永發廚房 (已結業)

今晚食豉汁排骨煲仔飯+例湯($48)😍今晚第1次黎呢間食呢間開左咁耐未食過6點幾pm都幾多人食野個湯幾好味😶但無渣🙁想食舊肉都無得食今晚終於食到煲仔飯啦😍熱辣辣至食煲仔飯😑等左成20分鐘就上枱都幾快🤔淋左少少豉油撈飯幾好味啲豉油好濃味排骨啲肉黏住啲骨😑咬到我牙都倦食到最後仲有飯焦食唔黏個煲底😍😍😍好耐無食香脆既飯焦~好味😍但食左一半飯焦食唔落食晒啲飯飽到我上心口😑。。。

星期五晚上要加班是等閒事，下班後吃宵夜是常識吧，今晚走到淘大，看到應該是最近才開的茶餐廳，裡面人流挺多，而且環境懷舊中帶新潮，決定試試看。翻開餐牌，選擇很多，不過其實一般茶餐廳也就是這些選擇，所以都不用怎麼看，直接選了至愛蠔仔肉碎泡飯，感覺沒有那麼飽滯。好了，廢話說完，其實我也知道到茶餐廳不應該對他們的服務，食物跟環境有甚麼期望，不過這一家真的不能不發火。先說食物，沒有味道的蠔仔肉碎泡飯還是頭一次吃到，不明白為甚麼可以做到蠔仔，白飯跟湯的味道搭配是完全分開的，份量不足料也就算了，但是不要忘記蠔仔泡飯是盛惠46塊的，既然收這個價錢是不是應該份量再多一些？從味道到份量，吃了根本跟沒吃一樣，更別說飽不飽。飲品就不評了，沒拍照免得沒圖沒真相。從進去到吃完，服務員們好像喪屍一樣，不知道為甚麼不斷舉手也沒人理會，沒有服務自是不在話下，離譜的事客人還沒吃完已經在清潔洗地，沒錯，是洗地不是拖地，有那麼趕時間嗎？那為甚麼不跟客人說明用餐時間呢？花那麼多錢在裝潢上但食物質素跟人手根本就配不上，難怪九龍灣的茶餐廳如車輪轉，真心令人失望的用餐經驗。

上星期六經過淘大商場，差唔多中午時分要搵地方食午餐就到了永發廚房。第一次來到這間茶餐廳，入到去坐低我們點了廈門炒米$38和干燒伊麵。 廈門炒米普普通通但顏色方面好似偏橙，感覺麻麻地。 差不多吃完廈門炒米，還未見干燒伊麵的出現， 再等多大約十分鐘左右終於見到了。 點知食落口係完全沒有味道的，怪唔知放一碟辣醬響度吧！ 開頭諗住忍忍佢食完就走， 但是再吃多一啖真是很難入口，於是叫侍應們過來看一看之後我們換了常餐！幸好常餐是正常的，沒有什麼特別好味但是起碼入到口。 其實到茶餐廳用膳好多時都唔會太大要求，普普通通過得去的食物都可以，因為價錢便宜，所以亦都不敢太高要求吧！唯一一樣值得欣賞的就是當我轉完餐之後， 應該是茶餐廳的經理，很有禮貌地跟我們說唔好意思。 所以希望這間茶餐廳可以改善下他們的食物質素吧！

周末食個早餐，坐低半多個鐘，已感受廳餐百樣醜態。食物方便係冇問題的，中規中矩，早餐蒜蓉包好冇哂，冇得選出前一丁，呢個係小事，但主要想講既係服務質素態度： 第一，落錯單我明明叫生面同埋茶走，但係冇落到只係普通面同埋普通奶茶。 第二，漏單短短半多個鐘已經聽到周圍嘅枱都有漏單嘅情況，D 伙記不斷話廚房冧檔，我落嘅火腿炒蛋都催左三次單先到。 第三，服務態度差感覺門口收銀個肥姐姐一直幫公司倒米，不停鬧客人1) 其中一個客入到黎問有冇早餐，佢就指住個鐘（當時11:33) 話："早餐去到11點半，依家11點七，你話呢？常餐睇下岩唔岩啦"2) 有外賣客打黎想改order, 勁冇禮貌話"出左單喇，改唔到架喇！" 之後cut 線！3) 收左咁耐錢，一直黑面，冇多謝過客人 第四，沒人情味，刻薄在客面前不斷鬧自己伙記：1) 其中一個伙記有禮貌地派單叫客睇下張單岩唔岩，反被自己伙記鬧/嘲笑多餘，手腳慢。2) 其中一個伙記不斷鬧個小妹妹伙記，用粗口鬧佢唔醒目，感覺在找人發洩。 其實早餐時段係繁忙，做到有情緒可理解，但始終餐飲業都係服務行業，咁既服務就算食物有多好，都難留住食客。

今日10點幾個陣其實想去龍城但係見到太多人所以走左去隔離既永發食永發入客速度快而且上菜速度都好快 我叫完個餐 吾洗幾分鐘就有一泥到見到個抄蛋好少 而且抄得吾靚 蛋味吾太出 而且吾滑都幾失敗下令我呢個蛋控極之失望不過令我意想不到係個厚多士下底會有一塊火腿 火腿同腸仔都係冇咩特別同快餐店個啲都係一樣厚多士係已經搽好曬牛油 食落甜甜地 不過不失拉 但係總結泥講應該吾會再泥食了如果要食應該都係去反屋企樓下快餐店算 我仲可以吾洗浪費車錢希望永發食物質素可以提升一下

早前去永發堂食，食物唔係十分出色，但選擇甚多，佢張外賣紙寫送德福花園$150起，家住德福嘅我覺得都可以接受，畢竟附近可以外賣的選擇唔多，諗住搵日再試吓叫外賣。早幾天試了晚市套餐外賣，百幾蚊2個小菜，覺得0k吖！今日再打電話去，接聽的女員工一聽到話送去德福，即刻問我邊一座，告知後佢話：＂X座唔送喎！只送對住嗰幾座＂我話佢知早幾日先order完…佢竟然即刻話：＂個個打打黎都係咁講㗎啦！總之只送對住嗰幾座！＂真係好笑，唔通我呃佢咩？態度差勁👎🏿只會幫老細倒米!! 淘大不斷有新食肆，我唔駛再幫襯佢囉！

行經淘大商場，見到好多好野食，尼間好似係新開既，所以想行入去試下。👻👻入到去地方好大好闊落，位都幾多，坐得幾舒服。😌😌見到menu菜式選擇都好多，除左中式小炒冷盤小餸外，仲有潮州腩河粉麵，煲仔飯，仲有西餐三文治小食拼盤同埋，選擇多到眼花潦亂。😋😋叫左四寶河粉，味道不錯，都幾足料。XO醬炒鮮魷烏冬好夠味，鮮魷幾新鮮同爽口彈牙！星州炒米好夠穫氣！🤤🤤樣樣野食都份量充足，share黎食就幾抵食。👍🏻👍🏻👍🏻

去到牛頭角淘大一帶，食肆眾多，同時人流也多，所以很多食肆都滿客。幸好，彼鄰淘大的牛頭角道，有一晚名為永發廚房的小店，仍未客滿，所以二話不說幫襯一下。這次點了128元的套餐，分別點了西檸雞和韮王蝦仁炒蛋，前菜則點了海哲拍青瓜。此外，套餐還包括兩碗客飯及兩碗例湯，份量足夠，一般來說都會夠食！西檸雞的茨汁做得不錯，適合送飯。不過，炸雞粉多肉少，略為熱氣。韮王蝦仁炒蛋甚為足料，略為乾身，但送飯仍不錯。餐廳的裝修甚有特色，似是在開金金與侵侵的玩笑，值得留意一下！總體而言，每人幾十元就可吃到有小菜的晚飯，算是不錯了﹗

員工垃圾無禮貌，好次黑社會爛仔店咁，食物一般，希望盡快結業，唔好害人，例子一:員工將食物隨便放枱面一角，正當我想將食物拉近，員工大聲叫唔可以拉，咁我唔拉近點食 例子二:員工將食物拿到，因唔方便給他將食物放枱面，佢不停叫Hello Hello hello 當然唔係好聲好氣，臨走仲要俾佢大聲話望乜野，走啦。 依家咁嘅年代仲咁做生意，早早結業唔好害人，咁已經係對社會一大貢獻

今晚同一班朋友去牛頭角體育館打比賽,打完就去食下野行左去永發食下宵夜拿拿聲每人叫一樣野蠔仔肉碎泡飯,奶油豬,五香肉丁公仔麵配火腿炒蛋,咖哩牛肉飯,沙爹牛肉公仔麵配火腿煎蛋,魚蛋河魚蛋河--清清地,d粉都ok,軟硬度適中,魚蛋正常野蠔仔肉碎泡飯--伏.........蠔係肥既,但個湯酸酸地奇怪奶油豬--都ok既少少燶但都夠脆口,連埋煉奶食係幾好食既五香肉丁公仔麵配火腿炒蛋--正常野,麵唔會太淋,不過煎蛋同炒蛋就冇咩分別咖哩牛肉飯--牛肉淋,咖哩味都夠既,...算唔錯

一個西多茶餐外賣，你會覺得我會自己帶刀去切？我唔係榴連乜乜乜隨身有把刀囉！搵齊剩係得個叉但西多大塊過我隻手。無錢就執左佢啦，同埋下次唔使俾叉架啦，俾兩支牙簽咪得囉！唔會再幫襯另外順便鏟下你openrice 囉！我對住個咁樣嘅茶餐已經成肚火，想出個負皮發洩下你叫我作至少二百字俾你？好，我作，80字鏟間鋪120字鏟你！搞咁多嘢即係唔想人寫負評啦，好食值得推介我唔介意寫下字，但我好明顯而家火緊囉！你班人有無人性架！仲要作文？鏟得少！

岩岩同女友行街經過見到呢間新開，試過喜喜已經好失望，試埋呢間睇下點啦。一入去就同門口位姐姐講2位，下午茶時段，冇咩人客，好心你就安排卡位或者4人座，最好都係食你半粒鐘。點知你安排一張面對面既2人座。要我出聲問，可唔可以坐旁邊果張先至話「坐邊都冇所謂架」好啦，因為其實唔肚餓，想是旦食少少野，我選擇左一樣超簡單，唔會難食既野。就係窩夫+凱薩沙律，同加多杯熱啡。雖然$48真心覺得唔抵食，但又唔想食咁多就選擇食呢樣啦。一黎就試野飲先，熱啡，主要睇咖啡豆味道，應該唔會差，嘩⋯⋯成世人未試過一杯咁難飲既咖啡！你到底煲左幾耐呢杯咖啡，淨係飲到苦味，唔係本身咖啡既甘同苦，係煲左好耐既苦。真心飲唔落，同服務員講換左佢，佢地都願意換就算啦。跟住黎窩夫同凱薩沙律，先講窩夫，味道好難差，不過黎到已經幫我落哂糖槳，會唔會可以糖槳另外上呢？算數⋯咁凱薩沙律實冇死啦，一定唔會有問題⋯⋯點知凱薩沙律係落千島醬，冇包粒，有芝士，冇煙肉粒⋯⋯⋯⋯其實可以淨係沙律菜+千島醬+油到底，知唔知咩叫凱薩沙律？餐牌張相就咩都有，黎到又係另一回事。汗⋯⋯⋯試業完都係咁差

新年流流間間都初七初八後先開巿, 今日嚟呢間試食, 之前新開勁多人排隊, 不過呢間都多分店既, 早餐餐牌種類都算多, 有啲選擇困難症, 店內侍應態度都唔算太好客, 落單後都算快上餐, 店內裝修都好有特色, 牆上掛滿碟仿鮑火腿絲通粉配炒蛋多士 - 賣相不錯, 牛油多士最緊要唔好慳皮, 牛油多先好食, 呢間做得到, 炒蛋仲有啲蛋汁流出嚟, 仿鮑絲都有口感, 通粉都不差漢堡扒炒蛋配公仔面 - 可惜呢個餐冇多士跟, 唔太鍾意將啲蛋放喺麵面, 感覺分上會好啲蕃茄肉碎濃湯通粉配奶油豬 - 奶油豬唔夠脆口, 但勝在多醬汁搭救, 蕃茄濃湯都不錯凍檸茶 - 茶底濃, 檸檬唔算新鮮, 味道一般熱奶茶 - 茶底濃, 都有奶香, 不錯總結 :  早餐算係咁, 價錢都係中上價, 隔幾條街新開咗間茶記, 我都好想去試, 見過有特別裝修過可以同呢間比較下

九龍灣最近開多左茶餐廳/冰室，今日黎試下呢間新開既永發廚房！8點多入到去都幾full，坐低發現呢度啲位都幾迫，睇一睇餐牌，嗯？！原來都唔平喎？！唔知質素如何呢？叫左個XO醬炒三絲黎試下，有叉燒，肉絲，火腿，料尚算多，加左啲芝麻上面好香，但。。真係好鹹，我食左一半已經支持唔住🤪🤪🤪

好久也沒有來九龍灣行街，臨近過年，所以特意過來行下。因太晏起床，過到去都變左食下午茶了。因太肚餓，行去淘大途中，看見這餐廳，在店舖外看見餐牌，睇落啲食品好似好吸引，而且還要超多人，所以便入去試試看。店舖環境都很大，但位置坐得太逼狹了，完全手踭碰手踭。不過服務態度超好，非常有禮貌。我們兩個人叫了兩個特餐，A餐（牛油多士，黑松露炒蛋，鮮茄肉碎濃湯通粉）, 另一個是C餐(多士加3蚊轉左蒜蓉法包，豬潤米粉）多士不夠脆，多士條邊那包皮有點堅韌。炒蛋太老，不夠嫩滑，鮮茄湯又不是濃湯😅😅😅，味道都可以的。最大問題就是個豬潤米粉😰😰😰，我都未試過食街外店舖米粉，竟然唔散，一嚿嚿，幾條一起，還要不只 一束😁😁😁，好彩啲豬潤都好食，本嚟朋友叫我叫佢換過一份，我說再換一定會無問啦，連咁基本都咁，換嚟嘥氣加左3蚊改蒜容法包，這個都算可以接受啦，不過都是某大店舖蒜容包比較香口好食價錢都算略高，如果咁既環境，食物質素，我會行多兩步😜😜😜，希望能夠有所改善，除了服務態度超好，真是想不到還有什麼