好抵好抵好抵！痴線咁抵食！晚上急急腳睇完戲無食飯，咁睇完戲就埂係好肚餓啦~本來行過黎係想去隔離食米線，點之先至發現原來呢度開咗間新嘅茶餐廳。咁見佢個樣新新淨淨又幾好坐咁就入嚟坐啦，門口個待應就問我，你係咪想食消夜餐啊？咁我一望發現好似真係好抵喎，佢就叫我坐低等多10分鐘飲定杯水，一陣就有宵夜食㗎啦。超好服務！我仲以為要喺門口出邊等添！其實Menu上面樣樣都想食！不過我覺得吉列豬扒好似最考功夫，就考下個廚房係咪真係咁叻啦！煮到出嚟真係好唔錯，又脆口，個豬居然都唔韌!壁布上面仲有十二門徒xddddddd真係好有心機呀！

早餐個湯…未試過食早餐會食淨，個湯定麵咸到食唔落，蛋就散的，唔好玩啦，新開業的老闆唔會試下味嗎？麵半生的，想點？我在食早餐，有個人掟的單落張枱，我做錯的乜，希望只是剛開業，慢慢處理下的樓面（自己人）食物質數等等

牛頭角最近連開兩間茶餐廳，一間是銅鑼灣喜喜的分店，另一間是永發廚房。兩間也是對著紅綠燈位，人流甚多，位置都甚佳，兩間也是在試業。可惜喜喜已經劣評如潮，我便先試這間，因為今早路過，見到早餐頗為吸引。只可惜，原來所謂試業，是代表找客人來「較飛」！我問了有下午茶餐，才進內的，落單的阿姐，很多是前身敍苑的員工。不過，現在搞高科技，要用電腦落單，用的又不是平板電腦，而是一般的手機，畫面細小。我點了最簡單的雙拼三文治（鹹牛肉和炒蛋）配奶茶，阿姐也搞了超過十分鐘，員工似乎都不熟悉點菜的操作。等待食物期間，我再細看價錢牌，以同區來說，屬中上水平，但比喜喜便宜些。奶茶先上，味道只是一般，茶味頗淡，亦沒有奶茶香味。而那份蛋牛治，麵包經烘過，我馬上問落單的阿姐，因為烘底要加$2，我沒要求的，有個似是男主管的回覆說，不必加錢。話雖如此，那份烘過的多士，四邊已經變硬，可能烘完後放置太久，反而比用方包更難吃。而餡料就是鹹牛肉煎蛋，賣相絶不討好，令我回味之前在大角咀牧牛冰室那份蛋牛治，分別簡直是天與地！鄰檯的食客，點了沙爹牛肉包和西多士，也說味道麻麻，經對方同意，讓我拍了相片。希望是次試食的水平，只是試業期間才會如